Чиркунов Олег Анатольевич
| Чиркунов Олег Анатольевич | |
|---|---|
 | |
|
| |
 Пермскӧй крайлӧн 1 губернатор
|
|
| 2005 во одзтӧв 1 лун — 2012 во тулысшӧр 28 лун | |
| Одззася уджалісь | постыс аркмӧтӧм |
| Одзлань уджалісь | Виктор Басаргин |
|
Пермскӧй область губернаторлісь у.к.
|
|
| 2004 во одзтулыс 25 лун — 2005 во одзтӧв 1 лун | |
| Одззася уджалісь | Юрий Трутнев |
| Одзлань уджалісь | постыс абусьӧтӧм Пермскӧй край аркмӧтӧм шогья |
|
|
|
| Чужӧм |
1958 во арпом 15 лун Кировск кар, Мурманск область, РСФСР, СССР |
| Партия | партияӧ пыртчытӧм |
| Велӧтчӧм |
1. Пермскӧй политехническӧй институт (1981) 2. СССР КГБ Высшӧй школа (1985) 3.Пермскӧй государственнӧй университет (1988) |
| Учёнӧй степень | экономика кандидат |
| Вичку | правславнӧй вичку[d] |
| Донтан пассэз |
 |
| Сайт | perm.ru/eng |
| Уджаланін | |
 Медиафайлы на РУВИКИ.Медиа | |
Чиркунов Олег Анатольевич (1958 во арпом 15 лун, Кировск, Мурманск область, РСФСР, СССР) — российскӧй государственнӧй деятель. Пермскӧй крайлӧн губернатор (2005—2012). Федерация Советлӧн член (2001—2004).
Олантуй
Челядькад да велӧтчӧм
Чужис 1958 во арпом 15 лунӧ Мурманскӧй областись Кировск карын[1]. 1967 воӧ аймамнас локтіс овны Перемӧ[1]. Помаліс Перемись математика пыдына велӧтана шӧрӧт № 9 школа.
1981 воӧ Чиркуновыс помаліс Пермскӧй политехническӧй институт «экономика да машина строитан произодство организуйтан производство» специальность сьӧрті[1][2]. 1983—1985 вӧлі Перемись Ленинскӧй райкомын мӧдӧдз секретарьӧн[1]. Вӧлі КПСС-ӧ пырисьӧн. 1985 воӧ помаліс СССР КГБ Высшӧй школа на уджаліс КГБ-ас[1].
1988 воӧ помаліс Пермскӧй государственнӧй университетісь юридическӧй факультет[1][2], 1990 воӧ дорйис экономика кандидат диссертация Иваноскӧй государственнӧй университетын[1][2].
Бизнесын
СССР разьсьӧм одзсянь 1994 воӧдз Чиркуновыс уджаліс Швейцарияын вузасян представительвоын экспертӧн[1]. Сы кадӧ аслас комсомол кадся ёрткӧт Юрий Трутневкӧт пондіс экспортируйтны Европаись вузасянторрез Трутневыс «ЭКС» фирма пырйӧт. Ваялісӧ Россияас швейцарскӧй шоколад, Victorinox пурттэз да мӧдік берсятор[3].
1994 воӧ Чиркуновыс бертіс Перемас да кутчис уджавны «ЭКС» фирмаас. 1994 восянь вӧлі «Группы предприятий „ЭКС“» генеральнӧй директор вежлісьӧн, 1996 восянь «Экс Опт» директорӧн, компанияыс специализируйтчис сёянторрез импортын[2]. 1997 во одзтӧсянь — ООО «Группа предприятий „ЭКС“» директор[2]. 1997 воӧ Трутневсӧ бӧрйисӧ Перем мэрӧн, да Чиркуновыс небис сылісь «ЭКС» группасӧ.
2013 во кеж «ЭКС» группаас пырисӧ «Семья» нима 34 магазиннэз, кык сы нима жӧ вузасян центр, паськӧм магазиннэз, «Диско» дискаунтер вез, «Смак» марка нимӧн сёянтор керӧтан[4]. «Семья» везыс вӧлі медыджыт вузасян веззэзісь Пермскӧй крайын да контролируйтіс торья вузасянісь 30—40 %[5].
Политика
1997 воӧ вӧлі бӧрйӧм Пермскӧй область Законодательнӧй собраннёӧ, кутис юравны «Диалог» нима депутатскӧй чукӧрӧн, кӧда дорйис Перем мэрия регион парламентын[6]. Нёль во бӧрті юраліс Трутневыс штабӧн Пермскӧй область губернатор бӧрйӧм коста. Трутневыс вермӧм бӧрын 2001 во тӧвшӧр 18 лунсянь Чиркуновыс вӧлі пуктӧм Федерация Советӧ губернатор представительӧн. Вӧлі сенатас бюджет сьӧрті комитет председатель вежлісьӧн[1][2], 2002 восянь — асшогмӧм монополияэз сьӧрті комиссия членӧн[2][7].
Пермскӧй крайлӧн губернатор
2004 во одзтулыс 25 лунсянь Чиркуновыс вӧлі пуктӧм Пермскӧй область губернаторлісь удж керисьӧн[1][8]. Российскӧй Федерация законкуд сьӧрті губернатор бӧрйӧмсӧ коліс чулӧтны куим тӧлісь коста, но сідз кыдз Пермскӧй область да Коми-Пермяцкӧй автономнӧй округ сы кадӧ вӧлісӧ ӧтлаӧтан процессын 2003 вося референдум сьӧрті, губернатор удж керись статусыс, Российскӧй Федерация президент Владимир Путин вӧзйӧм сьӧрті, вӧлі дырсьӧтӧм кык регион ӧтлаӧтӧмӧдз[7][9]. Чиркуновыслӧн кандидатураыс Пермскӧй край губернатор пост вылӧ вӧлі вӧзйӧм президентӧн, сійӧ бурсьӧтісӧ Пермскӧй область да Коми-Пермяцкӧй автономнӧй округлӧн Законодательнӧй Собраннёэз 2005 во аршӧрӧ. Постас Чиркуновыс пырис 2005 во одзтӧв 1 лунӧ, да лоис ӧння кадся Россияын медодзза пуктӧм губернаторӧн[10][11].
2010 во арпомӧ Чуркуновыс вӧлі пыртӧм «Ӧтласа Россия» партиясянь Пермскӧй крайись юралісьӧ кандидаттэз нимлёдзӧ, кӧдӧ сетӧмась РФ президент Дмитрий Медведевлӧ. Юралісьыс сетіс Чиркуновлісь кандидатурасӧ вынсьӧтӧм кеж краевӧй парламентлӧн депутаттэзлӧ, кӧдна сійӧ бурсьӧтісӧ. Сія жӧ тӧлісьӧ Чиркуновыслӧ вились сетісӧ губернатор пост[12].
2012 во тулыспом 9 лунӧ Чиркунов пантасис Дмитрий Медведевкӧт да юӧртіс, мый сія мӧдӧ мунны удж вывсис. 2012 во тулыспом 28 лунӧ сійӧ лэдзисӧ отставкаӧ. Пермскӧй край губернатор удж керисьӧн вӧлі пуктӧм Виктор Басаргин.
Реформаэз
Бюджет аркмӧтан отрасллез чинӧм кузя Чиркунов вӧзйис чинтыны прибыль вылӧ вот 24%-сянь 20 %-ӧдз региональнӧй тор сьӧрті, и пыртіс этӧ мерасӧ олӧмӧ 2006 во тӧвшӧр 1 лунсянь. Во сьӧрна вот вештіссезлӧн лыдыс содіс 3 %, а вот босьтӧмсянь доходдэз — 8,6 % и одзлань содісӧ сыбӧрся годдэзӧ.[11][13]
Ӧткоста, 2005 восянь, пондӧтчис госуправленнёлӧн реформа, кӧда сьӧрті Россияын медодззаись государственнӧй тшупӧт вылын вӧлі пыртӧма управленнёлӧн функционально-целевӧй модель. Регион соссис отраслевӧй управленнё модельись, а сідзжӧ странаын медодззаӧн лӧсьӧтіс куимвося бюджет, кӧдаын расходнӧй статьяэз торйӧтӧмась мунан расходдэз вылӧ, необязательнӧй статьяэз вылӧ да дыр кадся обязательствоэз вылӧ. Юралан органнэзын пыртӧм электроннӧй документооборот, а чиновниккезлӧ тшӧктӧм отир одзын висьтасьны асланыс удж йылісь. Примерсӧ сетіс ачыс губернаторыс, кӧда регионнэзлӧн юраліссез коласын медодззаэз коласісь ӧтікӧн пондӧтіс нуӧтны ЖЖ, а сыбӧрын торья блог WordPress вылын[11].
Чиркуновлӧн администрация паськӧтіс муниципалитеттэзлісь полномочиеэз да тӧдчӧмӧн содтіс нылӧ финансируйтӧмсӧ, сы лыдын, приоритетнӧй краевӧй проекттэз сьӧрті[14]. Содтӧтӧн муниципалитеттэзлӧ сетісӧ 15 % НДФЛ да транспортнӧй вот, кӧднӧ босьтӧны регионын[11]. Медбы ӧдззӧтны крайын оліссезӧс горт юралӧм уджӧ, вӧлі лэдзӧм программа «Активнӧй граждана — вына муниципалитет» (рочӧн «Активные граждане — сильный муниципалитет»), кытчӧ пырисӧ благоустройство сьӧрті гражданскӧй инициативаэз сьӧмӧн ӧтлаӧтӧм 1 к 3 пропорцияын (2012 год кежӧ). Медбы видзӧтны, кыдз муниципалитеттэзлӧн юраліссез керӧны асланыс обязанносттез сьӧрті, уджаліс проект «Оланіннэзлӧн кураторрез» (рочӧн «Кураторы поселений»), кӧда сьӧрті муниципалитеттэзлӧн лоисӧ кураторрез краевӧй администрацияись чиновниккез коласісь[15].
Пермскӧй культурнӧй революция
Чиркуновыс лоис сідз шуана Пермскӧй культурнӧй революциялӧн инициаторӧн. 2008 во одзарӧ ІV Пермскӧй экономическӧй форум коста Пермскӧй крайлӧн губернатор висьталіс культура йылісь, кыдз территорияэз да экономика зорӧтан шӧр инструмент йылісь. Выступленнёыс сюрис кадӧ, кӧр реставрируйтӧм Речнӧй вокзал керкуын оссис ӧння кадся российскӧй искусство выставка «Русское бедное», кӧда вӧлі Пермскӧй ӧння кадся искусство музейлӧн PERMM пилотнӧй проектӧн, сія ӧлі керӧм коллекционер да меценат Сергей Гордеев отсӧтӧн. Выставка вылас Чиркунов тӧдсасис сія кураторкӧт Марат Гельманкӧт (пуктӧм иноагентӧн). Недыр мыйись сія лоис Перемын культура зорӧтан главнӧй идеологӧн, а веськӧтлӧмыс вӧлі сетӧм виль культура министрлӧ, Пермскӧй академическӧй драма театрлӧн художественнӧй юралісь Борис Мильграмлӧ[11].
PERMM музейыс осьтіс арт-резиденцияэз да паблик-арт программа, кӧда сьӧрті карын вӧлісӧ сувтӧтӧмӧсь уна объекттэз: Николай Ридныйлӧн бетонісь шыпассэз «Власть», Андрей Люблинскийлӧн гӧрд морттэз, Николай Полисскийлӧн пермскӧй воротаэз, стрит-артӧн нюжӧтӧм стенаэз да сідз одзлань. Вӧлі осьтӧм Пермскӧй дизайн зорӧтан шӧрин, кӧдаӧн мыйкӧ дырна юраліс Артемий Лебедев, Эдуард Бояков лӧсьӧтіс «Сцена-Молот» театр, П. И. Чайковский нима Пермскӧй опера да балет театрӧн юраліс Теодор Курентзис. Карын мунісӧ уна культурнӧй фестиваллез: «Территория», «Пикник „Афиши“», «Живая Пермь», «Белые ночи».
Культурнӧй революцияыслӧн вӧлісӧ идеологическӧй паныталіссез, местнӧй прессаын муніс публичнӧй дискуссия сы йылісь. Гижись Алексей Иванов, культурнӧй революциялісь ӧтік главнӧй критик, шуис унизительнӧйӧн сійӧ ситуациясӧ, кӧр зорӧтан драйверӧн мунӧ «московскӧй десант», а не гортся художниккез[16].
Мӧдік
Госслужбаись мунӧм бӧрын Олег Чиркуновыс уджаліс велӧтісьӧн ВШЭ-ын, бӧра керис бизнес да гӧняйтіс мирӧт[17]. 2013 воӧ лэдзис «Государство и конкуренция» нима небӧг. 2014 во тӧвпомӧ Чиркуновыс висьтліс, мый бӧрйӧм олӧминнас Франция[18]. 2016 воӧ овмӧтчис Францияӧ, небис виноградниккез да керӧтӧ вина[19].
Публикацияэс
Небӧггес
- Олег Чиркунов. Штрихи. — Пресс-центр, 2003. — 2000 экз.
- Олег Чиркунов. Государство и конкуренция. — М.: Новое Литературное Обозрение, 2012. — 240 с. — ISBN 978-5-86793-961-8.
Статьяэс
- Малый бизнес: Невменяемый налог // Ведомости. 2002.
- О социально-экономическом и политическом положении Пермской области. Доклад исполняющего обязанности губернатора. Пермь, 17 июня 2004 года.
- О социально-экономическом и политическом положении Пермской области. Доклад исполняющего обязанности губернатора. Пермь, 23 июня 2005 года.
- О социально-экономическом и политическом положении Пермского края. Доклад губернатора Пермского края. Пермь, 22 июня 2006 года.
- Доступное жилье: Управление горячим рынком // Ведомости. 2006.
- Региональная политика: Условие развития — конкуренция // Ведомости. 2006.
- Социально-экономическое и политическое положение Пермского края. Доклад губернатора Пермского края 19 июля 2007 года.
- Государственное управление: Деловой подход // Ведомости. 2007.
- Создание города: конкуренция за людей мыслящих // Экономическая политика. 2008. № 5. С. 5 — 8.
- Здравоохранение: конкурентная модель // Экономическая политика. 2008. № 4. С. 157—169.
- Государство и конкуренция // Экономическая политика. 2008. № 1. С. 196—203.
- Социально-экономическое и политическое положение Пермского края. Доклад губернатора Пермского края 18 декабря 2008 года.
- Здравоохранение: Конкурентная модель // Ведомости. 2008.
- Коллективная безответственность // Коммерсантъ-Власть. 2010. № 44 (898).
- Экономическое чудо: рынок и культура // Вопросы экономики. 2010. № 9. С. 15 — 25.
- Традиционные формы региональной поддержки промышленности // Вопросы государственного и муниципального управления. 2010. № 3. С. 73 — 88.
- Социально-экономическое и политическое положение Пермского края. Доклад губернатора Пермского края 18 марта 2010 года. Пермь: Агентство «Стиль-МГ», 2010. — 40 с.
- Амбиции многослойного города // Эксперт. 2010. № 36 (720). С.76 — 79.
- Электронное правительство региона // Экономическая политика. 2010. № 5. С. 112—117.
- Инновационное развитие промышленного региона // Экономическая политика. 2010. № 3. С. 46 — 63.
- Компактный город // Экономическая политика. 2011. № 2. С. 85 — 94.
- Арифметика градопланирования // Эксперт. 2011. № 10 (744).
- Закон о госзакупках превратился в лазейку для неэффективной работы // Ведомости. 2011. № 52 (2818).
- Налоговые законы написаны кровью бизнесменов // Ведомости. 2011..
- У нации должна быть мечта // Ведомости. 2011. N 179 (2945).
- Технология государственного управления: делегирование полномочий // Государственная служба. 2011. № 2. С. 13-16.
- Открытые коды управления регионом // Государственная служба. 2011. № 3. С. 40-46.
- Управление мотивами в здравоохранении // Вопросы экономики. 2011. № 10. С. 132—141.
- Заложники справедливости // Эксперт. 2011. № 48 (781)
Донтан пассэз
- Почёт орден (2012)[20].
- «Музыкальное сердце театра» нима национальнӧй премиялӧн лауреат шылад театрлӧ отсӧт понда (2007).
Пасйӧттэз
- ↑ 1 2 3 4 5 6 7 8 9 10 Олег Чиркунов // Русский репортёр
- ↑ 1 2 3 4 5 6 7 Чиркунов Олег Анатольевич // Совет Федерации
- ↑ Лариса Виноградова, Ринат Гизатулин Уральские самоцветы. Профиль (1999-06-21). Видзӧтӧм 16 Тӧвпом 2021.
- ↑ Вячеслав Суханов, Светлана Быкова ФоршСмак. Коммерсантъ (2013-07-26). Видзӧтӧм 16 Тӧвпом 2021.
- ↑ «Семью» не продать. Эксперт (2008-11-28). Видзӧтӧм 16 Тӧвпом 2021.
- ↑ Максим Сидоров Сенатор пересел в губернаторское кресло. Коммерсантъ (2004-03-13). Видзӧтӧм 10 Тӧвпом 2020.
- ↑ 1 2 Николай Иванов В губернаторской эстафете победила дружба. Независимая газета (2004-03-16). Видзӧтӧм 10 Тӧвпом 2021.
- ↑ Указ Президента России от 25 марта 2004 года № 395 «О временно исполняющем обязанности губернатора Пермской области» Архивировано 22 Тӧвпом 2014 года.
- ↑ Биография Олега Анатольевича Чиркунова. РИА Новости (2012-04-28). Видзӧтӧм 21 Тӧвпом 2020.
- ↑ Губернатор United. Профиль (2005-10-17). Видзӧтӧм 21 Тӧвпом 2021.
- ↑ 1 2 3 4 5 Артём Коваленко Губернатор вне системы. Эксперт (2012-05-28). Видзӧтӧм 21 Тӧвпом 2021.
- ↑ Биография Олега Анатольевича Чиркунова РИА Новости (28.04.2012)
- ↑ От редакции: Награда за смелость. Ведомости (2008-06-20). Видзӧтӧм 23 Тӧвпом 2021.
- ↑ Дугар Санжиев Муниципальный выигрыш шестидесятого размера. Экономика и жизнь (2006-08-04). Видзӧтӧм 26 Тӧвпом 2021.
- ↑ С оглядкой на КПСС. Эксперт (2012-02-13). Видзӧтӧм 10 Тулыспом 2019.
- ↑ Саша Денисова Бильбао по-русски. Эксперт (2009-08-20). Видзӧтӧм 11 Одзтулыс 2021.
- ↑ Изотов И. Пермский экс-губернатор не жалеет о своем уходе // Российская Газета. — 2013. — 28 апр.
- ↑ Константин Стерледев. Олег Чиркунов решил переехать во Францию Коммерсантъ-Прикамье (04.02.2014)
- ↑ Миллион евро на виноградник. Forbes рассказал о жизни Олега Чиркунова во Франции Business Class (09.10. 2019)
- ↑ Указ Президента Российской Федерации от 2 мая 2012 года № 550 «О награждении орденом Почёта Чиркунова О. А.» Архивная копия от 22 Тӧвпом 2014 на Wayback Machine Официальный сайт Президента России