Порсев Тихон Филиппович
| Порсев Тихон Филиппович | |
|---|---|
| Чужан лун | 1925 во |
| Чужанін | Харинов, Кудымкар район, Коми-Пермяцкӧй национальнӧй округ, РСФСР, СССР |
| Кулан лун | 1944 во гожумшӧр 19 лун |
| Куланін | Доброчан, Польша |
| Киндор |
 СССР |
| Войскоэз род | танковӧй бригада |
| Званнё | мл. сержант |
| Тышккез/войнаэз | Великӧй Отечественнӧй война |
| Донтан пассэз |
 |
Порсев Тихон Филиппович (1925 во, Харинов, Кудымкар район, Коми-Пермяцкӧй национальнӧй округ, РСФСР, СССР — 1944 во гожумшӧр 19 лун, Доброчан, Польша) — Великӧй Отечественнӧй войнаын участник, мл. сержант, разведчик, петкӧтӧм Советскӧй Союзлӧн Герой званнё дынӧдз.
Олантуй
Чужис 1925 воӧ Хариновын[1]. 1943 воӧ вӧлі босьтӧм Гӧрд Армияӧ[2][3]. Кысъяліс 40 Гвардейскӧй танковӧй Краснозанмённӧй бригада управленнёись ротаын разведчикӧн, мл. сержант[3].
1944 во тулысшӧрӧ 40 Гвардейскӧй танковӧй Краснозанмённӧй бригадалӧн командир полковник Кошелев петкӧтіс Порсевсӧ Советскӧй Союзлӧн Герой званнё дынӧдз. Награднӧй листас гижӧм, мый одзтулыс 24 лунӧ Днестр ю форсируйтӧм коста Доросаути деревня дынын разведчикыс вӧлі ыстӧм паныт вадорас, мед синмавны, кыті позяс вуджны юсӧ бригадаыс часттезлӧ. Порсевыс корсьӧм ачыс вуджны постӧм юсӧ вӧв вылӧ верзьӧмӧн. Ю шӧрас вӧлыс чапкас разведчиксӧ ваас, Порсевыс кужас вӧтны сійӧ да кутчисьны бурси бердас. Сідз Порсевыс вуджис юсӧ, адззис сэтчин кык пыж да вайӧтіс нійӧ миян боеццес дынӧ, сэсся быдӧнныскӧт вуджис юсӧ[2]. Эта подвиг понда 1944 во тулысшӧр 8 лунӧ Порсевыс вӧлі ошкӧм Гӧрд Дӧрапас орденӧн[2].
Вӧлі вийӧм бой коста 1944 во гожумшӧр 19 лунӧ. Дзебӧм Польшаын, Доброчан деревняись вичку дын[1][2].
Мукӧд документтэзын гижсяныс гижӧм кыдз Поросев.
Донтан пассэз
- Гӧрд Дӧрапас орден (08.04.1944)[3]
Пасйӧттэз
- ↑ 1 2 Книга Памяти Коми-Пермяцкого автономного округа. Т. 1. — Кудымкар: Коми-Пермяцкое книжное издательство, 2005. — C. 341 — 520 с. — ISBN 5-87901-090-2
- ↑ 1 2 3 4 В. А. Алексеев. Боевые подвиги пермяков. Том 1. — Оса: ООО «Росстани-на-Каме», 2022. — С. 110—111. — 156 с. — ISBN 5-88441-032-8
- ↑ 1 2 3 Порсев Тихон Филиппович, 1925 г. р. Память народа (Видзӧтан кад 27.03.2025)