Шебырев Александр Васильевич
| Шебырев Александр Васильевич | |
|---|---|
 | |
| Чужан лун | 1960 во тулыспом 28 лун (66 лет) |
| Чужанін | |
| Канму | |
| Велӧтчанін | |
| Удж | гижись |
Шебырев Александр Васильевич (1960 во тулыспом 28 лун, Пожӧг, Коми Республика) — коми гижись, журналист, гортладор история туялісь. Россиялӧн журналисттэз да гижиссез союззэзӧ пырись.
Олантуй
Александр Шебырев чужис 1960 во тулыспом 28 лунӧ Коми АССР-ись Кулӧмдін районлӧн Пожӧг посадын. 1977 воӧ помаліс гортся шӧрӧт школа. Велӧтчис Сыктывкар канмуся университетісь экономика факультетын. Помаліс сійӧ 1986 воӧ да пырис уджавны «Пожегодскӧй» совхозын экономистӧн. 1987—1988 воэзӧ вӧлі ВЛКСМ Кулӧмдін райкомлӧн медодзза секретарьӧн[1].
1989—2003 воэзӧ уджаліс Кулӧмдін районлӧн «Ленин туйӧд» нима газетаын (постсоветскӧй кадӧ лоис «Парма гор»). Медодз вӧлі корреспондентӧн, сёрӧнжык лоис редактор вежлісьӧн[2].
2003 восянь юралӧ Тима Вень нима Помӧсдін школаись гортладор туялана музейӧн да «Росток» нима литература чукӧрӧн[3].
Гижан удж
1991 восянь Александр Шебырев пырö СССР-са журналисттэзлöн, да 2010 восянь — Россиялӧн гижиссез союззэзӧ[1].
Гижӧ комиӧн, паськытжыка тӧдса кыдз кывбур гижись. Гижны кутчис 1980-ӧт воэз помын. Кывбуррес йӧзӧтӧмӧсь «Арт», «Войвыв кодзув», «Чушканзі» журналлэзын, а сідзжӧ «Сикӧтш», «Мелілуныс пыдӧстӧм и помтӧм» да мӧдік ӧктӧттэзын[4].
Сы кывбуррез вылӧ тэчӧм уна сьыланкыв. Ачыс гижӧ шылад. Чукӧртіс «Бордъяс» нима сьылан-орсан группа. 2011 восянь Помöсдiнын Александр Шебырев инициатива сьӧрті чулӧтьсӧ «Ва берд» нима бард фестиваль[3].
Сёрӧнжык кутчис прозаӧ, гижӧ висьттэз, да сідзжӧ пьесаэз. Сы «Дöмаса халат» да «Жöник» пьесаэз сьӧрті спектакллез керисӧ республикася коми театррез[3].
Гижисьлöн петicӧ «Олöм туйтi» (2017), «Фараон» (2019), «Меным югыдыс тырмис» (2024) небöггез[5].
2025 воӧ Ӧтувья коми диктант гижӧм понда вӧлі босьтӧм Александр Шебыревлӧн висьт[6].
Донтан пассэз да премияэз
- Коми АССР-лӧн министррез Советсянь почётнӧй грамота (1983, 1990);
- Коми Республика велӧтӧм министерствосянь почётнӧй грамота (2015);
- Коми Республика культура, туризм да архив удж министерствосянь почётнӧй грамота (2016);
- Коми Республика юраліссянь аттьӧалан (2019);
- А. Е. Ванеев нима премия Коми Республика литератураӧ ыджыт пай пуктӧм понда (2025);
- «Эзысь борд» республикаса литературнӧй премия: «Проза» (2008, 2017), «Поэзия» (2014) номинацияэзын;
- «Вося медбур небӧг» республикася конкурсын «Медбур коми кывья небӧг» номинацияын лауреат (2019, 2025).
Асторья олан
Олӧ Помӧсдінын. Гӧтыра, иньыс — коми кыв да литература велӧтісь Ольга Шебырева. Быдтісӧ кык ныв — Анастасия да Людмила[7].
Пасйӧттэз
- ↑ 1 2 Шебырев Александр Васильевич. Национальная библиотека Республики Коми. Видзӧтӧм 19 Арпом 2025.
- ↑ Александр Шебырев. АРТ - Республиканский литературно-публицистический, историко-культурологический, художественный журнал. Видзӧтӧм 19 Арпом 2025.
- ↑ 1 2 3 Александр Васильевич Шебырев – журналист, поэт, композитор, Сайт Усть-Куломской межпоселенческой библиотеки. Дата обращения: 19 Арпом 2025.
- ↑ Лекарство от душевных драм, Литературная Россия (30 Одзтулыс 2023). Дата обращения: 19 Арпом 2025.
- ↑ «Лыддьысям комиöн» / Обзор краеведческих новинок «Читаем на коми языке», Национальная библиотека Республики Коми (7 Тулысшӧр 2025). Дата обращения: 19 Арпом 2025.
- ↑ Сыктывкарын Коми Республикаса вужвойтырлӧн небӧгаинын Ӧтувъя коми диктант гижӧмлӧн кывкӧртӧдъяс. Дінмукоста ӧтйӧза ӧтмунӧм "Коми войтыр" (2025-03-03). Видзӧтӧм 19 Арпом 2025.
- ↑ Мама пятерых детей из Коми Анастасия Уляшева: «Это кайф – любить свой хаос», Комсомольская правда - Коми (21 Одзтӧв 2019). Дата обращения: 19 Арпом 2025.