Мотовилиха заводдэз

Босьтöм Рувикиись
ПАО «Мотовилиха заводдэз»
Изображение логотипа
Perm asv2019-05 img24 Motovilikha Plants.jpg
Тип публичнӧй компания
Биржа вывся листинг MOEX: MOTZ[1]
Аркмӧтан во 1736
Одззася ниммес Перем пушка керан заводдэз
Ленин нима завод
Аркмӧтіссез Василий Татищев
Инас  Российскӧй Федерация: Перем
Медшӧр фигураэз Сергей Дядькин
Отрасль вооруженнёэз, мусир шедтан оборудованнё лэдзӧм, металлургия
Продукция артиллерийскӧй системаэз, лыйсяна реактивнӧй системаэз, металлургиялӧн продукция
Оборот ▼ 11 389 585 сюрс руб (МСФО) (2016 во)
Операционнӧй шедтӧм ▼ 84 968 сюрс руб (МСФО) (2016 во)
Уджаліссез лыд 3 сюрс
Донтан пассэз Орден Ленина Орден Октябрьской Революции Орден Красного Знамени Орден Отечественной войны I степени Орден Трудового Красного Знамени
Сайт mzperm.ru
Логотип РУВИКИ.Медиа Медиафайлы на РУВИКИ.Медиа

Мотовилиха заводдэз (рочӧн «Мотовилихинские заводы») — Перемын уджалана российскӧй машинастроитан компания.

История

Ыргӧнсылӧтан завод

Перем пушкакеран заводдэз Октябрьскӧй революцияӧдз
Мотовилиха заводдэзлӧн панорама, XIX сёво. Веськытладорын тӧдчӧ 50 тоннаа вартан
Перем пушкакеран заводлӧн план, 1911

1723 воӧ Егошиха шор дорын Егошиха нима деревняын Василий Татищев  (перм.рус. пондӧтіс строитны ыргӧнсылӧтан завод, кодӧ вӧлі шуӧм Егошихася ыргӧнсылӧтан заводӧн[2]. Мӧдвонас ни завод пондіс уджавны. 10 во бӧрті, 1736 воӧ, Егошиха заводкӧт ордччӧн пондісӧ стритны Мотовилихас ыргӧнсылӧтан завод. Дыр кад сьӧрна заводдэс уджалісӧ ӧтлаын, но 1788 воӧ Егошиха заводыс вӧлі пӧдналӧм. Мотовилиха ыргӧнсылӧтан заводыс уджаліс 1863 воӧдз, да сэсся вӧлі пӧдналӧм[3].Ӧння кадӧ нія заводдэзсянь кольччисӧ Ыджыт Мотовилиха пруд да заводоуправленнё керку, кытӧн ӧнӧдз уджалӧ няньзавод.

Перемся пушкакеран завод

1860-ӧт воэзӧ ыргӧнсылӧтан заводкӧт ордччӧн строитісӧ емдон да чугун пушкакеран заводдэз. 1871 воӧ нійӧ ӧтлаӧтісӧ Перемся пушкакеран заводӧ[4][5][6].

1866 во одзгожум 29 лунӧ, «Петра да Павел вежалунӧ, кӧр заводса мунісӧ Перемӧ ярманка вылӧ, Мотовилихаас 11 час асылӧн лэбис лёк би. Лун сьӧрна сотчисӧ завод шӧрись 200 мымда керку, ӧтік фабрика, училище, паськыт сада казеннӧй керку, лаборатория да кыдзшом видзанін. Медбӧрьяыс сотчис неӧтік недель, сійӧ некыдз эз пет кусӧтны. Биыс тшыкӧтіс заводлісь сизимӧт тор»[4].

1876 воӧ заводас пондісӧ уджавны Уралын медодзза мартен гор да электростанция[7].

1888 воын заводісь горнӧй начальник Николай Славянов  (перм.рус. керис да лэдзис уджӧ мирын медодзза электроддэза сылӧтан электросварка.

ХІХ сёво помын — XX сёво пондӧтчикӧ, Российскӧй империя мирӧвӧй война кежӧ лӧсьӧтчытӧн, заводын пондӧтчис виль артиллерийскӧй системэс керӧм, ны лыдын 9 дюйма вадорся мортира В. Маиевский система сьӧрті. Медодзза мирӧвӧй война коста Мотовилиха заводдэс ыстісӧ Роч армиялӧ артиллерийскӧй вооруженнёись витӧт тор[8].

Крейсер «Аврора»  (перм.рус. вылын сылалісӧ куим дорся пушка, кӧдна вӧлісӧ керӧмӧсь Перемын[8].

СССР

Заводыс вӧлі национализируйтӧм ВСНХ 1918 во аршӧр 2 лунся постановленнёӧн. Пондіс шусьны Мотовилихася механическӧй завод. Ремонтируйтіс паровоззэз, автомобиллез да тракторрез, керис мувӧдитан машинаэс, пытшкӧсса сотчан двигателлез, артиллерийскӧй орудиеэз да снаряддэз. 1921 восянь пондіс шусьны Мотовилихася орудийнӧй заводӧн, 1927 восянь — Мотовилихася машиностроитан завод. 1934 воӧ заводыс вежис нимсӧ, лоис В. М. Молотов нима № 172 канмуся союзнӧй заводӧн. 1957 воӧ лоис В. И. Ленин нима Перемся машинастроитан заводӧн[9].

1941 воӧ заводыс вӧлі ошкӧм Ленин нима орденӧн, 1944 воӧ — Уджвывся Гӧрд Дӧрапас орденӧн, 1945 воӧ — Отечественнӧй войнася I тшупӧта орденӧн[9]. Великӧй Отечественнӧй война коста «Мотовилиха заводдэз» керисӧ Гӧрд Армиялӧн быдӧс артсистемаэзісь нёльӧт торсӧ[8]. 1943 во тӧвшӧр 15 лунӧ вӧлі бурсьӧтӧм вооруженнё Наркоматлӧн Молотов нима № 172 № заводын 1937 вося МЛ-20 152 мм пушка-гаубицаэз лэдзӧм йылісь СССР ГКО-лӧн постановленнё[10].

Нацистскӧй Германия территория кузя медодзза лыйӧм 1944 во гожумпом 2 лунӧ вӧлі керӧм 152 мм МЛ-20 № 3922 пушка-гаубицаись да Берлин кузя медодзза лыйӧм 1945 во тулысшӧр 20 лунӧ 122 мм а-19 № 501 корпуснӧй пушкаись, кднӧ керисӧ Мотовилиха заводдэзын[8].

Российскӧй Федерация

1992 во одзтӧв 5 лунся РФ правитльство распоряженнёӧн предприяттёыс лоис АО «Мотовилиха заводдэз»[9]. 1993 воӧ Пермскӧй областьлӧн эмбур видзан фонд чулӧтіс чековӧй аукцион, кӧда коста вузаліс АО «Мотовилиха заводдэз» акцияэз. Сы кадӧ заводас уджалісӧ 20 сюрс морт[11]. Заводыс вуджис Юрий Булаев кипод увтӧ.

2002—2003 воэзӧ заводлӧн эмаліссез вежсисӧ, сія сюрис ЗАО «Финансовый дом „Русь“» кипод увтӧ[11]. 2011 воӧ акцияэзісь ыджыт пакет небис АО «Уралвагонзавод», кӧда пыр компанияыс вуджис Ростехӧ.

РФ правительтельство 2009 во гожумпом 20 лунся распоряженнёӧн ПАО «Мотовилиха заводдэз» вӧлі пыртӧм стратегическӧй организацияэз нимлёдзӧ[11].

2013 воӧ одззася акционер Марата Загидуллов паныт вӧлі осьтӧм уголовнӧй дело мошенничество сьӧрті, кӧдаӧн Мотовилиха заводдэзлӧ керӧм ущербыс лоис 1,2 млрд руб мымда[12].

2017 воӧ предприяттёыс пырис банкрот процедураӧ — Пермскӧй крайлӧн суд пыртіс заводас вӧджжӧтан процедура[13].

2023 во одзарӧ АО «Ремдизель» небис ПАО «Мотовилиха заводдэз» 1,276 млрд рубӧн[14] да Пермскӧй крайлӧн правительство юӧртіс, мый заводыс петӧ банкрот процедураись[15].

2024 во гожумшӧр 11 лунӧ АО «Ремдизель» сетіс 100 % акцияэзісь АО «Тодиль конструкторскӧй бюро» (СКБ) «Технодинамика» АО-лӧ[16].

Эмаліссез да юралӧм

Компаниялӧн уставнӧй капитал 1,49 млрд руб. 2014 во одзтулыс 31 лун кежӧ 39,9 % акцияэзісь видзис «Ростех» корпорация, мӧдік эмалассез видзисӧ ацияэсӧ ӧтмымдаӧн.

«Мотовилиха заводдэз» ПАО-лӧн управляющӧй директор Сергей Дядькин.

Уджалӧм

ПАО «Мотовилиха заводдэз» ӧтувтӧ металлургия да машинасттроитан производственнӧй выннэз. ООО «Мотовилиха — гражданскӧй машинастроитӧм» лэдзӧ металлургическӧй продукция (поковкаэз, штамповкаэз, сорта прокат), «СКБ» ЗАО — дорьян тӧдчӧта техника (артиллерийскӧй орудиеэз, миномёттэз да лыйсяна реактивнӧй системаэз). Нія лэдзӧны «Град», «Смерч» кодь лыйсяна реактивнӧй системаэз да ны модифицируйтӧм версияэз «Торнадо-Г», «Торнадо-С» боевӧй да транспорт-зарядиитан машинаэз, «Нона-СВК», «Вена» самоходнӧй артиллерийскӧй орудиеэз, «Мста-Б» буксируйтан гаубицаэз, «Нона-М1» миномёттэз да мӧдік артиллерийскӧй системаэз.

Медшӧр производственнӧй юкӧттэз: «Мотовилиха-гражданскӧй машинастроитӧм» ИКК, «СКБ» ЗАО, "Тепло-М"ИКК.

Военнӧй продукция

Полевӧй артиллерия да миномёттэз

  • 120-мм орудие 2Б16 «НОНА-К»
  • 130-мм пушка М-46
  • 152-мм пушка 2А36 «ГИАЦИНТ-Б»
  • 152-мм гаубица 2А65 «МСТА-Б»
  • 152-мм гаубица Д-20
  • 120-мм кыскалана миномёт 2С12 «САНИ»

Самоходнӧй артиллерия, миномёттэз да комплекссэз

  • 120-мм самоходное орудие 2С9 «Нона-С»
  • 120-мм самоходное орудие 2С23 «НОНА-СВК»
  • 120-мм самоходное орудие 2С31 «ВЕНА»
  • 240-мм самоходный миномет 2С4 «ТЮЛЬПАН»

Лыйсяна реактивнӧй системаэз

  • 122-мм боевӧй машина БМ-21 РСЗО «ГРАД»
  • 220-мм боевӧй машина 9П140 «Ураган», транспорт-зарядитан машина 9Т452
  • 300-мм боевӧй машина 9А52-2 «Смерч», транспорт-зарядитан машина 9Т234-2
  • 300-мм боевӧй машина 9А52-2Т «Смерч», транспорт-зарядитан машина 9Т234-2Т

1В12 комплексісь артиллерия лыйлӧмӧн веськӧталана машинаэз да сы модификацияэз

  • 1В13 батарея старшӧй офицерлӧн машина
  • 1В14 батарея командирлӧн машина
  • 1В15 дивизион командирлӧн машина
  • 1В16 дивизион штабӧн юарлісьлӧн машина

Гражданскӧй продукция

Мусиршедтан продукция

  • буритан оборудованнё;
  • мусир шедтан понда оборудованнё;
  • перьян капремонт понда оборудованнё.

Спорт инвентарь

2010 во тулыспомӧ Пермскӧй крайся экстрим спорт федерация корӧмӧн предприяттёын уджаліссез керисӧ 85 килограмма гиря, мед сійӧн тренируйтчисӧ спортменнэс. Сія снарядыс 3 кг сьӧкытжык Дикульлӧн оригинальнӧй гиряся, кӧдӧн вермасьӧны вын экстрим дисциплинаэз лыдӧ пырись соревнованнёэз коста[17].

Пасйӧттэз

  1. ↑ О ценных бумагах ПАО "Мотовилихинские заводы" рус. (2019-03-27). Видзӧтӧм 14 Гожумпом 2025.
  2. ↑ Егошихинский медеплавильный завод — на пути от починка к городу. Parmaday. Путеводитель по Перми и Пермскому краю. Видзӧтӧм 14 Гожумпом 2025.
  3. ↑ Мотовилихинский медеплавильный завод — медь для империи. Parmaday. Путеводитель по Перми и Пермскому краю. Видзӧтӧм 14 Гожумпом 2025.
  4. ↑ 1 2 Дмитриев А. А. Летопись губернского города Перми с 1845 до 1880 года, из книги «Очерки из истории губернского города Перми.», Типография П. Ф. Каменского, Пермь, 1889
  5. ↑ А. М. Нечаев Пермские пушечные заводы. Архивируйтӧм первоисточник сьӧрті 21 Одзтӧв 2014. Видзӧтӧм 14 Гожумпом 2025.
  6. ↑ Пермский сталепушечный завод. Архивируйтӧм первоисточник сьӧрті 28 Тӧвшӧр 2012. Видзӧтӧм 14 Гожумпом 2025.
  7. ↑ История — О холдинге — Мотовилиха Архивная копия от 1 Тулыспом 2018 на Wayback Machine // mz.perm.ru Видзӧтан кад: 2025-08-14
  8. ↑ 1 2 3 4 Гаравский, 2006.
  9. ↑ 1 2 3 Машиностроительный завод им. В. И. Ленина Министерства оборонной промышленности СССР /г. Пермь/ 1917—1991 гг.. Архивы Прикамья. Видзӧтӧм 14 Гожумпом 2025.
  10. ↑ Постановление ГКО СССР № 2747 сс об увеличении выпуска 152-мм пушек-гаубиц образца 1937 г. МЛ-20 на заводе № 172 имени Молотова Наркомата вооружения, с приложением докладной записки Берии Л. П., Рябикова В. М., Яковлева Н. Д. Сталину И. В. 15 января 1943 г.
  11. ↑ 1 2 3 «Мотовилиха — наше всё». Что происходит со старейшим машиностроительным предприятием Урала?. ПроПермь. Видзӧтӧм 14 Гожумпом 2025.
  12. ↑ На бывшего сити-менеджера Казани завели уголовное дело за мошенничество рус.. Архивируйтӧм первоисточник сьӧрті 24 Гожумпом 2017. Видзӧтӧм 24 Гожумпом 2017.
  13. ↑ Валентина Ефремова «Сигнал» к банкротству. Коммерсантъ (2017-08-04). Видзӧтӧм 14 Гожумпом 2025.
  14. ↑ «Мотовилихинские заводы» продали производителю бронеавтомобилей из Татарстана, 59.ру (2 Арпом 2023). Дата обращения: 14 Гожумпом 2025.
  15. ↑ Пермские "Мотовилихинские заводы" завершают выход из банкротства, РИА Новости (25 Одзар 2023). Дата обращения: 14 Гожумпом 2025.
  16. ↑ «Мотовилиха» вышла с передержки, Коммерсантъ (12 Гожумшӧр 2024). Дата обращения: 14 Гожумпом 2025.
  17. ↑ «Мотовилихинские заводы» изготовили уникальную гирю для сильнейших атлетов Пермского края (2010-05-25). Видзӧтӧм 14 Гожумпом 2025.

Литература

Ыстӧттэз

Босьтӧма "https://koi.ruwiki.ru/w/index.php?title=Мотовилиха_заводдэз&oldid=207049"-ись