Россия лун

Босьтöм Рувикиись
Learning.svg

Б. Н. Ельцин нима библиотекалӧн материаллэз

Arrow-Right.png
Library.png
Эта статьяыс гижӧм
Б. Н. Ельцин нима Президентскӧй библиотека фонддэзісь материаллэзӧн
Унажык
Россия лун
День России.png
Тип Нация лун
Официальнӧя Россия лун
Мӧдінёж 2002 во тӧвпом 1 лунӧдз — «Российскӧй Федерация канму суверенитет йылісь декларация бурсьӧтӧм лун»
Вежӧртас РСФСР канму суверенитет йылісь декларация
Аркмӧтӧм 1992 во одзгожум 11 лун
(Российскӧй Федерация Медвылісь совет «Одзгожум 12 лунся донтан лун йылісь» № 2981-I постановленнёӧн)
Чулӧтӧны  Российскӧй Федерация
Лун одзгожум 12 лун
Чулӧтӧм концерттэз, патриотика акцияэз, фейерверккез
Традицияэз Канму премияэзӧн да донтан пассэзӧн ошкӧм Кремльын
Логотип РУВИКИ.Медиа Медиафайлы на РУВИКИ.Медиа

Россия лун (рочӧн День России; одзза нимыс — Канму суверенитет йылісь декларация бурсьӧтӧм лун, рочӧн День принятия Декларации о государственном суверенитете; мӧдік одзза нимыс — Мезд шедтӧм лун, рочӧн День Независимости) — Российскӧй Федерацияын канму статуса донтан лун, чулӧтсьӧ быд во одзгожум 12 лунӧ. Аркмӧтӧм 1992 во одзгожум 11 лунся РФ Медвылісь Советӧн сиӧмӧн РСФСР канму суверенитет йылісь Декларация бурсьтӧмлӧ. Абу уджалана лун[1][2].

История

1990 во одзгожум 12 лунӧ РСФСР-ись  (перм.рус. народнӧй депутаттэзлӧн I съезд коста вӧлі примитӧм РСФСР-лӧн канму суверенитет йылісь декларация. Документнас юӧртсис, мый Конституция да республикалӧн законнэз вылынжыкӧсь Советскӧй Союзлӧн  (перм.рус. акттэзся, а сідзжӧ вынсьӧтіс юралӧм янсӧтӧм да граждана да отиркостся организацияэз понда ӧткодь позьӧттэза принцип[3][4].

Вежалунъя абу уджалана лун статусыс вӧлі вынсьӧтӧм 1992 во одзгожум 11 лунӧ РФ Медвылісь Советлӧн постановленнё сьӧрті[1], одзжык донтан луныс шусис Мезд шедтӧм лун[5].

1993 вося одзгожумӧн Россияись граждана дынӧ шыасьӧмӧн Борис Ельцин висьталіс:

Россия панталӧ ассис канму донтан лун Мезд шедтӧм лун. Эта донтан луныс том, сія пырис миян оланӧ куим во одзті, кӧр вӧлі бурсьӧтӧм Россиялӧн канму суверенитет йылісь декларация[6].

Борис Ельцин да Владимир Путин Россия лун порйӧтӧм коста, 2001 во

Президентлӧн 1994 во одзгожум 2 лунся Указӧн донтан луныс вӧлі пуктӧм канмусяӧн да лоис Российскӧй Федерациялӧн канму суверенитет йылісь Декларация бурсьӧтан лунӧн[7].

1998 воӧ Борис Ельцин телевизионнӧй юӧртчӧмын вӧзйис шуны донтан лунсӧ «Россия лунӧн».

Нимыс официальнӧя вӧлі пуктӧм 2002 воӧ, кӧр вынсяліс РФ-лӧн виль Удж кодекс  (перм.рус., кытӧн вӧлісӧ гижӧмӧсь донтан да шоччисян луннэз[8].

Вежӧртассэз да контекст

Эксперттэз донъялӧм сьӧрті, донтан луныс дынӧ вовлісьӧмыс кад сьӧрна вежсис. Медодз одзгожум 12 луныс вежӧртсис суверенитет йылісь Декларация призма пырйӧт, кӧда пуктіс РСФСР-лӧ позьӧс петны Советскӧй Союзісь. Сія кадӧ датасӧ йитлісӧ историческӧй йитӧттэз лабмӧтӧмкӧт да канму зорӧтан одзза этапсянь дистанцируйтчӧмкӧт[9]. Кад сьӧрна, СССР-лӧн разьсьӧм кыдз ыджыт геополитическӧй шог вежӧртӧм сьӧрті, донтан луныслӧн вежӧртасыс вежсис: акцентыс вешшис чулалӧм кадісь кидтчӧмись ӧнняся корӧммез сьӧрті конструктивнӧя уджалӧм вылӧ да одзланься стратегия лӧсьӧтӧм вылӧ[10].

2001 воӧ Россиялӧн президент Владимир Путин, порйӧтӧм коста выступайттӧн, висьталіс:

Быдӧс, мый олӧм-вӧлӧм эна воэзӧ, быдӧс миян опытным — и вермӧммез, и дзугсьӧммез — висьталӧны ӧтік йылісь. Быдкодь реформаэз артмӧны сэк, кӧр нія пыртӧмӧсь отир понда. Абу ко граждана понда, нія озӧ петӧ. Этаын и эм российскӧй демократиялӧн медыджыт урок. Сы йылісь миянлӧ колӧ баитны и талун, Россия лунӧ[11].

ВЦИОМ аналитическӧй центр юасьӧм сьӧрті, россиянаись джынся унажыкыс (57 %) жалейтӧны Советскӧй Союз разьсьӧм йылісь, лыддьӧны, мый позис бы видзсьыны (2026 во тӧвпом 15 лун кежся даннӧйез сьӧрті)[12].

Традицияэз да мероприяттёэз

Донтан лунлӧн медшӧр символӧн лоӧ национальнӧй триколор, центральнӧй донтан лунся мероприяттёэз традиционнӧя чулалӧны Москваын Краснӧй площадь вылын. 2001 восянь донтан луннас Москваын да канмуись мӧдік каррезын лэдзӧны салюттэз[1].

Краснӧй площадь вылын Россия лун кежӧ концерт, 2025 вося одзгожум 12 лун

Эта лунӧ Ыджыт Кремлёвскӧй дворецись Георгиевскӧй залын сетсьӧны Российскӧй Федерациялӧнь тӧдӧм да технология, литература да искусство юкӧнын канмуся премияэз, да сідзжӧ позьӧттэз дорйӧмын да буркерӧм уджын ыджыт вермӧммез понда да «Уджын Герой» медаллез[4][13][14].

Владимир Путин Россия лунӧ Ыджыт Кремлёвскӧй дворецын канмуся премияэз да донтан пассэз сетан церемония вылын, 2024 во

Канму пасьта карся отаиннэз мичӧтӧны канму дӧрапасӧн да тематическӧй баннеррезӧн. Чулӧтсьӧны фестиваллез, концерттэз, выставкаэз, проекттэз, спортивнӧй вермасьӧммез да гражданско-патриотическӧй акцияэз.

2024 воӧ медыджыт лоӧмтӧррез коласісь ӧтікӧн лоис Краснодар крайись Сукко посёлокын акция, кытӧн вӧлі паськӧтӧм российскӧй дӧрапас, кӧдалӧн ыждаыс вӧлі 4 сюрс квадратнӧй метрся ыджытжык. Акцияас Сьӧд саридз дорын участвуйтіс 1221 морт. Шедтӧмсӧ гижисӧ Россиялӧн рекорддэз небӧгись эксперттэз[15].

Одзгожум 12 луныс популярнӧй томгозъя коласын. Сідз, 2024 воӧ Россия лунӧ Москваын вӧлі кырымпасалӧм 165 гӧтрасьӧм[16].

2007 восянь чулӧтсьӧ «Россиялӧн триколор» акция, кӧда коста волонтёррез сеталӧны национальнӧй дӧрапас рӧммеза лентаэз[1][4].

  • Нижегородскӧй кремль весьтын Россия лун кежся донтан лунъя салют

    Нижегородскӧй кремль весьтын Россия лун кежся донтан лунъя салют

  • Санкт-Петербургын Петровскӧй фарватер дынын Россиялісь дӧрапас лэбтӧм сьӧрті акция коста Россия лунӧ флайбордисттэз кайисӧ 12 метра вылына.

    Санкт-Петербургын Петровскӧй фарватер дынын Россиялісь дӧрапас лэбтӧм сьӧрті акция коста Россия лунӧ флайбордисттэз кайисӧ 12 метра вылына.

  • Томгозъяэз, кӧдна гӧтрасисӧ "Маяковскӧй" метро станцияын (2022 во одзгожум 12 лун)

    Томгозъяэз, кӧдна гӧтрасисӧ "Маяковскӧй" метро станцияын (2022 во одзгожум 12 лун)

  • Волгоградын оліссез нуӧтӧны Россиялісь сё метра ыжда дӧрапас (2023)

    Волгоградын оліссез нуӧтӧны Россиялісь сё метра ыжда дӧрапас (2023)

  • РФ-лӧн медыджыт дӧрапас, кӧдӧ паськӧтісӧ Анапа дынын Россия лун кежӧ (2024 во одзгожум 12 лун)

    РФ-лӧн медыджыт дӧрапас, кӧдӧ паськӧтісӧ Анапа дынын Россия лун кежӧ (2024 во одзгожум 12 лун)

Традиционнӧйӧн лоис «Ми — Россиялӧн граждана!» дӧсроссияса акция. Сы коста 14 вося школьниккезлӧ, кӧдна шедтісӧ ыджыт вермӧммез велӧтчӧмын, спортын нето отир понда уджын, сетӧны ны медодзза паспорттэз торжественнӧя, ны лыдын канму медодзза морттэз киэзісь[1][4].

Пасйӧттэз

  1. ↑ 1 2 3 4 5 История празднования Дня России, TACC. Дата обращения: 8 Одзгожум 2026.
  2. ↑ Указ Президента РФ О государственном празднике Российской Федерации (1994-06-02). Видзӧтӧм 8 Одзгожум 2026.
  3. ↑ 12 июня отмечают День России. Межпарламентская Ассамблея государств — участников СНГ (2014-06-12). Видзӧтӧм 8 Одзгожум 2026.
  4. ↑ 1 2 3 4 День России 2026: когда, какого числа, как празднуют 12 июня, история праздника. РБК Life (2026-05-28). Видзӧтӧм 8 Одзгожум 2026.
  5. ↑ День принятия Декларации о государственном суверенитете России - День России. ФГБУ «Президентская библиотека имени Б.Н. Ельцина». Видзӧтӧм 8 Одзгожум 2026.
  6. ↑ Обращение Президента Российской Федерации Б.Н.Ельцина к гражданам Российской Федерации накануне праздника - Дня независимости России. Ельцин-центр. Видзӧтӧм 8 Одзгожум 2026.
  7. ↑ День России 2026: какого числа, история и традиции. Комсомольская правда. Видзӧтӧм 8 Одзгожум 2026.
  8. ↑ День России 2026: когда отмечается и что за праздник, РИА Новости (12 Одзгожум 2025). Дата обращения: 8 Одзгожум 2026.
  9. ↑ Декларация о государственном суверенитете Российской Советской Федеративной Социалистической Республики. Видзӧтӧм 8 Одзгожум 2026.
  10. ↑ Путин разъяснил свои слова о "геополитической катастрофе" в контексте распада СССР, TACC (28 Одзгожум 2019). Дата обращения: 8 Одзгожум 2026.
  11. ↑ Выступление на торжественном приеме по случаю Дня принятия Декларации о государственном суверенитете России. Президент России (2001-06-12). Видзӧтӧм 8 Одзгожум 2026.
  12. ↑ Опрос показал, сколько россиян сожалеют о распаде СССР, РИА Новости (17 Одзтулыс 2026). Дата обращения: 8 Одзгожум 2026.
  13. ↑ Василиса Николаева. В День России Владимир Путин вручил медали «Герои труда РФ»: Кого наградил президент, Комсомольская правда (12 Одзгожум 2024). Дата обращения: 8 Одзгожум 2026.
  14. ↑ Путин в День России вручил госпремии и медали Героев Труда. РБК (2023-06-12). Видзӧтӧм 8 Одзгожум 2026.
  15. ↑ На Кубани в День России развернули самый большой триколор страны, TACC (12 Одзгожум 2024). Дата обращения: 8 Одзгожум 2026.
  16. ↑ В День России в Москве поженились 165 пар, Интерфакс Россия (13 Одзгожум 2024). Дата обращения: 8 Одзгожум 2026.

Ыстӧттэз

Босьтӧма "https://koi.ruwiki.ru/w/index.php?title=Россия_лун&oldid=218050"-ись