Челядь небӧг карта
| Челядь небӧг карта | |
|---|---|
 | |
| Пондӧтчан кад | 2026 во |
| Кытӧн |
 Российскӧй Федерация |
| Мыля | школаодзся челядь велӧтан канмуся программа |
| Участниккез | 3-6 вося челядь |
Челядь небӧг карта (рочӧн Детская книжная карта) — Российскӧй Федерацияын канмуся школаодзся челядь велӧтан программа, кӧдӧ Россиялӧн президент Владимир Путин инициируйтіс 2025 во одзгожум 5 лунӧ чулӧтӧм роч кыв да Россияын оліссезлӧн кыввезлӧ отсӧт сетан канмуся политика реализуйтӧм сьӧрті совет заседаннё коста[1]. Пондӧтчас 2026 восянь[2]. 3 сюрс руба карта керӧм 3-6 вося кагаэз понда[3]. Сійӧн позяс небны 10 небӧг, кӧднӧ бурсьӧтасӧ эксперттэз[4].
Аркмӧтӧм
2025 во одзгожум 5 лунӧ роч кыв да Россияын оліссезлӧн кыввезлӧ отсӧт сетан канмуся политика реализуйтӧм сьӧрті совет заседаннё коста Россиялӧн президент Владимир Путин вӧзйис «Пушкинскӧй карта» моз лӧсьӧтны «Челядь небӧг карта»[1]. Юралісь шуӧмӧн, сы номиналыс должен лоны куим сюрс руб, сія лӧсьӧтӧм 3-6 вося челядь понда, мед небны небӧггез, кӧдна ошкӧмӧсь литераторрезӧн, психологгезӧн да школаодзся велӧтӧмын специалисттэзӧн[3]. Владимир Путин тодиляліс, мый небӧггеслӧн доныс вӧлі сэтшӧм, медбы ӧтік картаӧн позис небны дас небӧгся не етшажык[1]:
Небӧг - быдтӧмісь да увтыр традицияэзісь кидтӧмтана тор. И челядь понда небӧггез, кӧдна осьтӧны ыджыт, классическӧй литератураись нравственнӧй ценносттеза мирӧ туй, колӧ, мед дӧнзисӧ быдӧнныслӧ.
Уджӧ лэдзӧм
«Челядь небӧг карта» планируйтӧм лэдзны 2026 восянь[2]. Кыдз висьталіс президентлӧн отсалісь Елена Ямпольская, программаыс лоас ыджыт стимулӧн региональнӧй издательствоэз зорӧтӧм понда[1]. Сія вӧзйис и карта нимлісь ӧтік вариант — «Золотой ключик»[1]:
Баитны ко ним йылісь, лысьта вӧзйыны: поди, "Золотой ключик"? Зарниа иган, кӧдӧн осьтсьӧ кагаыслӧ ыджыт литература мирӧ ыбӧс.
Паськӧтӧм
Видзчиссьӧ, мый программаас пондасӧ пырны 7-8 миллион мымда 3-6 вося кага[5].
Пасйӧттэз
- ↑ 1 2 3 4 5 Заседание Совета по реализации госполитики в сфере поддержки русского языка и языков народов России. Президент России (05.06.2025). Видзӧтӧм 30 Одзгожум 2025.
- ↑ 1 2 Три тысячи на книжки. Путин предложил с 2026 года выдавать дошкольникам детскую книжную карту. Фонтанка.ру (05.06.2025). Видзӧтӧм 30 Одзгожум 2025.
- ↑ 1 2 Путин предложил запустить программу "Детская книжная карта" - Российская газета. Российская газета (2025-06-05). Видзӧтӧм 30 Одзгожум 2025.
- ↑ Путин предложил выпустить «детскую карту» на ₽3 тыс. для покупки книг. РБК (05.06.2025). Видзӧтӧм 30 Одзгожум 2025.
- ↑ Дети в России. Федеральная служба государственной статистики (01.06.2024).