Франциск (римскӧй папа)

Босьтöм Рувикиись
Вежавидзана римскӧй папа
Франциск
лат. Franciscus
Франциск
Папа Франциск 2021 воӧ
Coat of arms of Franciscus.svg
Флаг
266-ӧт римскӧй папа
2013 во одзтулыс 13 лун — 2025 во тулысшӧр 21 лун
Бӧрйӧм 2013 во одзтулыс 13 лун
Интронизация 2013 во одзтулыс 19 лун
Вичку Римско-католическӧй вичку
Одззася Бенедикт XVI
Флаг
 Буэнос-Айрес архиепископ да Аргентиналӧн примас
1998 во тӧвпом 28 лун — 2013 во одзтулыс 13 лун
Одззася Антонио Кваррасино
Одзланься Марио Аурелио Поли
Учёной тшупӧт Енкыв вежӧртӧм доктор
Чужан ним Хорхе Марио Бергольо
Чужтӧння ним Jorge Mario Bergoglio
Чужан лун 1936 во одзтӧв 17 лун(1936-12-17)[1][2][…]
Кулан лун 2025 во тулысшӧр 21 лун
Ай Марио Хосе Бергольо[d]
Мам Реджина Мария Сивори[d]
Пресвитерскӧй хиротония 1969 во одзтӧв 13 лун
Монашествоӧ пыртчӧм 1973 во тулысшӧр 22 лун
Епископскӧй хиротония 1992 во одзгожум 27 лун
Кардинал 2001 тӧвпом 21 лун
Кырымпас Изображение автографа
Донтан пассэз
Логотип РУВИКИ.Медиа Медиафайлы на РУВИКИ.Медиа

Франциск (лат. Franciscus, итал. Francesco), бӧрйӧмӧдз — Хорхе Марио Бергольо (исп. Jorge Mario Bergoglio; 1936 во одзтӧв 17 лун, Буэнос-Айрес[d] — 2025 во тулысшӧр 21 лун, Ватикан) — 266-ӧт римскӧй папа[4]. Бӧрйӧм 2013 одзтулысӧ. Историяын медодзза Америкаын чужӧм папа да медодзза 1200 во сьӧрна папа, кӧда абу чужӧм Европаын (сы одзын вӧлі Сирияын чужӧм Григорий III, кӧда юраліс 731—741 воэзӧ)[5]. Папаэзісь медодзза иезуит. Папа Григорий XVI (1831—1846) кадсянь папаэзісь медодзза монах[6].

Куліс 2025 во тулысшӧр 21 лунӧ[7].

Олантуй

[вильмӧтны | править код]
Хорхе Марио Бергольо сулалӧ 2-ӧт лёдзас, шульгаладорсянь 4-ӧт, 1948 во

Хорхе Марио Бергольо чужис Буэнос-Айресын 1936 во одзтӧв 17 лунӧ итальянскӧй эмигранттэз, кӧрттуй вывся уджалісь Марио Джузеппе Бергольо да сы инь Реджина Мария Сивори семьяын.

Вит кагаись медучӧт[8]. Велӧтчис химик-технологӧ.

Велӧтчис Вилья-Девото семинарияын Буэнос-Айресын.

1958 во одзтулыс 11 лунӧ пырис иезуиттэз орденӧ. Сэсся велӧтчис Буэнос-Айресісь Вежа Иосиф колледжын, кытӧн лоис философия сьӧрті лиценциатӧн.

Уджаліс литература, философия да теология велӧтісьӧн Буэнос-Айресын куим католическӧй колледжын. Чужан кылыс испанскӧй, тӧдӧ итальянскӧй да немецкӧй кыввез.

Ачыс висьтасьлӧм, мый вичкуӧ пыртыттӧдз уджалӧм вышибалаӧн ночнӧй клубын, уборщикӧн да лаборантӧн.

Иезуит[вильмӧтны | править код]

1969 во одзтӧв 13 лунӧ Бергольо вӧлі пуктӧм священникӧ. Вӧлі ыстӧм уджавны Аргентина юркарись Сан-Мигель колледжись богословскӧй факультетӧ профессорӧн. 1970 воэзӧ сія уджаліс Аргентина иезуиттэз орденын быдкодь посттэзын.

Иезуиттэз орденлӧн веськӧтліссез, кӧдна вӧлісӧ впечатленӧсь Хорхе Мариолӧн лидерскӧй кужӧммезӧн, лэбтісӧ Бергольоӧс статусын. 1980 воӧ вӧлі пуктӧм аслас альма-матер — Вежа Иосиф семинария ректорӧн. Уджаліс постас 1986 воӧдз. Сыбӧрын Германияын дорйис доктор диссертация и бертіс гортас кыдз Кордова архиепископствоись исповедник да духовнӧй директор.

Епископ[вильмӧтны | править код]

Кардинал Хорхе Марио Бергольо Аргентиналӧн президент Кристина Фернандес де Киршнеркӧт пантасьӧм коста, 2010 во

1992 во тулыспом 20 лунӧ Бергольоӧс сувтӧтӧны Буэнос-Айреслӧ отсасьысь епископӧ титулярнӧй епископ Ауки титулӧн. Сійӧ сувтӧтіс епископӧ 1992 во одзгожум 27 лунӧ Буэнос-Айрес кафедральнӧй соборын Буэнос-Айрес архиепископ кардинал Антонио Кварасино. Кӧр лоис вежӧртана, мый Кардинал Кваррасино чожа пондас тыртны ассис служебнӧй обязанносттез, Бергольоӧс 1997 во одзгожум 3 лунӧ иньдӧны коадъюторӧн (епархияись правоа епископӧн) Буэнос-Айрес архиепископ.

Кардинал Кварасино кулӧм бӧрын 1998 во тӧвпом 28 лунӧ сія лоис Буэнос-Айреслӧн виль архиепископӧн. 1998 во арпом 6 лунӧ сія вӧлі сувтӧтӧма ординарийӧн Асыввыв обрядысь католиккезлӧн Аргентинаын, кӧдналӧн эз вӧв аслас иерарх (сы лыдын роч католиккезлӧн миссия[9]).

Кардинал[вильмӧтны | править код]

Кардинал Х. М. Бергольолӧн герб

2001 во тӧвпом 21 лунӧ римскӧй папа Иоанн Павел ІІ сувтӧтіс Бергольосӧ кардиналӧ консистория вылын Ватиканын. Сія босьтіс Сан-Роберто-Беллармино вичку ним.

Кыдз кардинал Бергольо вӧлі назначитӧм сразу Римскӧй куриаын кынымкӧ административнӧй пост вылӧ. Сія вӧлі членӧн духовенство делоэз сьӧрті конгрегацияын, богослужение да таинствояс дисциплина сьӧрті конгрегацияын, посвящённӧй олан институттэз сьӧрті конгрегацияын да апостольскӧй олан обществоэзын. Бергольо сідзжӧ лоис Латинскӧй Америка сьӧрті Комиссияын да Папскӧй Семья йылісь Советын членӧн.

Кардинал Бергольо вӧлі тӧдса аслас личной скромностьӧн, доктрина сьӧрті консерватизмӧн да социальнӧй справедливость делолӧ преданнёӧн. Нуӧтіс ӧддьӧн простӧй олан, мый сетіс мыйкӧ аслас репутацияӧ. Оліс неыджыт квартираын, кӧда етша мыччаліс архиепископ двореч, ӧткажитчис личнӧй лимузинлісь шофёрокӧт общественнӧй транспорт вылӧ и, кытшӧмкӧ юӧррез сьӧрті, ачыс лӧсьӧтліс аслыс сёян.

2005 во тулысшӧр 15 лунӧ морт правоэз сьӧрті юрист пондӧтіс Бергольо вылӧ уголовнӧй обвинение, кӧда висьталіс сы йылісь, что сія ӧтлаасис военнӧй хунтакӧт, кӧда 1976 воӧ похититіс кык иезуитскӧй попӧс[10]. 2013 во одзтулыс 17 лунӧ аргентинскӧй судья Херман Кастелли, кӧда видзис этӧ делосӧ, висьталіс La Nación газетаын интервьюын, мый «Заявленнёэз сы йылісь, что (Римскӧй папа) Хорхе Бергольо „сдайтіс“ этӧ священниккесӧ, — полнӧй бӧбӧтчӧм. Мийӧ быдӧс анализируйтім, кывзім этӧ версиясӧ, видзӧтім очевиднӧй факттэз вылӧ и локтім кывкӧртӧтӧ, что сы действиеэз сія случайезӧ абу юридическӧй соучастие. Вӧлі бы мӧднёж, мийӧ бы эта йылісь юӧртім».

Папабиль[вильмӧтны | править код]

Епископ Бергольо,
2008 во

Римскӧй папа Иоанн Павел ІІ кулӧм бӧрын Бергольоӧс корӧмась Ватиканӧ участвуйтны 2005 годся папскӧй конклав вылын кыдз кардинал-избирательӧс. Кӧть Бергольоӧс и лыддисӧ папабильӧн, но конклавыс сёжӧ бӧрйис виль папаӧн кардинал Иозеф Ратцингерӧс. Но конклавас участвуйтісь ӧтік кардиналлӧн анонимнӧй дневникыс, кӧда вӧлі йӧзӧтӧм 2005 во одзарӧ, и кӧдалӧн подлинностьыс абу стӧча тӧдса, мыччалӧ, что Бергольо лоис Конклавас Ратцингерлӧн главнӧй соперникӧн.

Эта документ сьӧрті Бергольо получитіс 40 голос куимӧт баллотируйтчӧм вылын, но голосуйтӧмлӧн нёльӧт турын, кӧда лоис решающӧйӧн, сылӧн результатыс лоис только 26 голос.

2005 воӧ епископцезлӧн синод коста Бергольоӧс бӧрйисӧ постсинодальнӧй советӧ членӧн. 2005 во арпом 8 лунсянь куим год кежӧ (2005—2008 воэзӧ) юрнуӧтіс Аргентинаись епископреслӧн конференцияӧн.

2013 воӧ конклав вылын, кӧдӧ чукӧртӧмась Бенедикт XVI отреченнё бӧрсянь, сія сідзжӧ вӧлі папабиллез лыдын (уна мӧдік претенденттэз коласын) и эта кадӧ сійӧ бӧрйисӧ.

Избрание папой римским[вильмӧтны | править код]

Вӧлі бӧрйӧм римскӧй папаӧн 2013 во одзтулыс 13 лунӧ. Босьтіс ним Франциск (лат. Franciscus) Вежа Франциск Ассизскӧй сьӧрті.

Сэтшӧм нимыс — медодзза папство историяын, Францискыс оз гижсьы I номерӧн. Сідз пондас гижсьыны сэк, кӧр лоас мӧдік Франциск нима папа, кӧда пондас гижсьыны II нӧмерӧн. Франциск лоис медодзза папаӧн Иезуиттэз орденісь, да сідзжӧ медодзза папаӧн Америкаись.

Папа Францискыс вӧлі интронизируйтӧм 2013 во одзтулыс 19 лунӧ.

Франциск Россиялӧн Президент
Владимир Путинкӧт, 2015 во одзгожум 10 лунӧ

Понтификат[вильмӧтны | править код]

Францискыс эз понды лӧсьӧтны соцвеззэзын аслыс аккаунт сійӧн, мыля кардиналлэз полісӧ, мый сійӧ отирыс пондасӧ видны. Но 2019 во тӧвшӧр 21 лунӧ Францискыс юӧртіс, мый лоасӧ лӧсьӧтӧмӧсь Папакӧт ӧтлаын кеймисьӧм понда «Кликнит да юрбит» (Click to pray) нима тодиль сайт да сы бердся мобильнӧй содтӧттэз. Понтифик ачыс планшетӧн киас висталіс сія инициатива йылісь традиционнӧй воскреснӧй проповедь коста.

2014 во гожумпом 19 лунӧ папа Франциск висьталіс журналисттэзлӧ, мый сія, кыдз и сылӧн одзжыкся коллега, вермас кольны папа постсӧ умӧля вермӧм кузя.

2015 во одзарӧ Гаванаын понтифик вовліс 89 вося Фидель Кастролӧн оланінӧ, кӧда медбӧрья воэзӧ эз тшӧка петавлы отир син одзӧ[11].

2015 воӧ сы кипод увтын вӧлі чулӧтӧм реформа, кӧда кокньӧтіс гӧтрасьӧмлісь абутӧмӧ пуктан процесс. 2016 во тулысшӧр 8 лунӧ вӧлі йӧзӧтӧм Францисклӧн апостольскӧй увещаннё Amoris laetitia (лат. Радость любви), кӧда сиӧм семья йылісь юалӧммезлӧ да сы инлӧ ӧнняся мирын.

Кӧсйӧм реформаэз сьӧрті 2013 воӧ Ватиканлӧн Банк медодззись йӧзӧтіс годся отчёт. 2015 воӧ Франциск корис PricewaterhouseCoopers аудитор компания керны Ватиканлӧн финанссэзлісь вӧджжӧтан аудит.

2016 вося тӧвпом 12 лунӧ Гаванаын Франциск пантасис Москва да быдӧс Рочму патриарх Кириллкӧт. Эта вӧлі историяын медодзза Роч православнӧй да Католическӧй вичкуэзлӧн юраліссез пантасьӧм.

Франциск сідзжӧ петіс виян казнь паныт 2018 вося гожумпомӧ. Сылӧн позицияыс вайӧтіс практическӧй результатӧдз: Нью-Йорк штатісь (США-ын отир лыд сьӧрті 4-ӧт штат) губернатор Эндрю Куомо папакӧт ӧтмӧвп петкӧтӧмӧн сія жӧ месяцӧ кӧсйисис аркмӧтны законопроект штатын виян казнь дугдӧтӧм понда.

Франциск одзжык позян кадся осьтіс Пий XII понтификатлiсь Мӧдӧдзза мировӧй война кадся документтэз[12][13].

2022 во одзтулысӧ, Украинаын военнӧй действиеэз пондӧтчик бӧрын, Франциск вовлiс Вежа Престол дынся Россия посольство, сэтшӧмыс вӧлi шуӧм «прецеденттӧм оськӧлӧн»[14]. Францискыс звонитіс Украиналӧн президентлӧ Зеленскийлӧ, мед висьтавны бур кыввез да юӧртны, мый Ватиканыс кошшӧ «баитчӧм понда отаин». «Вежа Престолыс керас быдӧс, мед лӧсяліс мир», — висьталіс Папа[15], да юӧртіс, мый одзтулыс пондӧтчикӧ ыстас кык ыджыт чина кардиналӧс Украинаӧ отсӧтӧн.

2022 во гожумшӧрӧ Канадаӧ ветлӧм бӧрын Франциск висьталіс, мый туйыс вӧлі сьӧкыт, и сэтшӧм лысинвидзанын ветлӧтны сьӧкыт. Сія баитіс, мый вермас кольны постсӧ, сідз кыдз оз бура вермы. Артроз кузя сія олӧ пуксӧн инвалиднӧй креслоӧ[16].

2025 во тӧвпом 14 лунӧ вӧлі госпитализируйтӧм римскӧй Джемелли клиникаӧ респираторнӧй инфекция кузя. 2025 во одзтулыс 6 лунӧ Ватиканлӧн пресс-служба юӧртіс, мый понтификыслӧн лысинвидзаныс стабильнӧй[17].

Папа Франциск медодззись больничаын куйлӧм бӧрын, кытӧн сія вӧлі тӧвшӧр 14 лунсянь, петіс Джемелли римскӧй больница балкон вылӧ. Сія бурлуналіс да буркывтіс отирсӧ, мыччаліс «пев вывлань» куим сюрс мымда мортлӧ, кӧдна вӧлісӧ ӧксьӧмась площадь вылас. Сыбӧрын муніс Санта-Мария-Маджоре бизиликаӧ, кытӧн пантасис кардинал Роландас Макрицкаскӧт, Папа базилика коадъютор-архиепископкӧт, сетіс сылӧ дзоридззез, медбы пуктыны нійӧ Мария Salus Populi Romani Ен мам синбан одзӧ аттьӧалӧм пыдди да дорйӧм понда[18].

Моральнӧй да социальнӧй позиция

[вильмӧтны | править код]
Франциск, 2013 во
Франциск месса коста, 2014 во

Эволюция теория[вильмӧтны | править код]

2014 во аршӧр 29 лунӧ Понтификальнӧй наукаэз академияын баитікӧ римскӧй папа Франциск висьталіс этадз: «Кӧр ми лыддьӧтам Олӧм небӧг, ми вермам думайтны, мый Ен вӧлі кытшӧмкӧ волшебник, кӧда керис мирсӧ волшебнӧй бедёкӧн да вермӧ керны быдӧс, мый колӧ. Но сія абу сідз».

Мездӧтчан теология[вильмӧтны | править код]

Бергольо — бур вежӧра енвежӧртісь, кӧда ылісьтчис «мездӧтчан енвежӧртӧмсянь» аслас удж туй пондӧтчикӧ ни. Туяліссез чайтӧны, мый сія матын консервативнӧй мирскӧй Comunione e Liberazione чукӧр дынӧ.

Аборттэз да эвтаназия[вильмӧтны | править код]

Кардинал Бергольоыс корис эскись отирӧс да вичкуын уджаліссезӧс мунны аборттэз да эвтаназия паныт.

Гомосексуальность[вильмӧтны | править код]

Медодз муніс ӧткӧдьпӧла гӧтрасьӧм позьӧтана законлӧ, кӧдӧ Аргентиналӧн правительство бурсьӧтіс 2010 воӧ, паныт.

2016 во одзгожумӧ папа Франциск висталіс: «Римско-католическӧй вичку да кристианалӧ колӧ корны извиненнё гейезлісь ны дынӧ одззася отношеннё понда». Сы сьӧрті, гомосексуалисттэсӧ колӧ пыдди пуктыны да оз позь дискриминируйтны.

2023 во одзтӧв 28 лунӧ папа Франциск бурсьӧтіс доктрианльнӧй Fiducia Supplicans нима декларация[19], кӧда сьӧрті католическӧй священникеслӧ лоис позяна буркывтны томгозъяэсӧ, кӧдна оз пырӧ нормаэзӧ, ны коласын и ӧткӧдьпӧлаэсӧ[20].

Социальнӧй справедливость[вильмӧтны | править код]

Кӧть Бергольо пыр велӧтӧ жалейтны гов отирӧс, мукӧд видзӧтіссез эзӧ вӧлӧ радӧсь, мый сія оз сет унажык тӧдчӧтӧм йӧзкостся бур олан проблемаэзлӧ. Канму овмӧс юалӧммез сьӧрті веськыт мӧвп висьтавтӧг, Бергольо бӧрйӧ тӧдчӧтны вичкуись отирлісь да бурсьӧлӧмлісь тӧдчанлунсӧ, чайтӧмӧн, мый эта ачыс пондас вайӧтны говвезлӧн шогсьӧм дынӧ ыджытжык жалейтӧм. Сэк жӧ сія мыччаліс отсӧт йӧзкостся уджжезлӧ да быдӧнлӧ висьталіс сомненнёэз рыночнӧй вузасян туйлӧн бур олан йылісь.

2014 воӧ арпомӧ папа Франциск лэдзис сувтӧтны Ватикан шӧрын — Вежа Петыр площадь вылын — куим миссян керку, кӧднӧ лӧсьӧтӧмась керкутӧммез понда. Сідзжӧ Франциск инициатива сьӧрті керкутӧммез понда миссяніннэз керӧны вичкуэз дынӧ Рим пасьта.

Католическӧй традиционализм

[вильмӧтны | править код]

Бергольо вӧлі медодз епископпез коласісь, кӧдна вежӧртісӧ Бенедикт XVI-лісь Summorum Pontificum гижӧтсӧ. Буэнос-Айресын сія пондіс нуӧтны латин месса важмоза, кык лун бӧрті кыдз римскӧй папа йӧзӧтіс аслас гижӧт йылісь.[21].

Россия вылӧ видзӧтӧм

[вильмӧтны | править код]

Москва да быдӧс Рочму патриарх Кириллкӧт пантасьӧм киння, Франциск висьталіс, мый пуктӧ тӧдчанаӧн Римско-католическӧй да Роч православнӧй вичкуэз коласын йитӧттэз зорӧтӧм[22].

Франциск Филиппиныэзӧ ветлӧм коста,
2015 во
Картаыс мыччалӧ, кытшӧм канмуэзӧ Францискыс ветліс кыдз римскӧй папа
Азербайджанісь почта марка, кӧсйӧм Франциск 2016 во аршӧр 2 лунӧ Бакуӧ локтанлӧ
Папа Франциск Азербайджанын

Энцикликкез

[вильмӧтны | править код]
  • Evangelii gaudium (2013) — ӧння мирся Бур Юӧр проповедь йылісь
  • Lumen Fidei (2013) — эскӧм йылісь (ӧтлаыг папа Бенедикт XVI-кӧт)
  • Laudato si’ (2015) — экология да вӧрва дорйӧм проблемаэз йылісь
  • Fratelli tutti (Все братья) (2020) — ӧтласа воналӧм да социальнӧй ёртасьӧм йылісь

Донтан пассэз

[вильмӧтны | править код]

Forbes журналлӧн медвына отир нимлёдзын 2018 воӧ папа Францискыс вӧлі 6-ӧт, одзжык, 2014 да 2015 воэзӧ, вӧлі рейтингас 4-ӧтӧн.

  • Анддэз Кондор нима национальнӧй орденлӧн орденскӧй чеп кавалер (Боливия, 2015)
  • «Вежа ай Луис Эспиналь Кампас» нима удж понда орден (Боливия, 2015)[23]
  • Карл Ыджыт нима мирпасьта премия (Германия, 2016)
  • Шыньсерӧм орден (Польша, 2016).

Ас олӧм

[вильмӧтны | править код]
  • Велӧтчис ӧтік школаын гора нима футболисткӧт Альфредо Ди Стефанокӧт (1926—2014).
  • Аргентинскӧй футбольнӧй клуб «Сан-Лоренсолӧн» (Буэнос-Айреса) радейтісь[8]. 2008 воӧ пырис клуб радейтіссез официальнӧй клубӧ. Клубыс шуӧм Вежа Лаврентий сьӧрті да аркмӧтӧм 1908 воӧ священник Лоренсо Масса отсӧтӧн.
  • Эз видзӧт телевизор, сетіс сэтшӧм обет Кармель Вежа Нывлӧ 1990 воӧ.

Документальнӧй фильммез

[вильмӧтны | править код]
  • 2017 — Франциск, говвезлӧн папа, эмаэзлӧн Ватикан / François, pape des pauvres, Vatican des riches (реж. Энтони Форестье / Anthony Forestier) — «Портреттэз / Grands portraits» циклісь
  • 2018 — Папа Франциск. Кыв видза морт / Pope Francis: A Man of His Word (реж. Вим Вендерс)
  • 2021 — Франческо (реж. Евгений Афинеевский)

Художествоа фильммез

[вильмӧтны | править код]
  • «Кык Папа» (2019) — режиссёр Фернанду Мейреллишлӧн фильм.

Кулӧм

[вильмӧтны | править код]

88 вося римскӧй папа Франциск куліс 2025 во тулысшӧр 21 лунӧ аслас резиденцияын Ватиканын. Одзза луннас понтификыс мыччисьліс отир одзын Ыджыт лун порйӧтӧм коста, сія юрбитіс Ватиканын Вежа Пётр базилика балкон вывсянь[24]. Сідзжӧ тулысшӧр 20 лунӧ римскӧй папа Франциск пантасьліс США-лӧн вице-президенткӧт Джей Ди Вэнскӧт, медбы вежалунасьны Ыджыт лунӧн.[25].

Пасйӧттэз

[вильмӧтны | править код]
  1. ↑ Franciskus // Nationalencyklopedin (швед.) — 1999.
  2. ↑ Francis I pope // Encyclopædia Britannica (англ.)
  3. ↑ 1 2 Чешская национальная авторитетная база данных
  4. ↑ Francis
  5. ↑ Rachel Donadio. The New Pope: Bergoglio of Argentina (англ.). The New York Times (13 марта 2013). — «He is also the first non-European leader of the church in more than 1,200 years».
  6. ↑ Roma {Rome} (Latin (or Roman) Diocese) англ.. Catholic-Hierarchy. Видзӧтӧм 8 Тулысшӧр 2019.
  7. ↑ Умер папа римский, РБК. Дата обращения: 21 Тулысшӧр 2025.
  8. ↑ 1 2 Папа Франциск: аскет, иезуит и страстный поклонник футбола. РБК (14.03.2013)
  9. ↑ [1] Архивная копия от 2 Арпом 2019 на Wayback MachineКолупаев В. Е. АРГЕНТИНА: Южная Америка // Католические общины византийского обряда и русская диаспора
  10. ↑ Argentine Cardinal Named in Kidnap Lawsuitангл., Los Angeles Times (17 April 2005). Архивировано 3 Тулысшӧр 2019 года. Дата обращения: 9 Тулысшӧр 2019.
  11. ↑ Папа Римский Франциск во время визита на Кубу встретился с Фиделем Кастро Архивная копия от 25 Одзар 2015 на Wayback Machine // Первый канал. 21 сентября 2015
  12. ↑ Пушкарская Е. «Церковь не боится истории» // Огонек. — 2020. — № 10 (5602). — С. 22.
  13. ↑ Пушкарская Е. «Церковь не боится истории» // Огонек. — 2020. — № 10 (5602). — С. 22 — 23.
  14. ↑ Pullella, Philip. Departing from protocol, pope goes to Russian embassy over Ukraine, Reuters (25 Тӧвпом 2022). Архивировано 28 Тӧвпом 2022 года. Дата обращения: 13 Тулысшӧр 2022.
  15. ↑ Pullella, Philip. Pope Francis says 'rivers of blood' flowing in Ukraine war, Reuters (6 Одзтулыс 2022). Архивировано 12 Тулысшӧр 2022 года. Дата обращения: 13 Тулысшӧр 2022.
  16. ↑ СМИ: папа римский допустил возможность отречения из-за проблем со здоровьем, Радио Sputnik (30 Гожумшӧр 2022). Архивировано 30 Гожумшӧр 2022 года. Дата обращения: 30 Гожумшӧр 2022.
  17. ↑ В Ватикане сообщили об улучшении состояния папы римского, РБК (8 Одзтулыс 2025). Дата обращения: 9 Одзтулыс 2025.
  18. ↑ Pope Francis makes first public greeting and blessing from hospital - Vatican News (23 Одзтулыс 2025). Дата обращения: 23 Одзтулыс 2025.
  19. ↑ Doctrinal declaration opens possibility to bless couples in irregular situations (2023-12-18).
  20. ↑ Папа Римский разрешил священникам благословлять однополые пары. РБК (2023-12-19).
  21. ↑ Rubin, Sergio. Regresó la misa en latín, con mujeres cubiertas por mantillas (17 Одзар 2007). Архивировано 18 Одзтулыс 2013 года. Дата обращения: 14 Одзтулыс 2013.
  22. ↑ Папа Римский высказал свое доверие к России и ее народурус., Российская газета (12 мая 2017). Архивировано 25 Аршӧр 2017 года. Дата обращения: 24 Аршӧр 2017.
  23. ↑ https://web.archive.org/web/20150709162549/http://www.presidencia.gob.bo/fuente/noticia.php?cod=3363#contenido
  24. ↑ Умер папа римский, РБК. Дата обращения: 21 Тулысшӧр 2025.
  25. ↑ Вэнс и папа римский Франциск провели частную встречу, Interfax.ru (20 Тулысшӧр 2025). Дата обращения: 21 Тулысшӧр 2025.

Ыстӧттэз

[вильмӧтны | править код]
Босьтӧма "https://koi.ruwiki.ru/w/index.php?title=Франциск_(римскӧй_папа)&oldid=133486"-ись