Самбо

Босьтöм Рувикиись
Самбо
Sambo at the 2015 European Games.jpg
Аркмӧтӧм 1938 во арпом 16 лун
Канму  СССР
Аркмӧтісь Анатолий Харлампиев
Василий Ощепков
Виктор Спиридонов
Аркмӧтанін Москва
Логотип РУВИКИ.Медиа Медиафайлы на РУВИКИ.Медиа

Самбо — СССР-ын аркмӧтӧм спорт вермасьӧм да асдорйӧм комплекснӧй система. Нимыс аркмӧтӧм кыдз акроним роч кывья «оружиетӧг асдорйӧм» (рочӧн «самозащита без оружия») кывтэчасісь. Аркмӧтіссезнас лоӧны Виктор Спиридонов, Василий Ощепков да Анатолий Харлампиев.

2021 во гожумшӧр 20 лунӧ Отирпасьтся Олимпийскӧй комитет пыртіс самбосӧ олимпийскӧй спорт нимлёдзӧ. 2024 во гожумпомын РФ спорт министерство пыртіс самбосӧ олимпийскӧй спорт нимлёдзӧ[1].

Самбо зоралӧм

Самбо аркмӧтӧм

1923 восянь Москваись «Динамо» спорт чукӧрын Виктор Спиридонов уджаліс асдорйӧм тодиль дисциплина зорӧтӧмын, сійӧ шуисӧ рочӧн «самозащита». «Динамоас» велӧтісӧ уна вермасьӧммезӧ, ны коласын национальнӧй вермасьӧммезӧ, боксӧ да мӧдік тышкасьӧммезӧ. Асдорйӧмыс эз вӧв осьта отир понда, сыӧ велӧтісӧ дзир спецподразделеннёэз. Сы кадӧ жӧ зорамис сідз шуана «тышка вермасьӧм» (рочӧн «борьба вольного стиля»), кӧда сёрӧнжык лоис спорт самбоӧн. Сійӧ зорӧтіс Василий Ощепков, кӧда уджаліс Москваись физкультура институтын да велӧтіс дзюдоӧ. Сія ассяма вермасьӧм зорӧтӧмын муніскодь дзюдосянь, кутчис зорӧтны асдорйӧм сьӧрті вермасьӧм. 1930-ӧт воэзын Спиридоновӧн да Ощепковӧн аркмӧтӧм асдорйӧм сьӧрті системаэс ӧтлаасисӧ да аркмис ӧння кадся самбо, кӧдаын ӧнӧдз эмӧсь кык визь — спорт да тышка.

1938 воын Москваын чулаліс I Союзпасьтся тренерскӧй сбор, кӧда вылӧ локтісӧ уна национальнӧй вермасьӧммез сьӧрті тренеррез. Сы вылын Анатолий Харлампиев, Ощепковлӧн велӧтчись, висьтасис аркмӧтӧм вермасьӧм йылісь (1936 воын сія дорйис сы сьӧрті диплом Москваись физкультура институтын). Вермасьӧмас вӧлісӧ пыртӧмӧсь СССР-ись национальнӧй вермасьӧммезісь элементтэз, а сідзжӧ мирись мӧдік вермасьӧммезісь.

1938 во арпом 16 лунӧ Союзпасьтся физическӧй культура да спорт комитет лэдзис «Тышка вермасьӧм (самбо) зорӧтӧм йылісь» (рочӧн «О развитии борьбы вольного стиля (самбо)») №633 приказ. Эта луныс лыдиссьӧ самбо чужан лунӧн.

Самбо зорамӧм

1950-ӧт воэзын самбоыс петӧ мирӧ да мыччалӧ ассямасӧ. Сідз, 1957 воын, советскӧй самбисттэз вермасисӧ Венгрияись дзюдоисттэзкӧт да кык пантасьӧм бӧртасын вермисӧ 47:1 лыддьӧсӧн. Кык во бӧрті советскӧй самбисттэз сідзжӧ ыджыт лыддьӧсӧн вермисӧ ГДР-ись дзюдоисттэзӧс. 1964 вося Токиоын Олимпиада одзын дзюдо арталан система сьӧрті вермасикӧ советскӧй самбисттэс вермисӧ Чехословакияись дзюдо сьӧрті сборнӧй да ны бӧрын Европа чемпионнэзӧс, Франциялісь сборнӧй. Олимпиада коста, кӧда дырйи чулаліс дзюдолӧн кыдз олимпийскӧй вермасьӧмлӧн дебют, СССР-лӧн сборнӧй босьтіс мӧдӧдзза места ӧтласа чукӧр лыддьӧс сьӧрті. СССР-лӧн сы ыжда вермӧм бӧрын Японияын 1965 вӧлі аркмӧтӧм асланыс самбо федерация (японеццес висьталісӧ, мый самбоыс аркмӧтӧм 75 % вылӧ дзюдо вермасьӧмись).

1966 воын Ӧтлаӧтӧм стиллеза вермасьӧм сьӧрті отирпасьтся федерация (рочӧн Международная федерация объединённых стилей борьбы, одзза кадӧ франц. Federation Internationale des Luttes Associees (FILA), ӧння кадӧ англ.United World Wrestling (UWW) сетіс самболӧ виль отирпасться вермасьӧм статус[2][3][4][5]. 1968 воын FILA-ыс пыртіс самбосӧ асьнас регулируйтӧм спорт вермасьӧм нимлёдзӧ да мир чемпионаттэз чулӧтӧмӧ[6]. 1968 воын Ригаын FILA эгида сайын чулаліс медодзза отирпасьтся самбо сьӧрті турнир. 1969 воын чулаліс мӧдӧдзза турнир. Сы коста советскӧй самбисттэс босьтісӧ 10-ись сизим медодзза места[3]. 1973 воӧдз отирапасться турнирреслӧн вӧлі мир чемпионат статус, сы бӧрын нылӧ сетісӧ Мир кубокись вермасьӧммез статус[7].

1972 воын Ригаын чулаліс Европа медодзза чемпионат. 1973 воын Иранісь Тегеранын чулаліс медодзза мир чемпионат ӧтлаын вермасьӧм сьӧрті Мир чемпионаткӧт[3]. 1973 во тулысӧн FILA конгресс, кӧдӧн юраліс Милан Эрцеган, пыртіс самбосӧ куим Европа вермасьӧм чемпионат программаэзӧ: Испанияись Мадридын 1974, ФРГ-ись Людвигсхафенын 1975, Турцияын 1976 воэзын. Сы коста жӧ FILA конгресс ӧтлаӧтіс самбосӧ вермасьӧм олипийскӧй стиллезкӧт 1974 вося Европа чемпионатын юниоррез коласын Польшаись Познаньын да 1973 вося Мир чемпионатын юниоррез коласын США-ись Майамиын. Сідзжӧ мӧдісӧ бӧра чулӧтны Мир вермасьӧм чемпионат Тегеранын да пыртны самбосӧ вермасян дисциплинаэзӧ[8]. 1973 восянь мирын медыжджыт самбо сьӧрті вермасьӧммез йылісь пондісӧ гижны Отирпасьтся олимпийскӧй комитет календарьӧ[9].

1975 воын Мир чемпионат чулаліс Минскын Мир вермасьӧм чемпионатын. Минскын FILA конгресс коста янсӧтісӧ самбо сьӧрті мир чемпионат олимпийскӧй стиллез сьӧрті вермасьӧммез мир чемпионатісь[10].

1977 воын FILA унифицируйтіс вермасьӧм да бурсьӧтіс чулӧтны вермасьӧм сьӧрті Мир кубок Испания Овьедоын, сы программаӧ пыртны самбо да тышка вермасьӧм[11]. Сэк эз пет локны ӧтарталӧмӧдз, да 1977 вося тышка вермасьӧм сьӧрті мир кубок чулаліс США-ись Толидоын.

1984 восянь мир чемпионатӧ (Мадрид, Испания) вӧлі пыртӧм иньпӧлӧс вермасьӧм[12].

2006 восянь FILA-ыс вились босьтіс аскипод увтӧ мир чемпионаттэз, мир кубоккез да континеттез чемпионаттэз чулӧтӧм[2].

2021 восянь чулӧтьсӧны мир чемпионаттэз лыаму вылын самбо сьӧрті. Медодззаыс чулаліс Кипрын, Ларнака карын.

2018 во арпом 30 лунӧ Токиоын чулӧтӧм Отирпасьтся Олимпийскӧй комитет (МОК) уджсовет заседаннё вылын Отирпасьтся самбо федерация (рочӧн Международная федерация самбо, англ. FIAS) вӧлі бурсьӧтӧм Олимпийскӧй хартияись 25 арталан сьӧрті. 2021 во гожумшӧр 20 лунӧ FIAS-ыс вӧлі быдсӧн бурсьӧтӧм МОК-нас.

Самбо вужжез

Самбоӧ пыртӧмӧсь медэффекта вермасяннэз да тактикаэз этшшӧм спорт вермасьӧммезісь, тышкасьӧмись да отир вермасьӧмись[13]:

  • Дзюдо (Япония);
  • Джиу-джитсу (Япония);
  • Сумо (Япония);
  • Американскӧй вермасьӧм (США);
  • Ланкашир вермасьӧм (Ыджыт Британия);
  • Кемберленд (Ыджыт Британия);
  • Чидаоба (Грузия);
  • Кох (Армения);
  • Гуштингири (Таджикистан);
  • Куреш (казакша курес, Казахстан; курёш, Киргизия, ўзбекча кураш, Узбекистан; көрәш, Татарстан; башкортса көрәш, Башкортостан);
  • Карачай вермасьӧм (карачайез);
  • Гюлеш (Азербайджан);
  • Бухэ барилдаан (Бурятия);
  • Трынта (Молдавия);
  • Грек-рим стиля вермасьӧм;
  • Киа тышкасьӧм;
  • Бокс;
  • Сават;
  • Фектуйтӧм;
  • Штык бой.

Самбо дисциплинаэз

Традиционнӧя самбо техника торьяссьӧ кык вермасян группа вылӧ:

  1. Кутӧм висяна вермасяннзӧн сулалалӧмӧн да оружие мырддьӧм вермасяннэз (историческӧй «тышка юкӧн»);
  2. Спорт дисциплина вермасяннэз.

Медбӧрьяэзӧ пырӧны самбо да спорткодь тышка самбо вермасяннэз.

Спорткодь тышка самбоын позьӧ вермасьны самбо вермасяннэзӧн да сідзжӧ быдӧс вермасьӧм вермясяннэзӧн (киэзӧн, коккезӧн, гырдззаэзӧн, пидзӧссэзӧн), абу позянаӧсь джагӧтанкодь вермасяннэз.

Волыд группаэз

Самбо сьӧрті вермасьӧммез чулӧтсьӧны сизим волыд группа сьӧрті.

Группа Волыд
Учӧт челядь 11—12 во
Ыджыт челядь 13—14 во
Кадеттэз 15—16 во
Томпӧлӧс 17—18 во
Юниоррез 19—20 во
Ыджыт отир 18 во да пӧрисьжык
Мастеррез 35 во да пӧрисьжык

Отирпасьтся вермасьӧммез

Ӧння кадся

Ӧння кадӧ мирпасьтся медыджыт вермасьӧммезӧн лоӧны: мир чемпионат, Европа чемпионат, Азия чемпионат, ФИАС осьта чемпионаттэз, ФИАС мир кубок, Харлампиев нима турнир (Мир кубок ВФС версия сьӧрті, мир кубокись этап[14]), А» да «Б» категорияэза турниррез.

«А» категорияа турниррез:

  • Казахстан президент приз понда;
  • Белоруссия президент приз понда;
  • Татарстан Республика президент кубок;
  • Потапов нима турнир (Владивосток),
  • ФИАС президент кубок;
  • А. Аслаханов приз понда.

«Б» категорияа турниррез:

  • Гордеев нима (Киргизия);
  • Бурдиков нима (Россия);
  • Чохели нима (Грузия);
  • Париж Гран-при;
  • ОДКБ-ись канмуэзлӧн тӧмпӧлӧс понда самбо фестиваль;
  • Дога нима (Молдавия);
  • Президент кубок (Великобритания);
  • «Германиада» (Германия).

Самбо киноын

  • «Непобедимый», СССР, 1983. Режиссёр Юрий Борецкий.
  • «Путь», Россия, 2009. Режиссёр Владимир Пасичник.
  • «Чистая победа», Россия, 2012. Режиссёр Георгий Шенгелия.
  • «Чёрные кошки», Россия, 2013. Режиссёр Евгений Лаврентьев.
  • «Легенда о самбо», Россия, 2023. Режиссёр Андрей Богатырёв.

Пасйӧттэз

  1. ↑ Минспорт признал самбо олимпийским видом спорта, TACC (27 Гожумпом 2024). Дата обращения: 27 Гожумпом 2024.
  2. ↑ 1 2 Sombo wrestling history and basic rules Архивная копия от 12 Тулыспом 2021 на Wayback Machine BY JOSH HENSON | MAY 01, 2006 | United States Olympic & Paralympic Committee Official Website.
  3. ↑ 1 2 3 Сто уроков борьбы самбо. / Под общ. редакцией Е. М. Чумакова. — 2-е изд. — М.: Физкультура и спорт, 1977. — С. 24.
  4. ↑ Thomas A. Green, ‎Joseph R. Svinth. Martial Arts of the World: An Encyclopediaангл.. — 2010. — P. 512. Архивная копия от 21 Одзгожум 2020 на Wayback Machine
  5. ↑ Combs, Steve ; Frank, Chuck. Winning Wrestling. — Chicago: Contemporary Books, 1980. — P. 3.
  6. ↑ Спортивная борьба, с. 4.
  7. ↑ Modric, Zarko. Dutchman Dolman Loses Russian Sambo Crown (англ) // Black Belt. — 1971. — Тӧвшӧр (т. 9, № 1). — С. 55—56.
  8. ↑ Newsангл. // Olympic Review : journal. — International Olympic Committee. — No. 64—65. — P. 145—146.
  9. ↑ Olympic Calendarангл. // Olympic Review : journal. — International Olympic Committee, 1973. — April (no. 114). — P. 267.
  10. ↑ Sport: World wrestling. Minsk. Sept. 16. // The Times. — September 17, 1975. — № 59503 — P. 8.
  11. ↑ Olympic Calendarангл. // Olympic Review : journal. — International Olympic Committee, 1977. — May (no. 115). — P. 343. Архивировано 19 Гожумпом 2020 года.
  12. ↑ Female may compete at ISU mat tournament Архивная копия от 26 Тӧвшӧр 2020 на Wayback Machine, Cedar Rapids Gazette, Dec 21, 1984, p. 20.
  13. ↑ История самбо. Международная федерация самбо
  14. ↑ World Cup Stage «A. Kharlampiev Memorial». См. World Cup Stage «A. Kharlampiev Memorial» — Soon in Moscow Архивная копия от 22 Тӧвпом 2020 на Wayback Machine

Лыддьӧтан

  • Харлампиев А. А. Система самбо. Сборник документов и материалов. 1933—1944. — М. : Журавлёв, 2003. — 160 с. — ISBN 5-94775-003-1.
  • Харлампиев А. А. Борьба самбо. — М. : Физкультура и спорт, 1964. — 388 с.
  • «Харлампиев А. А.» «Система самбо.» М.: Фаир-пресс (2002).
  • Волостных В. В., Ишков А. В. Спорт XXI века. Универсальные единоборства. Технико-тактические действия в партере на примере боевого самбо.
  • Рудман Д. Л. Самозащита без оружия от Виктора Спиридонова до Владимира Путина. — М., 2003. — 208 с. — ISBN 5-98326-001-4.
  • Рудман Д. Л. Самбо. Техника борьбы лежа. Защита. — М. : Физкультура и спорта, 1983. — 256 с.
  • «Рудман Давид Львович» САМБО. Техника борьбы лежа. Нападение. 1982.
  • Лукашев М. Н. Родословная самбо. — М. : Физкультура и спорт, 1986. — 160 с.
  • Колодников И. П. Борьба самбо. — М. : Воениздат, 1960. — 80 с.
  • Зезюлин Ф. М. Самбо. Учебно-методическое пособие. — Владимир, 2003. — 180 с. — ISBN 5-93035-081-7.
  • Шулика Ю. А. Боевое самбо и прикладные единоборства. — Р-н/Д : Феникс, 2004. — 224 с. — ISBN 5-222-04657-5.

Ыстӧттэз

Босьтӧма "https://koi.ruwiki.ru/w/index.php?title=Самбо&oldid=208034"-ись