Сигма-бой (сьыланкыв)

Босьтöм Рувикиись
Сигма Бой
Обложка сингла Betsy, Мария Янковская - Сигма Бой «Сигма Бой» ()
Сингл Betsy, Мария Янковская - Сигма Бой
Петан кад 2024 вося аршӧр 24 лун
Формат Радиоротация, клип, цифровӧй дистрибуция
Гижан кад 2024 во
Дырна 2 мин 14 сек
Cьыланкывлӧн автор Михаил Чертищев
внизу =

«Сигма-бой» (англ. Sigma Boy) — поп жанра сьыланкыв, кӧдӧ сьылӧны сьыліссез Светлана Чертищева (тӧдсажык «Betsy» нимӧн) да Мария Янковская. Синглыс лоис интернет-хитӧн: блогеррез босьтісӧ сійӧ саундтрекӧн асланыс видеоэз понда, сідзжӧ вӧлісӧ керӧмӧсь уна ремейккез да кавер-версияэз. Шыладсӧ да текстӧ гижис Михаил Чертищев[1]. Трекыс сюрис Billboard чартӧ, да Европейскӧй Союзын сійӧ возйисӧ пуктыны абу позянаӧн «российскӧй идеяэз пропаганда» кузя. Сы йылісь Европарламентын висьталіс немецкӧй Volt партияись депутат Нэла Риль. Одзжык «Сигма бой» сьылакылӧн томпӧлӧслӧ умӧлькерӧм йылісь гижис газета Die Tageszeitung[2].

Вежӧртас

[вильмӧтны | править код]

Сьыланкылыслӧн лирическӧй героиняыс сьылӧ зонкалӧ, кӧда ӧддьӧн гленитчӧ быдӧс сы вося нывкаэзлӧ, а сылӧ оз на. Артисткаыс висьталӧ, мый сылӧ ковсяс ӧддьӧн старайтчыны. «Сигма» кылыс интернет-сленгись, сідз шуӧны айпӧлӧс, кӧда игнорируйтӧ социальнӧй нормаэз да радейтӧ ӧтка олӧм[3]. Шуам, сідз шуӧны голливудскӧй актёрӧс Киану Ривзӧс, американскӧй миллиардерӧс Илон Маскӧс. Сэтшӧм жӧ кылӧн шуӧны литератураись да киноись паськыта тӧдса геройезӧс: Патрик Бейтманӧс «Американскӧй психопат» (англ. American Psycho) киноись, Трэвис Биклӧс «Таксист» (англ. Taxi Driver) киноись да Томас Шелбиӧс «Йывья шондідзеббез» (англ. Peaky Blinders) сериалісь[4][5].

Бэтси да Мария Янковская

Аркмӧтӧм

[вильмӧтны | править код]

Сьыланкывлісь текстсӧ да шыладсӧ гижис продюсер да композитор Михаил Чертищев, кӧда тӧдса МУККА сьыліськӧт уджӧн. Чертищевыс сідзжӧ гижис шылад мультсериаллэз понда, ны лыдын «Лунтик», «Барбоскиннэз» да «Куим богатырь». Сьылӧны 11 вося Светлана Чертищева (композитор Михаил Чертищевыслӧн ныв) да 12 вося Мария Янковская. Синглыс петіс 2024 во аршӧр 4 лунӧ. Ӧткоста «Бэтси Girl» YouTube-каналын петіс клип, кӧда босьтіс 3 места «Россияын сё медбур клип» нимлёдзын. Роликсӧ видзӧтісӧ 59 миллион морт (2024 во одзтӧв 21 лун кеж)[6].

Сьыланкылісь тор

Каждая девчонка хочет танцевать с тобой
Сигма сигма бой, Сигма Бой Сигма бой
Я такая вся, что добиваться будешь год
Сигма сигма бой, Сигма Бой Сигма бой [7].

— Betsy & Мария Янковская — Сигма Бой

2025 во тӧвшӧр помын Михаила Чертищевсӧ винитісӧ плагиатын. Диджей Виталий Лазарев (Dj Lavitas) висьталіс, мый гижӧма сэтшӧм аранжировкасӧ 2010-ӧт воэз шӧрын[8].

Отирын паськалӧм

[вильмӧтны | править код]

Медодз сьыланкылыс паськаліс дуэтлӧн фан-чукӧрын, сэсся артисткаэс пондісӧ снимайтны дженыт видеоэз, кытӧн ӧтлаын Чертищеваыскӧт да Янковскаяыскӧт «Сигма-бой» сьыланкывсӧ йӧктісӧ паськыта тӧдса блогеррез да артисттэз. Сьыланкылыс лоис паськыта тӧдса TikTok пырйӧт: блогеррес босьтісӧ «Сигма-бой» композициясӧ видеоэз понда саундтрек туйӧ, петісӧ уна ремейккез да кавер-версияэз.

Светлана Чертищева, Мария Янковская да Вика Андриенко

«Сигма-бой» кыввез, кӧдна вежӧртанаӧсь роч да английскӧй кывья аудиториялӧ, унаись шувлӧм кузя сьыланкылыс паськаліс визирсайӧт. «Аталанта» футбол клублӧн официальнӧй листбокын петіс ролик, кӧдаись кывсис «Сигма-бой» сьыланкылыс[9]. Прагаын чешскӧй клуб «Спарта» хоккейнӧй матч коста чирлидеррес йӧктісӧ российскӧй артисткаэз трекӧн[10]. 2025 во тӧвшӧр 16 лун кеж сьыланкылыс видзсьӧ сизимӧт местаын топ-10 Billboard йӧктан чартын[11]. Сы бӧрын, кыдз шылад йылісь журналыс уськӧтіс дзар композиция вылас, трекыс вились пондіс паськавны отирӧт. Spotify-ын сьыланкылыс вӧлі кывзӧм 3,8 млн-ись[12].

Критика

[вильмӧтны | править код]

Кӧть сьыланкылыс ӧддьӧн паськаліс, видеохостинггезас сы дынӧ унакодь негативнӧй комментарийез: кывзіссес критикуйтӧны синглсӧ сы умӧль текст да лякасяна мотив кузя[13]. Мукӧд кывзіссез пуктісӧ «Сигма-бой» трексӧ «брейн-рот» контентӧ, сідз шуӧны умӧль контент, кӧда умӧльсьӧтӧ мортлісь психика. (2024 воӧ Оксфорд университет шуис вося кыввезӧн «brain rot», кӧдна вежӧртасыс лоӧ «юрвем сісь»)[14].

Шылад критик Евгений Бабичев висьталіс, мыля сы сьӧрті «Сигма-бой» сьыланкылыс сідз паськаліс:

Ӧні уна композиторрез, дыр уджалана мелодисттэз жугдӧны юррезнысӧ, мыйын жӧ хит керӧм секретыс, поди, эм тодиль гармония, нотаэзлӧн окыт нето лякасяна кыввез. Былись ко, секретыс абу. Кинлӧкӧ гленитчис сьыланкылыс и сія кутчис ыставны сійӧ ёрттэслӧ. Эта вирус кодь туйыс мукӧдпырся керӧ адззывлытӧм тор[15].

«Вольт Европа» партиясянь Европарламентӧ пырись Нэла Риль 2024 во одзтӧлӧ чулалӧм заседаннё коста критикуйтіс «Сигма Бой» российскӧй хитсӧ [16], корис пуктыны сьылканывсӧ абупоязанаӧн сідз шуана роч культура дугдӧтӧм пыр. Сылӧ паныт кыв видзис ЛДПР-лӧн лидер, Госдумаись визирсайся делоэз сьӧрті комитетлӧн юралісь Леонид Слуцкий, сія висьталіс, мый европарламентарийезлӧн челядь понда сьылканыв йылісь висьталӧмыс лоас вӧджжӧтӧм Кага праваэз йылісь конвенция сьӧрті, да сідзжӧ висьталіс, мый мӧдӧ гижны сы кузя мирпасьтся правоэз дорйӧм сьӧрті уджалана организацияэзӧ[17].

«Сорок сороков» нима общественнӧй движеннё гижис РФ Генеральнӧй прокуратурӧ, мед трекыс вӧлі вӧджжӧтӧм. Общественниккес корисӧ пыртны инфомация йылісь федеральнӧй законӧ вежсьӧммез да дугдӧтны челядь сексуализация[18].

Содтӧт информация

[вильмӧтны | править код]
«Сигма-бой» сингл ремикслӧн одз.

Светлана Чертищеваыс лоис одзжык тӧдса аслас челядь понда «Капибара» да «Симпл-димпл, поп-ит, сквиш» нима сьыланкыввезӧн.

Мария Янковскаяыс «СТС Kids» телеканаллӧн резидент.

«Сигма-бой» синглыс петӧмянь куим тӧлісь бӧрті Betsy социальнӧй веззэзын вӧлі йӧзӧтӧм английскӧй кывья ремикс «Sigma Boy». Ӧтлаын Чертищеваыскӧт да Янковскаяыскӧт синглсӧ гижисӧ визирсайся артисттэз Ely Oaks и LAVINIA[19].

Чарттэз

[вильмӧтны | править код]
Чарт (2024—2025) Позиция
 Австрия (Ö3 Austria Top 40)[20] 73
 Чехия (Singles Digitál Top 100)[21] 30
 Германия (GfK)[22] 56
Sweden (Sverigetopplistan)[23] 89
US Hot Dance/Pop Songs (Billboard) 7

Ыстӧттэз

[вильмӧтны | править код]

Пасйӧттэз

[вильмӧтны | править код]
  1. ↑ «Сигма-бой» — хит соцсетей. Откуда взялась вирусная песня и почему ее так полюбили за рубежом, Т⁠—⁠Ж (11 Одзтӧв 2024). Дата обращения: 18 Одзтӧв 2024.
  2. ↑ Депутат Европарламента предложила запретить песню «Сигма бой», РБК (26 Тӧвшӧр 2025). Дата обращения: 26 Тӧвшӧр 2025.
  3. ↑ «Сигма, сигма-бой»: как девочки из России покорили западный «ТикТок» на хайпе нового слова, ФОНТАНКА.ру (15 Тӧвшӧр 2025). Дата обращения: 21 Тӧвшӧр 2025.
  4. ↑ «Сигма-бой» — хит соцсетей. Откуда взялась вирусная песня и почему ее так полюбили за рубежом, Т⁠—⁠Ж (11 Одзтӧв 2024). Дата обращения: 21 Тӧвшӧр 2025.
  5. ↑ Беленицина, Ольга Акимова, Ксения. Сигма-бой: 3 типичные черты мужчины — героя трендового трека (27 Одзтӧв 2024). Дата обращения: 21 Тӧвшӧр 2025.
  6. ↑ Песня «Сигма-бой» возглавила чарт Spotify, Халва медиа (17 Одзтӧв 2024). Дата обращения: 18 Одзтӧв 2024.
  7. ↑ Сигма-Бой — слова песни. Дата обращения: 18 Одзтӧв 2024.
  8. ↑ Создателя «Сигма бой» обвинили в плагиате - Газета.Ru | Новости, Газета.Ru. Дата обращения: 31 Тӧвшӧр 2025.
  9. ↑ «Аталанта» роликом с российской песней «Сигма-бой» отметила 10-ю победу подряд в Серии А. Дата обращения: 18 Одзтӧв 2024.
  10. ↑ Чирлидерши чешской «Спарты» в Праге зажгли под российский трек «Сигма-бой», Life.ru (13 Тӧвшӧр 2025). Дата обращения: 21 Тӧвшӧр 2025.
  11. ↑ «Сигма, сигма-бой»: как девочки из России покорили западный «ТикТок» на хайпе нового слова, Фонтанка.ру (16 Тӧвшӧр 2025). Дата обращения: 21 Тӧвшӧр 2025.
  12. ↑ Sigma Boy: как песня российских школьниц стала мировым хитом (русский) (2025-01-16).
  13. ↑ сигма-бой. рус..
  14. ↑ Что за песня «Сигма Бой» прославила двух россиянок на весь мир?, AiF (16 Одзтӧв 2025). Дата обращения: 21 Тӧвшӧр 2025.
  15. ↑ Музыкальные эксперты рассказали, как российский хит «Сигма Бой» попал в американский чарт, Рамблер/развлечения и отдых (16 Тӧвшӧр 2025). Дата обращения: 21 Тӧвшӧр 2025.
  16. ↑ Депутат Европарламента призвала запретить песню российских школьниц Sigma Boy, BFM.ru (28 Тӧвшӧр 2025). Дата обращения: 28 Тӧвшӧр 2025.
  17. ↑ Слуцкий прокомментировал критику Европой песни "Сигма Бой", РИА Новости (27.01.2025). Дата обращения: 27 Тӧвшӧр 2025.
  18. ↑ Mash: ГП попросили проверить хит "Сигма бой" из-за откровенных танцев школьниц - Российская газета, Российская газета (27 Тӧвшӧр 2025). Дата обращения: 27 Тӧвшӧр 2025.
  19. ↑ LAVINIA, Ely Oaks, Betsy, Мария Янковская - Sigma Boy (Rework 2024) рус..
  20. ↑ "Austriancharts.at – Betsy / Мария Янковская – Sigma Boy" нем.. Ö3 Austria Top 40.
  21. ↑ "ČNS IFPI" чешск.. Hitparáda – Digital Top 100 Oficiální. IFPI Czech Republic. Note: Change the chart to CZ – SINGLES DIGITAL – TOP 100 and insert 20251 into search.
  22. ↑ "Мария Янковская/?type=single Musicline.de – Betsy / Мария Янковская Single-Chartverfolgung" нем.. Media Control Charts. PhonoNet GmbH.
  23. ↑ Veckolista Singlar, vecka 3 (sv). Sverigetopplistan.
© Эта материаллӧн правовидзисьыс АНО «Интернет-энциклопедия «РУВИКИ».
Материалсӧ позьӧ босьтны мӧдік сайттэз понда АНО «Интернет-энциклопедия «РУВИКИ» юӧртӧмӧн.
Босьтӧма "https://koi.ruwiki.ru/w/index.php?title=Сигма-бой_(сьыланкыв)&oldid=119725"-ись