Никитин Владимир Витальевич
 Никитин Владимир Витальевич | ||
|---|---|---|
 | ||
| Медшӧр информация | ||
| Быдса ним | Владимир Витальевич Никитин | |
| Чужан лун да чужанін |
1992 во гожумпом 5 лун (34 года) |
|
| Канму | ||
| Ыжда | 167 см | |
| Сьӧкыта | 54 кг | |
| Тренер | Николай Суворов[1] | |
| IAAF | 14442497 | |
| Ас рекорддэз | ||
| 800 м | 1:50,09 (2021) | |
| 1500 м | 3:34,69 (2019) | |
| 3000 м | 7:52,08 (2018) | |
| 5000 м | 13:11,95 (2021) NR | |
| 10 000 м | 27.48,30 (2025) NR | |
| 10 км | 28:11 (2022) NR[2] | |
| Джынмарафон | 1:00:42 (2021) NR | |
| Ас рекорддэз пытшкын | ||
| 1500 м | 3:39,51 (2017) | |
| 3000 м | 7:39,94 (2020) NR | |
| 5000 м | 13:24,07 (2020) NR | |
|
||
Никитин Владимир Витальевич (1992 во гожумпом 5 лун, Пешнигорт (Кудымкар район), Коми-Пермяцкöй автономнöй округ[d]) — российскӧй котрасись. Унаись Россиялӧн чемпион да рекордсмен кузь дистанцияэза котрасьӧм сьӧрті. Россиялӧн йӧзкостся класса спорт мастер.
Олантуй
Чужис 1992 во гожумпом 5 лунӧ Пешнигортын[1]. Аймамыс уджалісӧ школаын: айыс кочегаритіс, мамыс поваритіс да миськасьліс[3]. Владимирыс кватьӧт, медучӧт кага. Аймамыс быдтісӧ эшӧ нёль зон да ныв. 8 восяӧн Владимирыс пондіс котрасьны лыззезӧн да школа помалікӧ керис спорт мастер кандидатся норматив. Помаліс шӧрӧт школасӧ 2010 воӧ да муніс велӧтчыны Перемӧ политехника колледжӧ автомеханикӧ, кытӧн пондіс занимайтчыны кокнит атлетикаӧн[3].
Спортын
Перем политехника колледжӧ пырис натодиль. Школаын велӧтчикӧ сійӧ казяліс кокнит атлетика сьӧрті тренер Николай Суворов да корис локны велӧтчыны Перемас. Сы кипод увтын сія тренируйтчӧ ӧнӧдз[3].
2011 воӧ Никитиныс участвуйтіс Словенияын кросс сьӧрті Европа чемпионатын, кытӧн лоис юниоррез коласын куимӧтӧн. Во бӧрті атлетыс выступайтіс Томпӧлӧсся россияпасьтся первенствоын, да сэсся Россия чемпионатын. Никитин сувтӧтіс национальнӧй рекорд да мыччаліс ыджыт потенциал.
5000 метра котӧртӧмын соревнованнёэзын вермӧм бӧрын, кытӧн Никитин шедтіс зарниа медаль, лоис дисквалифицируйтӧм кык во кежӧ. Кыдз юӧртіс ачыс спортсмен, положительнӧй проба мыччаліс БАД, кӧдӧ сылӧ рекомендуйтіс ёрт. Никитин висьталіс, мый сія юис препаратсӧ антидопинговӧй правилоэз падмӧтны думайтытӧг, дзир тренировочнӧй процесс бурмӧтӧм могись.
Дисквалификация бӧрын да карьераын кык вося еновтчӧм бӧрын атлет бӧра пондӧтіс тренируйтчыны.
2014 во помын Никитин бура бертіс спортӧ, Болгарияын том отир коласын кросс сьӧрті Европа чемпионатын босьтіс бронза медаль. 2015 воӧ сія одзлань мыччаліс ыджыт результаттэз: босьтіс эзысь медаль «Рождественские старты» нима соревнованнёэзын да зарни Чувашия Республикаись Юралісьлӧн Кубок вылын. Кӧть сія и эз вермы петкӧтчыны Москваын помещеннёэзын Россия чемпионатын, атлет реабилитируйтчис, кӧр вермис Россия студенческӧй спортивнӧй союз первенствоын.
2015 воӧ сылӧ вӧлі сетӧм Россиялӧн йӧзкостся класса спорт мастер званнё.
2016 во сьӧрна спортсмен участвуйтіс дас стартын, кӧднаись кыкъямысын вермис да кыкын шедтіс мӧдӧдзза местаэз. Сезонлӧн медтӧдчана результаттэзӧн лоисӧ вермӧммез Россия первенствоын да Россиялӧн Кубок финальнӧй котӧртӧмын.
2017 воӧ Владимир Никитин лоис канмуын медтшӧка допинг вылӧ вӧджжӧтӧм атлетӧн, кӧда муніс 22 контрольнӧй процедура пыр. Сія куимись корсис йӧзкостся старттэз вылӧ, но очакылыс эз вӧв. Сэк жӧ спортсмен вермис быдӧс российскӧй соревнованнёэзын, кытчӧ пырӧны «Русская зима», Россиялӧн пытшкся первенство, Россиялӧн Кубок да чемпионат.
2018—2019 воэзӧ атлет содтіс шедтӧммезлісь нимлёдзсӧ виль вермӧммезӧн[4]. 2019 воӧ мыччаліс медбур результат Санкт-Петербургын джынмарафон вылын, финишируйтіс медодззаӧн.
2020 воӧ, кӧть спортивнӧй сезоныс вӧлі джендӧтӧм, спортсмен вермис «Рождественские старты», «Оренбургская миля», «Русская зима» соревнованнёэзын да Россия чемпионатын.
2021 воӧ бӧра вермис 5000 да 10000 метр дистанцияэз вылын Россия чемпионатын, а сідзжӧ сувтӧтіс джынмарафонын Россияын виль рекорд[5][6].
2024 воӧ Россия чемпионатын шедтіс зарниа медаллез 5000 да 10000 метра котӧртӧмын.
2025 во гожумпомӧн Казаньын Россиялӧн чемпионатын сія вынсьӧтіс чемпионлісь ним 5000 да 10000 метр дистанцияэзын, медбӧрьяыс вылын сувтӧтіс Россиялісь рекорд 27.48,30 результатӧн[7][8].
2025 во одзарӧн вермис 10 км дистанция вылын Московскӧй марафонын, сувтӧтіс котрасьӧмлісь рекорд — 27 минута 40 секунда.
Результаттэз
- 2011 — Бронзаа призёр Европа чемпионатын юниоррез коласын кросс сьӧрті;
- 2014 — Бронзаа призёр Европа чемпионатын тӧмпӧлӧс коласын кросс сьӧрті;
- 2015 — Россия чемпионатын эзыся призёр;
- 2016 — Россия команднӧй чемпионатын вермись;
- 2016, 2017, 2019 — Россиялӧн Кубок вермись;
- 2017—2021 — Россия пытшкся чемпионат вермись;
- 2016—2025 — Россия чемпион.
Ас олӧм
Владимирыс гӧтыра, иньыскӧт быдтӧны ныв да зон[3]. Олӧны Перемын.
Пасйӧттэз
- ↑ 1 2 Наталья Марьянчик «Допинг купил в аптеке рублей за двести». Жесткая правда от атлета-правдоруба. Спорт-Экспресс (2020-05-26). — Интервью. Архивируйтӧм первоисточник сьӧрті 25 Арпом 2021. Видзӧтӧм 25 Гожумпом 2025.
- ↑ Владислав Макулов Владимир Никитин обновил рекорд Московского марафона на дистанции 10 км (2022-09-18).
- ↑ 1 2 3 4 Марина Сизова Владимир Никитин. Как паренёк из коми села стал сильнейшим стайером страны. Аргументы и факты (2025-07-02). Видзӧтӧм 21 Гожумпом 2025.
- ↑ Никитин стал чемпионом России в беге на 5000 метров. РИА Новости (2019-07-24). Видзӧтӧм 21 Гожумпом 2025.
- ↑ Гадельшина и Никитин стали чемпионами России в беге на 10000 метров. РИА Новости (2021-06-26). Видзӧтӧм 21 Гожумпом 2025.
- ↑ Никитин и Коробкина установили новые рекорды России на чемпионате страны по полумарафону. Спортс (2021-09-05). Видзӧтӧм 21 Гожумпом 2025.
- ↑ Мария Шаврикова Владимир Никитин побил рекорд России в беге на 10 000 м. Чемпионат (2025-08-09). Видзӧтӧм 21 Гожумпом 2025.
- ↑ Андрей Бобков Владимир Никитин стал чемпионом России по лёгкой атлетике в беге на 5000 м. Чемпионат (2025-08-07). Видзӧтӧм 21 Гожумпом 2025.