Рыболовлев Дмитрий Евгеньевич

Босьтöм Рувикиись
Рыболовлев Дмитрий Евгеньевич
DmitryRybolovlev1.JPG
Чужан ним: Рыболовлев Дмитрий Евгеньевич
Чужан лун: 1966 во арпом 22 лун(1966-11-22)[1] (59 лет)
Чужанін: Перем, РСФСР, СССР
Канму

 Российскӧй Федерация

Республика Кипр Кипр (2012 восянь)
Удж предприниматель
Челядь Сартори-Рыболовлева Екатерина Дмитриевна[d]
Донтан пассэз
Логотип РУВИКИ.Медиа Медиафайлы на РУВИКИ.Медиа

Рыболовлев Дмитрий Евгеньевич (1966 во арпом 22 лун[1], Перем) — российскӧй предприниматель, миллиардер. Пырӧ Россияись кыкдас медозыр морт лыдӧ журнал Форбс сьӧрті[2]. 1990—2000 воэзӧ «Уралкалий» эмалісь, 2011 восянь — «Монако» футбольнӧй клублӧн (футбол сьӧрті Францияись кыкьямысысь чемпион) медшӧр эмалісь[3][4]. 2012 восянь — Кипрлӧн гражданин. Рыболовлевлісь сьӧмсӧ да эмбурсӧ донъялӧны 6,4 млрд долларӧн[5].

Олантуй

Аймамыс — Евгений Владимирович да Зинаида Павловна Рыболовлеввез — Пермскӧй медицина институтісь  (перм.рус. велӧтіссез. Д. Е. Рыболовлев гӧрд дипломӧн помаліс сійӧ жӧ институтсӧ 1990 воӧ. Велӧтчикас Дмитрий Рыболовлев гӧтрасис аслас ӧтвелӧтчиськӧт Елена Чупраковакӧт  (перм.рус., кӧда 1989 воӧ чужтіс нылісь медодзза нывнысӧ — Екатерина[6]. Уджалан туйыс пондӧтчис велӧтчӧм коста кардиологическӧй реанимацияын, кытчӧ пырӧны инфаркт бӧрын шогаліссез (медодз уджаліс санитарӧн, сыбӧрын медбратӧн да врачӧн). Интернатураын практикуйтчикӧ Рыболовлев осьтіс айыскӧт ӧтлаын ассис медодзза предприяттё «Магнитикс»[7], кӧда сеталіс медицинскӧй услугаэз корпоративнӧй клиенттэзлӧ. Сы подулӧн вӧлі Е. В. Рыболовлевӧн лӧсьӧтӧм магнитотерапия метод[8], кӧдаӧн 1991 воӧ сія дорйис докторскӧй диссертация (темаыс рочӧн «Магнитопунктура переменным полем в лечении и реабилитации больных гипертонической болезнью, возможности её сочетанного применения с бромйодной бальнеотерапией и при других заболеваниях»)[9].

Корпоративнӧй клиенттэз унажыксӧ вештісисӧ «Магнетикскӧт» аслас продукцияӧн (бартер сьӧрті, кӧда вӧлі паськалӧм 1990-ӧт воэзӧ Россияын). Эта продукциясӧ одзлань вузалӧмсянь Рыболовлевлӧн компания шедтіс унажык медицинскӧй предпринимательствоын уджалӧмсянь. Forbes юӧр сьӧрті, сідз Рыболовлев шедтіс ассис медодзза миллион доллар[10].

Вузасьӧм сьӧрті Рыболовлев велӧтчис брокеррезлӧн курссэзын Москваын, босьтіс Россия финанссэз министерстволісь аттестат и сыкӧт ӧтлаын босьтіс позьӧс нуӧтны операцияэз дона бумагаэзӧн (медодззаэз коласын канмуын да медодззаӧн Пермскӧй областьын)[6].

1992 восянь Рыболовлев лоис аслас инвестиционнӧй компания «Инкомброк» юралісьӧн. Компаниялӧн уджыс пондӧтчис ыджыт предприяттёэзлісь веськӧтліссезӧс консультируйтӧмсянь, кӧдна вӧлісӧ кыскӧмӧсь канму эмбур асэмбуралан процессӧ. Сыбӧрын Рыболовлев вуджис асинвестируйтӧм дынӧ: 1994 воӧ партнёррезкӧт ӧтлаын лӧсьӧтіс банк, судзӧтіс пайез пермскӧй унапӧлӧс ыджыт предприяттёэзын да лоис ныын директоррез советтэзӧ пырисьӧн[7].

1995 воӧ акцияэзісь тор вузалӧм бӧрын Рыболовлев чукӧртіс ассис инвестицияэсӧ медшӧр предприяттёэзӧ — Березникиись «Уралкалий»  (перм.рус. да «Азот», Соликамскись «Соликамскбумпром»  (перм.рус.да «Сильвинит», Губахаись «Метафракс»[11]. Сія жӧ воӧ сія лоис «Кредит ФД» банклӧн директоррез советӧн юралісьӧн. Ӧтік во сьӧрна, 1999 восянь 2000 воӧдз, юраліс «Уральский финансовый дом» нима банклӧн вӧджжӧтан советӧн. 1994 воӧ Д. Рыболовлев пырис «Уралкалий» директоррез советӧ, да 2 во сьӧрна юраліс сійӧн[12]. 2000 воӧ лоис «Уралкалий» контрольнӧй акционерӧн. 2005 во помӧн юраліс «Белорусскӧй калийнӧй компаниялӧн» вӧджжӧтан советӧн[13].

2010 воӧ Рыболовлев вузаліс «Уралкалий» акцияэзісь контрольнӧй пакет (53,2 %)[14]: 25%-сӧ босьтіс Сулейман Керимовлӧн Kaliha Finance Limited, 15%-сӧ — Александр Несислӧн Aerellia Investments Limited (2011 djӧ вузаліс сылӧ жӧ кольччӧм 10%-сӧ) да 13,2%-сӧ — Филарет Гальчевлӧн Becounioco Holdings Limited. СМИ-эз лыддисӧ сделкалісь суммасӧ 5,32 млрд доллар. Сія жӧ воӧ Рыболовлев 9,7 % Банк Кипр акциэз босьтӧм бӧрын лоис банклӧн медыджыт акционерӧн[15]. Сёрӧнжык, Кипрын финансовӧй кризис кузя, сылӧн пайыс банкын тӧдчӧмӧн чинӧм.

2012 воӧ Рыболовлев получитіс Кипр Республикалісь гражданство, сійӧ сылӧ сетісӧ сы эта канмуӧ инвестируйтӧм понда[16].

2011 восянь сія олӧ Монакоын, сэк жӧ сія небис «Монако» футбольнӧй клублісь контрольнӧй пакет акцияэз. Куим во сьӧрна клуб французскӧй Лига-2 медбӧрья местаись петіс Лига-1медодзза местаӧ да шедіс Чемпионнэз Лигалӧн джынфиналӧ[17]. 2017 воӧ «Монако» кадся одзжык лоис Франция чемпионат вермиьсӧн[4].

Рыболовлев тӧдса кыдз искусство предметтэз ӧктісь, занимайтчӧ буркерӧмӧн да социальнӧй проекттэзӧн. Унажык сьӧмсӧ предприниматель ыстӧ Швейцарияын да США-ын биотехнология проекттэзӧ[18].

Cуддэз

1992 воӧ пондӧтчис «Уралкалий» приватизация. Дмитрий Рыболовлев да сылӧн партнёррез активнӧя участвуйтісӧ эта процессын. 1990-ӧт воэз шӧрӧдз предприниматель пантасис «Уралкалий» вылӧ контроль сувтӧтӧмын конкурент-бизнесменнэзсянь тӧдчана паныт сувтӧмкӧт. Семья опастӧмалӧм понда сія нуӧтіс нійӧ Швейцарияӧ 1995 воӧ. 1996 во тулыспомӧ сійӧ арестуйтісӧ Евгений Пантелеймоновӧс — Рыболовлевлӧн «Нефтехимик» предприяттёись директорӧс — заказнӧя вийӧмын подозревайтӧм кузя.

Евгений Пантелеймоновӧс вийӧм йылісь винитан заключеннё сьӧрті (уголовнӧй дело сьӧрті винитан заключеннё № 4902), 1994 воӧ Рыболовлев ӧтлаасис мӧдік морттэзкӧт сы понда, медбы аукционнэз вылын босьтны «предприяттёэзлісь акцияэз, кӧдна уджалӧны Пермскӧй областьын, унажыксӧ химическӧй да нефтехимическӧй комплекссэзын», эта коста «эксплуатируйтӧмӧн тӧдчӧтӧм морттэзлісь авторитетсӧ быдкодь преступнӧй группировкалӧн членнэз коласын»[19].

«Коммерсант» да «Ведомости» чайтісӧ, что Рыболовлевлӧн делоыс вӧлі заказнӧй[10]. Сы йылісь висьталӧм свидетельыс (сія жӧ вӧлӧма и вийӧмсӧ организуйтісь), сёрӧнжык откажитчис аслас висьтасьӧмись. Эта коста Рыболовлев дорйись свидетеллез коласісь ӧтікӧн выступитіс Пантелеймоновлӧн дӧваыс, кӧда кыдз «Нефтехимиклӧн» маркетинг отделӧн веськӧтлісь тӧдіс быдӧс делоэз йылісь. Сія висьталіс, что сылӧн жӧникыслӧн Рыболовлевкӧт отношеннёэс вӧлісӧ ӧддьӧн бурӧсь, и именно сылӧн предложеннё сьӧрті Пантелеймонов и вӧлі назначитӧм аслас должность вылӧ[19]. 11 тӧлісь бӧрті, кӧднӧ Рыболовлев чулӧтіс следственнӧй изоляторын Пермскӧйын, сійӧ оправдайтісӧ куим инстанцияись суддэз, сы лыдын медвылісь российскӧй судебнӧй орган — РФ Верховнӧй Суд Президиум, и сійӧ мездісӧ арест увтісь[10].

2025 во гожумшӧр 3 лунӧ миллиардер Дмитрий Рыболовлевлӧн структураэз сетісӧ иск Кайман діэзлӧн судӧ, медбы ликвидируйтны венчурнӧй фонд ATP Life Science Ventures $2,7 млрд ыждаӧн генеральнӧй партнёр ATP III GP-кӧт конфликт понда. Судӧ лэдзиссез винитісӧ юралан компаниясӧ, мый сія пондыліс законтӧг асавны фондын нылісь 50 % пай. Одзжык тулыспом 30 лунӧ АТП ІІІ ГП ачыс сетіс иск Делавер судӧ, висьталіс Рыболовлевлӧн структураэзлӧ инвестиционнӧй обязательствоэз дынісь ӧтдортчӧмӧн. Биомедицинскӧй технологияэз вылӧ специализируйтчӧм фонд 99 % сьӧмӧн финансируйтсис Рыболовлев капиталӧн[20].

«Уралкалий» юралӧм

2000 воӧ Рыболовлев консолидируйтіс «Уралкалий» акцияэзлісь 50%-ся унажыксӧ, вежис «Уралкалий» юраліссезӧс, кӧда сувтӧтіс шӧр тӧдчӧс удж производительность содтӧм, мыйсянь тӧдчӧс «Уралкалий» 2000 восянь 2007 воӧдз содіс 2,5 пӧв[10][21]. Рыболовлев стимулируйтіс «Уралкалий» сбыт система зорӧтӧм, пондыліс торья варианттэз, кыдз ордйыны трейдинг. 2005 воӧ сы вӧзйӧм сьӧрті «Уралкалий» да «Беларуськалий» вузалӧмсӧ (белорусскӧй госпредприятиелісь, кӧдалӧн производственнӧй объёмыс вӧлі 1,5 пӧв ыджытжык «Уралкалийлісь» производственнӧй объёмысся) ӧтлаӧтісӧ аркмӧтӧмӧн сбыт организация — «Белорусскӧй калий компания». Ачыс Рыболовлев юраліс БКК-лісь вӧджжӧтан советӧн[22].

2006 воӧ «Уралкалий» вӧлі готов сетны акцияэз (IPO) Лондонскӧй фондовая биржа вылын, но невна одззася пуктӧмсянь Рыболовлев кидсис сыись, сідз кыдз лыддис, мый инвесторрез донъялісӧ компаниясӧ ӧддьӧн донтӧмӧн[23]. Кынымкӧ недель бӧртіжык, кӧр вӧлі планируйтӧма пуктӧмсӧ, «Уралкалий» ӧтік рудник вылын лоис авария и сія вӧлі ойдӧтӧм; кӧбы биржа вылӧ петӧмыс вӧлі, то, эксперттэз сьӧрті, акциэс бы ӧддьӧн усялісӧ донӧн, а Рыболовлевлӧн репутацияыс вӧлі бы тшыкӧтӧм[24].

2006 воын «Уралкалий» авария

2006 воӧ «Уралкалий» лоис ыджыт авария — му пытшкись петӧм ваэз ойдӧтісӧ Медодзза Березниковскӧй рудоуправлениелӧн шахта. Шахтёррезӧс аскадӧ петкӧтісӧ веркӧс вылӧ, морт коласісь удайтчис видзсьыны, но ойдӧмсянь компанияыс ӧштіс аслас рудниккез коласісь медпӧрисьсӧ да дона шахтнӧй оборудованнёсӧ[25]. Авариялісь причинаэсӧ тӧдмалӧмась Ростехнадзорлӧн, МЧС-лӧн да вӧрва ресурссэз министерстволӧн комиссияэз. Медбӧрын медодзза комиссия локтіс кывкӧртӧтӧ, что аварияыс лоис геологическӧй причинаэзсянь[26]. МЧС-лӧн юралісь Сергей Шойгу висьталіс, мый «ситуацияыс, кӧда миян талун эм, ӧксьӧма дас воэзӧн. Татӧн пуктӧмӧсь ошибкаэз, сы лыдын война кадся, кӧр мунісӧ шахта пуктӧм сьӧрті ӧддьӧн активнӧй да, может, не ӧддьӧн вӧджжӧтан уджжез»[27].

Мӧдік комиссия вӧлись керис сэтшӧм жӧ бӧртассэз. Авариялӧн аркмӧмӧм вӧлі шуӧм геологическӧй да технологическӧй факторрез ӧтлаӧтчӧм[28].

«Уралкалий» добровольнӧя социальнӧй кывкутӧм сьӧрті примитіс решение сетны отсӧт авария коляссэз бырӧтӧмын 7,8 млрд гӧгӧр руб вылӧ (300 млн доллар мымда) 5 млрд руб. Эта сьӧмсянь вӧлі сетӧма гӧгӧртаса кӧрттуй строитӧм вылӧ, кӧда кытшӧвтіс быдӧс торресӧ Верхнекамскӧй калий шедтӧминісь[29].

Акцияэз

«Уралкалийлӧн» акцияэз Лондонӧ пуктӧмыс вӧлі чулӧтӧм 2007 воӧ. Эксперттэз лыддьӧны этӧ пуктӧмсӧ российскӧй компанияэз понда рекорднӧйӧн — акцияэз вылӧ спросыс вевдӧртіс вӧзйӧмсӧ 23 пӧв, компанияыс IPO-ӧт кыскис 947 млн 970 сюрс даллар[30]. Хлора калий мирын дон содӧмсянь 14,38 % акцияэзлӧн ИПО-сянь босьтӧм шедтӧмыс вӧлі ыджытжык, нежели вермис лоны воӧн одзжык 21 % акцияэз понда[31]. РБК-лӧн юӧр сьӧрті, 2003 восянь 2008 воӧдз калийнӧй удобреннёэзлӧн доннэс содісӧ 6 пӧв[32], «Уралкалийлӧн», кӧда контролируйтіс 30 % калийнӧй мубурсьӧт мировӧй экспортісь, позицияэс тӧдчӧмӧн ёнмисӧ: 2008 во пондӧтчикӧ капитализацияыс лоис 990 млрд руб мымда[33].

«Уралкалийын» вӧлі чулӧтӧм экологияӧн веськӧтлан системалісь аудит. Аудиторскӧй корпорация SGS (Швейцария) тӧдчӧтіс, мый компаниялӧн экологическӧй менеджмент системаыс лӧсялӧ мирпасьта стандарт ISO 14001 корӧммезлӧ[34].

2011 воӧ Рыболовлев вузаліс Уралкалийлісь 53,2 % акцияэз Сулейман Керимовлӧ, Александр Несислӧ да Филарет Гальчевлӧ. А 2011 воӧ вузаліс предприяттёлісь кольччӧм акцияэсӧ[35].

Инвестицияэз

Искусство

Леонардо да Винчилӧн «Мир мездісь» картина, кӧда вӧлі Рыболовлев коллекцияын 2017 воӧдз[36]

Рыболовлев тӧдса кыдз XIX—XX сёвоэзся уна паськыта тӧдса картинаэзӧн эмалісь. СМИ-лӧн юӧррез сьӧрті, Дмитрий Рыболовлев 2003—2015 воэзӧ ӧктіс дона искусство предметтэзлісь уникальнӧй коллекция, нійӧ небӧм понда пуктіс США-ись 2 млрд доллар мымда. Сылӧн коллекцияӧ пырисӧ Пикассолісь, Роденлісь, Модильянилісь, Матисслісь, Ротколісь да Гогенлісь тӧдчана уджжез[37].

Коллекцияись ӧтік меддона картина — Густав Климтлӧн «Ва кыйез II» — вӧлі небӧма 183,8 млн доллар понда. Рыболовлевлӧн коллекцияись ӧтік картина — Леонардо да Винчилісь «Мир мездісь» — лоис паськыта тӧдса, кӧр вузалӧм коста сувтӧтіс мирӧвӧй рекорд: Christie’s аукционын сылӧн доныс лоис 450 млн доллар[36].

2016 воӧ Рыболовлеввезлӧн семьялӧн трасттэз йылісь вӧлі казьмӧтӧм «Панама досье» доклад сьӧрті. СМИ-ын петіс юӧр сы йылісь, мый юридическӧй фирма Mossack Fonseca, кӧдалӧн документтэзлӧн гусялӧмыс лоис подулӧн Мирпасьта туялісь журналисттэзлӧн консорциумлӧн (ICIJ) «Панама документтэз» докладлӧ, регистрируйтіс Trust Xitrans Finance Ltd, кӧдӧ, кыдз висьтасьӧ ICIJ расследуйтӧмын, вӧлі пӧ используйтӧм Рыболовлевлӧн инькӧт эмбур янсӧтікӧ. Консорциум сьӧрті, компаниялӧн вӧлісӧ Модильянилӧн, Пикассолӧн, Монелӧн, Ван Гоглӧн да Дегалӧн серпассэз, а сідзжӧ эксклюзивнӧй мебель торрез. Дмитрий Рыболовлев висьталіс винитӧмсӧ опроверженнёӧн, тӧдчӧтіс, мый быдӧс структураэс вӧлісӧ аркмӧтӧмӧсь эшӧ 2002 воӧ закона подуввез вылын активвез дорйӧм да эмбур планируйтӧм могись, а сідзкӧ, нійӧ оз позь йитны янсӧтчӧмкӧт, кӧда пондӧтчис только 2008 воӧ. Холдинг Xitrans Finance Ltd, кӧда кыдз юридическӧй лицо эмалӧ искусствоись произведеннёэз чукӧрӧн, тожӧ вӧлі публичнӧя осьтӧма одзжык, и сылӧн уджыс лӧсялӧ действуйтан законнэзлӧ[38].

2012 воӧ Рыболовлеввезлӧн семья небис Скорпиос ді, кӧда одзжык вӧлі тӧдса греческӧй предприниматель Аристотель Онассис киын. 2018 во одзарӧн Рыболовлеввезлӧн структураэз юралісӧ Скорпиос ді вильмӧтӧм да мировӧй курорт лӧсьӧтӧм сьӧрті ыджыт проект пондӧтӧм йылісь, мый отсалас ловзьӧтны регионлісь экономикасӧ да лӧсьӧтны виль уджалан местаэз. Проектлӧн медшӧр принцип — видзны ділісь вӧрва ландшафттэз да экология. Проектӧ пондасӧ пуктыны 160 млн евро.

2021 во тӧвшӧрӧ Грециялӧн правительство вынсьӧтіс Скорпиос ді вылын VIP-курорт строитӧм да уджӧтӧм понда план, кӧдалӧн инвесторӧн лоӧ Дмитрий Рыболовлев. Инвестицияэзлӧн ыждаыс артавсьӧ 165 млн евроӧн. Веськӧтлан котырӧн вынсьӧтӧм план сьӧрті спорткомплекс, СПА, вертолётнӧй площадка, люкс-отель да кынымкӧ вилла строитӧм[39].

Футбол

2011 во одзтӧлӧн Рыболовлевлӧн инвестиционнӧй группа босьтіс Монако княжествосянь «Монако» футбольнӧй клублісь контрольнӧй пакет акцияэз(66,7 %). Обязательствоэз сьӧрті Рыболовлев должен вӧлі сетны клубӧ одзланься 4 во сьӧрна не етшажык 100 млн евро. Небӧм бӧрын клублӧн правленнёӧ пырисӧ княжествосянь куим представитель да небись компаниясянь квать (ны лыдын Рыболовлев, кӧдӧ бӧрйисӧ клуб президентӧн). Сделкаыслӧн суммаыс вӧлі символическӧй 1 евро[40]. 2012/2013 воэзся Лига 2 сезон сьӧрті ФК «Монако» петіс французскӧй футболісь Лига 1-ӧ, а 2013/2014 чемпионатын босьтіс 2-ӧт места да петіс Чемпионнэз Лигаӧ[41]. 2017 воӧ клуб вермис ассис кыкъямысӧт чемпионскӧй титул Францияын[4].

Дмитрий Рыболовлев активнӧя наблюдайтӧ клублӧн вермӧммез, кадісь кадӧ ачыс сетӧ командалӧ установка матччез одзын. 2014 воӧ ФК «Монако» согласитчис французскӧй лигакӧт, медбы клублӧн штаб-квартираыс кольччис Монако княжество территория вылын. Сёрнитчӧмлӧн условиеӧн лоис компенсация вештӧм 50 млн евро ыждаӧн кык траншӧн 2 во сьӧрна[42].

CIES Football Observatory сьӧрті 2018 воӧ «Монако» футбольнӧй клуб унажыксӧ шедтіс трансферрезӧн — 950 млн евро[43]. ФК «Монако» Дмитрий Рыболовлев кипод увтын активнӧя гижӧтӧ ыджыт потенциала орсіссезӧс[44]. СМИ юӧр сьӧрті, ФК «Монако» 2018 воӧ вештіс ЦСКА-лӧ российскӧй футболист Александр Головин понда рекорднӧй сумма — 30 млн доллар мымда[45]. Франция да Хорватия командаэз понда, кӧдна петісӧ 2018-ӧт воӧ футболӧн мунӧм сьӧрті мир чемпионатлӧн финалӧ — выступайтісӧ Менди, Лемар, Сидибе, Мбаппе да Субашич[46][47]. Мирын ӧтік меддона трансфер — Парижись «ПСЖ»-лӧн Килиан Мбаппе «Монакосянь» небӧм, кӧда сувтіс 180 млн евро[48].

«Бувьелӧн дело»

2000-ӧт воэз пондӧтчикӧ Рыболовлев пондіс чукӧртны уникальнӧй да дона искусство предметтэз швейцарскӧй арт-дилер Ив Бувье отсӧтӧн. 2014 во помӧ, кӧр случайнӧя тӧдіс, что Бувье тӧдчӧмӧн содтӧма вузалӧм искусство предметтэз вылӧ донсӧ, Рыболовлев сетіс сы вылӧ заявленнё полицияӧ, висьталіс 1 млрд доллар сьӧрті мошенничествоын. Эта разбирайтчӧмыс, кӧда босьтіс иностраннӧй СМИ-ын «Бувьелӧн дело» (Bouvier Affair) ним, вайӧтіс ас бӧрсяняс не ӧтік дело пондӧтӧм, ны лыдын ачыс Рыболовлев вылӧ, сыкӧт ӧтлаын мунісӧ сторонаэзлӧн ӧтамӧдныс вылӧ обвинениеэз, арестуйтісӧ, кошшисӧ да арестуйтісӧ Ив Бувьелісь эмбурсӧ, сія ӧнӧдз мунӧ не ӧтік странаын[49].

2018 во арпом 6 лунӧ Рыболовлевӧс кутісӧ Монакоись полиция коррупцияӧн подозревайтӧм сьӧрті. СМИ йитӧ этӧ делосӧ Ив Бувье делокӧт, кӧда вылӧ Рыболовлев одзжык сетӧм иск картинаэз донӧн мошенничество понда[11]. Российскӧй Федерациялӧн посольство ыстіс запрос Монако власттезлӧ эта факт сьӧрті. Допрос бӧрын Рыболовлевӧс лэдзисӧ судебнӧй контроль условиеэз сьӧрті, ветлӧтӧмын ограниченнёэзтӧг, мыйсянь сія вермис лэбзьыны Москваӧ арпом 10 лунӧ, а сёрӧнжык бӧра бертны Монакоӧ да вовлыны ФК «Монако» тренировка вылӧ[50][51][52].

2019 во одзгожумӧ Рыболовлевлӧн арт-дилер Бувьекӧт да Sotheby’s аукционнӧй керкукӧт судыс ӧдззӧтчис одзлань. Нью-Йоркись федеральнӧй апелляционнӧй суд лэдзис Рыболовлевлӧн компанияэзлӧ публичнӧя используйтны документтэз, кӧднӧ одзжык сетіс судебнӧй разбирайтчӧм сьӧрті Sotheby’s. Суд откажитіс Sotheby’s-лӧн дело дугдӧтӧм понда ходатайствоӧ, а сідзжӧ решитіс, мый Нью-Йорк лоӧ колана юрисдикцияӧн пондывны Рыболовлевлісь Sotheby’s-лӧн делоын, кӧдаын сулаліс Бувьеыслӧн мошенничествоын ӧтучаствуйтӧм[53].

2018 воӧ предприниматель сетіс иск аукционнӧй керку дынӧ 380 миллион доллар ыжда ущерб вештӧм могись, а сідзжӧ обвиняйтіс Sotheby’s-сӧ искусствоӧн вузасись Ив Бувье мошенническӧй действиеэз отсалӧмын[54]. 2021 во тӧвшӧрӧн Женеваись медодзза прокурор Ив Бертосса ыстіс сторонаэзлӧ уведомленнё Бувьеыс сьӧрті мошенничество йылісь дело дугдӧтӧм йылісь намереннё йылісь[55].

2025 во тӧвпом 27 лунӧ РБК Дмитрий Рыболовлевлӧн адвокаттэз вылӧ ыстысьӧмӧн юӧртіс, что Монаколӧн апелляционнӧй суд тшӧктіс быдсӧн орӧтны миллиардер вылӧ уголовнӧй дело[56].

Буркерӧм да проекттэз

Кӧр Дмитрий Рыболовлев веськӧтліс «Уралкалийӧн», компанияыс быд во инвестируйтіс уна дас миллион доллар социальнӧй проекттэзӧ, кӧдна вӧлісӧ коланаӧсь Пермскӧй крайлӧ да быдсӧн Россиялӧ. Сэсся сылӧн структураэс участвуйтісӧ ыджыт социальнӧй проекттэзын культура, лысин видзан, спорт да социальнӧй инфраструктура зорӧтӧмын нія регионнэзын, кытӧн сія оліс, нето канмуэзын, кытчӧ инвестируйтіс сьӧм.

Россиялӧн ыджыт буркеран да социальнӧй проекттэз коласын: преподобнӧй Макарий Египетскӧйлӧн храм, Санкт-Петербургскӧй канмуся горнӧй институт реставрируйтӧм[57]; московскӧй Зачатьевскӧй монастырьлӧн Богородица Рождестволӧн собор реставрируйтӧм; Белогорскӧй Николаевскӧй монастырьлӧн Крестовоздвиженскӧй соборлӧн иконостас вильсьӧтӧм[58]; Санкт-Петербург дынын «Ораниенбаум» дворец-парковӧй комплекс реставрируйтӧм[59]; Пермскӧй медицинскӧй академиялӧ отсӧт сетӧм[60].

Рыболовлев активнӧя участвуйтіс «Россияись олимпиеццезлӧ отсӧт сетан фонд» уджын, пырліс Фондлӧн попечительскӧй советӧ[61]. 2010 воӧ Рыболовлев отсаліс 500 сюрс евро сьӧмӧн строитны православнӧй храм Вежа Николайлӧ роч община понда Лимасолын (Кипр)[62].

Дмитрий Рыболовлев сетӧ отсӧт Монте-Карло балетлӧн ёрттэз чукӧрлӧ да Монакоын быдкодь проекттэзлӧ лысин видзан да спорт сьӧрті[63][64][65]. «Монако» футбольнӧй клуб пыр олӧмӧ пӧртсьӧ ыджыт буркеран проект Monacoeur, кӧда занимайтчӧ княжествоын челядь спорт зорӧтӧмӧн.

Семья

Одзза иньыс — Елена Рыболовлева. Дмитрий да Елена гӧтрасисӧ эшӧ студенттэзӧн 1987 воӧ. Гӧтрасьӧм коста гозъялӧн чужисӧ кык ныв: Екатерина (чуж. 1989)  (перм.рус. да Анна (чуж. 2001)[66]. 2008 во одзтӧв 22 лунӧ Елена корис янсӧтчыны[67][68].

2014 во тулыспомӧн Женеваын медодзза инстанцияись суд бурсьӧтіс, мый Рыболовлеввез янсӧтчӧмась, и тшӧктіс Дмитрий Рыболовлевӧс вуджӧтны Елена иньыслӧ 4,5 млрд доллар мымда, Швейцарияись эмбур, мичаторрез да мӧдік эмбур 563,5 миллион американскӧй доллар донӧн. Но 2015 воӧ одзгожумӧн вылісь инстанцияись суд чинтіс отступнӧй суммасӧ 7 пӧв — 604 миллион США долларӧдз. Женеваись суд сідзжӧ тшӧктіс сетны Рыболовлев иньлӧ Женеваын кык керку объект[69]. Сэтӧн жӧ, трасттэзлӧн эмбур, кӧдна действуйтӧны Дмитрийлӧн Екатерина интерессэз понда, суд шуис невӧрзьӧтанаӧн[70].

Сьӧм ӧктӧт

Озырлунлӧн медшӧр источникыс — 2010 во одзгожумӧн 53 % «Уралкалий» акцияэз вузалӧмсянь шедтӧс. Суммаыс абу висьталӧм, но юӧррез сьӧрті сія лоӧ 5,3 миллиард американскӧй доллар[35]. Кынымкӧ тӧлісь бӧрті «Уралкалий» акцияэз вузалӧм бӧрын Рыболовлев босьтіс 10 % Банк Кипрлісь акцияэз Odella Resources компания пыр.

2010 во кежӧ сія вӧлі 79-ӧт местаын Forbes журналлӧн миллиардеррезлӧн мировӧй рейтингын[71], 2011-ӧт воӧ — 93-ӧт местаын, а 2012-ӧт воӧ — сёӧт местаын. 2013 воӧ, кӧть сьӧм ӧктӧтыс содіс 0,5 млрд доллар вылӧ, Рыболовлев бӧр лоис рейтинг вылын 119-ӧт местаын[72]. 2015 во кежӧ сія вӧлі мировӧй рейтингын 156-ӧт строкаын.

Россияпасьтся рейтингын Forbes Рыболовлев 2011 воӧ вӧлі 14-ӧт местаын, 2012 воӧ — 13-ӧт местаын[2][73]. 2019 воӧ Дмитрий Рыболовлев босьтіс дас сизимӧт позиция «Россияись 20 медозыр бизнесмен» рейтингын, кӧдӧ йӧзӧтіс журнал «Форбс». 2018 воын сылӧн капиталыс 6,8 млрд доллар[74].

Рыболовлевлӧн эмӧсь кык яхта — 80 миллион США доллар дона Аnnа I да 250 миллион евро дона Аnnа[75]. Кыкнан яхтасӧ строитіс Feadship фирма да проектируйтіс Майкл Лич, Аnnаыс вӧлі компаниялӧн медгырись суперяхтаӧн 2019 во кежӧ[76].

2008 воӧ небис США-ись одзланься президент Дональд Трамплісь  (перм.рус.Палм-Бичын (Флорида штат) вилла.

2021 воӧ Финляндияын помалісӧ строитны паруснӧй гоночнӧй яхта Skorpios, кӧда шусьӧ миллиардер увтырлӧн Скорпиос ді сьӧрті. 2021 во гожумшӧрӧ 43 метра яхтасӧ, кӧдалӧн доныс 120 млн доллар, вайисӧ Дмитрий Рыболовлевлӧ[77]. Паруснӧй гоночнӧй яхтасӧ Финляндияын Nautor’s Swan верфьын строитісӧ нёль воӧн[78][79].

Пасйӧттэз

  1. ↑ 1 2 Dmitri Rybolowlew // Munzinger Personen (нем.)
  2. ↑ 1 2 Рыболовлев Дмитрий Евгеньевич англ.. Forbes (2011-04-15). Архивируйтӧм первоисточник сьӧрті 22 Аршӧр 2020. Видзӧтӧм 13 Гожумпом 2025.
  3. ↑ Российский предприниматель Рыболовлев стал владельцем футбольного клуба "Монако". ТАСС. Видзӧтӧм 13 Гожумпом 2025.
  4. ↑ 1 2 3 "Монако" в восьмой раз в истории стал чемпионом Франции. ТАСС. Видзӧтӧм 13 Гожумпом 2025.
  5. ↑ Российский бизнесмен готов продать «Монако»: Рыболовлев покупал футбольный клуб за €1 рус.. Видзӧтӧм 13 Гожумпом 2025.
  6. ↑ 1 2 Время разбрасывать калий. Коммерсантъ. Видзӧтӧм 13 Гожумпом 2025.
  7. ↑ 1 2 Всеволод Бельченко Миллиардер-отличник рус. (2009-07-20). Архивируйтӧм первоисточник сьӧрті 7 Арпом 2018. Видзӧтӧм 13 Гожумпом 2025.
  8. ↑ Магнитные лекари. Медиа-компас. Видзӧтӧм 13 Гожумпом 2025.
  9. ↑ Рыболовлев, Евгений Владимирович. Автореферат диссертации доктора медицинских наук. Видзӧтӧм 13 Гожумпом 2025.
  10. ↑ 1 2 3 4 Владимир Федорин, Александр Сазонов Дмитрий Рыболовлев, хозяин «Уралкалия». В чем соль рус. (2008-05-11). Архивируйтӧм первоисточник сьӧрті 3 Одзтӧв 2020. Видзӧтӧм 13 Гожумпом 2025.
  11. ↑ 1 2 Бывший санитар и миллиардер Монако: who is mister Рыболовлев?. 59.ru. Видзӧтӧм 13 Гожумпом 2025.
  12. ↑ Рыболовлев, Дмитрий. Известный предприниматель, бывший владелец ОАО "Уралкалий". Лента. Видзӧтӧм 13 Гожумпом 2025.
  13. ↑ Уралкалий приобрел 50% акций Белорусской калийной компании. Видзӧтӧм 13 Гожумпом 2025.
  14. ↑ Рыболовлев продал Уралкалий. Видзӧтӧм 13 Гожумпом 2025.
  15. ↑ Дмитрий Рыболовлев расположился на Кипре Он приобрел долю в Bank of Cyprus. Коммерсантъ. Видзӧтӧм 13 Гожумпом 2025.
  16. ↑ Кипр заработал €4 млрд на выдаче паспортов в обмен на инвестиции. РБК. Видзӧтӧм 13 Гожумпом 2025.
  17. ↑ Данила Игнатов «Монако» и ещё 9 команд, которых никто не ждал в полуфиналах ЛЧ рус.. www.championat.com. Видзӧтӧм 13 Гожумпом 2025.
  18. ↑ The Editors of ARTnews The 2012 ARTnews 200 Top Collectors англ.. ARTnews (2012-06-26). Видзӧтӧм 13 Гожумпом 2025.
  19. ↑ 1 2 Ольга Рачкова Суд оправдал калийного короля рус. (1998-01-17). Архивируйтӧм первоисточник сьӧрті 14 Тулыспом 2019. Видзӧтӧм 13 Гожумпом 2025.
  20. ↑ Миллиардер Рыболовлев подал в суд на партнера по инвестициям в биомед, РБК. Дата обращения: 13 Гожумпом 2025.
  21. ↑ Ирина Малкова. Интервью: Дмитрий Рыболовлев, совладелец «Уралкалия» Архивная копия от 13 Одзтӧв 2013 на Wayback Machine. — Ведомости, 20.06.2006. — № 110 (1637) Видзӧтан кад: 2025-08-13
  22. ↑ Наша общая соль. Зачем миллиардеру из Перми альянс с белорусской госкомпанией. Видзӧтӧм 13 Гожумпом 2025.
  23. ↑ "Уралкалий" отменил IPO. expert.ru. Видзӧтӧм 13 Гожумпом 2025.
  24. ↑ "Затопленное" IPO рус.. wek.ru. Видзӧтӧм 13 Гожумпом 2025.
  25. ↑ Новый компаньон Первый рудник спасти не удалось рус.. Новый компаньон. Видзӧтӧм 13 Гожумпом 2025.
  26. ↑ Причиной аварии на «Уралкалии» стала природная аномалия | Информационный портал Вести ПБ. www.vestipb.ru. Видзӧтӧм 13 Гожумпом 2025.
  27. ↑ Последствия аварии на БКПРУ-1 в Березниках проанализирует независимая экспертиза. www.permonline.ru. Видзӧтӧм 13 Гожумпом 2025.
  28. ↑ "Государство должно поддерживать такие компании". Коммерсантъ. Видзӧтӧм 13 Гожумпом 2025.
  29. ↑ Ведомости Игорь Сечин мечтает предъявить счет "Уралкалию". www.vedomosti.ru (2010-02-19). Видзӧтӧм 13 Гожумпом 2025.
  30. ↑ "Уралкалий" привлек в ходе IPO около $1 млрд. РБК. Архивируйтӧм первоисточник сьӧрті 5 Тулысшӧр 2008. Видзӧтӧм 13 Гожумпом 2025.
  31. ↑ Куда торопится господин Рыболовлев?. expert.ru. Видзӧтӧм 13 Гожумпом 2025.
  32. ↑ Удобряя землю: все, что нужно знать о мировом калийном рынке. РБК. Архивируйтӧм первоисточник сьӧрті 9 Одзар 2015. Видзӧтӧм 13 Гожумпом 2025.
  33. ↑ «Уралкалий» уйдет и не вернется. expert.ru. Видзӧтӧм 13 Гожумпом 2025.
  34. ↑ На Уралкалии прошёл аудит системы экологического менеджмента / Экологические новости / Экология производства — научно-практический портал. www.ecoindustry.ru. Видзӧтӧм 13 Гожумпом 2025.
  35. ↑ 1 2 Рыболовлев вышел из состава акционеров «Уралкалия» рус. (2011-04-19). Архивируйтӧм первоисточник сьӧрті 3 Одзтӧв 2020. Видзӧтӧм 13 Гожумпом 2025.
  36. ↑ 1 2 Екатерина Еременко Миллиардер Рыболовлев продал шедевр Леонардо да Винчи «Спаситель мира» за рекордные $450,3 млн рус. (2017-11-16). Архивируйтӧм первоисточник сьӧрті 7 Гожумшӧр 2019. Видзӧтӧм 13 Гожумпом 2025.
  37. ↑ Рыболовлев заплатил обманувшему его арт-дилеру более $2 млрд. РБК. Видзӧтӧм 13 Гожумпом 2025.
  38. ↑ Дмитрий Рыболовлев отрицает все обвинения, содержащиеся в «панамских документах». Артгид. Видзӧтӧм 13 Гожумпом 2025.
  39. ↑ Остров Рыболовлевых сдадут в аренду за €1 млн в неделю рус.. Видзӧтӧм 13 Гожумпом 2025.
  40. ↑ Скромное обаяние «Монако»: как миллиардер Рыболовлев не пошел по пути Абрамовича рус.. Forbes (2015-08-04). Видзӧтӧм 13 Гожумпом 2025.
  41. ↑ «Монако», «Нант» и «Генгам» вышли во французскую Лигу 1. www.sportsdaily.ru. Видзӧтӧм 13 Гожумпом 2025.
  42. ↑ Футбольный клуб "Монако" выплатит 50 млн евро за право оставить штаб-квартиру в княжестве. ТАСС. Видзӧтӧм 13 Гожумпом 2025.
  43. ↑ Павел Пучков «Монако» заработал на трансферах почти миллиард евро. Они лучшие рус.. www.championat.com. Видзӧтӧм 13 Гожумпом 2025.
  44. ↑ «Монако»: русский владелец, сын председателя КГБ в команде и деньги из воздуха. Видзӧтӧм 13 Гожумпом 2025.
  45. ↑ Переход Александра Головина из ЦСКА в "Монако" составил 30 млн евро. Комсомольская правда. Видзӧтӧм 13 Гожумпом 2025.
  46. ↑ Состав сборной команды Франции по футболу на ЧМ-2018. football-champions.ru. Видзӧтӧм 13 Гожумпом 2025.
  47. ↑ Состав сборной команды Хорватии по футболу на ЧМ-2018. football-champions.ru. Видзӧтӧм 13 Гожумпом 2025.
  48. ↑ ПСЖ оформил переход Килиана Мбаппе. Форвард «Монако» стоимостью €180 млн перебрался в Париж. КоммерсантЪ. Видзӧтӧм 13 Гожумпом 2025.
  49. ↑ Рыболовлев ищет, где лучше рус.. sobesednik.ru. Видзӧтӧм 13 Гожумпом 2025.
  50. ↑ Рыболовлев ищет, где лучше. Видзӧтӧм 13 Гожумпом 2025.
  51. ↑ Бизнесмен Рыболовлев после освобождения из-под стражи приехал в Москву. www.aif.ru (2018-11-10). Видзӧтӧм 13 Гожумпом 2025.
  52. ↑ BFM.ru Дмитрий Рыболовлев вернулся в Монако рус.. BFM.ru - деловой портал. Видзӧтӧм 13 Гожумпом 2025.
  53. ↑ Спецпроекты - Interfax-Russia. www.interfax-russia.ru. Видзӧтӧм 13 Гожумпом 2025.
  54. ↑ Миллиардер Рыболовлев добился публикации переписки Sotheby’s c арт-дилером Ивом Бувье | Миллиардеры англ.. Forbes.ru (2019-06-26). Видзӧтӧм 13 Гожумпом 2025.
  55. ↑ Le Ministère public genevois va classer la plainte de Dmitri Rybolovlev contre Yves Bouvier, Le Temps (25 Тӧвшӧр 2021). Архивировано 26 Тӧвпом 2021 года. Дата обращения: 13 Гожумпом 2025.
  56. ↑ Суд в Монако аннулировал уголовное дело против миллиардера Рыболовлева, РБК. Дата обращения: 13 Гожумпом 2025.
  57. ↑ Единственный в России храм в честь Преподобного Макария Египетского находится в Санкт-Петербурге. stsl.ru. Архивируйтӧм первоисточник сьӧрті 23 Тӧвшӧр 2019. Видзӧтӧм 13 Гожумпом 2025.
  58. ↑ В Москве возрожден собор Рождества Святой Богородицы Зачатьевского монастыря. Видзӧтӧм 13 Гожумпом 2025.
  59. ↑ Заповедный берег. expert.ru. Видзӧтӧм 13 Гожумпом 2025.
  60. ↑ Какими студентами были известные пермяки. Комсомольская правда. Видзӧтӧм 13 Гожумпом 2025.
  61. ↑ Владимир Путин отметил «Фонд поддержки олимпийцев России» – благодарностью Президента РФ. www.allsportinfo.ru. Видзӧтӧм 13 Гожумпом 2025.
  62. ↑ По святым местам: зачем бизнесмены эпохи Путина строят церкви. Дмитрий Рыболовлев англ.. Forbes.ru (2015-07-12). Видзӧтӧм 13 Гожумпом 2025.
  63. ↑ Адвокат Дмитрия Евгеньевича Рыболовлева во главе ассоциации Друзей Балета Монте-Карло. bonjourazur.ru. Видзӧтӧм 13 Гожумпом 2025.
  64. ↑ Quand l'AS Monaco y met du cœur Football. www.codesport.fr. Видзӧтӧм 13 Гожумпом 2025.
  65. ↑ La Fondation Flavien invitée d’honneur de l’AS Monaco à Bordeaux фр.. Monaco-Matin (2018-04-02). Видзӧтӧм 13 Гожумпом 2025.
  66. ↑ Самые богатые дети России // KP.RU. Видзӧтӧм 13 Гожумпом 2025.
  67. ↑ Миллиардер Рыболовлев спасает имущество от жены в кипрских трастах, РБК. Архивировано 22 Арпом 2016 года. Дата обращения: 13 Гожумпом 2025.
  68. ↑ Бизнесмен Рыболовлев развёлся с женой за 3,3 млрд евро. www.aif.ru. Видзӧтӧм 13 Гожумпом 2025.
  69. ↑ Суд Швейцарии в 7 раз снизил сумму отступных экс-супруге Рыболовлева | РИА Новости. Видзӧтӧм 13 Гожумпом 2025.
  70. ↑ Foot — Ligue 1 — Monaco — Rybolovlev fait le point. Видзӧтӧм 13 Гожумпом 2025.
  71. ↑ Forbes #79 Dmitry Rybolovlev (2010-03-10). Архивируйтӧм первоисточник сьӧрті 4 Одзгожум 2012. Видзӧтӧм 13 Гожумпом 2025.
  72. ↑ Dmitry Rybolovlev — Forbes англ.. Архивируйтӧм первоисточник сьӧрті 12 Арпом 2020. Видзӧтӧм 13 Гожумпом 2025.
  73. ↑ 200 богатейших бизнесменов России — 2012 | Рейтинги англ.. Forbes.ru (2012-04-19). Видзӧтӧм 13 Гожумпом 2025.
  74. ↑ 20 богатейших российских бизнесменов. Рейтинг Forbes. 13. Герман Хан | Миллиардеры англ.. Forbes.ru (2019-03-05). Видзӧтӧм 13 Гожумпом 2025.
  75. ↑ Jim Dobson Billionaire Superyacht Showdown: Who's Who At The 2019 Cannes Film Festival англ.. Forbes. Видзӧтӧм 13 Гожумпом 2025.
  76. ↑ 110m Feadship superyacht Anna undertakes sea trials англ.. Boat International. Видзӧтӧм 13 Гожумпом 2025.
  77. ↑ Миллиардер Рыболовлев получил новую гоночную яхту за $20 млн рус.. Видзӧтӧм 13 Гожумпом 2025.
  78. ↑ Dmitry Rybolovlev's new ClubSwan125 racing yacht promises to англ.. Видзӧтӧм 13 Гожумпом 2025.
  79. ↑ 'Record breaking' first ClubSwan 125 sailing superyacht completes sea trials англ.. Видзӧтӧм 13 Гожумпом 2025.
Босьтӧма "https://koi.ruwiki.ru/w/index.php?title=Рыболовлев_Дмитрий_Евгеньевич&oldid=207474"-ись