Пӧрисьпӧлӧс мирпасьта лун
| Пӧрисьпӧлӧс мирпасьта лун | |
|---|---|
.jpg) | |
| Лун | Аршӧр 1 лун |
 Медиафайлы на РУВИКИ.Медиа | |
Пӧрисьпӧлӧс мирпасьта лун (рочӧн Международный день пожилых людей, ООН-лӧн официальнӧй кыввез вылын: англ. International Day of Older Persons, араб. اليوم الدولي للمسنين, испан. Día Internacional de las Personas de Edad, китай. 国际老年人日, француз. Journée internationale pour les personnes âgées) — чулӧтсьӧ 1991 восянь аршӧр 1 лунӧ. Вӧлі аркмӧтӧм ООН Генеральнӧй Ансамблеялӧн 45-ӧт сессия вылын (1990 во одзтӧв 14 лунся № A/RES/45/106 резолюция).
Резолюцияас гижьсӧ ООН пӧрисьмӧм проблемаэз сьӧрті тодиль фондӧ пайез чинӧм йылісь, мирын отирлыдын оліссез чожа пӧрисьмӧм йылісь да зорӧтӧмӧ пӧрисьпӧлӧслӧн пай пуктӧм йылісь.
Генеральнӧй Ассамблеяыс корис правительствоэсӧ да асвеськӧталана организацияэсӧ пуктывлыны пай ООН пӧрисьмӧм проблемаэз сьӧрті Тодиль фондӧ.
Аршӧр 1 лунӧ чулӧтсьӧны быдкодь фестиваллез, кӧднӧ чулӧтӧны пӧрисьпӧлӧс дорйись органиацияэз, пӧрисьпӧлӧслӧ кӧсйӧм конференцияэз да конгрессэз. Чулӧтсьӧны буркеран акцияэз.
Пӧрисьпӧлӧс мирпасьта лунлӧн быдвося темаэз
- 2021 — «Цифровӧй ӧткодялӧм быдвося отирлӧ»
- 2020 — «Вежис я пандемия миянлісь волыд да пӧрисьмӧм дынӧ видзӧтӧм»
- 2019 — «Быдвося отир ӧткодялӧм дынӧ путешествие»
- 2018 — «Уськӧтам тӧдвылӧ медыджыт отир праваэз дорйиссезӧс»
- 2017 — «Лоан кадӧ: пӧрисьпӧлӧслісь енби, пай да пуктӧмӧн уджалӧм»
- 2016 — «Пӧрисьпӧлӧс дискриминация йылісь унажык тӧдӧм»
- 2015 — «Пӧрисьпӧлӧс понда каррезлӧн пырся да осьта олӧм»
- 2014 — «Некинӧс оз позь кольны бӧрӧ»
- 2013 — «Миян гажалана лоан кад: мый йылісь сёрнитӧ пӧрись отир»
- 2012 — «Дыролӧм: лоан кад тыртӧм»
- 2011 — «Мадрид +10: проблемаэз да пӧрисьмӧмӧн глобальнӧя йитӧм моггез тыртӧм»
- 2010 — «Пӧрисьпӧлӧс да сюрсвося зорӧтан моггез тыртӧм»
- 2009 — «Отирпӧлӧс быдвося отир понда»
- 2008 — «Пӧрисьпӧлӧслӧн праваэз»
- 2007 — «Проблемаэз да пӧрисьмӧмӧн йитӧм моггез тыртӧм»
- 2006 — «Пӧрисьпӧлӧслісь олан бурсьӧтӧм: ООН-лӧн глобальнӧй стратегияэзлӧ отсӧт»
- 2005 — «Пӧрисьмӧм виль сюрсвося проблемаэз: син одзын эмтӧм олан, пӧрись иньпӧлӧс да зоралӧм»
- 2004 — «Пӧрисьпӧлӧс отирпӧлӧсын, кӧда зорамӧ чужтыркості»
- 2003 — «Пӧрисьмӧм проблема йӧзӧтӧм: пӧрисьмӧм паныт Мадрид йӧзкостся удж нуӧтан план да Сюрсвося Декларацияын пуктӧм зорӧтан моггез коласын йитӧттэз вынсьӧтӧм»
- 2002 — «Пӧрисьмӧм проблемаэз: мый позьӧ керны талун?»
Россияын
Россияын 1992 воӧ вӧлі бурсьӧтӧм Верховнӧй Совет Президиумлӧн «Пӧрисьпӧлӧс проблемаэз йылісь» тодиль постановленнё, кӧдаӧн аршӧр 1 лун пуктӧм Пӧрисьпӧлӧс лунӧн. Постановленнёнас тшӧктіссьӧ чулӧтны пӧрись морттэз понда тодиль мероприяттёэз, сы координация понда тшӧктіссьӧ ӧктыны тодиль комиссия.
Отирлӧн моггез
Эм инициатива чулӧтны аршӧр 1 лунсӧ кыдз Дырӧлӧм мирпасьта лун, мед петкӧтны син одзӧ пӧрисьмӧмлісь медицинскӧй проблема, кӧда понда медодз колӧ адззыны биомедицина методдэз[1][2].
Пасйӧттэз
- ↑ October 1st is International Longevity Day
- ↑ International Longevity Day. Huntington University