Уджын доблестя кар
| Уджын доблестя кар | |
|---|---|
| Канму |
 Российскӧй Федерация |
| Тип | Российскӧй Федерациялӧн почётнӧй званнёэз |
| Кинлӧ сетсьӧ | Россияись каррезлӧ, кӧднаын оліссез пуктісӧ асланыс уджӧн ыджыт пай 1941—1945 воэзся Великӧй Отечественнӧй войнаын вермӧмӧ |
| Мый понда | канму статуса донтан пассэз сетӧм одззася кадӧ, 1941—1945 воэзӧ уджын героизм йылісь факттэз |
| Статус | сетьсӧ |
| Статистика | |
| Аркмӧтӧм | 2020 во одзтулыс 1 лун |
| Медодзза сетӧм | 2020 во гожумшӧр 2 лун |
| Медбӧрья сетӧм | 2025 во тӧвшӧр 15 лун |
| Сетӧм лыд | 70 |
 Медиафайлы на РУВИКИ.Медиа | |
Уджын доблестя кар (рочӧн Город трудовой доблести) — Российскӧй Федерацияын почётнӧй званнё, кӧда пукӧм 2020 во одзтулыс 1 лунся[1] федеральнӧй законӧн «мед кольны тӧдвылӧ тылын уджаліссезлісь подвиг 1941—1945 воэзся Великӧй Отечественнӧй война коста»[2]; сетьсӧ Российскӧй Федерацияись каррезлӧ, кӧднаись оліссез «пуктісӧ ыджыт пай 1941—1945 воэзся Великӧй Отечественнӧй войнаын вермӧм понда дугдывтӧг уджалӧмӧн карся промышленнӧй предприяттёэзын военнӧй да гражданскӧй продукция керӧтӧмын да уджын героизм мыччалӧмӧн[3].
«Уджын доблестя кар» званнё сетӧм понда подулӧн лоӧны:
1) предприяттёэзлӧ канму донтан пассэз да (нето) Дорйӧм канму комитетлісь вуджан Гӧрд дӧрапас сетӧм;
2) предприяттёзісь уджаліссезлӧ бур удж понда канму донтан пассэз сетӧм;
3) 1941-1945 воэзӧ карись оліссезлісь уджын подвигсӧ документальнӧя эскӧтӧм факттэз[4].
Карын, кӧдалӧ сетӧм «Уджын доблестя кар» званнё:
1) сувтӧтсьӧ стела, кӧда вылын серпасалӧм карыслӧн герб да гижӧм Российскӧй Федерация президент указісь карыслӧ званнё сетӧм йылісь текст;
2) чулӧтсьӧны паськыта мероприяттёэз да вежалунъя салюттэз тулыспом 1 лунӧ (Тулыс да Удж донтан лун), тулыспом 9 лунӧ (Победа лун), да сідзжӧ Кар донтан лунӧ[5].
«Уджын доблестя кар» званнёыс сетьсӧ Российскӧй Федерация президент указ сьӧрті[6].
Званнё сетӧм окыт
Российскӧй Федерацияись карлӧ «Уджын доблестя кар» званнё сетӧм йылісь вӧзйӧмсӧ местнӧй асъюралан органнэзӧ вермӧны керны Россиялӧн гражданин нетӧ ӧтотира котыр[7]. Бурсьӧтӧны кӧ сійӧ вӧзйӧмсӧ карлӧн асъюралан органнэс, сэк пыртӧны сійӧ регионісь парламентӧ да Российскӧй Федерация субъектісь регион администрацияӧ[8]. Нія видзӧтны сійӧ да пуктӧны юӧртсьыны Россияйскӧй Федерация президент дынӧ карлӧ «Уджын доблестя кар» званнё сетӧм йылісь ходатайствоӧн нето кидтсьӧны сетӧм вӧзйӧмсис[9].
Кӧр регионісь власттес ыстӧны Россия президент дынӧ ны регионісь карлӧ эттшӧм званнё сетӧм йылісь ходатайство, нылӧ ковсьӧ содтыны асланыс ходатайство дынӧ Российскӧй наукаэз академиялісь экспертнӧй кывкӧртӧт, кӧдӧн лоас эскӧтӧм карлӧ почётнӧй званнё сетӧм подув[10].
«Уджын доблестя кар» званнё сетӧм йылісь ходатайство видзӧтӧ «Победа» Россияись рргкомитет, ачыс «Уджын доблестя кар» почётнӧй званнёыс сетсьӧ Российскӧй Федерация Президентлӧн указӧн, пыржык Тулыс да Удж донтан лун одзын (тулыспом 1 лун)[6].
Аркмӧтӧм
Россияись общественнӧй да политическӧй удж нуӧтіссез унаись вӧзйылісӧ Россияись каррезлӧ, кӧднаись оліссез керисӧ удж подвиг Великӧй Отечественнӧй война коста, почётнӧй званнё.
2009 воӧ «Кар-геройезлӧн канмупасьтся союз» абукоммерческӧй партнёрство (юралісьыс — кыкись Сӧветскӧй Союзлӧн Герой, космонавт Виктор Горбатко) вӧлі лӧсьӧтӧм «Удж Доблестя да Славаа кар» общественнӧй почётнӧй отирпасьтся званнё да вынсьӧтӧм сія званнё йылісь положеннё[11]. Этӧ званнёсӧ «Кар-геройезлӧн канмупасьтся союз» абукоммерческӧй партнёрство сетіс мукӧд карлӧ[12].
Великӧй Отечественнӧй война коста тылын уджаліссезӧн повтӧм, вын да уна йӧза героизм мыччалӧм карреслӧ сетӧм могись Россияын «Уджвывся славаа кар» почётнӧй званнё лӧсьӧтӧм йылісь федеральнӧй законлісь проектсӧ пыртлісӧ Российскӧй Федерациялӧн Государственнӧй Думаӧ Государственнӧй Думаись депутаттэз Валентин Варенников да Валерий Востротин 2007 воӧ[13], Челябинскӧй Законодательнӧй Собраннё 2008 воӧ[14], Государственнӧй Думаись депутаттэз Виктор Шрейдер, Борис Зубицкий, Сергей Каргинов, Вячеслав Тимченко, Сергей Поддубный, Федерация Советісь член Валерий Шнякин 2014 воӧ[15][16], Государственнӧй Думаись депутат Олег Смолин 2016 воӧ[17].
2017 воӧ «Уджвывся славаа кар» почётнӧй званнё лӧсьӧтӧм йылісь инициатива вӧлі сетӧм да йӧзӧтӧм «Российская общественная инициатива» порталын[18].
2019 во медодзза джынӧ Российскӧй ФедерациялӧнГосударственнӧй Думаӧ Удмуртия Республикаись Государственнӧй Совет вӧзйис «Уджвывся воинскӧй слава кар»[19] Российскӧй Федерациын почётнӧй званнё йылісь» федеральнӧй законлісь проект, а Нижний Новгород областись Законодательнӧй Собраннё — «Военно-трудовӧй слава кар» почётнӧй званнё йылісь» федеральнӧй законлісь проект[20].
2019 во одзтӧв 14 лунӧ Россиялӧн президент Владимир Путин пыртіс Россия Государственнӧй Думаӧ «Уджын доблестя кар» Россиӧйскӧй Федерацияын почётнӧй званнй йылісь» федеральнӧй законлісь проект[21]. 2020 во тӧвпом 20 лунӧ законопроектыс вӧлі примитӧм Россия Государственнӧй Думаӧн куимӧт (медбӧрья лыддьӧмын), 2020 во тӧвпом 26 лунӧ вӧлі бурсьӧтӧм Россия Федерация Советӧн, да 2020 во одзтулыс 1 лунӧ «Уджын доблестя кар» Российскӧй Федерацияын почётнӧй званнё йылісь» № 41-ФЗ Федеральнӧй закон кырымпасаліс Россиялӧн президент Владимир Путин[22].
2020 во одзгожум 29 лунӧ СНГ Парламентпасьтся ассамблея ошкис Россияись каррезлӧ уджын доблестя кар званнё сетӧм да рекомендуйтіс пыртны сэтшӧм практикасӧ мӧдік канмуэзын[23].
Званнёа каррез
2020
2020 во гожумшӧр 2 лунӧ «Уджын доблестя кар» званнё сетӧм сэтшӧм каррезлӧ: Боровичами, Екатеринбург, Иваново, Ижевск, Иркутск, Казань, Магнитогорск, Нижний Новгород, Нижний Тагил, Новокузнецк, Новосибирск, Омск, Перем, Самара, Саратов, Томск, Ульяновск, Уфа, Челябинск, Ярославль[24].
2021
2021 во тулыспом 20 лунӧ «Уджын доблестя кар» званнё сетӧм 12 карлӧ: Барнаул, Каменск-Уральский, Киров, Коломна, Комсомольск Амур вылын, Красноярск, Магадан, Пенза, Рыбинск, Северодвинск, Тюмень, Чебоксары[25].
2021 во одзар 10 лунӧ «Уджын доблестя кар» званнё сетӧм 12 карлӧ: Алдан, Бологое, Воркута, Дзержинск, Кемерово, Кострома, Лысьва, Мончегорск, Оха, Ступино, Сызрань и Чита[26].
2022
2022 во арпом 15 лунӧ «Уджын доблестя кар» званнё сетӧм 7 карлӧ: Астрахань, Вологда, Златоуст, Каспийск, Норильск, Орск да Якутск. Званнёыс вӧлі сідзжӧ сетӧм Горловкалӧ да Лугансклӧ[27].
2023
2023 во одзар 11 лунӧ «Уджын доблестя кар» званнё сетӧм 10 карлӧ: Владимир, Воткинск, Находка, Новомосковск, Подольск, Прокопьевск, Рязань, Рубцовск, Улан-Удэ да Ханты-Мансийск[28].
2025
2025 во тӧвшӧр 15 лунӧ «Уджын доблестя кар» званнё сетӧм 7 карлӧ: Верхняя Пышма, Зеленодольск, Ишимбай, Курган, Ленинск-Кузнецк, Миасс, Салехард[29].
Нумизматикаын
Россияылӧн Банк 2021-2023 воэзӧ лэдзис 12 кӧртсьӧм «Уджын доблестя кар» серияись, кӧда кӧсйӧм уджын доблестя каррезлӧ. 2024 воӧ вӧлісӧ лэдзӧмӧсь сія серияись 4 кӧртсьӧм[30].
- Россия Банклӧн кӧртсьӧм
Пасйӧттэз
- ↑ Федеральный закон от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 апреля 2020. Архивировано 6 апреля 2020 года.
- ↑ Преамбула Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 апреля 2020. Архивировано 6 апреля 2020 года.
- ↑ Часть 1 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 апреля 2020. Архивировано 6 апреля 2020 года.
- ↑ Часть 2 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 апреля 2020. Архивировано 4 мая 2020 года.
- ↑ Часть 3 статьи 2 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 апреля 2020. Архивировано 4 мая 2020 года.
- ↑ 1 2 Часть 4 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 апреля 2020. Архивировано 4 мая 2020 года.
- ↑ Часть 1 статьи 3 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 21 апреля 2020. Архивировано 4 мая 2020 года.
- ↑ Часть 2 статьи 3 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 21 апреля 2020. Архивировано 4 мая 2020 года.
- ↑ Часть 3 статьи 3 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 21 апреля 2020. Архивировано 4 мая 2020 года.
- ↑ Часть 3 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Дата обращения: 16 апреля 2020. Архивировано 4 мая 2020 года.
- ↑ Положение о почётном международном звании «Город Трудовой Доблести и Славы». Дата обращения: 21 июня 2022. Архивировано 30 марта 2022 года.
- ↑ Города Трудовой Доблести и Славы. Дата обращения: 21 июня 2022. Архивировано 27 марта 2022 года.
- ↑ Законопроект № 487496-4 «О почетном звании Российской Федерации „Город трудовой славы“» Архивная копия от 5 Аршӧр 2019 на Wayback Machine, СОЗД ГАС «Законотворчество»
- ↑ Законопроект № 54645-5 «О почетном звании Российской Федерации „Город трудовой славы“» Архивная копия от 5 Аршӧр 2019 на Wayback Machine, СОЗД ГАС «Законотворчество»
- ↑ Звание «Город трудовой славы» будут присваивать за вклад в Победу Архивная копия от 14 Одзтӧв 2019 на Wayback Machine, «Российская газета», 18.04.2014
- ↑ Законопроект № 502288-6 «О почетном звании Российской Федерации „Город трудовой славы“» Архивная копия от 5 Аршӧр 2019 на Wayback Machine, СОЗД ГАС «Законотворчество»
- ↑ Предлагается установить почетное звание «Город трудовой славы». Дата обращения: 14 декабря 2019. Архивировано 14 декабря 2019 года.
- ↑ Установить почетное звание «Город трудовой славы» Архивная копия от 14 Одзтӧв 2019 на Wayback Machine, Российская общественная инициатива
- ↑ Законопроект № 710424-7 «О почетном звании Российской Федерации „Город трудовой славы“» Архивная копия от 27 Одзар 2019 на Wayback Machine, СОЗД ГАС «Законотворчество»
- ↑ Законопроект № 724173-7 «О почетном звании Российской Федерации „Город военно-трудовой славы“» Архивная копия от 30 Одзар 2019 на Wayback Machine, СОЗД ГАС «Законотворчество»
- ↑ Путин внес в Госдуму законопроект о звании «Город трудовой доблести». Дата обращения: 14 декабря 2019. Архивировано 14 декабря 2019 года.
- ↑ Федеральный закон от 01.03.2020 № 41-ФЗ. publication.pravo.gov.ru. Дата обращения: 3 марта 2020. Архивировано 2 марта 2020 года.
- ↑ В странах СНГ могут появиться города трудовой доблести. Дата обращения: 7 августа 2020. Архивировано 10 августа 2020 года.
- ↑ Указ о присвоении почётного звания Российской Федерации «Город трудовой доблести». Дата обращения: 2 июля 2020. Архивировано 2 июля 2020 года.
- ↑ Указ о присвоении почётного звания Российской Федерации «Город трудовой доблести». Дата обращения: 10 сентября 2021. Архивировано 10 сентября 2021 года.
- ↑ Указ о присвоении почётного звания «Город трудовой доблести». Дата обращения: 10 сентября 2021. Архивировано 10 сентября 2021 года.
- ↑ Указ Президента Российской Федерации от 15.11.2022 № 829 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Дата обращения: 15 ноября 2022. Архивировано 15 ноября 2022 года.
- ↑ Указ Президента Российской Федерации от 11.09.2023 № 668 ∙ Официальное опубликование правовых актов ∙ Официальный интернет-портал правовой информации рус..
- ↑ Указ Президента Российской Федерации от 15.01.2025 № 16 ∙ Официальное опубликование правовых актов рус. (2025-01-15).
- ↑ Серия «Города трудовой доблести»: новые монеты. Банк России. cbr.ru. Видзӧтӧм 5 Тулыспом 2024.