Обрезкова Нина Александровна

Обрезкова Нина Александровна
Обрезкова Нина Александровна
Чужан лун	1965 во одзтулыс 11 лун (61 год)
Чужанін	Кослан[d], Коми Республика, РСФСР[d], СССР[d];
Канму	СССР[d]; Российскӧй Федерация;
Велӧтчанін	Сыктывкарса канму университет;
Удж	кывбур гижись, журналист, драматург, гижись

Обрезкова Нина Александровна (1965 во одзтулыс 11 лун, Кослан^[d], Коми Республика) — коми гижысь, вуджӧтчись, пырӧ Россия гижиссез котырӧ (2005), финн-йӧгра литераторрезлӧн Ассоцияцияӧ (2010), Россиялӧн театрын уджаліссез котырӧ^[1].

Олантуй

Нина Обрезкова чужис 1965 во одзтулыс 11 лунӧ Коми АССР-лӧн Удора районісь Косланын. Велӧтчис Слӧбӧда 8 класса да Косланісь шӧрӧт школаэзын.

1982 восянь велӧтчис Сыктывкарись ПТУ № 29 «линотипист» специальность сьӧрті.

1989 воӧ помаліс Сыктывкарса канму университетісь филология факультетісь коми юкӧн. Университет помалӧм бӧрын уджаліс Коми наука центрись Кыв, литература да история институтын кыв юкӧтын лаборантӧн. 1993 воӧ помаліс Коми наука центрись аспирантура.

1993 восянь юраліс Фольклор театрлӧн литература юкӧнӧн.

1998 во аршӧрсянь вӧлі Сыктывкар вӧр институтын пресс-секретарьӧн.

Уджаліс корреспондентӧн «Коми му» газетаын да «Коми гор» радиоын, «Арт» журналын литературнӧй редакторӧн (2000—2002), «Радуга» газетаын шӧр редакторӧс вежлісьӧн (2003). Уджаліс роч кыв да литература велӧтісьӧн сыктывкарса № 28 школаын (1994—1995). Уджаліс Сыктывкарса канму университетісь фин-йӧгра факультетын коми фольклор да литература кафедраын (2005—2007).

2007—2008 воэзӧ уджаліс Иван Куратовлӧн литературнӧй музейын научнӧй сотрудникӧн.

Модерируйтлӧма Россияса Фин-йӧгра культура шӧринын ЛОГОС литература юкӧн.

2024 во гожумпомсянь — «Войвыв кодзув» журналлӧн шӧр редактор.

Гижан удж

«Ӧткалун» нима медодзза кывбурсӧ йӧзӧтӧм 1985 воӧ «Войвыв кодзув» журналын, кӧдаын сэсся унаись петавлісӧ кывбуррес да пьесаэс. Кывбуррес сідзжӧ петавлісӧ мӧдік ӧктӧттэзын да журналлэзын.

Прозаыс вӧлі публикуйтӧм «Войвыв кодзув» да «Арт» журналлэзын. 2007 воӧ В. А. Савин нима драма театр пуктӧма Нина Обрезковалӧн «Асъя гӧстья» пьеса сьӧрті спектакль^[2].

2013 воӧ Нина Обрезковалӧн петіс челядь понда медодзза небӧг — «Петук Васьӧ».

Нина Обрезковалӧн кывбуррес вуджӧтӧмӧсь роч, финскӧй, венгерскӧй, эстонскӧй, удмурт, мордва, мари, французскӧй, немецкӧй, английскӧй, болгар да мӧдік кыввез вылӧ^[3]. 2012 воӧ Нина Обрезковалісь уна кывбур вӧлі йӧзӧтӧм белорусскӧй кыв вылын «Літаратура i мастацтва» литературнӧй газетаын. Вуджӧтіс Татьяна Сивец.

2015 воӧ Нина Обрезкова аслас 50-ӧт чужан лун кежӧ йӧзӧтіс «Коркӧ локтан гортад» кывбур чукӧр. Сэтчӧ пырӧм авторлӧн ӧтік коми кывбур, кӧда вуджӧтӧм 14 кыв вылӧ: английскӧй, белорусскӧй, венгерскӧй, вепс (вуджӧтіс Николай Абрамов), перем коми, манси (Светлана Динисламова), мари (Альбертина Иванова), мокша, эрзя (Дмитрий Таганов), роч (Нелли Бибяева), удмурт, финскӧй, французскӧй (Себастьян Каньоли) да эстонскӧй кыввез вылӧ.

Нина Обрезкова ачыс сідзжӧ вуджӧтчӧ. Комиӧтӧм эстонскӧй поэттэз Марие Ундер да Хандо Руннельлісь кывбуррез, керӧс мари поэттэз Валери Микор да В. Самойловлысь гижӧмсӧ, удмурт Муш Надилісь да Екатерина Макаровалісь.

Нина Обрезкова 2005 восянь пырӧ Россиялӧн гижиссез союзӧ^[4].

Небӧггес

Ас гижӧм

Коркӧ ставыс лоӧ бур: кывбуръяс. — Сыктывкар: Коми небӧг лэдзанін, 2001. — 32 лб.
Ойдӧмин / Серпасалісны: В. В. Милюков, Г. Е. Лисецкий. — Сыктывкар: Коми небӧг лэдзанін, 2003. — 112 лб.
Коми художествоа гижӧдын серпасалан ногъяс: литературнӧй задачник (асшӧра велӧдчӧм вылӧ). — Сыктывкар: Изд-во СыктГУ, 2006. 52 лб.
Дзирыд дой: кывбуръяс. — Сыктывкар: «Кола», 2007. — 78 лб.
Нинпу / Niinepuu / Lime-tree/ Липа. — Tallinn: Kirjastuskeskus, 2007. — 71 лб.
Вуджӧд менӧ, пыжанӧй…: кывбуръяс. — Сыктывкар: Полиграф-Сервис, 2010.
Лэбачӧн вола : кывбуръяс [комиӧн да финн-йӧгра к.в.]. — Йошкар-Ола: Ото, 2010. — 70 лб.
Петук Васьӧ / Редактор В. И. Трошева; Серпасаліс А. Яркова. — Сыктывкар: ООО «Анбур», 2013. — 16 лб.
Коркӧ локтан гортад / Худ. М. Шишкина. — Сыктывкар, 2015.
Дивӧ-козин. — Сыктывкар: ООО «Анбур», 2015. — 32 лб.
Сизим пыжа: висьтъяс. — Сыктывкар: ООО «Анбур», 2017. — 208 лб.
Вабергач. — Таллинн, 2023 во.

Комиӧтӧм

Ундер М. Сьӧлӧмӧй менам сьылӧ: кывбуръяс. — Сыктывкар: «Кола», 2008. — 94 лб.
Руннель Х. Гусялӧм вӧтъяс: кывбуръяс. — Сыктывкар: ООО «Анбур», 2009. — 94 лб.
Победалӧн вунлытӧм тулыс: коми да роч сьыланкывъяс. — Сыктывкар: «Коми му» газет редакция, 2010. — 78 лб.
Ристикиви К. Кодыр саридзыс лолалӧ: кывбуръяс. — Сыктывкар: Коми республиканская типография, 2010. — 96 лб.

Лӧсьӧтӧм небӧггес

Сьӧлӧмшӧрӧй менам Удора: кывбуръяс, висьтъяс. — Сыктывкар: «Кола», 2009. — 142 лб.
Пӧлӧзнича пӧвстын: ӧнія коми кывбуръяс. — Сомбатхей, 2010. — 66 лб.
Еджыд войяс: кывбуръяс да висьтъяс. — Сыктывкар: Филиал ГРДНТ «Финно-угорский культурный центр Российской Федерации», 2010.
Лужиков А. М. Лэбӧ лолӧй енэж шӧрті: кывбуръяс. Сыктывкар, 2012.
Попов С. А. Войвыв кодзувлань туй: кывбуръяс, поэмаяс, казьтылӧмъяс. Сыктывкар: Коми Республикаса гижысь котыр, 2012. — 384 лб.

Донтан пассэз

Коми Республика правительстволӧн премия культура юкӧнын (2009);
Рӧдвуж войтыр уджтаслӧн премия лауреат (Эстония) (2009, 2017);
Коми Республикалӧн Почётнӧй грамота (2014)^[5];
Коми Республика Юраліссянь Почётнӧй грамота (2019);
Рыцарлӧн Крест Орден (Венгрия, 2018)^[6];
«Эзысь борд» Коми Республикаса конкурсын вермись (2010, 2015, 2016, 2020);
Коми Республикалӧн Заслуженнӧй уджалісь (2021)^[7];
Чужанкывья литература зорӧтӧмӧ ыжыд пай пуктӧм понда Россия гижиссез союзсянь грамота (2024)^[8].

Литература

Пасйӧттэз

↑ Малева А., Горинова Н., Кузнецова Т. Нина Александровна Обрезкова // Писатели Коми. Биобиблиографический словарь. Том 2. — Сыктывкар, 2017. — С. 146—157.
↑ Обрезкова Нина Александровна. Культурная карта Республики Коми. Видзӧтӧм 15 Аршӧр 2025.
↑ Обрезкова Нина. Литературная газета. Видзӧтӧм 15 Аршӧр 2025.
↑ Обрезкова Нина Александровна. Союз писателей Республики Коми | Гижысь Котыр. Видзӧтӧм 15 Аршӧр 2025.
↑ 25 человек получили почетные грамоты от главы Коми. ИА Комиинформ (2014-04-21). Видзӧтӧм 15 Аршӧр 2025.
↑ Сенатору вручена высокая государственная награда Правительства Венгрии. Совет Федерации ФС РФ. Видзӧтӧм 15 Аршӧр 2025.
↑ Жителей Коми наградили за профессионализм. ИА БНК-Коми (2021-10-12). Видзӧтӧм 15 Аршӧр 2025.
↑ Писателям Коми вручены государственные награды. Регион (2024-05-29). Видзӧтӧм 15 Аршӧр 2025.

[1] Малева А., Горинова Н., Кузнецова Т. Нина Александровна Обрезкова // Писатели Коми. Биобиблиографический словарь. Том 2. — Сыктывкар, 2017. — С. 146—157.

[2] Обрезкова Нина Александровна. Культурная карта Республики Коми. Видзӧтӧм 15 Аршӧр 2025.

[3] Обрезкова Нина. Литературная газета. Видзӧтӧм 15 Аршӧр 2025.

[4] Обрезкова Нина Александровна. Союз писателей Республики Коми | Гижысь Котыр. Видзӧтӧм 15 Аршӧр 2025.

[5] 25 человек получили почетные грамоты от главы Коми. ИА Комиинформ (2014-04-21). Видзӧтӧм 15 Аршӧр 2025.

[6] Сенатору вручена высокая государственная награда Правительства Венгрии. Совет Федерации ФС РФ. Видзӧтӧм 15 Аршӧр 2025.

[7] Жителей Коми наградили за профессионализм. ИА БНК-Коми (2021-10-12). Видзӧтӧм 15 Аршӧр 2025.

[8] Писателям Коми вручены государственные награды. Регион (2024-05-29). Видзӧтӧм 15 Аршӧр 2025.

[1]

[2]

[3]

[4]

[5]

[6]

[7]

[8]