Сысолетин Михаил Иванович

Сысолетин Михаил Иванович
Сысолетин Михаил Иванович
Чужан лун	1918 во тӧвшӧр 21 лун
Чужанін	Кудымкар район, Коми-Пермяцкöй автономнöй округ[d];
Кулан лун	1943 во аршӧр 18 лун (25 лет)
Куланін	Петровский район[d], Кировоградская область[d], Украинская ССР[d], СССР[d];
Тышккез/войнаэз	Великӧй Отечественнӧй война;
Донтан пассэз	;

Сысолетин Михаил Иванович (1918 — 1943) — Великӧй Отечественнӧй войнаын участник, Советскӧй Союзлӧн Герой.

Олантуй

Чужис 1918 во тӧвшӧр 21 лунӧ Синтӧмын, быдмис Ӧникын (Кудымкарскӧй район)^[1]. Помаліс сизим класса школа Дёминын. Школа помалӧм бӧрын уджаліс колхозын, ЛПХ-ын, пожарнӧй охранаын.

1938 во гожумпом 26 лунӧ босьтісӧ РККА-ӧ. Кысъяліс Дальньӧй Востокын. Демобилизация бӧрын бертіс гортас.

1941 во одзгожумсянь фронт вылын. Воюйтіс Волховскӧй да Степнӧй фронттэз вылын. Вӧлі 337-ӧт станко-пулемётнӧй батальонын. 1942 воын вӧлі ӧддьӧн дойдӧм. Госпиталь бӧрын велӧтчис танкисттэз школаын Нижньӧй Тагилын.

1943 во гожумпомӧ муніс Степнӧй фронт вылӧ. Воюйтіс 5-ӧт гвардейскӧй Краснознамённӧй танковӧй армия 18-ӧт танковӧй корпус разведывательнӧй батальонын танк Т-34 механик-водительӧн^[2].

1943 во аршӧр 18 лун асъяпоннас Сысолетныслӧн танкыс медодззаӧн пырис лыйсьӧмӧн Зелёное посадӧ (Кировоградскӧй область, Украинскӧй ССР). Паныт бинас танкыс вӧлі стрӧйдӧм. Но экипажыс эз пет танксис, а мунісӧ враг позицияэз вылӧ, лыйсис да талис гусеницаэзнас врагсӧ танкыс взрывӧдз. Сідз экипажыс уничтожитіс 1 танк, 15 транспортнӧй машина, 146 враг солдат да офицер^[3].

Экипажсӧ — командир лейтенант Дунаев, стрелок-радист Бессонов, танкыс башня командир Леонов да Михаил Сысолетинсӧ — дзебисӧ Зелёное посад ӧтшойнаӧ.

Донтан пассэз

Медаль «Золотая Звезда» (1944)
Орден Ленина (1944)

Касьтылӧм

Сысолетин нимӧн шуӧм улица Кудымкарын.
Дёминісь шӧрӧт школалӧ вӧлі сетӧм Сысолетин ним.

Лыддьӧтан

Герои Советского Союза, полные кавалеры орденов Славы – уроженцы Коми-Пермяцкого автономного округа. Сборник буклетов / Составитель Ю. Зубов. – Кудымкар: Кудымкарское бюро путешествий и экскурсий, 1985 г.
Конин Г.К. Подвиги героев бессмертны. Очерки. ‒ Кудымкар: Коми-Перм. кн. изд-во, 2005. С.188‒198.
Пермский край в Великой Отечественной войне: энциклопедия / коллектив авторов; ред. кол-я: Махов В. П. (главный редактор) и др. - Издание испр. и доп. ‒ Пермь : Изд-во «Пушка», 2020. С.329.

Пасйӧттэз

↑ Сысолетин Михаил Иванович (1918‒1943), Герой Советского Союза. База данных "Герои Советского Союза и полные кавалеры Ордена Славы / Коми-Пермяцкий окружной государственный архив
↑ СЫСОЛЕТИН МИХАИЛ ИВАНОВИЧ. База данных воинов-пермяков – Героев Великой Отечественной войны, удостоенных почетного звания Герой Советского Союза или Полный кавалер Ордена Славы / Пермский государственный архив социально-политической истории
↑ Сысолетин Михаил Иванович / Общественный проект Приволжского федерального округа "Герои Отечества"

[1] Сысолетин Михаил Иванович (1918‒1943), Герой Советского Союза. База данных "Герои Советского Союза и полные кавалеры Ордена Славы / Коми-Пермяцкий окружной государственный архив

[2] СЫСОЛЕТИН МИХАИЛ ИВАНОВИЧ. База данных воинов-пермяков – Героев Великой Отечественной войны, удостоенных почетного звания Герой Советского Союза или Полный кавалер Ордена Славы / Пермский государственный архив социально-политической истории

[3] Сысолетин Михаил Иванович / Общественный проект Приволжского федерального округа "Герои Отечества"

[1]

[2]

[3]