Олӧм ирония, нето Кокнит руӧн!

Босьтöм Рувикиись
Олӧм ирония, нето Кокнит руӧн!
Ирония судьбы, или С лёгким паром!
Постер фильма
Жанр мелодрама
трагикомедия
Режиссёр Эльдар Рязанов
Сценарийлӧн автор Эмиль Брагинский
Эльдар Рязанов
Одзись
роллезын		 Андрей Мягков
Барбара Брыльска
Юрий Яковлев
Любовь Добржанская
Роллез
шыӧтісӧ		 Сергей Яковлевич Никитин[d], Валентина Илларионовна Талызина[d] и Алла Пугачёва[d]
Оператор Владимир Нахабцев (юралісь)
Вадим Алисов
Сергей Арманд
Борис Кочеров
Монтажёр Валерия Белова
Композитор Микаэл Таривердиев
Художник-серпасалісь Александр Борисов
Оригинальнӧй телеканал ЦТ Медозза программа
Компания «Мосфильм» киностудия
Дистрибьютор Гостелерадио
Дырна 184 мин
Канму  СССР
Кыв Роч кыв
Лэдзан кад 1976
Серия лыд 2
Следующий фильм Ирония судьбы. Продолжение[d]
IMDb ID 0073179

«Олӧм ирония, нето Кокнит руӧн!» (рочӧн «Ирония судьбы, или С лёгким паром!») — 1975 вося советскӧй телевизионнӧй кыксерияа фильм, кӧдӧ снимайтіс режиссёр Эльдар Рязанов. Сы премьера СССР-ын чулаліс 1976 во тӧвшӧр 1 лунӧ ЦТ медодзза программа сьӧрті[1].

Аркмӧтӧм история

[вильмӧтны | править код]

Фильмыс — Эмиль Брагинский да Эльдар Рязанов экранизируйтӧм «Кокнит руӧн! нето Ӧтпыр вильвося ойӧ…» (рочӧн «С лёгким паром! или Однажды в новогоднюю ночь…») нима пьеса. Пьесаыс вӧлі гижӧм 1969 воын да фильмыс керӧм ӧдзын муніс мукӧд театрын. Сёронжык сы сьӧрті спектакльыс вӧлі керӧм СССР-ись 110 театрын[2], да сідзжӧ визир сайын.

Рязановыс висьтасьліс, кыдз пьесалӧн, сідз и фильмыслӧн сюжетыс аркмӧтӧм былись вӧлӧмись. Быль вӧлӧма морт, кӧда одзтӧв 31 лунӧ мунӧма пывсьыны, да ашынас адззисьӧма мӧдік карын. Мыйӧн вӧлӧмыс помассьӧма Рязановыс да Брагинскийыс абу тӧдӧмась, сідзкӧ содтӧмась ассиныс.

1975 во арӧн, СССР пасьта премьера одзын, фильмсӧ мыччалісӧ Союпасьтса телефизоннӧй фильммез фестиваль вылын Грузинскӧй ССР-ын. Тбилисиын чулалӧм фестваль вылас фильмыслӧ сетісӧ медодзза места[3].

Сюжет

[вильмӧтны | править код]

Сюжетыс подулын куйлӧ брежневскӧй кадся архитектура ӧткодялӧм. Анимационнӧй прологас серӧмсораа висьтассьӧ, кыдз архитекторрес сетсьӧны политикккезлӧ да бюрократиялӧ (режиссёр да аниматор Виталий Песков). Сы кузя Совесткӧй Союзы пасьта быд карын, кардорын да посёлокын сулалӧны ӧткодь, но сы дырйи функционльнайӧсь, унасувтса керкуэз[4].

Быдвося традцияныс сьӧрті, ёрт чукӧр пантасьӧ Москваын йӧзпывсянын, мед пантавны Виль во. Нія кодззӧны, Женя Лукашин да сы модз Галя гӧтрасьӧм порйӧттӧн (зонкаыс мӧдӧ корасьны Виль во ойнас). Пывсьӧмыс бӧрын ны Павлик нима ёртлӧ колӧ ештыны рейс вылӧ Ленинградӧ, кытӧн сійӧ видзчисьӧ иньыс. Быдӧс чукӧрнас нія мунӧны аэропортӧ кольлавны сійӧ.

Кӧр ёрттэс локтӧны аэропортас, Женяыс Павликыскӧт ӧнмӧссьӧмась ни. А Сашаыс да Мишаыс, озӧ вермӧ уськӧтны тӧдвылӧ, кинлӧ колӧ лэбзьыны. Павликыс туйӧ нія пуксьӧтӧны самолётас Женясӧ.

Женяыс кузь туй узьӧ ордчча мортыс пельпон вылын, локтікас сія отсалӧ петны самолётсис. Зонкаыс саймӧ Ленинградісь аэропортын, чайтӧ, мый сія Москваас. Сія кутӧ такси да шуӧ ассис адрессӧ.

Ленинградас эм сэтшӧм жӧ адреса сэтшӧм жӧ конструкцияа керку, кыдз Женяыслӧн Москваас. Сія кайӧ лифтӧн «аслас» квартираӧ, да, вермӧ аслас иганӧн осьтны ыбӧссӧ (кыдз баитсьӧ прологас: «…стандартнӧй квартираэз стандартнӧй иганнэзӧн»). Оланінас нельки мебельыс сэтшӧм жӧ, кыдз Женяыс квартираын, но сія кодӧв, мед казявны.

Сы коста гортас, аслас квартирӧ, бертӧ Надя Шевелёва. Сія лӧсьӧтчӧ порйӧтны Виль восӧ Ипполит нима кавалерыскӧт. Сія адззӧ аслас узянісь тӧдтӧм мортӧс. Сія вашӧтӧ бы кортӧм гӧсьсӧ ыбӧс саяс, но мӧдыс пыксьӧ да оӧ вермы вежӧртны, мый «сы» квартираын керӧ йӧз инька да мыля сія командуйтӧ. Нія мыччалӧны ӧтамӧдлӧ паспорттэзсиныс пропискаэсӧ да вежӧртӧны, мый аркмӧм. Женяыс сьӧлӧмыс потӧ: Москваас сійӧ видззчисьӧ Галяыс. А Ипполитыс, Надяыс дынӧ локтікӧ, оз эскы Женяыс да Надяыс висьталӧмлӧ. Женяыс мӧдӧ мунны Москваас да вежӧртӧ, мый сылӧн сьӧрас сьӧмыс абу. Сія бертӧ Надяыс квартираӧ. Ипполитыс ӧдззӧ вежӧктыны да мунӧ. Надяыс ыстӧ бы чожажык Евгенийсӧ гортас, но асылӧдззис Москваас рейссэс абу. Женяыс неӧтпыр пондылӧ звонитӧ Москваас, мед висьтавны Галыслӧ, мый лоис. Сэсся вермӧ звонитны нывкаыслӧ, но сія Ленинградыс йылісь кывтӧн чапкӧ трубкасӧ. Надяыс мунӧ Московскӧй вокзалӧ да небӧ аслас виль тӧдсалӧ поезд понда билет, мӧдыс косялӧ билетсӧ да кольччӧ.

Женяыс да Надяыс чулӧтӧны вильвося ойсӧ ӧтлаын. Медодз нія пыксисӧ, но сэсся вежсисӧ, пондісӧ гленитчыны ӧтамӧдлӧ да сьӧлӧмтны. Асывнас нія ӧтлаын чайтӧны, мый вӧлӧмыс вӧлі ылалӧмӧн, да мӧдӧны янсӧтчыны. Зонкаыс бертӧ Москваас. Мыдзӧм кузь туйсянь да узьтӧмсянь сія ӧнмӧссьӧ. Саймыттӧн сія чайто, мый Надяыс сылӧ усис вӧтас, но сія пукалӧ ордччӧн. Сія локтіс сы сьӧрӧ Москваас да чожа адззис сійӧ, эд нылӧн ӧткодь адрессэз, а иганнэс лӧсялӧны ӧтамӧд ыбӧссэзӧ.

Новеллизация[вильмӧтны | править код]

«Олӧм ирония» сьӧрті гижӧм новеллизация (ыждӧтӧм ремаркаэза драма), сія публикуйтӧм Эльдар Рязанов фильммез новеллизацияэза мукӧд ӧктӧттэзын[5]. Сылӧн пытшкӧсыс вачкисьӧ фильмыс да пьесаыс вылӧ.

Роллезын

[вильмӧтны | править код]
Актёр Роль
Андрей Мягков Евгений (Женя) Михайлович Лукашин (вокал — Сергей Никитин)[6] хирург Евгений (Женя) Михайлович Лукашин (вокал — Сергей Никитин)[6]
Барбара Брыльска Надежда (Надя) Васильевна Шевелёва (шыӧтӧм — Валентина Талызина]], вокал — Алла Пугачёва) роч кыв да литература велӧтісь Надежда (Надя) Васильевна Шевелёва (шыӧтӧм — Валентина Талызина]], вокал — Алла Пугачёва)
Юрий Яковлев Ипполит Георгиевич Надялӧн ёрт Ипполит Георгиевич
Любовь Добржанская Марина Дмитриевна Женялӧн мам Марина Дмитриевна
Ольга Науменко Галя Женялӧн модз Галя
Лия Ахеджакова Таня Надялӧн модзанка да коллега Таня
Валентина Талызина Валя Надялӧн модзанка да коллега Валя
Александр Ширвиндт Павел / Женялӧн ёрт Павел / фильмыс одзын шы
Георгий Бурков Миша Женялӧн ёрт Миша
Александр Белявский Саша Женялӧн ёрт Саша
Любовь Соколова Надялӧн мам[7] Надялӧн мам[7]
Готлиб Ронинсон Красноярскись пассажир самолётӧ пуксись Красноярскись пассажир
Эльдар Рязанов самолётын пассажир (абу гижӧм титррезас) самолётын пассажир (абу гижӧм титррезас)
Борис Руднев таксист (абу титррезас) таксист (абу титррезас)
Николай Погодин гӧсь баянӧн (абу титррезас) гӧсь баянӧн (абу титррезас)
Александр Постников мунісь (абу титррезас) мунісь (абу титррезас)
Елена Наумкина аэропортісь буфетчица(абу титррезас) аэропортісь буфетчица(абу титррезас)
Николай Кузнецов ордчча морт (абу титррезас) ордчча морт (абу титррезас)
Михаил Бочаров пона ордччӧн олісь (абу титррезас) пона ордччӧн олісь (абу титррезас)

Фильмись кадррез

[вильмӧтны | править код]
  • Андрей Мягков Женя орсікӧ да Ольга Науменко Галя орсікӧ

    Андрей Мягков Женя орсікӧ да Ольга Науменко Галя орсікӧ

  • Александр Ширвиндт Павел орсікӧ

    Александр Ширвиндт Павел орсікӧ

  • Барбара Брыльска Надя орсікӧ

    Барбара Брыльска Надя орсікӧ

  • Юрий Яковлев Ипполит орсікӧ

    Юрий Яковлев Ипполит орсікӧ

  • Любовь Добржанская Женялісь мам орсікӧ

    Любовь Добржанская Женялісь мам орсікӧ

  • Андрей Мягков (Женя) да Барбара Брыльска (Надя)

    Андрей Мягков (Женя) да Барбара Брыльска (Надя)

Съёмочнӧй группа

[вильмӧтны | править код]
  • Сценарийлӧн авторрез: Эмиль Брагинский, Эльдар Рязанов
  • Режиссёр-постановщик: Эльдар Рязанов
  • Юралісь оператор: Владимир Нахабцев
  • Юралісь серпасалісь: Александр Борисов
  • Мӧдӧдз режиссёр: Игорь Петров
  • Шыоператор: Юрий Рабинович
  • Шылад гижись: Микаэл Таривердиев
  • Дирижёр: Георгий Гаранян
  • Паськӧм сьӧрті серпасалісь: Ольга Кручинина
  • Грим сьӧрті серпасалісь: Ольга Струнцова
  • Кинооператоррез: Вадим Алисов, Сергей Арманд, Борис Кочеров
  • Комбинированнӧй съёмкаэз: Борис Травкин (оператор), Валентин Гласс (серпасалісь)
  • Монтаж: Валерия Белова
  • Режиссёрлӧн ассистенттэз: Нина Коренева, Григорий Торчинский
  • Операторлӧн ассистенттэз: Владимир Горшков, Владимир Батузов, Александр Михалычев, Сергей Кочебуров, Николай Коробейник
  • Монтажёрлӧн ассистент: Элеонора Праксина
  • Серпасалісь-декоратор: И. Фёдоров
  • Югытӧм мастер: Марк Вайсман
  • Редактор: И. Наумова
  • Шылад редакторрез: Раиса Лукина, В. Лаписов
  • Мультипликация одз: Виталий Песков
  • Фильмлӧн директор: Ефим Голынский

Сьыланкыввез да кывбуррез

[вильмӧтны | править код]

Фильмыс сценарийӧ вӧлісӧ гижӧмӧсь 9 кывбур. 8 ныисись мӧдісӧ керны сьыланкыввез. Эльдар Рязановыс чайтіс, мый ӧтнас оз вермы керны 8 аскодя композиция. Сэк сія юӧртчис нёль автор дынӧ: Ян Френкель, Исаак Шварц, Андрей Петров да Микаэл Таривердиев дынӧ. Сія чайтіс, мый быдыс гижас кык сьыланкылӧн. Медодз быдӧнныс кутчисӧ, но сэсся куимыс эзӧ вермӧ: кинкӧ муніс визир сайӧ, кинлӧнкӧ кадыс эз тырмы. Кольччис ӧтнас Микаэл Таривердиев[2].

Сценарийсӧ лыддьӧттӧн композиторыс бӧрйис ас понда жанрнас розосвося сказка.[8] Сія гижис шыладсӧ Марина Цветаева, Евгений Евтушенко, Белла Ахмадулина да мӧдік поэттэз кывбуррез понда.

Фильмись быдӧс шыладыс вӧлі гижӧм Микаэл Таривердиевӧн. Сы иньыс Вера касьтыліс[9]:

«Ӧтпырись Таривердиев муніс столовӧй дынӧт, кытӧн отир коласын пукаліс Рязановыс да сьылыштліс «Тихорецкӧй вылӧ состав иньдӧтчас... (рочӧн «На Тихорецкую состав отправится...»). Этӧ сьыланкывсӧ сія мӧдіс босьтны аслас виль фильмӧ и чайтіс, мый сія народнӧй. Сідз ту сія вӧлі гижӧм айкаӧ опера понда. Сьыліс сійӧ Владимир Высоцкий, сійӧн Рязановыс сійӧ кывліс, но эз тӧд авторсӧ»

Айпӧлӧс шыгора вокалсӧ фильмас унажыксӧ сьыліс Сергей Никитин, иньпӧлӧс — Алла Пугачёва. Фильмыс помын балладасӧ лыддьӧтӧны Андрей Мягков да Валентина Талызина. Сьывны фильмыс понда лӧсьӧтчис Анна Герман, но сійӧ эзӧ гижӧ, сідз кыдз сы корӧмыс визир сайись абу вӧлӧм пыртӧм сметаӧ[10].

Фильмыс дынӧ саундтрекись торрез вӧлісӧ лэдзӧмӧсь 1976 воын Таривердиев пластикаӧн («Мелодия»[11]. Быдсӧн сія петіс CD-ӧн 2009 воын («Бомба-Мьюзик»)[12]. 2016 воын саундтрекыс вӧлі лэдзӧм Ыджыт Британияын винил вылын «Earth» лейблӧн [13], 2019 воын — рӧма винил вылын «Бомба-Мьюзикӧн»[8].

2009 вося «Бомба-Мьюзик» лэдзӧм
№ НазваниеСловаВокал Длительность
1. «Увертюра» (инструментал)   2:43
2. «Со мною вот что происходит» Евгений ЕвтушенкоСергей Никитин 2:28
3. «Надежда» (инструментал)   4:24
4. «В ожидании Нового года» (инструментал)   1:14
5. «Никого не будет в доме» Борис ПастернакАлла Пугачёва 2:17
6. «Снег над Ленинградом» (инструментал)   2:45
7. «По улице моей который год» Белла Ахмадулина  2:48
8. «На Третьей улице Строителей» (инструментал)   1:15
9. «На Тихорецкую состав отправится» Михаил ЛьвовскийАлла Пугачёва 1:29
10. «С Новым годом!» (инструментал)   2:46
11. «Мне нравится, что Вы больны не мной…[14]» Марина ЦветаеваАлла Пугачёва 1:35
12. «Если у вас нету тёти (Ария московского гостя)» Александр АроновСергей Никитин 1:53
13. «Последний вальс» (инструментал)   1:45
14. «Хочу у зеркала спросить» Марина Цветаева  1:36
15. «Я спросил у ясеня» Владимир КиршонС. Никитин 3:08
16. «Баллада о прокуренном вагоне» Александр КочетковАндрей Мягков да ВалентинаТалызина 4:26
17. «Мелодия» (инструментал)   4:33
41:03

2014 воын радиостанция «Серебряный дождь» пыртіс кинофильмсис сьыланкыввеза пластинкасӧ «Мелодия» фирмалӧн 50 культовӧй пластинка» нимлёдзаныс[15].

Съёмкаэз

[вильмӧтны | править код]

Фильмлӧн юралісь оператор Владимир Нахабцев уджаліс сы кад понда новаторскӧй куимкамераа системаӧн. Ӧткоста уджалісӧ куим камера, кӧдна гижисӧ сценаэсӧ куим ракурссянь. Сія ӧддьӧн кокньӧтіс уджсӧ, но съемкаэз кыссисӧ дыржык[2].

Съёмкаэс пондӧтчисӧ оздтулысӧн, помассисӧ гожум шӧрын. Сійӧн фильмас используйтісӧ керӧтӧм лым. Сы кадӧ эзӧ на вӧлӧ лымьйӧтан пушкаэс да мӧдік агрегаттэс, лымыс керисӧ кипон ватаись, бумагаись да пенопластісь. Тӧв эффект понда уджӧтісӧ фен[9].

Унажык съемкаэс мунісӧ Москваас, Ленинградас керисӧ мукӧд сцена. Кыкнан квартираыс, кӧднӧ мыччалісӧ фильмас, иналӧны Вернадский нима проспект вылын: 125 керкуын (сэтчин вӧлі Лукашинлӧн квартираыс ) да 113 керку (Надяыслӧн квартира). Пывсян сценаыс понда «Мосфильмын» вӧлі керӧм тодиль павильон.

Фильмлӧн премьера

[вильмӧтны | править код]

1976 воын тӧвшӧр 1 лунӧ «Медодзза программӧт» чулаліс «Олӧм ирония, нето Кокнит руӧн!» фильмлӧн премьера. Фёдор Раззаков шуӧмӧн, премьерасӧ видзӧтісӧ 100 миллион морт[16]. Тӧвпм 7 лунӧ фильмсӧ мыччалісӧ мӧдпӧв, сідз кыдз отир корӧм сьӧрті. Фильлісь джендӧтӧм вариант мыччалісӧ кинотеатррезын. Сэтчин сійӧ видзӧтісӧ 7 миллион морт мымда[17][18][19].

Донтанпассэз

[вильмӧтны | править код]
  • 1976 — «Советский экран» журналлӧн лыддьӧтіссез шуисӧ «Олӧм ирониясӧ…» вося медбур фильмӧн.
  • 1976 — «Советский экран» журнал юасьӧм сьӧрті Андрей Мягков вӧлі шуӧм медбур орсісьӧн СССР-ын.
  • 1977 — СССР Государственнӧй премия лауреаттэзӧн лоисӧ режиссёр Эльдар Рязанов, одзись роллез орсіссез Андрей Мягков да Барбара Брыльска, композитор Микаэл Таривердиев, оператор Владимир Нахабцев, сценарийлӧн автор Эмиль Брагинский.

Факттэз

[вильмӧтны | править код]
Сорасьӧмӧн гижӧмыс кадр.
  • Фильмыс одзись титтрес гижӧмӧсь сорасьӧмӧн: «исключительно» кылын абу «л» шыпас. Сія гижӧмын орфография да пунктуация кольӧмӧсь.

Совершенно нетипичная история которая могла произойти только и искючительно в новогоднюю ночь

  • Кӧр Надяыс лэбтӧ стола вылісь Ипполитлісь фотографиясӧ, сы вылын не Яковлевыс, а Олег Басиалашвили. Кӧр мӧдісӧ вились снимайтны сійӧ кадрсӧ, лымыс эз ни вӧв[20].
  • Лукашиныс лэбзьӧ Ленинградас Домодедовоись, кӧть совет кадӧ пытшкись рейссэс ойвылӧ да рытвылӧ иньдӧтчывлісӧ Шереметьевоись-1[21].
  • Эльдар Рязановыс орсіс киноас эпизод роль — самлётсис пассажирӧс, кӧда вылӧ узиктӧдз усьӧ Лукашиныс[21][22].
  • «Какая гадость эта ваша заливная рыба» и «О, тёпленькая пошла» — фразы, которых не было в сценарии фильма. Это была импровизация Юрия Яковлева[21].
  • 1958 восянь Москваас вӧлі Строителлез 3-ӧт улица, 1963 воын сылісь нимсӧ вежисӧ Мария Ульянова нима вылӧ. Ленинградас троителлез 3-ӧт улица некӧр эз вӧв, но 1955-1962 воэзӧ вӧлісӧ кык Строителлез улица, ӧтікыс — Красногвардейскӧй районісь промзонаын; ӧння кадӧ сія шусьӧ Бокситогорская, мӧдыс— Кировскӧй районын, ӧні — Маринеско нима улица.
  • 2003 воын керку вылӧ, кытӧн пӧ олӧма Женя Лукашиныс, ӧшӧтісӧ касьтылан пӧв. Сійӧ осьтіс ачыс Эльдар Рязановыс [23]. Медодзза ояс алюминийись керӧм пӧвсӧ гусялӧмась. 2007 воын пӧввесӧ ӧшӧтісӧ кыкнан Верданский нима проспект вылісь керкуэз вылӧ,  нія сідзжӧ ӧшалісӧ недыр[24][25][26].

Адаптацияэз

[вильмӧтны | править код]
  • Индияын 2015 воын петіс «Ме радейта Виль во» (англ. I Love NY, рочӧн Я люблю Новый год) фильм. Сыын одзись роллесӧ орсісӧ Санни Деол да Кангана Ранаут. Фильмсис геройеслӧн — индийскӧй ниммез, мыччасьӧ Чикаго да Нью-Йорк. Сюжетыс ӧткодь «Олӧм ирониякӧт». Продюсеррес оз касьтылӧ, кытісь босьтӧм идеяыс[27][28][29].
  • 2021 во гожумӧн российскӧй режиссёр Марюс Вайсберг мӧдіс керны «Олӧм ирония Голливудын» уджалан нима фильм. Американскӧй фильмас снимайтчисӧ Эмма Робертс, Томас Манн, Мэделин Петш да Бритт Робертсон[30][31][32].

DVD-релиз

[вильмӧтны | править код]

DVD-релизсӧ 2009 во одзтӧв 10 лунӧ лэдзис компания «Флагман-Трейд»[21].

Сиквел

[вильмӧтны | править код]

«Олӧм ирония» «Олӧм ирония. Одзлань» (рочӧн «Ирония судьбы. Продолжение») нима сиквел петіс 2007 во одзтӧлын, да лоис кассовӧй хитӧн, ӧктіс 55 млн долларся унажык (бюджетыс вӧлі 5 млн доллар мымда). Женя Лукашин да Надя Шевелёва челядьсӧ, кӧдна сюрисӧ сэтшӧм жӧ ситуацияӧ, кыдз и аймамныс, орсісӧ Константин Хабенский и Елизавета Боярская[33].

Андрей Мягковыс кӧть и участвуйтіс съёмкаэзас, но сэсся висьталіс, мый сылӧ эз гленитчы петӧмыс[34].

Пасйӧттэз

[вильмӧтны | править код]
  1. ↑ Фильм Ирония судьбы, или С лёгким паром!: смотреть онлайн в хорошем качестве, фото, видео - Вокруг ТВ. англ.. Вокруг ТВ. Видзӧтӧм 26 Арпом 2019.
  2. ↑ 1 2 3 Ирония судьбы - главный новогодний фильм СССР и России. Рассказываем историю его создания // Правила жизни : журнал. — 2021. — 31 Одзтӧв.
  3. ↑ 1 января исполняется 40 лет со дня премьеры комедии «Ирония судьбы, или С легким паром!» рус.. ТАСС.
  4. ↑ Frederick Edwin Ian Hamilton, Kaliopa Dimitrovska Andrews, Nataša Pichler-Milanović. Transformation Of Cities In Central And Eastern Europe. — New York: UN University Press, 2005. — С. 159. — ISBN 9280811053 (pbk.).
  5. ↑ Рязанов Э. А. Старики-разбойники. — АСТ, Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
  6. ↑ Александр Мельман Преображения Жени Лукашина: оказался на обочине, но в глазах надежда. Маленький человек. Московский комсомолец (2023-03-14).
  7. ↑ В пьесе, по которой снят фильм, указано имя и отчество мамы Нади — Ольга Николаевна, — а в самом фильме — нет.
  8. ↑ 1 2 Ирония судьбы или С лёгким паром! BoMB033-907 LP на сайте Discogs, аннотация
  9. ↑ 1 2 Галина Глазко. Необычные факты создания фильма «Ирония судьбы, или С легким паром!» // Спорт-экспресс : сайт. — 2021. — 31 Одзтӧв.
  10. ↑ Павел Соседов. Анна Герман: Почему она любила высоких мужчин? // 7дней.ру : сайт. — 2023. — 2 Гожумшӧр.
  11. ↑ Музыка из кинофильмов «Ольга Сергеевна», «Ирония судьбы» на сайте Discogs
  12. ↑ Ирония судьбы или С лёгким паром! на сайте Discogs
  13. ↑ Tariverdiev – The Irony Of Fate (Original Score) на сайте Discogs
  14. ↑ «Мне нравится, что вы больны не мной» Цветаевой — любовный треугольник. pishi-stihi.ru.недоступная ссылка Видзӧтӧм 26 Арпом 2019.
  15. ↑ 50 культовых пластинок фирмы «Мелодия» | Серебряный Дождь рус..
  16. ↑ Почти рождественская История Архивная копия от 25 Одзтулыс 2013 на Wayback Machine. market.umh.ua.
  17. ↑ 40 лет с «Иронией» - Газета.RU. Газета.RU.
  18. ↑ Ирония судьбы или с легким паром. Рождение легенды - Первый канал на YouTube, начиная с 47:45
  19. ↑ Киностальгия «Ирония судьбы, или с лёгким паром», часть 3 - Пятый канал. Пятый канал. Видзӧтӧм 2 Тӧвшӧр 2020.
  20. ↑ 5 киноляпов в "Иронии Судьбы", которые вы не заметили даже спустя почти 50 лет, Life.ru (23 Одзтӧв 2022). Дата обращения: 18 Арпом 2024.
  21. ↑ 1 2 3 4 Ирония судьбы, или С легким паром! (ТВ, 1975) рус..
  22. ↑ Ирония судьбы, или С легким паром! - «25-й кадр» | Независимый журнал о кино.
  23. ↑ Самый новогодний фильм увековечен мемориальной доской, РБК. Дата обращения: 18 Арпом 2024.
  24. ↑ "Ирония судьбы" обзавелась памятными досками на местах съемок, РИА Новости (20071229T1430). Дата обращения: 18 Арпом 2024.
  25. ↑ Вандалы украли памятную табличку, посвященную фильму "Ирония судьбы" – Москва 24, 24.07.2013 рус..
  26. ↑ Со стены дома, где снимали «Иронию судьбы», украли памятную табличку рус..
  27. ↑ Я люблю Новый год (2015) — дата выхода в России и премьеры в мире — Кинопоиск рус..
  28. ↑ I Love New Yearангл. на сайте Internet Movie Database
  29. ↑ Болливуд снял индийский ремейк "Иронии судьбы", РБК. Дата обращения: 18 Арпом 2024.
  30. ↑ Марюс Вайсберг снимет американскую адаптацию фильма Эльдара Рязанова «Ирония судьбы, или с легким паром!».
  31. ↑ В США снимут англоязычную версию «Иронии судьбы». Режиссер – Марюс Вайсберг.
  32. ↑ Вайсберг показал первый кадр из голливудской «Иронии судьбы».
  33. ↑ Анна ВЕЛИГЖАНИНА. «Ирония судьбы»: Брыльска не хотела целоваться с Яковлевым, а Боярская - с Хабенским // Комсомольская правда : сайт. — 2007. — 27 Одзтӧв.
  34. ↑ Алина Минеева. «Не одобряю»: Андрей Мягков против «Иронии судьбы» // газета.ru : сайт. — 2018. — 25 Одзтӧв.

Лыддьӧтан

[вильмӧтны | править код]

Ыстӧттэз

[вильмӧтны | править код]
Босьтӧма "https://koi.ruwiki.ru/w/index.php?title=Олӧм_ирония,_нето_Кокнит_руӧн!&oldid=110102"-ись