Молодцов шыпасчукӧр
Молодцов шыпасчукӧр (рочӧн молодцовский алфавит, молодцовица) — коми кыв понда тодиль аркмӧтӧм шыпасчукӧр. Шуӧм сы аркмӧтісь лингвист Василий Молодцов гижсян сьӧрті. Молодцов шыпассэзӧн гижисӧ коми (зыряна) кывья тексттэз 1918—1930 да 1936—1938 воэзӧ, коми-пермяцкӧйӧсь — 1921—1932 да 1936—1938 воэзӧ.
Анбур
Сьöрсьöн-бöрсьöн шыпассэз молодцов анбурын мунöмась сідз:
| А а | Б б | В в | Г г | Ԁ ԁ | Ԃ ԃ | Е е | Ж ж | Җ җ | З з | Ԅ ԅ |
| Ԇ ԇ | І і | Ј ј | К к | Л л | Ԉ ԉ | М м | Н н | Ԋ ԋ | О о | Ӧ ӧ |
| П п | Р р | С с | Ԍ ԍ | Т т | Ԏ ԏ | У у | Ч ч | Ш ш | Щ щ | Ы ы |
История
Анбур лöсьöтöма 1918' годö Молодцов Сандрö Васьö. Сы ним сьöрті алфавитсö и шуöны.
Молодцов лöсьöтöма анбурсö роч азбука под вылын. Коми алфавит аркмöтікö сія босьтіс принцип туйö серб кириллича, кöда сьöрті быд шылö колö адззыны тодильнöй шыпас.
Шыпассэз
Анбурас перво вöлі сымда шыпас, мымда шыэз коми кылын — 33. Сэсся содтöмась роч шыпассэз ф, х, ц, кöдна пантасьöны токö рочовöй кыввезын.
Роч анбурись д, ё, и, й, ъ, ь, э, ю, я шыпассэз молодцов анбурын эзö вöлö.
Тыргора /э/ шы пыр мыччалöмась е шыпасöн.
Латина анбурись босьтöмöсь шыпассэз
- Ԁ = öння д
- і = öння и, і
- ј = öння й
- ӧ = öння ö
Небыт шыэз мыччалöмöсь вывлань бöжока шыпассэзöн:
- ԃ = öння дь
- ԅ = öння зь
- ԉ = öння ль
- ԋ = öння нь
- ԍ = öння сь
- ԏ = öння ть
Аскодя аффрикатаэз мыччалöмöсь увлань бöжока шыпассэзöн:
- җ = öння дж
- ԇ = öння дз
- щ = öння тш
Молодцов анбура небöггез
Молодцов анбур юникодын
Лыддьöтан
- Коми язык. Энциклопедия / Отв. ред. Г.В. Федюнёва. М., 1998. 608 c. ISBN 5-7903-0045-6
- Молодцов В. Некоторые принципы зырянского правописания. Усть-Сысольск, 1927.