Усьва столббез
| Усьва Столббез | |
|---|---|
 Кульчунь из | |
| Иналӧм | |
| 58°38′45″ с. ш. 57°33′59″ в. д.HGЯO | |
| Страна | |
| Субъект РФ | Пермскӧй край |
| Район | Чусва район |
| Дозирайтанін | |
| Столббез | |
| Категория МСОП | III (Вӧрва памятник) |
| Профиль | ландшафт |
| Статус | дугдӧтӧм |
| Ыжда | 59,0 га |
| Аркмӧтан кад | 1965 во гожумшӧр 12 лун |
| Дугдӧтан кад | 2019 во тӧвшӧр 16 лун |
 Медиафайлы на РУВИКИ.Медиа | |
Усьва Столббез (рочӧн Столбы, Усьвинские Столбы) — Усьва ю веськыт вадорся изъяин, Чусва районісь Усьва посадсянь 5 км ылынаын. Регион тӧдчӧта ландшафтнӧй памятник. Сы территорияыс пырӧ «Пермскӧй» вӧрва парклӧн Усьва участокӧ[1][2]. Паськыта тӧдса туризм объект. 2024 воӧ вермис национальнӧй туристическӧй премия Russian Traveler Awards «Вӧрва объект» номинацияын[3].
Комплекс
Памятникыслӧн ӧтласа ыждаыс — 59 га, сы комплексӧ пырӧны:
- Столббеза вадор, вылынаыс — 120 м, кузяыс — 2 км;
- Кульчунь — ӧтнаса из, вылынаыс — 70 м;
- Столбовӧй грот — археология да вӧрва памятник.
Геология сьӧрті тӧдчӧт
Геоморфологическӧй памятник аркмӧм карбонатнӧй породаэзісь, кӧдна пырӧны сакмарскӧй яруслӧн стерлитамакскӧй горизонтӧ да одз перем периодся артинскӧй яруслӧн улісь коляссэзӧ[4]. 120 м вылына массивыс аркмӧма руд да мурӧма-руд поснит кристаллическӧй да органогеннӧй известняккезісь, кытшӧмкӧ местаэзын гӧгрӧсмӧмӧсь, кӧднаын куйлӧны кӧрт пласттэз. Породдэзын пантасьӧны фаунистическӧй коляссэз фузулиниддэзлісь, криноиддэзлісь, брахиоподдэзлісь, мишкаэзлісь, ӧтка да колониальнӧй кораллэзлісь.
Улісь юкӧныс пыртӧма стерлитамак горизонт дынӧ фузулиниддэзлӧн (Pseudofusulina urdalensis Raus., Ps. urdalensis var. abreviata Raus., Ps. plicatissima Raus.) да кораллэз (Protolonsdaleiastraea gorskyi (Dobr.), Pr. monoseptata (Dobr.), Pr. pseudowischeriana (Stuck.)) сьӧрті. Артинскӧй коляссэзын тӧдмалӧмась Pseudofusulina ovata Raus. и Parafusulina lutugini (Schellw.)[4].
Усьва Столббез медодзза исследованиеэз вӧлісӧ керӧмӧсь 1889 воӧ А. А. Краснопольскийӧн, кӧда пыртіс известняккез изшом система вылісь юкӧнӧ. Сёрӧнжык, Г. А. Дуткевичлӧн да И. И. Горскийлӧн уджжезын, этна коляссэсӧ туялісӧ карбон сьӧрті. 1965 годӧ тематическӧй партия ВНГРИ А. А. Султанаев кипод увтын нуӧтіс детальнӧй туялӧм[4].
Археология сьӧрті тӧдчӧт
1965 воӧ вӧрын ю вевдӧрсянь 117 м вылынаын вӧлі адззӧм Столбовӧй грот — палеолит кадся сулаланін, кӧда аркмӧма 25-12 сюрс во одзті. Радиоуглероднӧй дата сьӧрті — 22 890 ± 200[5][6][7]. Археолог О. Н. Бадер кипод увтын вӧлі чулӧтӧм туялӧм, кӧда сьӧрна адззисӧ из уджан керӧм сьӧрті важся мастерскӧйлісь коляссэз[8].
Туризм
Туристтэз коласын лис паськыт тӧдса 1950-1960-ӧт воэзӧ, кӧр отир пондісӧ кылӧтчыны Усьва юӧт. Сія 1 сьӧкыта категорияа. Вадорас лӧсьӧтӧмӧсь кык бипур, позьӧ сувтӧтны палатка[9].
Йыввез вылас эмӧсь кык вӧджжӧтанін, кӧднасянь тыдалӧны панорамаэз ю вылӧ, парма вылӧ да Кульчунь вылӧ. Увтсяняс матісь площадкаӧдз ылынаыс — 1 км. Каян кадыс — 20-30 минута. Сьӧкыта: медбӧрья 200 метраыс лоӧ сьӧкыт каяна (40° пӧлінь)[9].
Территория вылӧ ветлӧм понда босьтӧны дон (2025 воӧ — 100 руб ӧтік мортсянь лункӧв сьӧрна, кокньӧтӧм категорияа граждана — дон босьттӧг)[1][9].
Дозирайтӧм
1965 воӧ Пермскӧй облисполкомлӧн 1965 во гожумшӧр 12 лунся № 399 решеннё сьӧрті муыслӧ вӧлі сетӧм регион тӧдчӧта вӧрва ландшафта памятник статус[4]. 2018 восянь муыс пырӧ «Пермскӧй» вӧрва паркӧ (Пермскӧй крайись ООПТ дирекция)[1][2].
Киноын
Усьвинскӧй Столббез овлӧны кино снимайтӧм понда локацияӧн. Ны дынын да Усьва посадмуын мунісӧ российскӧй фильммезлӧн натурнӧй съёмкаэз[10][11]:
- Географ глобус пропил (2013)
- Одна (2022)
- Сердце Пармы (2022)
- По щучьему велению (2023)
Пасйӧттэз
- ↑ 1 2 3 Парк "Пермский". Дирекция ООПТ Пермского края. Видзӧтӧм 31 Гожумшӧр 2025.
- ↑ 1 2 Природный парк «Пермский». Официальный сайт администрации Чусовского муниципального района Пермского края. Видзӧтӧм 31 Гожумшӧр 2025.
- ↑ 9 декабря состоялось вручение национальной туристической премии Russian Traveler Awards 2024, Russian Traveler (10 Одзтӧв 2024). Дата обращения: 31 Гожумшӧр 2025.
- ↑ 1 2 3 4 Кадебская О. И. Усьвинские Столбы рус.. Геологические памятники Пермского края. Видзӧтӧм 31 Гожумшӧр 2025.
- ↑ Павлов П. Ю. Древнейшее прошлое Пермского края: палеолит // Вестник Пермского федерального исследовательского центра. — 2013. — № 4.
- ↑ Павлов П. Ю. Между двух миров: хронология и культурные связи верхнего палеолита Уральского региона // Уфимский археологический вестник. — 2025. — № 1.
- ↑ Черноусов В. А. О перспективах изучения «пещерного палеолита» Прикамья // Труды Камской археолого-этнографической экспедиции. — 2020. — № 17.
- ↑ Голдина Р. Д. Археологической школе Пермского государственного университета 65 лет // Вестник Пермского университета. Серия: История. — 2011. — № 1 (15).
- ↑ 1 2 3 Усьвинские столбы в Пермском крае, Отдых в России. Комсомольская правда. Дата обращения: 1 Гожумпом 2025.
- ↑ Антон Богданов Кинообзор: просторы Пермского края на большом экране рус.. Юнпресс-Пермь (2023-11-11). Видзӧтӧм 31 Гожумшӧр 2025.
- ↑ Полынский А. С. Кинематографический туризм в России: типы мест и особенности их использования // Современные проблемы сервиса и туризма. — 2023. — № 3.