Петров Иван Иванович

Петров Иван Иванович
Петров Иван Иванович
Якутскӧй АССР министррез советлӧн юралісь
	1966 вося арпом — 1979 вося одзтӧв
Одззася уджалісь	Алексей Леликов
Одзлань уджалісь	Сергей Маркин
Пермскӧй сельскӧй облисполкомлӧн председатель
	1962 во одзтӧв 17 лун — 1964 вося одзтӧв
Одззася уджалісь	Михаил Смирнов кыдз облисполкомлӧн председатель
Одзлань уджалісь	Борис Коноплёв кыдз облисполкомлӧн председатель
Чужӧм	1918 во гожумшӧр 20 лун; Андреевка[d], Сысертский городской округ[d], Свердлов лапӧв, РСФСР[d];
Кулӧм	2000 во арпом 20 лун (82 года); Перем, Российскӧй Федерация;
Партия	КПСС
Велӧтчӧм	Перем мувӧдитан институт

Петров Иван Иванович (1918 во гожумшӧр 20 лун, Андреевка^[d], Свердлов лапӧв — 2000 во арпом 20 лун, Перем) — советскӧй партийнӧй да канмуся уджалісь, Якутскӧй АССР-ись Министррез Советӧн юралісь (1966—1979).

Олантуй

Чужис 1918 во гожумшӧр 20 лунӧ Пермскӧй губернияын Андреевка посадын (ӧння кадӧ Свердловск областись Сысерть районын).

1937 воӧ помаліс Красноуфимскись мувӧдитан техникум. ВКП(б)-ӧ пырись 1940 восянь.

Уджалан туйыс муніс Пермскӧй областьлӧн Коми-Пермяцкӧй национальнӧй округ МТС-ись агрономсянь Якутскӧй АССР-ись Министррез Советӧн веськӧтлісьӧдз. 1937—1941 воэзӧ уджаліс Юсьва МТС-ын агрономӧн, Юсьва район мувӧдитан юкӧтын юралісь агрономӧн. 1941—1949 воэзӧ директораліс Молотовскӧй областись Елово районын Дубровскӧй МТС-ӧн. 1949—1950 воэзӧ вӧлі Молотовскӧй областись Юго-Оскинскӧй райсоветлӧн исполком председательӧн да сэсся, 1950—1954 воэз сьӧрна, Юго-Осокинскӧй райкомлӧн медодзза секретерьӧн.

1954 восянь 1958 воӧдз юраліс Молотовскӧй обкомись мувӧдитан юкӧтӧн, кысянь вӧлі вуджӧтӧм Молотовскӧй (Перемскӧй) обком секретарьӧ, уджаліс постас 1963 воӧдз. Обкомас уджалікас велӧтчис Перем мувӧдитан институтын, помаліс 1960 воӧ.

1962—1964 воэзӧ вӧлі Пермскӧй областнӧй советісь исполкомлӧн председательӧн. 1964—1966 воэзӧ уджаліс Пермскӧй областнӧй советісь исполкомлӧн председатель вежлісьӧн.

1966—1979 воэзӧ вӧлі Якутскӧй АССР министррез совет юралісьӧн. Совмин веськӧтлісьӧн уджалікӧ, вӧвлі Якутияись пдзир быд районын да пуктіс ыджыт пай Якутиялісь экономика да культура зорӧтӧмӧ, министррезлӧн советлісь рольсӧ ыждӧтӧмӧ.

Вӧлӧ борйывлӧм РСФСР-лӧн да Якутскӧй АССР-лӧн Верховнӧй Советтэзісь депутатӧн (1963 восянь); вӧлі КПСС Якутскӧй обком бюроӧ пырисьӧн (1966 восянь), КПСС ХХІV, ХХV съезддэзын делегатӧн^[1].

Куліс 2000 во арпом 20 лунӧ. Дзебӧм Перемын^[2].

Донтан пассэз

Октябрьскӧй Революция орден (1971);
Уджвывся Гӧрд Дӧрапас орденнэз (1968, 1978);
«Почёта пас» орден (1973);
СССР-лӧн медаллез;
Якутскӧй АССР-лӧн овмӧсын заслуженнӧй уджалісь (1972).

Касьтылӧм

2018 воӧ, И. И. Петровлӧн чужан лунсянь 100 во тыран воӧ, Якутскын чулаліс юбилейнӧй даталӧн порйӧтӧм;
Сэк жӧ Москваын вӧлі чулӧтӧм «И. И. Петровлӧн роль Якутскӧй АССР социально-экономическӧя зорӧтӧмын» нима гӧгрӧса пызан^[3].

Пасйӧттэз

↑ Петров Иван Иванович, Председатель Совета Министров ЯАССР (ноябрь 1966 – декабрь 1979). Официальный информационный Портал Республики Саха (Якутия). Видзӧтӧм 23 Тулысшӧр 2026.
↑ 100-летие со дня рождения Петрова Ивана Ивановича. Благотворительный фонд ветранов Крайнего Севера "Эрэл (Надежда)". Видзӧтӧм 23 Тулысшӧр 2026.
↑ В Якутии отметят 100-летие со дня рождения государственного деятеля Ивана Петрова, Новости Якутии и Якутска (17 Гожумшӧр 2018). Дата обращения: 23 Тулысшӧр 2026.

Литература

Петров Иван Иванович (1918-2000). Документы, публикации, фотографии, к 100-летию со дня рождения / Пермский государственный архив социально-политической истории (ПермГАСПИ), Государственное казеное учреждение Республики Саха (Якутия) "Национальный архив Республики Саха (Якутия)"; [составители: С.В. Дагелине и др., редколлегия: Д.Г. Белозеров др.]. — Якутск: Бичик, 2019. — 189 с. — ISBN 978-5-7696-5748-1.

Ыстӧттэз

Климент Иванов «…Вы можете меня считать русским якутом!». Блог Николая Барамыгина (2023-10-01). Видзӧтӧм 23 Тулысшӧр 2026.

[1] Петров Иван Иванович, Председатель Совета Министров ЯАССР (ноябрь 1966 – декабрь 1979). Официальный информационный Портал Республики Саха (Якутия). Видзӧтӧм 23 Тулысшӧр 2026.

[2] 100-летие со дня рождения Петрова Ивана Ивановича. Благотворительный фонд ветранов Крайнего Севера "Эрэл (Надежда)". Видзӧтӧм 23 Тулысшӧр 2026.

[3] В Якутии отметят 100-летие со дня рождения государственного деятеля Ивана Петрова, Новости Якутии и Якутска (17 Гожумшӧр 2018). Дата обращения: 23 Тулысшӧр 2026.

[1]

[2]

[3]