Старовойт Роман Владимирович

Босьтöм Рувикиись
РУВИКИ-ын эмӧсь статьяэз мӧдік морттэз йылісь гижсянӧн Старовойт.
Старовойт Роман Владимирович
Rv2022.jpg
Флаг
Российскӧй Федерациялӧн транспорт министр
Флаг
 2024 во тулыспом 14 лун
Правительство юралісь Михаил Мишустин
Президент Владимир Путин
Одззася уджалісь Виталий Савельев
Флаг
Курск областьлӧн губернатор
Флаг
2019 во одзар 16 лун — 2024 во тулыспом 12 лун
(к. у. к. 2018 во аршӧр 11 лун — 2019 во одзар 16 лун)
Президент Владимир Путин
Одззася уджалісь Александр Михайлов
Одзлань уджалісь Алексей Смирнов
Флаг
«Ӧтласа Россия» партиялӧн Курск региональнӧй юкӧтлӧн секретарь
Флаг
 2020 во арпом 12 лун
Одззася уджалісь Владимир Иванов
Флаг
Российскӧй Федерация транспорт министрӧс вежлісь
Флаг
аршӧр 1 лун — 2018 во аршӧр 10 лун
Флаг
Туйез федеральнӧй агенствоӧн юралісь
Флаг
2012 во арпом 22 лун — 2018 во одзар 28 лун
Одззася уджалісь Анатолий Чабунин
Одзлань уджалісь Андрей Костюк
Чужӧм 1972 во тӧвшӧр 20 лун
Курск, Курск область, РСФСР, СССР
Кулӧм 2025 во гожумшӧр 7 лун(2025-07-07) (53 года)
Партия Ӧтласа Россия
Туялісь тшупӧт педагогика кандидат
Донтан пассэз
Тодиль званнё нето класса чин
Званнё Наплечный знак руководителя Росавтодор № (2017).png
Российскӧй Федерациялӧн 1 класса действительнӧй государственнӧй советник
Логотип РУВИКИ.Медиа Медиафайлы на РУВИКИ.Медиа


Старовойт Роман Владимирович (1972 во тӧвшӧр 20 лун, Курск[d] — 2025 во гожумшӧр 7 лун, Одинцово[d], Москва область[d]) — российскӧй государственнӧй да политическӧй деятель. Российскӧй Федерациялӧн транспорт сьӧрті министр 2024 во тулыспом 14 лунсянь 2025 во гожумшӧр 7 лунӧдз. Курск областьлӧн губернатор 2019 во одзар 16 лунсянь 2024 во тулыспом 12 лунӧдз (к. у. к.2018 во аршӧр 11 лун — 2019 во одзар 16 лун). «Ӧтласа Россия» Курск региональнӧй юкӧтлӧн секретарь 2020 во арпом 12 лунсянь.

2025 во гожумшӧр 7 лунӧ вийис асьсӧ гортас, Мякининаын[1].

Олантуй

Роман Старовойт чужис 1972 во тӧвшӧр 20 лунӧ Курск карын. Айыс — Владимир Александрович Старовойт — уджаліс Курскӧй атомья электростанцияын. 1974 воӧ айсӧ вуджӧтісӧ Ленинградскӧй АЭС-ӧ, Ленинград областись Сосновый Бор карӧ, кытӧн и чулаліс Романыслӧн челядькадыс[2][3][4].

Велӧтчӧм

1995 воӧ Старовойт помаліс Д. Ф. Устинов нима Балтийскӧй канмуся техника университет «Импульснӧй тепловӧй машинаэз» специальность сьӧрті[5].

2008 воӧ помаліс Сееро-западнӧй госслужба академия «Канму да муниципальнӧй юралӧм» специальность сьӧрті[6].

2012 воӧ РФ МВД Москва университетын Старовойт дорйис педагогика кандидат диссертация (темаыс рочӧн «Инновационная методика подготовки спортсменов в зимнем полиатлоне»)[7].

2019 воӧ Старовойт помаліс велӧтчӧмсӧ РАНХиГС канму веськӧтлӧмлӧн вылісь школаын (ВШГУ) кадрӧвӧй веськӧтлан резерв зорӧтан программа сьӧрті.

Удж

Бизнесын

1995 воӧ Старовойт вӧлі АО «Региональнӧй инвестиционнӧй агентство» исполнительнӧй директорӧн. 1995—2001 воэзӧ — «Промышленнӧй» НПФ-лӧн активвезӧн юралан компанияись генеральнӧй директор. 2002—2005 воэзӧ вӧлі «Стройинвест» строитан компания эмалісьӧн да генеральнӧй директорӧн[8].

РФ министерствоэз да ведомствоэз аппаратын

2005—2007 воэзӧ Старовойт уджаліс Санкт-Петербург правительстволӧн инвестиционнӧй да стратегическӧй проекттэз сьӧрті комитетлӧн инвесторрезкӧт удж кузя отделӧн начальникӧн. 2007—2010 воэзӧ — Санкт-Петербург правительстволӧн инвестиционнӧй да стратегическӧй проекттэз сьӧрті комитетісь юпалісьлӧн медодзза вежлісьӧн[4]. 2010 восянь 2012 воӧдз вӧлі Российскӧй Федерациялӧн правительствоись аппаратлӧн промышленность да инфраструктура департаментлӧн директорӧс вежлісьӧн.

2012 во арпом 22 лунсянь Старовойт вӧлі Туйез федеральнӧй агентство (Росавтодор) юралісьӧн. 2018 во аршӧр 1 лунсянь вӧлі Российскӧй Федерациялӧн транспорт министрлӧн вежлісьӧ[8].

Курск областьӧн юравтӧн

2018 во аршӧр 11 лунӧ, Александр Михайлов отставкаӧ петӧм бӧрын, Старовойтӧс пуктісӧ Курск областьлӧн губернаторлісь удж керисьӧн[9].

2019 во тулысшӧр 4 лунӧ партия пыртсьытӧм Старовойт сетіс документтэз «Ӧтласа Россия» праймеризӧ пырӧтчӧм понда, медбы бӧрйыны партиясянь кандидатӧс Курск областьлӧн губернаторӧс бӧрйӧм понда, кӧда чулаліс 2019 во одзар 8 лунӧ кежӧ[10]. «Ӧтласа Россиялӧн» Курск региональнӧй юкӧтын гуся голосуйтӧм коста Старовойтыс дор вӧлісӧ 229 делегат 257-ись. Одзгожумӧн «Ӧтласа Россия» вӧзйис сійӧ губернаторӧ кандидатӧн[11].

2019 во гожумпомӧ Россиялӧн президент Владимир Путин пантасис Старовойтыскӧт да примитіс сылісь доклад национальнӧй проекттэз олӧмӧ пыртӧм йылісь, автотуйез, поликлиникаэз, а сідзжӧ школаэз да челядь саддэз канму-асторья партнёрство принцип сьӧрті регионын инвестиционнӧй мич содтӧм йылісь[12].

2019 во одзар 8 лунӧ чулалӧм бӧрйӧмын Старовойт дор вӧлісӧ 81,07 % 41,56 % явка дырни, да вӧлі бӧрйӧм Курск областьлӧн губернаторӧн 5 во кежӧ. Сылӧн уджыс помассис 2024 воӧ[13].

2020 во арпом 9 лунӧ Старовойт пырис «Ӧтласа Россия»  (перм.рус. партияӧ[14].

2020 во тӧвшӧр 21 лунсянь — Российскӧй Федерациялӧн Канмуся Совет президиумӧ пырись[15].

РФ правительствоын

2024 во тулыспом 2024 воӧ Михаил Мишустин вӧзйис Роман Старовойтлісь кандидатурасӧ транспорт министр пост вылӧ[16]. Тулыспом 14 лунӧ Госдума бурсьӧтіс сійӧ постас[17], сія жӧ лунӧ РФ президент гижсис сы пуктӧм йылісь указӧ[18].

2025 во гожумшӧр 7 лунӧ Российскӧй Федерациялӧн президент Владимир Путин указӧн вӧлі дугдӧтӧм Российскӧй Федерациялӧн транспорт министр уджын[19].

РФ президентлӧн указ Старовойтсӧ министр уджись кидтӧм йылісь.

Велӧтӧмын

Губернатордыр Старовойт лыддьӧтіс лекцияэз кыдз Юго-Западнӧй канмуся университетлӧн экономика опастӧмалӧм да вот октӧм кафедраись доцент[20].

Класса чин

  • Российскӧй Федерациялӧн 1 класса действительнӧй государственнӧй советник

Донтан пассэз

  • Почёта орден (2014)
  • «Бура уджалӧм да отличие понда» ІІ тшупӧта медаль (2015)
  • «Россия агропромышленнӧй комплекс зорӧтӧмӧ пуктӧм пай понда» зарниа медаль (2015)
  • Александр Невский нима орден (2017)
  • «Бура уджалӧм да отличие понда» І тшупӧта медаль (2018)
  • Ёртасьӧм орден (2020)[21]

Семья, ас олӧм

Яна. Эмӧсь кык ныв.

Спортын

Роман Старовойт — нёль Москва йӧзкостся марафонлӧн участник. Радейтӧ триатлон, 2018 во аршӧр 7 лунӧ 13 час 33 минутаӧн тыртіс Iron man («Кӧрт морт») супермарафон (3800 м уялӧм, 180 км велосипедӧн гӧнитӧм да 42 км котӧртӧм)[22][23].

Санкцияэз

2022 во гожумшӧрсянь Старовойтыс Ыджыт Британия санкцияэз увтын[24], гожумпосянь — Канада[25], аршӧрсянь — Украина, одзтӧвсянь — США[26].

Пасйӧттэз

  1. ↑ Бывший министр транспорта России Роман Старовойт найден мертвым в Одинцово, Известия (7 Гожумшӧр 2025). Дата обращения: 7 Гожумшӧр 2025.
  2. ↑ Старовойт Роман биография, личная жизнь, образование, политика. biograf24.com. Видзӧтӧм 11 Тулыспом 2019.
  3. ↑ Роману Старовойту на Курской атомной станции подарили трудовое дело его отца рус.. Рамблер/новости. Видзӧтӧм 11 Тулыспом 2019.
  4. ↑ 1 2 Старовойт, Роман Владимирович Архивная копия от 1 Арпом 2018 на Wayback Machine // ТАСС
  5. ↑ Биография Романа Старовойта Архивная копия от 1 Арпом 2018 на Wayback Machine // РИА Новости
  6. ↑ Роман Старовойт: «Железный человек» для Курской областирус. (16 октября 2018). Архивировано 26 Аршӧр 2018 года. Дата обращения: 29 Аршӧр 2018.
  7. ↑ Роман Владимирович Старовойт. Инновационная методика подготовки спортсменов в зимнем полиатлоне (ru-RU). — 2012. Архивировано 2 Одзтулыс 2022 года.
  8. ↑ 1 2 Старовойт Роман Владимирович Архивная копия от 28 Аршӧр 2018 на Wayback Machine // Коммерсантъ
  9. ↑ Роман Старовойт назначен временно исполняющим обязанности Губернатора Курской области рус.. Президент России. Видзӧтӧм 19 Одзтӧв 2018.
  10. ↑ Глава Курской области Роман Старовойт заявил о готовности сотрудничать со всеми партиями. 15.04.2019 ТАСС.
  11. ↑ «Единая Россия» выдвинула Старовойта в губернаторы Курской области. 13.06.2019 Коммерсантъ.
  12. ↑ РБК-Черноземье, 29 августа 2019. Президент РФ Владимир Путин встретился с Романом Старовойтом
  13. ↑ Старовойт победил на выборах губернатора Курской области с 81,07% голосов рус.. www.kommersant.ru (2019-09-09). Видзӧтӧм 10 Одзар 2019.
  14. ↑ Губернатор Курской области Роман Старовойт вступил в «Единую Россию». 9 ноября 2020.
  15. ↑ Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. Видзӧтӧм 29 Одзтӧв 2020.
  16. ↑ Мишустин предложил новый состав правительства (2024-05-12).
  17. ↑ Госдума утвердила Старовойта министром транспорта России (2024-05-14).
  18. ↑ Президент подписал указы о назначении членов Правительства Российской Федерации и директоров служб (2024-05-14).
  19. ↑ Путин уволил Старовойта с поста главы Минтранса, РБК (07.07.2025). Дата обращения: 7 Гожумшӧр 2025.
  20. ↑ Источник.
  21. ↑ Роман Старовойт удостоен Ордена Дружбы рус.. Видзӧтӧм 5 Гожумпом 2020.
  22. ↑ Роман Старовойт: «Железный человек» для Курской области (ru-RU) (16 Аршӧр 2018). Архивировано 26 Аршӧр 2018 года. Дата обращения: 26 Аршӧр 2018.
  23. ↑ Роман Старовойт - о себе: биография врио губернатора Курской области. gtrkkursk.ru. Видзӧтӧм 11 Тулыспом 2019.
  24. ↑ ГУБЕРНАТОР КУРСКОЙ ОБЛАСТИ РОМАН СТАРОВОЙТ ПОПАЛ В САНКЦИОННЫЙ СПИСОК ВЕЛИКОБРИТАНИИ
  25. ↑ Канада вводит санкции против 62 физлиц и одной структуры в связи с ситуацией на Украине
  26. ↑ Russia-related Designations and Designations Updates.
Босьтӧма "https://koi.ruwiki.ru/w/index.php?title=Старовойт_Роман_Владимирович&oldid=215803"-ись