Решетников Фёдор Михайлович
| Решетников Фёдор Михайлович | |
|---|---|
 | |
| Чужан лун: | 5 (17) одзар 1841 во или 1841 во одзар 17 лун[1] |
| Чужанін: | |
| Кулан лун: | 9 (21) одзтулыс 1871 во (29 лет) или 1871 во одзтулыс 21 лун[1] (29 лет) |
| Куланін: | |
| Канму | |
| Удж | гижись |
| Автограф |
 |
 Медиафайлы на РУВИКИ.Медиа | |
.svg){kind=small}
Решетников Фёдор Михайлович (1841—1871) — роч гижись, журналист.
Олантуй
Чужис 1841 во одзар 17 лунӧ Екатеринбургын почтаын уджалісь семьяын[2]. Мамыс айыскӧт янсаліс, кӧр сылӧ эз на вӧв 1 во. Мамыскӧт мунісӧ овны Перемӧ. Мамыс одз куліс, колис зонсӧ аслас вон дынӧ быдтасӧн. 1851 воӧ муніс велӧтчыны Пермскӧй уезднӧй училищеӧ. 1855 воӧ сюрис суд увтӧ — дядьыслӧ почтаын отсасикӧ ӧштӧм казённӧй пакет[3]. Судыс кыссис 2 во, сы бӧрын Решетниковсӧ ыстісӧ 3 тӧлісь дырна кежӧ Соликамскӧй монастырьӧ сетны покаяннё.
1859 воын Пермскӧй уезднӧй училище помалӧм бӧрын уджаліс гижисьӧн уезднӧй суддэзын Екатеринбургын да Перемын.
1863 воын муніс Санкт-Петербургӧ, кытӧн кутчис уджавны финанссэз сьӧрті Министерствоын.
Сэк жӧ «Северная пчела» газетаын лэдзисӧ сы очерккез эмтӧммез олан йылісь. Н. Г. Помяловский отсӧтӧн 1864 воӧ тӧдасис Н. Некрасовкӧт, сы коста «Современник» журнал редакторкӧт. «Современникас» петіс сылӧн «Подлиповцы» нима повесть, кӧдӧ ошкисӧ литераторрез. Решетниковсӧ босьтісӧ уджавны «Современникас».
1865 воӧ вӧлі командировкаын Перемын, Соликамскын, Усольеын, Чердыньын, Тагилын, кытӧн ӧктіс материал заводдэзын уджаліссез олан йылісь этнографическӧй очерккез понда. Недыркодь ачыс уджаліс Демидовскӧй заводын.
Куліс 1871 одзтулыс 17 лунӧ тыэз пыкӧс шогья[3]. Дзебӧм Санкт-Петербургын.
Гижан удж
Медодзза очерккес петісӧ «Пермские губернские ведомости» газетаын 1862 воын[4].
Медодзза ыджыт гижӧм — бурлаккез йылісь «Подлиповцы» нима этнографическӧй очерк — петіс «Современникын» 1864 воӧ. «Подлиповчи» нимӧн комиӧтӧмӧн петіс 1934 воӧ[5], сэсся «Подлиповса» ним увтын 1951 воӧ[6].
Заводуджаліссезлісь олан йылісь гижис «Горнорабочие» (1866), «Глумовы» (1866—1867; торйӧн петӧм 1880), «Где лучше?» (1868) романнэзын, «Рабочие лошади», «На большой дороге» (1866), «Очерки обозной жизни» (1867) очерккезын. Первуись роч литератураын гижис забастовка йылісь[7]. Ас олан йылісь гижис «Между людьми» (1865) романын. Эмансипация йылісь — «Свой хлеб» (1870) романын.
Гижис романнэз, висьттэз, очерккез.
Касьтылӧм
Решетников нимӧн шусьӧны Перемын сквер, улицаэз Санкт-Петербургын, Екатеринбургын.
1991 воӧ Екатеринбугын оссис Ф. М. Решетниковлӧн керку-музей[8].
Ыстӧттэз
- ↑ 1 2 Архив изобразительного искусства — 2003.
- ↑ К 175-летию писателя-шестидесятника Ф. М. Решетникова // Смышляевский сборник: исследования и материалы по истории и культуре Перми. — Вып. 7 / Центр. городская б-ка им. А. С. Пушкина (Дом Смышляева); сост. и ред. Т. И. Быстрых. — Пермь, 2016. — С. 106—123.
- ↑ 1 2 Верхоланцев В. С. Город Пермь, его прошлое и настоящее. — Пермь: Пушка, 1994. — С. 220—222. — 256 с.
- ↑ Пермские губернские ведомости. 1862 год / Пермская электронная библиотека
- ↑ Podļipovçi = Подлиповцы // Пермская электронная библиотека
- ↑ Писатель-шестидесятник Федор Решетников и память о нем в Перми / Архив города Перми
- ↑ Энциклопедия русской жизни. Роман и повесть в России второй половины XVIII — начала XX в. / Под ред. В. И. Кулешова. — М.: Книжная палата, 1988
- ↑ Музей Ф. М. Решетникова / Сайт Объединённого музея писателей Урала