Ошмарин Иван Константинович

Ошмарин Иван Константинович
Ошмарин Иван Константинович
Чужан лун	1920 во тӧвшӧр 6 лун
Чужанін	Судогда[d], Владимирская губерния[d], РСФСР[d];
Кулан лун	1943 во гожумшӧр 24 лун (23 года)
Куланін	Кулики[d], Орловский район[d], Орловская область[d], РСФСР[d], СССР[d];
Войскоэз род	артиллерия[d]
Сраженнёэз/войнаэз	Великӧй Отечественнӧй война;
Донтан пассэз	;

Ошмарин Иван Константинович (1920-1943) - Чужан му понда Ыджыт тышын участвуйтісь, Советскӧй Союзлӧн Герой.

Олантуй

Чужис 1920 воын Хорышево деревняын,ӧні Судогда кар Владимир лапӧлын. Аймамыс вуджисӧ овны Коми кытшӧ, кӧр Иван вӧлі учӧтӧн на. Велӧтчис Юсьва районын Они да Майкор школаэзын, Березникиын ремесленнӧй училищеын. Уджаліс токарӧн Майкор посадын. .

1940 воын босьтісӧ армияӧ. Помаліс полковӧй школа, лоис орудие сьӧрті командирӧн. Чужан му понда Ыджыт тышын участвуйтіс 1942 вося апрельсянь. Вӧлі орудие сьӧрті командирӧн медодзза батареялӧн 73-ӧт лыйсян дивизияись 148-ӧт танккез бырӧтан дивизионын.

Июль 24 лунӧ 1943 воӧ старшӧй сержант Ивана Ошмарина орудиенас сулаліс Орёл лапӧлын Кулики деревня дорын. Противник вештіс миянлісь подразделеннёэз. Ошмаринлӧн пушка кольччис важ местаас.Эта тышын сія бырӧтіс 2 танк, 5 пулемётнӧй точка, сувтӧтіс кынымкӧ уськӧтчӧм.Немецкӧй танкись очереднӧй снаряд веськаліс И.Ошмаринлӧн пушкаӧ.Сьӧкыта дойдалӧм Иван Ошмарин вермис на лыйлыны автоматісь,но кувсис одзжык, нежели локтіс отсӧт.

Советскӧй Союзлӧн Герой званнё сетӧма кулӧм бӧрас октябрь 16 лунӧ 1943 воӧ.

Геройлісь ним сетӧма Майкор посадісь школалӧ да улицалӧ, Кудымкарын улицалӧ, Судогда карын улицалӧ.

Ошканпассэз

Медаль «За отвагу» (1943)

Медаль «Золотая Звезда» (1943)

Орден Ленина (1943)

Ӧшмӧссэз

Герои Советского Союза, полные кавалеры орденов Славы – уроженцы Коми-Пермяцкого автономного округа. Сборник буклетов / Составитель Ю. Зубов. – Кудымкар: Кудымкарское бюро путешествий и экскурсий, 1985 г.
Зайцев А. Д., Рощин И. И., Соловьёв В. Н. Зачислены навечно. — М.: Политиздат, 1990. — Кн. 2.
Пермский край в Великой Отечественной войне: энциклопедия / коллектив авторов; ред. кол-я: Махов В. П. (главный редактор) и др. - Издание испр. и доп. ‒ Пермь : Изд-во «Пушка», 2020. С.257.

Ыстісьӧммез

https://www.komi-permarchiv.ru/index.php?page=oshmarin-ivan-konstantinovich