Первомай (донтан лун)

Босьтöм Рувикиись

Материалы библиотеки имени Б.Н. Ельцина

Library.png
В данной статье использованы материалы из фондов Президентской библиотеки имени Б.Н. Ельцина
Подробнее
Learning.svg

Б.Н. Ельцин нима библиотекалӧн материаллэз

Arrow-Right.png
Library.png
В данной статье использованы материалы из фондов Президентской библиотеки имени Б.Н. Ельцина
К материалам
Эта терминлӧн эмӧсь и мӧдік вежӧртассэз, вдз. Тулыспом 1 лун.
Первомай
Первомай фото.png
Тип Уджалісь отирлӧн да профсоюззээзлӧн донтан лун
Официальнӧя Ӧння кадӧ Россияын — Тулыс да Удж донтан лун
Сідзжӧ Удж вежалун, Удж донтан лун, Тулыс да Удж донтан лун, День международной солидарности трудящихся
Вежӧртас СССР-ын да Россияын мирпасьта уджалісь отирӧс донтан лун
Аркмӧтӧм Мӧдӧдзза Интернационаллӧн Парижскӧй конгрессӧн Чикагоын Хеймаркет вывся бунтын вийӧм отир касьтылӧм понда (1889 вося гожмшӧр)
Чулӧтӧны Мирпасьта донтан лун
Лун Тулыспом 1 лун
Чулӧтӧм демонстрацияэз, митинггез
Йитӧм Бунт Хеймаркет вылын, Чикаго
Логотип РУВИКИ.Медиа Медиафайлы на РУВИКИ.Медиа

Первомай (мӧдінёж Тулыс да удж донтан лун; рочӧн Первое мая, Праздник весны и труда) — мирпасьта донтан лун, кӧда чулӧтсьӧ уна канмуэзын тулыспом 1 лунӧ. Сы аркмӧмыс йитӧм Чикагоись уджаліссез демонстрацияӧн, кӧда чулалӧм 1886 во тулыспом 4 лунӧ Хеймаркет площадь вылын. Россияын донтан луныс медодззаись чулӧтсис 1890 воӧ кыдз уджаліссез ӧтарталӧм мирпасьта лун[1]. Быд канмуын чулӧтан луныс пуктіссьӧ асмоза. Пыржыксӧ сія шоччисян лун.

2025 воӧ донтан луныс лоӧ четвергӧ. Сія лунсянь пондӧтчӧны 4 лунся каникуллэз, нія кыссьӧны тулыспом 4 лунӧдз, кресенняӧдз[2].

История

[вильмӧтны | править код]

1856 во тулысшӧр 21 лунӧ Австралияын уджаліссез петісӧ требованнёӧн керны 8 часа уджалан лун[3].

Кыкьямыс час удж понда. Кыкьямыс час шоччӧт понда. Кыкьямыс час сы понда, мый ми сиам! — США-ын забастовкаэзын участниккезлӧн лозунг (1886 во тулыспом 1 лун)[4].

1886 во тулыспом 1 лунӧ США-ын да Канадаын анархическӧй организацияэз организуйтісӧ митинггез да демонстрация[3].

1886 во тулыспом 4 лунӧ Чикагоын вӧлі Хеймаркет вылын бунт, кӧда коста кулісӧ анархисттэз Август Спис, Альберт Парсонс, Адольф Фишер, Джордж Энгельман, Луис Линг, Михаэль Шваб, Сэмюэл Фильден да Оскар Неебе[5].

1889 гожумшӧрӧ пӧгибнитӧм анархисттэзлӧн память вылӧ, Парижскӧй II Интернационаллӧн конгрессӧн вӧлі объявитӧма «Уджалісь йӧзлӧн быдӧс мирын солидарность лун», кӧдӧ пасйисӧ демонстрацияӧн, кӧдаын корисӧ пыртны 8 час дырнася уджалан лун, а сідзжӧ мӧдік социальнӧй требованнёэзӧн[6][1]. Праздник лун сувтӧтӧм одзын рабочӧйезлӧн вӧлі планируйтӧм забастовка 1890 годӧ май 1 лун кежӧ[3].

Быдӧс социал-демократическӧй партийнӧй организацияэз да быд странаэзісь профсоюззэз энергичнӧя выступайтны Май первӧй лунӧ 8 часся уджалан лун законнӧя сувтӧтӧм понда, пролетариатлӧн классӧвӧй требованнёэз понда да всеобщӧй мир понда, — чуксӧвтіс ІІ Интернационаллӧн кватьӧт конференция 1904 воӧ[7].

Быд странаись пролетарскӧй организацияэзлӧ колӧ дугдыны уджавны тулыспом 1 лунӧ, кытӧн этӧ позьӧ керны уджалісь отирлӧ умӧль керӧмтӧг, — гижӧм Интернационаллӧн Парижскӧй II конгресс постановленнёын. [7].

1890 воӧ Германияын, США-ын, Данияын, Бельгияын, Австро-Венгрияын, Италияын, Испанияын, Францияын, Норвегияын да Швецияын чулалісӧ демонстрацияэз, кӧднаӧн тшкӧтісӧ пыртны 8 часся уджалан лун[8].

1891 воӧ Брюссельскӧй II Интернационаллӧн конгресс решеннё сьӧрті быд канмулӧ вӧлі сетӧм позьӧс асьныслӧ бӧрйыны сійӧ лунсӧ чулӧтан кад да форма[8].

Российскӧй империя[вильмӧтны | править код]

1890 воӧ Россияын да Варшаваын медодззаись вӧлі чулӧтӧм «Первомай» (Маёвка) донтан лун кыдз уджалісь отирлӧн мирпасьтся солидарность лун. Сы коста забастовка вылӧ петісӧ 10 сюрс уджалісь морт[1]. 1891 воӧ Санкт-Петербургын 200 мымда революционер Михаил Бруснев кипод увтын организуйтісӧ медодзза нелегальнӧй маёвка[9].

1897 восянь донтан луныс вӧлі политическӧй. Тулыспом 1 лунӧ уджалісь отир чулӧтісӧ массовӧй забастовкаэз да демонстрацияэз[1].

1903 воӧ, Петербург да Москва киння, майскӧй демонстрацияэз чулалісӧ Тверьын, Тулаын, Самараын, Харьковын, Одессаын, Тифлисын да Российскӧй империяись мӧдік каррезын[10]. Юргисӧ лозунггез: "Долой самодержавие! ", "Мед олас республика! ", "Долой царьсӧ! ", «Мед олас революция!»[11].

1912—1914 воэзӧ демонстрацияэз вылӧ петалісӧ 500 сюрсся унажык уджалісь морт, солдаттэз, матроссэз да крестьяна[10].

1917 воӧ, Февральскӧй революция бӧрын, улицаэз вылӧ чукӧртчисӧ миллионнэз[10]. Петроградын демонстрацияыс чулаліс Марсовӧй ыб вылын, спикернас вӧлі А. Ф. Керенский.

Большевиккезлӧн лозунггез рочӧн[1]:

  • «Долой министров-капиталистов»;
  • «Вся власть Советам»;
  • «Долой империалистические войны!».

Май медодзза лун лыддьиссьӧ рабочӧйез праздникӧн, кӧдна ӧтлаасьӧмась ӧтік братскӧй союзӧ быдкодь увтыррезкӧт тышкасьӧм понда, общество социалистическӧя лӧсьӧтӧм понда, — висьталіс В. И. Ленин[7].

РСФСР да СССР[вильмӧтны | править код]

1917 воӧ, Октябрься революция бӧрын, «Интернационал лун» вӧлі аркмӧтӧм официальнӧя[12].

1918 воӧ Москваын, Ходынка ыб вылын, вӧлі чулӧтӧм медодзза военнӧй парад. Сыбӧрын параддэсӧ пондісӧ чулӧтны Краснӧй площадь вылын[11].

Первомай порйӧтӧм Петроградын, Дворцовӧй площадь вылын. 1918 во

1918 восянь, РСФСР Удж йылісь законнэз кодекс сьӧрті, тулыспом 1 луныс лоис шоччисян лунӧн[13]. 1928 во тулысшӧр 23 лунсянь «Интернационал лунлӧ сиӧм донтан луннэз да торья шоччисян луннэз йылісь» СССР СНК ЦИК-лӧн постановленнё сьӧрті тулыспом 2 луныс лоис донтан лунлӧн мӧдӧдзза лунӧн[14].

Чулӧтсисӧ сэтшӧм мероприяттёэз[10]:

  • Тулыспом 1 лун — уджалісь отирлӧн демонстрацияэз да военнӧй параддэз.
  • Тулыспом 2 лун — Маёвкаэз.

Лозунггез рочӧн[4]:

  • «Слава человеку труда!»;
  • «Мир! Труд! Май!»;
  • «Заветам Ленина верны!»;
  • «Да здравствует 1 мая!».

Быд республикаын чулӧтсисӧ[10]:

  • уджаліссез организуйтӧм колоннаэзлӧн оськаланнэз. Медшӧр демонстрацияыс муніс Москваын Краснӧй площадь вылын;
  • громкоговорителлезӧт кылісӧ дикторрезлӧн приветствиеэз да политическӧй лозунггез;
  • административнӧй керкуэз дынӧ сувтӧтлісӧ трибунаэз, кӧдна вывсянь демонстранттэзӧс приветствуйтісӧ КПСС-лӧн юраліссез да властьлӧн представителлез;
  • транслируйтісӧ местнӧй да центральнӧй теле- да радиоканаллэз пыр.

1933 во тулыспом 1 лунӧ Москваын Краснӧй площадь вылын чулаліс авиапарад[10]. Вӧлісӧ мыччалӧмӧсь АНТ-20 «Максим Горький», И-16 да мӧдік самолёттэз. Сэтшӧм жӧ традиция вӧлі пыртӧм СССР-ись мӧдік каррезын[10].

Великӧй Отечественнӧй война коста оськаланнэс да параддэс эзӧ чулӧтсьывлӧ[8].

Колхозная газета: Веневскӧй РК ВКП(б) да уджалісь йӧзлӧн депутаттэз районнӧй Совет орган. - Венев кар (Тула область). 1941, № 68 (1774) (Тулыспом 1 лун)

1956 воӧ медодззаись муніс Москваись телерепортаж Краснӧй площадь вывся первомайскӧй демонстрация йылісь[8].

1970-ӧт воэзӧ донтан лунсӧ шуисӧ «Уджалісь йӧзлӧн ӧтласа олӧмлӧн лунӧн»[10].

«С праздником 1 мая!» нима советскӧй открытка

Чулалісӧ флажоккезӧн да транспаранттэзӧн уджалісь отирлӧн массовӧй оськаланнэз.

1990 во тулыспом 1 лунӧ чулаліс медбӧрья официальнӧй первомайскӧй демонстрация, кӧда коста муніс демократическӧй власть дор сулаліссезлӧн антисоветскӧй лозунггеза неофициальнӧй оськалан[10].

1991 во тулыспом 1 лунӧ Краснӧй площадь вылын вӧлі митинг дон содтӧмлӧ паныт. Организаторрезӧн вӧлісӧ Московскӧй профсоюзвезлӧн федерация да Свободнӧй да независимӧй профсоюзвезлӧн ассоциация. Мавзолей трибуна вылын вӧлісӧ М. С. Горбачёв, А. И. Лукьянов да мӧдіккез[15].

Демонстранттэзлӧн лозунггез рочӧн[15]:

  • «Требуем закона об индексации»;
  • «Мы против удорожания детских товаров»;
  • «Парламентарии — обеспечить социальную защиту трудящихся»;
  • «За достойную цену рабочей силы»;
  • «Развалим экономику — погибнем все»;
  • «Отменить 5 % налог с продажи и услуг» и т. д.

Постсоветскӧй Россия[вильмӧтны | править код]

1992 воӧ Уджаліссезлӧн ӧтласа олӧмлӧн лун вӧлі шуӧм Тулыс да Удж донтан лунӧн[1].

1993 воӧ первомайскӧй митинггез организуйтісӧ Национальнӧй спасеннёлӧн Фронт, Трудовӧй Москва, Российскӧй Федерациялӧн Коммунистическӧй партия. Тулыспом 1 лунӧ Ленинскӧй проспект вылын аркмис демонстранттэз да ОМОН коласын тышк, кӧдаа коста вӧлісӧ дойдӧмӧсь 150 морт[16][17].

Донтан лунся демонстрацияын участниккез. 1990-ӧт воэз

Социально-политическӧй лозунггез рочӧн[18][19]:

  • «Правительство банкротов — в отставку!»;
  • «МЫ не хотим платить за ВАШ кризис!»;
  • «Самоорганизация! Самоуправление! Самозащита!» и др.

2002 восянь Новосибирскын чулӧтісӧ «Монстрация» нима первомайскӧй акция. Медбӧрья акцияыс вӧлі 2019 воӧ.

2004 воӧ вӧлі бурсьӧтӧм закон, кӧда сьӧрті тулыспом 2 лун лоис уджалан лунӧн[10]. Москваын вӧлі Профсоюзвезлӧн Московскӧй федерациялӧн оськалан, политическӧй партияэзлӧн митинг.

2009 воӧ быдкодь веькӧла профсоюззэз, партияэз да общественнӧй организацияэз чулӧтісӧ политическӧй акцияэз. Шуам, «Ӧтласа Россия» (ӧтлаын ФНПР-кӧт да МГЕР-кӧт), «Справедливая Россия», «КПРФ», «Яблоко», «Солидарность», ЛДПР да Автономнӧй действие партияэзсянь[20]. Мероприяттёэз коста вӧлісӧ сэтшӧм лозунггез рочӧн[20]:

  • «План Путина — план Победы!»;
  • «Бонусы — пенсионерам»;
  • «Три малыша в семье — это норма!».

2013 воӧ президент Владимир Путин аркмӧтіс Российскӧй Федерациялӧн Уджын Герой званнё. Сія лоис СССР-ын вӧвлӧм Социалистическӧй Уджын Герой званнёлӧн аналогӧн. Российскӧй Федерациялӧн Уджын Герой званнёыс сетсьӧ Тулыс да Удж донтан лун кежӧ. 2013 воӧ Москваын улицаэз вылӧ петісӧ 100 сюрсся унажык демонстранттэз[21].

2014 воӧ профсоюзнӧй коллективвезӧ пыриссез чулӧтісӧ медодзза массовӧй оськалан, кӧда чулаліс сідзжӧ канмуись уна каррезын[4]. Тулыспом 1 лунӧ Москваын чулалісӧ 92 мероприяттё. Нійӧ чулӧтӧм понда аркмӧтісӧ 50 мымда площадка.

2016 воӧ Россияын мукӧд регионнэзын первомайскӧй оськаланнэз да митингез вӧлісӧ дугдӧтӧмӧсь сійӧн, мый донтан луныс ӧтлаасис православнӧй Ыджыт лункӧт[22].

2018 воӧ донтан лунся оськаланнэзын участвуйтісӧ 3 млн мымда морт. «Лужникиын» пондӧтчис гожумся сезон. Профессионаллэз керисӧ трюккез мотоцикллэзӧн, велосипеддэзӧн да самокаттэзӧн. Горький нима паркын чулаліс йӧктан парад. Октябрь 50 во нима паркын Дзоридззез бал. Краснӧй площадь вылын чулаліс профсоюззэзлн традиционнӧй оськалан.

2020—2022 воэзӧ массовӧй мероприяттёэз эзӧ чулӧтсьӧ коронавирус пӧрӧс кузя[10]. Первомайскӧй акция чулаліс онлайн-режимын: соцвеззэзын участниккес тэчисӧ флаггеза да плакаттэза фотографияэз[10].

2023 воӧ Москваын чулалісӧ 200-ся унажык мероприяттё. Ны лыдын — концерттэз, мастер-классэз, ӧтӧрся театрализуйтӧм представленнёэз, научнӧй шоуэз, квиззэз.

2024 воӧ чулаліс Россияпасьтся «Труд крут» нима акция, ВДНХ-ын чулаліс «Май! Труд крут!» нима оськалан. Победа музейын чулаліс Германияись, Ыджыт Британияись, США-ись, Швецияись, Австрияись да Турциясь трофейнӧй техника мыччалӧм[23].

2025 воӧ Москваын чулалісӧ Тулыс да Удж донтан лунлӧ кӧсйӧм концерттэз[24], мастер-классэз, лекцияэз, спортивнӧй мероприяттёэз, квиззэз да быдберся орсаннэз челадь понда. Санкт-Петербургын чулалісӧ оськаланнэз, демонстрацияэз, митинггез[25]. 2025 вося порйӧтӧм темаэзнас Россияись Асъюралан Профсоюзвез Федерацияись Исполнительнӧй Комитетлӧн решеннё сьӧрті лоисӧ: 1941—1945 воэзся Великӧй Отечественнӧй войнаын Победалӧн 80 вося юбилей, Россияын профсоюзнӧй движеннёлӧн 120 вося юбилей да ФНПР котырлӧн 35 вося юбилей. Акциялӧн девиз: «Бур удж — Победалӧн гарантия!»[26].

Порйӧтан традицияэз мӧдік канмуэзын

[вильмӧтны | править код]
  • Ыджыт Британияын тулыспом 1 лунӧ уна каррезын сувтӧтӧны сідз шуана «тулыспомся пу», кӧдӧ мичӧтӧны лентаэзӧн, чулӧтсьӧны порйӧтан рыттэз[27].
  • Азияын чулӧтсьӧны демонстрацияэз, концерттэз, ярмаркаэз, фестиваллез, унажык отирыс шоччисьӧны да чулӧтӧны кадсӧ горттэзаныс[4].
  • Африкаын профсоюззэзісь участниккез чулӧтӧны концерттэз да гаражнӧй вузасьӧммез. Чулӧтсьӧны кипода морттэзӧн керӧмторреза выставкаэз[4].
  • Бразилияын Тулыс да Удж донтан луныс шусьӧ «Dia do Trabalho» — «Удж донтан лун»[28]. Сія порйӧтсьӧ уджаліссезлӧн мирпасьта ӧтуджалӧмлӧ косйӧмӧн. Тулыспом 1 лунӧ чулӧтсьӧны митинггез, параддэз. Мунӧны профсоюзнӧй мероприяттёэз, организуйтӧны гажӧтан мероприяттёэз, пикниккез да футбольнӧй матччез[11].
  • Тулыспом 1 лунӧ Белоруссияын чулӧтсьӧны официальнӧй митинггез, кӧднӧ организуйтӧ профсоюззэзлӧн федерация, гажӧтан семейнӧй мероприятиеэз, маёвкаэз, производство передовиккезӧс, профсоюзнӧй активисттэзӧс да уджвывся ветераннэзӧс ошкӧм[29].
  • Тулыспом медодзза луныс Германияын шусьӧ «der Tag der Arbeit» — «Удж донтан лун». Эм традиция сувтӧтны Das Maibaum — лентаэзӧн да дзоридззезӧн мичӧтӧм сувтса кер. Неылын сцена вылын мыччалӧны важ легендаэз сьӧрті спектакллез. Кер сувтӧттӧн ӧктӧны параддэз, орсӧны, гуляйтӧны да сёйӧны традиционнӧй немецкӧй колбасаоккез. Германия ойвылын эм традиция мунны семьяӧн пикник вылӧ[30]. Мукӧдпырся тулыспом 1 лунӧ Берлинын аркмӧны стычкаэз радикальнӧй левӧй группаэзлӧн демонстранттэз да полиция коласын[31].
  • Первомайскӧй демонстрация Берлинын, 2005 во

    Первомайскӧй демонстрация Берлинын, 2005 во

  • ГДР-лӧн касьтылан сьӧм, 1990 во: Первомайлӧ 100 во, Голландия

    ГДР-лӧн касьтылан сьӧм, 1990 во: Первомайлӧ 100 во, Голландия

  • Тулыспом 1 лунӧ Гавайи діэз вылын чулӧтьсӧ «Дзоридз гирляндаэз лун». Эта лунӧ дзоридззезісь кыйӧны кытшшез да гирляндаэз да мунӧны оськаланӧн национальнӧй паськӧмӧ пасьтасьӧмӧн[27].
  • Грецияын Первомай лунӧ челядь петӧны ӧтӧрӧ да бурлуналӧны быдӧннысӧ, сыбӧрын мунӧны кошшыны тулыслісь символсӧ — медодзза джыдж.[4].
  • Тулыспом лунӧ испанеццез порйӧтӧны Удж отиркостся лун. Испанияын донтанлуныс символизируйтӧ уджалан позьӧссэз понда пессьӧм да уджаліссез коласын солидарность. Уна каррезын мунӧны митинггез, оськаланнэз, кӧдна кӧсйӧмӧсь уджаліссезлісь позьӧссэз дорйӧмлӧ да уджалан условиеэз бурмӧтӧмлӧ[32]. Сідзжӧ сія лунӧ инькаэзлӧ козьналӧны медодзза тулысся дзоридззезісь букеттэз[4].
Первомайская демонстрация Барселонаын. Фотоыслӧн автор Quique García. 2024 во
  • Ирландияын мичӧтны гӧрд лентаэзӧн боярышник, кӧда дынын загадывайтӧны желаннё.[27].
  • 1996 восянь Казахстанын дугдісӧ чулӧтны «Удж донтан лун». Ӧння кадӧ тулыспом 1 лунӧ порйӧтӧны «Казахстан отирлӧн ӧтлаасян лун».
  • Тулыспом 1 лунӧ Кубаын порйӧтӧны Удж донтан лун. Каррезын мунӧны уна отира демонстрацияэз, оськаланнэз. Первомай кежӧ улицаэсӧ мичӧтӧны флажоккезӧн, плакаттэзӧн, паськыта тӧдса революционеррезлӧн портреттэзӧн[33].
  • Нидерландыын тулыспом 1 луныс абу официальнӧй шоччисян лун, но уна уджсетіссез да профсоюззэз сёрнитсьӧны, медбы уджаліссез вермисӧ босьтны тулыспом 1 лунӧ шоччисян лун, ковсьӧ кӧ нылӧ[34].
Шри-Ланкаись Фронтовӧй социалистическӧй партияӧ пыриссез Владимир Ленин портретӧн. Коломбо, Шри-Ланка. 2024 во. Фотоыслӧн автор: Eranga Jayawardena
  • Тулыспом 1 лунӧ Парагвайын уна компанияэзлӧн юраліссез организуйтӧны уджаліссезлісь барбекю вылӧ петӧм[11].
  • Дакараын — Сенегаллӧн столицаын, тулыспом 1 лунӧ ӧткодь паськӧма демонстранттэзлӧн процессия петӧ оськалан вылӧ чутьняннэзӧн да тамтаммезӧн. Парад бӧрын уджалан профсоюззэз пыр сетӧны государстволӧн юралісьлӧ «норкыв блокнот» требованнёэз нимлёдзӧн, кӧдналӧн тыртӧмыс, ны сьӧрті, «пондас отсавны тӧдчӧмӧн бурмӧтны нылісь олан да уджалан условиеэзнысӧ»[35].
  • США-ын чулӧтӧны манифестацияэз да митингез. Нью-Йоркын лӧсьӧтӧны уна велопробег[11].
  • Финляндияын тулыспом 1 лунӧ чулӧтсьӧ студенттэзлӧн тулысся карнавал[36]. Тулысшӧр 30 лунӧ Хельсинкиын пондӧтчӧ Первомай порйӧтӧм. Парадын участниккез кышӧтӧны чочком фуражкаэз (абитуренттэзлӧн юрвевт). Рытнас, 18.00 гӧгӧр, студенттэс кышӧтӧны фуражкаэсӧ нимфа Хавис Аманда статуя юр вылӧ[36].
  • Тулыспом 1 лунӧ Шри-Ланкаын порйӧтӧны Удж отиркостся лун. Традиция сьӧрті эта лунӧ ӧктӧны митинггез, демонстрацияэз, кӧднӧ организуйтӧны ыджыт профсоюзнӧй организацияэз да уджалісь чукӧррез[37].

Пасйӧттэз

[вильмӧтны | править код]
  1. ↑ 1 2 3 4 5 6 1 мая - Праздник весны и труда. Справка, РИА Новости (9 Тулысшӧр 2025). Дата обращения: 5 Тулысшӧр 2025.
  2. ↑ Началась последняя полная рабочая неделя перед майскими праздниками. На следующей неделе будет всего три рабочих дня. РБК Life (2025-04-21).
  3. ↑ 1 2 3 Каково происхождение Первого Мая?.
  4. ↑ 1 2 3 4 5 6 7 1 мая 2025: суть, история и традиции Первомая, когда, где и как начали отмечать Праздник Весны и Труда, Lenta.RU. Дата обращения: 9 Тулысшӧр 2025.
  5. ↑ Бессмертный К. С.. История Дня Гнева (Первомая).
  6. ↑ Юрий О международной манифестации 1 Мая 1890 г., I конгресс II Интернационала в Париже (14 — 21 июля 1889) (ru-ru).
  7. ↑ 1 2 3 День международной солидарности трудящихся, «Научная Россия» - электронное периодическое издание. Дата обращения: 9 Тулысшӧр 2025.
  8. ↑ 1 2 3 4 Первое мая: история появления праздника, традиции, как его отмечают, РИА Новости (27 Тулысшӧр 2023). Дата обращения: 9 Тулысшӧр 2025.
  9. ↑ Роженцова, О. История 1 мая. Как отмечали в СССР и что празднуют в России. А ещё — как Первомай менял свои названия. РБК Life (2024-04-27).
  10. ↑ 1 2 3 4 5 6 7 8 9 10 11 12 История 1 мая. Как отмечали в СССР и что празднуют в России, РБК Life. Дата обращения: 9 Тулысшӧр 2025.
  11. ↑ 1 2 3 4 5 Ксения Эпова 1 мая: история и традиции праздника — в статье на Zoon.ru (ru-RU).
  12. ↑ Основные законодательные и правовые материалы. Кодекс законов о труде 1918 года.
  13. ↑ Кодекс законов о труде 1918 года. Архивируйтӧм первоисточник сьӧрті 1 Тулыспом 2015. Видзӧтӧм 1 Тулыспом 2015.
  14. ↑ Постановление ЦИК СССР от 23.04.1928 "О праздничных днях, посвященных дню Интернационала, и об особых днях отдыха" рус..
  15. ↑ 1 2 Фильм Май тревог и надежд.. (1991) рус..
  16. ↑ Предварительный отчет о массовых беспорядках, имевших место в Москве 1 мая 1993 года.
  17. ↑ Предварительный отчет о массовых беспорядках, имевших место в Москве 1 мая 1993 года.
  18. ↑ «Долой министров-капиталистов!» Призывы и лозунги Центрального Комитета КПРФ к массовым акциям 1 и 9 мая 2009 г.. Дата обращения: 5 Тулысшӧр 2025.
  19. ↑ Если хочешь лучшей жизни — выходи на демонстрацию! Лозунги и призывы ЦК КПРФ к 1 и 9 Мая. Дата обращения: 5 Тулысшӧр 2025.
  20. ↑ 1 2 В Кризис.ру - экстренные новости экономики и бизнеса. Финансовый кризис, Россия кризис, причины кризиса, экономический кризис, кризис 2009.
  21. ↑ На первомайскую демонстрацию в Москве вышли 100 тыс человек, Runews24. Дата обращения: 5 Тулысшӧр 2025.
  22. ↑ День святой Пасхи, РИА Новости (20160501T0406). Дата обращения: 5 Тулысшӧр 2025.
  23. ↑ Куда сходить в Москве 1 Мая: программа мероприятий, Известия (30 Тулысшӧр 2024). Дата обращения: 9 Тулысшӧр 2025.
  24. ↑ Концерты на 1 мая в Москве. «КП» – Афиша (2025).
  25. ↑ Праздничные события в мае (Майская афиша в России и мире). Geektrips.ru (2025).
  26. ↑ Первомайская акция профсоюзов в 2025 году. Департамент Аппарата ФНПР по связям с общественностью, молодёжной политике и развитию профсоюзного движения (2025).
  27. ↑ 1 2 3 1 мая — Праздник Весны и Труда, традиции и история, Халва медиа (8 Тулысшӧр 2024). Дата обращения: 9 Тулысшӧр 2025.
  28. ↑ Праздник труда День труда в Бразилии. Оренбургское региональное телевидение (ОРТ) (2023-10-20).
  29. ↑ Мир, труд, май: что мы празднуем 1 мая?, Sputnik Беларусь (1 Тулыспом 2021). Дата обращения: 23 Тулысшӧр 2025.
  30. ↑ Гуляева, К. 1 мая – День труда в Германии. Deutsch online (2024-04-30).
  31. ↑ Umbruch-Bildarchiv Fotos und ein Video zum 1. Mai 2002 in Berlin.
  32. ↑ Día de los trabajadores: история и традиции в Испании. Españalandia (2024).
  33. ↑ May Day in Havana. Cubagrouptour (2024).
  34. ↑ Почему в Нидерландах 1 мая не является выходным днем: исторический контекст (ru-RU).
  35. ↑ Как зародился и как сегодня празднуется Первомай, Российская газета (1 Тулыспом 2023). Дата обращения: 23 Тулысшӧр 2025.
  36. ↑ 1 2 aucor. Первое мая в Финляндии – праздник весны - Это Финляндия, Это Финляндия (27 Тулысшӧр 2015). Дата обращения: 5 Тулысшӧр 2025.
  37. ↑ 1 мая – Международный Праздник Трудящихся. Туроператор «Кайлаш».

Лыддьӧтан

[вильмӧтны | править код]
  1. Календарные обряды и обрядовая поэзия Воронежской области. Афанасьевский сборник. Материалы и исследования. — Вып. III / Сост. Пухова Т. Ф., Христова Г. П. — Воронеж: Изд-во ВГУ, 2005. — 249 с.
  2. Мельников-Печерский П. И. В лесах. Книга вторая. — М., 1875.
  3. Попов Алексей Дмитриевич, Пивоваров Никита Юрьевич. Демонстрация дискурсивной власти: высшее партийное руководство СССР и организация празднования 1 мая и 7 ноября (1950-1960-е годы) // Исторический курьер. — 2021. — № 6 (20).
  4. Люксембург, Р. Праздник Первого мая: пер. с польского. — СПб., 1895. — 16 с. Архивная копия от 27 Одзар 2020 на Wayback Machine
  5. Фурсова Е. Ф. Традиционализм и неотрадиционализм в современной культуре восточнославянских народов Сибири // Материалы международной научно-практической конференции «Регионы России для устойчивого развития: образование и культура народов Российской Федерации». — Новосибирск: ЗАО ИПП «Офсет», 2010. — Т. 1. — С. 882—892. — ISBN 5-7133-0704-2.

Ыстӧттэз

[вильмӧтны | править код]
Босьтӧма "https://koi.ruwiki.ru/w/index.php?title=Первомай_(донтан_лун)&oldid=135016"-ись