Учёнӧйезлӧн керку (Перем)
| Керку | |
| Учёнӧйезлӧн керку | |
|---|---|
._2.05.2016.jpg) | |
| 58°00′05″ с. ш. 56°14′51″ в. д.HGЯO | |
| Канму | Россия |
| Кар | Перем, Комсомольскӧй проспект, 49 |
| Архитектор | Давид Рудник |
| Аркмӧтӧм кад | 1955 во |
| Лэбтӧм | 1948—1955 воэз |
| Статус |
 Россия йӧззэзлӧн культура эмбур объект региональнӧй тӧдчӧта. Рег. № 281410025990005 (ЕГРОКН). Объект № 5900000513 (БД Викигида) |
 |
|
 Медиафайлы на РУВИКИ.Медиа | |
Учёнӧйезлӧн керку (рочӧн Дом учёных) — архитектура памятник статуса керку Перемын (Комсомольскӧй проспект, 49). Вӧлі лэбтӧм 1954 воӧ архитектор Давид Рудник проект сьӧрті, лоис медодзза оланінӧн карись вылісь велӧтаніннэзісь туяліссез да велӧтіссез понда.
История да специфика
1930—1940 воэзӧ «Учёнӧйезлӧн керку» нимыс йитсис Перемись Сибирскӧй улица вывся № 26 керкукӧт (педагогическӧй институт корпускӧт ордччӧн). Сёрӧнжык сія вуджис мӧдік керку вылӧ — Комсомольскӧй проспект, 49.
Керкусӧ лэбтӧм йылісь распоряженнё вӧлі примитӧм 1940 воэз помын. Сія кадӧ СССР пасьта сэтшӧм керкуэс вӧлісӧ нёля, сы проект вылын сулаліс Иосиф Сталинлӧн кырымпас[1]. Керкуыс вӧлі лэбтӧм 1948—1955 воэзӧ Молотовгорпроект архитектор Д. Я. Рудник проект сьӧрті. Лэбтӧм керкуись тор канмуся комиссия примитіс 1954 арпом 22 лунӧ. 1955 воӧ керкуыс вӧлі лэбтӧм быдсӧн[2][3].
План сьӧрті П-кодь, проспект вылӧ курдонёрӧн видзӧтана керкуыс медодз вӧлі тӧдчана сы пельӧссэзын керӧм башняэзӧн, фасаддэз вывся пластикаӧн, эркеррезӧн[4].
Керкуыслӧн фасадыс дивуйтіс да бурмӧтіс син: сія вӧлі шӧштӧм да простӧй, крепыт да кокнит, уна сера да лаконичнӧй. Лякӧм гирляндаэзӧн керӧм архитектурнӧй деталлез, кӧдна мичӧтісӧ керкусӧ вылісь периметр кузя, лӧсялісӧ ансамбльӧ. Улицаыс вывся быдӧс одзланься керкуэс эзӧ вачкисьӧ сы вылӧ, нія вӧлісӧ лэбтӧмӧсь, а сія царствуйтіс[5].
.jpg)
Учёнӧйез керкуын олісӧ Перем университетын уджалісь туяліссез: ректоррез А. И. Букирев, Ф. С. Горовой, ректоратын уджаліссез Н. А. Игнатьев, В. В. Кузнецов, В. Ф. Усть-Качкинцев, И. И. Лапкин, П. Я. Мартынов, И. Н. Мерзляков, деканнэз К. И. Мочалов, А. К. Маловичко, А. В. Рыбин, И. С. Сандлер, кафедараэзӧн юраліссез да профессоррез И. Г. Шапошников, Г. З. Гершуни, Е. Ф. Журавлёв, С. И. Мельник, Г. А. Максимович, П. А. Софроницкий, Б. К. Матвеев, В. А. Танаевский, П. Н. Чирвинский, Л. И. Волковыский, Д. Е. Харитонов, М. Н. Полукаров, Л. Е. Кертман, А. А. Ушаков, Б. А. Чазов, Р. В. Комина, В. В. Орлов, доценттэз А. А. Волков, П. И. Хитров, И. А. Малеев, Е. А. Голованова, Е. И. Коваленко, Е. О. Преображенская, Н. М. Паршукова, С. Я. Фрадкина, З. В. Станкеева.
Учёнӧйезлӧн керкуын олісӧ медицинскӧй институтлӧн ректор Е. А. Вагнер, политехническӧй институтлӧн ректор М. Н. Дедюкин, партия обкомын уджаліссез И. И. Быкова, Н. К. Масалкин[5], гижись, сценарист Б. Л. Зиф да мӧдіккез.
«Учёнӧйезлӧн керку» вӧлі босьтӧм канмуся дозор увтӧ 1993 во тулыспом 20 лунӧ кыдз регионся тӧдчӧта архитектура памятник Пермскӧй облсоветісь Учӧт Сӧветлӧн «История да культура памятниккез учёт вылӧ сувтӧтӧм йылісь» № 683 постановленнё сьӧрті[6].
Культураын
Учёнӧйезлӧн керку йылісь касьтылӧны асланыс гижӧмторрезын гижиссез Нина Васильева, Бэла Зиф да мӧдіккез[7].
2023 воӧ, Перем кар 300 вося юбилей кежӧ, керкуыс йылісь вӧлі керӧм «Пермь. Дом учёных» нима документальнӧй фильм (реж. Ольга Аверкиева)[8][9].
Пасйӧттэз
- ↑ Усть-Качкинцева С. В. Дом ученых. // Пермский дом в истории и культуре края. Пермь, 2008. С. 209—210.
- ↑ ГАПК. Ф. р-180. Оп. 12. Д. 421. Л. 12.
- ↑ Гайсин О. Д. Дом ученых (жилой), Комсомольский пр., 49 Архивная копия от 3 Одзгожум 2016 на Wayback Machine // Метражи.
- ↑ Жилой Дом учёных, город Пермь Архивная копия от 11 Одзгожум 2016 на Wayback Machine // Энциклопедия «Пермский край».
- ↑ 1 2 Васильева Н. Е. Дом // Филолог. Выпуск 3. 2003.Часть I Архивная копия от 4 Одзтулыс 2018 на Wayback Machine.
- ↑ Памятники истории и культуры Пермской области. Т. 2. Памятники истории, архитектуры и искусства. Пермь. 1993. С. 45.
- ↑ Зиф Б. Л. Провинция: Повесть. Из воспоминаний.— Издательско-полиграфический комплекс «Звезда», 2004.— 208 с. ISBN 5-8818-233-9 Видзӧтан кад 2025-07-09
- ↑ К 300-летию столицы Прикамья снимается фильм о знаменитом Доме ученых на Компросе, 49 и его обитателях. Правительство Пермского края (7 декабря 2021). Видзӧтӧм 9 Гожумшӧр 2025.
- ↑ Пермь. Дом учёных, Пермская синематека. Дата обращения: 9 Гожумшӧр 2025.
Литература
- Баев С. В обход генерального плана // Строительная газета. 1955. 12 июня.
- Архитекторы и архитектурные памятники Пермского Прикамья : Краткий энциклопедический словарь / сост. Н. В. Казаринова, Г. Д. Канторович. — Пермь : Книжный мир, 2003. — С. 109–111. — 160 с. — 2000 экз. — ISBN 5-93824-040-9.
- Васильева Н. Е. Воспоминание о доме и его обитателях // Пермский дом в истории и культуре края. Пермь, 2008. С. 218—219.
- Киселёв А. Б. Архитектурный облик города // Пермь от основания до наших дней: ист. очерки. Пермь, 2000. С. 294—300.
- Памятники истории и культуры Пермской области. Т. 2. Памятники истории, архитектуры и искусства. Пермь. 1993. С. 45.
- Терехин А. С. Пермь. Очерк архитектуры. Пермь, 1980. С. 76-77.
- Усть-Качкинцева С. В. Дом учёных // Пермский дом в истории и культуре края. Пермь, 2008. С. 209—210.
Ыстӧттэз
- Васильева Н. Е. Дом // Филолог. Выпуск 3-4. 2003—2004. Часть I, часть II.
- Гайсин О. Д. Дом ученых (жилой), Комсомольский пр., 49 // Метражи.
- Костицын В. И. Государственные памятники истории, культуры и монументального искусства на территории Пермского университета // Костицын В. И. Пермский университет: 100-летие ученых, государственные памятники истории и культуры. Пермь: Изд-во Перм.ун-та, 2003. 66 с. С. 58—59. ISBN 5-8241-0317-8.
- «Дом учёных» // Государственный архив Пермского края
Видео
- Рифа П. Какие тайны скрывает профессорский дом // ТВ Ветта, 2010
Эта статья вылӧ озӧ ыстісьӧ Рувикиись мӧдік статьяэз. |
.svg){kind=link}