Наумов Михаил Иванович

Босьтöм Рувикиись
Наумов Михаил Иванович
Наумов Михаил Иванович.jpg
Чужан лун 1908 во аршӧр 3 лун(1908-10-03)
Чужанін
Кулан лун 1974 во тӧвпом 8 лун(1974-02-08) (65 лет)
Куланін
Войскоэз род пограничные войска[d]
Званнё Генерал-майор[d]
Сраженнёэз/войнаэз
  • Великӧй Отечественнӧй война[d]
Донтан пассэз
Советскӧй Союзлӧн Герой
Ленин нима орден Гӧрд Дӧрапас орден Богдан Хмельницкий нима орден Богдан Хмельницкий нима I степеня орден Отечественнӧй войнася орден Отечественнӧй войнася I тшупӧта орден Гӧрд Кӧдзув орден медаль «За отвагу» медаль «За боевые заслуги» медаль «В ознаменование 100-летия со дня рождения Владимира Ильича Ленина» медаль «Партизану Отечественной войны» медаль «Партизану Отечественной войны» I степени медаль «За отличную службу по охране общественного порядка» медаль «За победу над Германией в Великой Отечественной войне 1941—1945 гг.» юбилейная медаль «Двадцать лет Победы в Великой Отечественной войне 1941—1945 гг.» юбилейная медаль «30 лет Советской Армии и Флота» юбилейная медаль «40 лет Вооружённых Сил СССР» юбилейная медаль «50 лет Вооружённых Сил СССР» юбилейная медаль «50 лет советской милиции» орден Знамени орден «Крест Грюнвальда» орден Словацкого национального восстания
Логотип РУВИКИ.Медиа Медиафайлы на РУВИКИ.Медиа

Наумов Михаил Иванович (1908 во аршӧр 3 лун, Большая Соснова — 1974 во тӧвпом 8 лун, Киев) — Великӧй Отечественнӧй война коста Украинаын партизанскӧй соединеннё юралісь, генерал-майор, Советскӧй Союзлӧн Герой (1943).

Олантуй

[вильмӧтны | править код]

Чужис 1908 во аршӧр 3 лунӧ Пермскӧй губернияись Большая Соснова посадын[1]. Велӧтчис посадся школаын. 1925 воӧ пырис ВЛКСМ-ӧ да пондіс юравны Соснова комсомольскӧй организацияӧн. 1927 воӧ муніс уджавны Кизелӧ, слесаритіс Ленин нима да Фрунзе нима шахтаэзын. 1928 воӧ пырис ВКП(б)-ӧ. 1929-1930 воэзӧ вӧлі Майкарын ВЛКСМ райкомын секретарьӧн[2], сыбӧрын вӧлі ыстӧм юравны Большая Сосноваись райпотребсоюзӧн.

1930 воӧ вӧлі босьтӧм Гӧрд Армияӧ, кысъяліс ОГПУ войскаэзын. Пондӧтчис кысъявны Сумскӧй обласьтись Шостка карын 23-ӧт полкын младшӧй комнадирӧн да дивизионісь парторганизация секретарьӧн. В 1932—1933 воэзӧ велӧтчис ОГПУ войскаэз военно-химическӧй школаын Гомельын. 1933—1934 воэзӧ Тулаын юраліс 21 полкись химическӧй службаӧн да секретаритіс полк штабись парторганизацияын. 1937 воӧ помаліс Москваись Высшӧй пограншкола. Помалӧм бӧрын командираліс Киевись НКВД 4-ӧт мотострелковӧй ротаӧн. 1939 восянь 1941 во гожумшӧрӧдз офицеритіс Винница областись Могилёв-Подольскийын, Львов областись Леско карын, 93-ӧт погранотрядын, вӧлі УССР НКВД младшӧй начсостав окружнӧй школаын велӧтчан юкӧт командирлӧн отсасисьӧн, сэсся кысъяліс Черновцы да Скола каррезын.

Великӧй Отечественнӧй война

Великӧй Отечественнӧй война пондӧтчикӧ Михаил Наумовыс кысъяліс Дрогобыч областись Скола карын 94-ӧт погранотрядын. 1941 во гожумшӧрӧ Галич карын Днестр ю вывся вуджӧтан лава понда бойезын вӧлі контузитӧм, отрядыс янсаліс аслас подразделеннёзянь, да пондіс кошшыны туй рытвылӧ. Михаил Наумовсӧ чайтісӧ ӧшӧмӧн. Но сія ӧтлаын Николай Бранниковкӧт партизанскӧй юӧртчись Артём Гусаков отсӧтӧн вермис петны сумскӧй партизаннэз дынӧ, лоис Червонӧй (Эсманскӧй) партизанскӧй отряд рядовӧйӧн, а сэсся пондіс юравны боевӧй группаӧн. 1942 воын вӧлі бӧрйӧм Хинель вӧррез зонася партизанскӧй отряддэз штаб юралісьӧн[3]. 1942 во аршӧрсянь 1943 во тӧвшӧрӧдз юраліс Сумскӧй областись партизанскӧй отряддэз штабӧн. 1943 во тӧвшӧрсянь юраліс Эсманскӧй, Червонӧй, Конотопскӧй, Ямпольскӧй, Недригайловскӧй, Котовский нима Харьковскӧй да Хрущёв нима Кировоградскӧй партизанскӧй отряддэз соединеннёӧн.

1943 воӧ тӧвпомсянь тулысшӧрӧдз партизанскӧй кавалерийскӧй соединеннёыс чулӧтіс Степнӧй рейд врагыс тылӧт Курскӧй, Сумскӧй, Полтавскӧй, Кировоградскӧй, Одесскӧй, Винницкӧй, Житомирскӧй, Киевскӧй областтезын, помаліс рейдсӧ Белорусскӧй ССР-ись Пинскӧй областьын. 65 лунӧн вӧлі мунӧмыс 2379 километр[4]. Эта военнӧй операция понда 1943 во одзтулыс 7 лунся СССР Верховнӧй Совет Президиум указӧн вӧлі донъялӧм Советскӧй Союзлӧн Герой званнёӧн[5], тулысшӧр 9 лунӧ капитан Михаил Наумовыслӧ вӧлі сетӧм генерал-майор воинскӧй званнё.

Великӧй Отечественнӧй война костас, мӧдік операцияэз киння, юраліс куим масштабнӧй партизанскӧй рейдӧн. Сідз 1943 воын одзгожумсянь одтӧлӧдз Пинскӧй, Киевскӧй да Житомирскӧй областтезӧт. Сы юралана партизанскӧй соединеннё форсируйтіс 23 ю, вуджіс 12 кӧрттуй да шоссе, босьтіс ас кипод увтӧ 12 кар да посад, чулӧтіс врагкӧт 180 мымда бой, уничтожитіс враглісь 47 гарнизон да пост. 1943 во одзар 15 лунӧ Потиевка посад понда бой одзын партизаннэзӧ вермахт охраннӧй войскаэзісь локтісӧ армянскӧй легионеррез (240 мортся унажык), ныись вӧлі аркмӧтӧм Анастас Микоян нима партизанскӧй отряд.

1944 воын тӧвшӧрсянь одзтулысӧдз Западнӧй рейдӧн мунісӧ УССР-ись Ровенскӧй, Волынскӧй, Дрогобычскӧй, Львовскӧй, Тернопольскӧй областтезӧт да Польшаись Люблинскӧй воеводствоӧт. Рейдыс коста вӧлісӧ чулӧтӧмӧсь 72 боевӧй диверсионнӧй операция, враглісь лэдзисӧ 21 эшелон. Западнӧй рейдыс дырйи партизанскӧй соединеннёас воюйтісӧ 2000 мымда партизан. 1944 во одзтулыс 30 лунся УССР Верховнӧй Совет Президиум указӧн соединеннёыслӧ вӧлі сетӧм Почётнӧй Гӧрд Дӧрапас.

Наумовыс партизанскӧй соединеннё паныт воютісӧ вермахтлӧн охраннӧй войскаэз да УПА. 1944 во одзтулыс 22 лунӧ партизаннэс пантасисӧ да ӧтлаасисӧ Гӧрд Армия часттезкӧт.

1945 воӧ помаліс Климент Ворошилов нима Высшӧй военнӧй академияись Высшӧй академическӧй курссэз. Помалӧм бӧрын вӧлі ыстӧм уджавны Рытвыв Пруссияӧ, Тильзитӧ (ӧння кадӧ Российскӧй Федерация Калининградскӧй областись Советск) 11 армия 26 гвардейскӧй стрелковӧй дивизия командир вежлісьӧн.

Великӧй Отечественнӧй война бӧрын

1946 восянь юраліс УССР МВД Черновицкӧй область сьӧрті управленнёӧн. 1947 воӧ вӧлі бӧрйӧм УССР Верховнӧй Совет депутатӧн. 1951—1953 воэзӧ уджаліс Ленинград да Ленинградскӧй область УМВД юралісь вежлісьӧн, сэсся недыр уджаліс Украинскӧй ССР МВД министрӧн. 1953 во одзтулыссянь Украинскӧй ССР МВД-ись внутренньӧй войскаэз управленнё юралісь.

1960 воӧ петіс запасӧ. Оліс Киевын. Вӧлі бӧрййывлӧм УССР Верховнӧй Совет депутатӧн (IV и V созыв).

Куліс 1974 во тӧвпом 8 лунӧ. Дзебӧм Киевын, Байковӧй шойнаын.

М. И. Наумов шойгу выв.

Гижан удж

[вильмӧтны | править код]

Гижис Великӧй Отечественнӧй война йылісь документальнӧй проза. СССР гижиссез Союзісь член.

Небӧггес да публикацияэс[вильмӧтны | править код]

  • Дневник М. И. Наумова. / Партизанская война на Украине. Дневники командиров партизанских отрядов и соединений. 1941-1944 — Москва: ЗАО Издательство Центрполиграф, 2010.
  • Хинельские походы. — Л.: Лениздат, 1953.
  • Степной рейд. — Киев: Днiпро, 1961.
  • Западный рейд. — Киев, 1969.
  • Через пропасть. — Ереван: Айастан, 1975.
  • Рейды генерала Наумова. Отчёты. Февраль 1943 — апрель 1944: сб. док. / сост.: Г. М. Наумова, А. В. Бибик. — Киев, 2019. (Электронная версия). — 284 с. Первопубликация — URL: http://militera.lib.ru/docs/1/all/com/n52304/ .

Донтан пассэс

[вильмӧтны | править код]
  • Советскӧй Союзлӧн Герой, «Зарниа Кӧдзув» медаль (07.03.1943, № 924)
  • Ленин нима орден Ленина (07.03.1943)
  • Гӧрд Дӧрапас орденнэз
  • Богдан Хмельницкий нима 1 степеня орден
  • Отечественнӧй войнася 1 степеня орден
  • Гӧрд Кӧдзув орденнэз
  • «Отвага понда» медаль
  • «Боевӧй заслугаэз понда» медаль
  • «В.И. Ленин чужанлунсянь 100 во кеж» медаль
  • «Отечественнӧй войнася партизанлӧ» 1 степеня медаль
  • Грюнвальд Крест II степеня орден (Польша)
  • ВНР Дӧрапас 1 степеня орден (Венгрия)
  • Словацкӧй национальнӧй восстаннё орден медаль (Чехословакия)

Касьтылӧм

[вильмӧтны | править код]
  • Михаил Наумов нимӧн шуӧмӧсь улицаэз Большая Сосноваын, Перемын, Киевскӧй областись Ставищеын, Киевын.
  • Большая Сосноваын Михаил Наумов ним сетӧм школалӧ.
  • Михаил Наумов нимӧн шуӧм Тихоокеанскӧй флотісь сторожевӧй катер.

Морт йылісь

[вильмӧтны | править код]
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Личный архив М. И. Наумова.
  • Герои Отечества. — Москва, 2004.
  • Люди легенд. Выпуск 5. — М., 1974.
  • Пограничная служба России. Энциклопедия. Биографии. — Москва, 2008.
  • Подвиги во имя Отчизны. — 2-е изд. — Харьков: «Прапор», 1985.
  • Подвигом прославленные. — Киев, 1985.
  • Украинская ССР в Великой Отечественной войне… 1941—1945 гг. Т. 2. — Киев, 1975.
  • Большая советская энциклопедия. — М.: Советская энциклопедия, 1969—1978 гг.
  • Отчёты о рейдах М. И. Наумова, 1944 г. Центральный государственный архив общественных объединений Украины (г. Киев); Соединение украинских кавалерийских отрядов (командир Наумов М. И.) 1942—1945 гг., ф. 66, оп. 1, д. № 1, 3.
  • Жизнь генерала Наумова. — 2-е доп. изд. — Киев: Альфа Реклама, 2015. — 449 с. — ISBN 978-966-288-056-4.
  • Князьков А. С. Партизаны — генералы Великой Отечественной войны. // Военно-исторический архив. — 2008. — № 5. — С.109.

Пасйӧттэз

[вильмӧтны | править код]
  1. ↑ Наумов Михаил Иванович. Портреты Пермяков —Героев Отечества. ПермГАСПИ
  2. ↑ Конин, Г. К. Подвиги героев бессмертны : очерки / Г. К. Конин. — Кудымкар : Коми-Пермяцкое книжное издательство, 2005. — 280 с. — [Наумов Михаил Иванович] — C. 139-157.
  3. ↑ [Наумов Михаил Иванович] База данных воинов-пермяков – Героев Великой Отечественной войны, удостоенных почетного звания Герой Советского Союза или Полный кавалер Ордена Славы // ПермГАСПИ
  4. ↑ Николай Грищенко. Степной рейд: за что капитану Наумову присвоили генерала в 1943 году. 01.02.2022. Российская газета
  5. ↑ Указ Президиума Верховного Совета СССР «О присвоении звания Героя Советского Союза партизанам, особо отличившимся в партизанской борьбе против немецко-фашистских захватчиков» от 7 марта 1943 года // Ведомости Верховного Совета Союза Советских Социалистических Республик : газета. — 1943. — 13 Одзтулыс (№ 11 (217)). — С. 1.
Босьтӧма "https://koi.ruwiki.ru/w/index.php?title=Наумов_Михаил_Иванович&oldid=105617"-ись