Уляшев Олег Иванович

Босьтöм Рувикиись
Уляшев Олег Иванович
Oleg-ulyashev.jpg
Чужан лун 1964 во одзгожум 21 лун(1964-06-21) (61 год)
Чужанін
Канму
Велӧтчанін
Удж фольклорист, гижись

Уляшев Олег Иванович (1964 во одзгожум 21 лун, Вӧльдін (Кулӧмдін район), Коми Республика) — коми гижись, фольклор туялісь, филология кандидат[1][2].

Олантуй

Олег Уляшев чужис 1964 во одзгожум 21 лунӧ Коми АССР-ись Кулӧмдін районса Вӧльдiн сиктын. 1971—1979 воэзӧ велӧтчис Вӧльдінса 8 класса школаын, сэсся — В. Т. Чисталёв нима Помӧсдінса шӧр школаын.

1983—1984 воэзӧ уджаліс Помӧсдін леспромхозса Вӧльдінса лесопунктын штабелёвщикӧн[3].

1988 воӧ помаліс Сыктывкарса канму университетысь филология факультетісь коми юкӧн. 1990—1994 воясын велӧдчис аспирантураын А. К. Микушев да Ю. Г. Рочев кипод увтын. Пырис уджавны СССР наукаэз академиялӧн Коми филиалісь Кыв, литература да история институтӧ (ӧні — Коми наука шӧрин): вӧлі литература да фольклор юкӧтын; ӧні — этнография секторын старшӧй научнӧй сотрудник[2]. 2011—2016 воэзӧ редактораліс «Войвыв кодзув» журналӧн[3].

Туялан удж

1997 воӧ дорйис Москваись М. Горький нима Мирӧвӧй литература институтын филология кандидат диссертация (темаыс рочӧн «Иерархии цветовой символики в обрядовой поэзии и устной прозе коми-зырян»)[4].

1996 восянь уджаліс урал кывья йӧзлісь миффез туялан проектын. 1999—2010 воэзӧ вӧлісӧ ӧтувья проекттэз: «Мӧд Россия», «Выль эскӧмъяс», «Йӧзкост медицина. Тӧдысьяс», «Урал кывъя войтыръяслӧн обрядъяс», «Урал войтыръяслӧн литература», «Коми культураын ань да мужичӧй» да с.о[3].

Гижис 300 мымда наука удж, ныись 8 монография[3][5].

Туялан уджжес

  • Уляшев, О. И. Образ Стефана Пермского в традиционных представлениях коми : докл. на заседании Президиума Коми НЦ УрО РАН / О. И. Уляшев. — Сыктывкар : Коми НЦ УрО РАН, 1997. — 20 с. (Научные доклады / Коми науч. центр УрО РАН; вып. 385).
  • Уляшев, О. И. Онтология сказки / О. И. Уляшев, И. И. Уляшев. — Сыктывкар : Изд-во СГУ, 1997.
  • Уляшев, О. И. Иерархия цветовой символики в обрядовой поэзии и устной прозе коми-зырян : автореф. дис. … канд. филол. наук / О. И. Уляшев. — Сыктывкар-Москва, 1998.
  • Уляшев, О. И. Цвет в представлениях и фольклоре коми / О. И. Уляшев. — Сыктывкар : Изд-во Коми НЦ УрО РАН, 1999. — С. 156.
  • Ильина, И. В. Мужчина и женщина в традиционной культуре коми / И. В. Ильина, О. И. Уляшев. — Сыктывкар : Изд-во Коми НЦ УрО РАН, 2009. — 222 с.
  • Уляшев, О. И. Хроматизм в фольклоре и мифологических представлениях пермских и обско-угорских народов / О. И. Уляшев. — Екатеринбург : Изд-во УрО РАН, 2011. — 422 с.
  • Anna-Leena Siikala & Oleg Ulyashev. Hidden Rituals and Public Performances: Traditions and Belonging among the Post-Soviet Khanty, Komi and Udmurts. — Helsinki : SKS : Studia Fennica Folkloristica 19. — 2011. — P. 368. (ISSN 1235—1946).
  • Истомин К. В., Ильина И. В., Уляшев О. И. Восприятие цвета у русско- и комиязычного населения Республики коми: еще раз к вопросу о связи языка и мышления // Антропологический форум. — 2016. — № 29.

Гижан удж

1977 воӧ вӧлі публикуйтӧм сы медодзза гижан уджыс — «Чушканзі» журналын петіс кань йылісь басня.

Студенталікӧн йӧзӧтліс кывбуррез, модяннэз республикаса журналлэзын, газетаэзын. Пырис «ПИТОН» литературнӧй чукӧрӧ (Первое интеллектуальное творческое объединение начинающих) (1981—1985)[6], сэсся «Ордым» котырӧ (1988—1990)[7][8].

1988 восянь йӧзӧтчӧ «Войвыв кодзув» да «Арт» журналлэзын, кӧднаын сідзжӧ петавлӧны литературно-критическӧй статьяэс.

1991 воӧ ветліс Эстонияӧ этнофутуристтэз конгресс вылӧ. Сы бӧрын петіс «Водптицная дорога» (Тарту, 1995) небӧг, кытчӧ пырисӧ сы 10 кывбур. Прозаа гижӧмыс пыртӧм коми литература велӧтчан небӧггезӧ[8][6].

1990—2000 воэзӧ уджаліс Коми Республикаса фольклор театркӧт (ӧні — Коми Республикаса вужвойтырлӧн шылада-драмаа театр). Театрыс 1991 воӧ медодззаӧн сувтӧтӧм Уляшевлӧн «Енколаяс йылысь поэма» сьӧрті спектакль. Сэсся вӧлісӧ сувтӧтӧмӧсь «Куллерво» (финн кывйись вуджӧтӧм, 1993), «Гытсан» (1994); «Коми сиктын важнога свадьба» (С. Мезенцевкӧт ӧтлаын) да «Рӧштвоса ворсӧмъяс» (Л. Оплеснинакӧт ӧтлаын, 1996), «Эзысь шабді» (С. Горчаковакӧт ӧтлаын, 1998), «Йӧла гор» (1999)[8][2].

«Эзысь шабді» лирическӧй комедия понда Олег Уляшевлӧ сетӧм Коми Республикаса канму премия искусство юкӧнын (1999).

2015 воӧ «Излань зыран, зарни зыран» небӧгсӧ шуӧма республикаса конкурсын медбур небӧгӧн. Сія жӧ небӧг понда ошкӧм М. А. Кастрен нима котырлӧн «Учӧт проза» номинацияын литературнӧй премия (Финляндия) да Рӧдвуж уджтасын премия художествоа проза юкӧнын премия (Эстония).

Олег Уляшев гижӧ уна жанрын, комиӧн да рочӧн, ачыс вуджӧтчӧ да серпасалӧ небӧггесӧ[6]. 2012 восянь пырӧ Россия гижись котырӧ.

Небӧггес

  • Кӧмтӧм нывкалы: кывбуръяс. — Сыктывкар: Коми небӧг лэдзанін, 2001. — 24 л.б. («Ӧтувъя керка» чукӧр)
  • Орд ордым: висьтъяс, ворсанторъяс, кывбуръяс. — Сыктывкар: Коми небӧг лэдзанін, 2006. — 160 л.б.
  • Мойд дзебас: посни челядькӧд уджалысьяслы отсӧг. — Сыктывкар: ГАОУДПО (пк) С РК «КРИРО», 2013. — 48 л.б.
  • Излань зыран, зарни зыран. — Сыктывкар: ООО «Издательство Кола», 2014. — 96 л.б.
  • Кад пыр верзьӧмӧн: висьтъяс. — Сыктывкар: «Анбур» ИКК, 2019. — 248 л.б.
  • Зарни бобув. Кывбуръяс. — Сыктывкар: «Коми йӧзӧдчан керка» КР-са АУ, 2021. — 224 л.б.

Донтан пассэз

  • М. А. Кастрен котырлӧн «Учӧт проза» номинацияын литературнӧй премия (2015)[9];
  • Коми Республикаса канму премия искусство юкӧнын (1999)[3] ;
  • Коми Республикаса канму премия наука юкӧнын (2000)[3]
  • «Эзысь борд» республикаса конкурсын вермись (2009 — проза, 2016 — поэзия, 2022 — публицистика, 2023 — драматургия)[3];
  • «Лучшая книга года» республикаса конкурсын вермись (2015);
  • Художествоа проза юкӧнын Рӧдвуж отирлӧн премия (Эстония) (2015).

Пасйӧттэз

  1. ↑ Горинова Н. Олег Иванович Уляшев // Писатели Коми: биобиблиографический словарь. Том II. — Сыктывкар, 2022. — С. 627—633.
  2. ↑ 1 2 3 21 июня 1964 года родился Уляшев Олег Иванович, коми писатель, фольклорист, ученый. Национальная библиотека Республики Коми. Видзӧтӧм 16 Аршӧр 2025.
  3. ↑ 1 2 3 4 5 6 7 Уляшева Л.И., Чаланова Н.А., Ковалева Т.И. Олег Иванович Уляшев: биобиблиографический указатель. — Сыктывкар: Коми республиканская типография, 2024. — 140 с.
  4. ↑ Уляшев Олег Иванович. Иерархия цветовой символики в обрядовой поэзии и устной прозе коми-зырян : автореферат дис. … кандидата филологических наук : 10.01.09 / Ин-т языка, литературы и истории Коми. — Москва, 1998. — 19 с.
  5. ↑ Уляшев Олег Иванович. К 60-летнему юбилею / Библиографический указатель. . — Сыктывкар: ФИЦ Коми НЦ УрО РАН, 2024. — 24 с.
  6. ↑ 1 2 3 Уляшев Олег Иванович. Культурная карта Республики Коми. Видзӧтӧм 16 Аршӧр 2025.
  7. ↑ Олег Иванович Уляшев, писатель, фольклорист, ученый. Усть-Куломская межпоселенческая библиотека. Видзӧтӧм 16 Аршӧр 2025.
  8. ↑ 1 2 3 Уляшев Олег Иванович. Национальная электронная библиотека Республики Коми. Видзӧтӧм 16 Аршӧр 2025.
  9. ↑ Коми ученый получил первую премию литературного конкурса Общества Кастрена рус.. ИА Комиинформ (2015-10-21). Видзӧтӧм 16 Аршӧр 2025.

Ыстӧттэз

Босьтӧма "https://koi.ruwiki.ru/w/index.php?title=Уляшев_Олег_Иванович&oldid=215926"-ись