Марий Эл Республикалӧн лун

Босьтöм Рувикиись
Марий Эл Республикалӧн лун
День республики РМЭ.jpg
Тип Канму донтан лун
Официальнӧя Марий Эл Республикалӧн лун
Лун Арпом 4 лун

Марий Эл Республикалӧн лун (мариӧн Марий Эл Республикын кечыже, рочӧн День Республики Марий Эл) — Марий Элын республика статуса донтан лун. Чулӧтсьӧ быд во арпом 4 лунӧ.

Аркмӧм

1920 во тӧлӧн Казаньын Наркомнацись мари шӧрӧт юкӧт корӧм сьӧрті чулаліс мари отирись уджаліссезлӧн Россия пасьтся совещаннё. Сы коста ӧксіссес визиралісӧ территорияэз, кытӧн олӧ мари отир, мед позис торйӧтны административнӧй торрез. Сы кад кеж аркмӧтчисӧ ни Татаро-Башкирскӧй СР да Башкирскӧй АССР. Мӧдік йӧззэз кутчисӧ ӧтувтчыны национальнӧй чукӧррезӧ да аркмӧтны ас автономияэз[1][2].

1920 гожумӧн марийскӧй активисттэз ӧксисӧ мари коммунисттэз Россия пасьтся конференция вылӧ, кӧда коста Владимир Мухин юӧртчӧм сьӧрті чайтӧтісӧ одзза оськӧввез. Конференция бӧрті Наркомнацись мари шӧрӧт юкӧт юралісь Сергей Черняков мыччис документтэзлісь проектсӧ Совнаркомӧ[1][2].

1920 во арпом 4 лунӧ Совнарком да ВЦИК вынсьӧтісӧ «Мари отир автономнӧй область аркмӧтӧм йылісь» декрет. Документас эз вӧв гижӧм территория не визир, административнӧй шӧрин да юралан органнэз йылісь, сійӧн арпом 25 лунӧ вӧлі лэдзӧм декретыслӧн содтӧт, кӧдаын гижсис территория да юралӧм йылісь. Сы сьӧрті автономнӧй областяс пырисӧ одзза Казанскӧй губернияись Краснококшайскӧй да Козьможемьянскӧй уезддэз, Вятскӧй губернияись Уржумскӧй да Яранскӧй уезддэз, Нижегородскӧй губернияись Васильсурскӧй уезд. Юркарнас вӧлі бӧрйӧм Краснококшайск[1][2].

Официальнӧя Марийскӧй автономнӧй область аркмӧтӧм йылісь революционнӧй комитет юӧртіс 1921 во одзтулыс 1 лунӧ, сійӧн 1921—1930 воэзын донтан лунсӧ чулӧтіс тулыс медодзза лунӧ[1].

1921 во одзгожум 21-24 луннэзӧ чулаліс Советтэзлӧн медодзза областнӧй съезд, сы дырни борйисӧ уджаліссезӧс облисполкомӧ — регионӧн юралана органӧ. Медодзза председательнас лоис Иван Петров. [2].

1929 во гожумшӧр 15 лунӧ Марийскӧй область пырис сы кадӧ аркмӧтӧм Нижегородскӧй (Горьковскӧй) крайӧ. 1936 во одзтӧв 5 лунӧ крайыс вӧлі дугдӧтӧм, Марийскӧй автономнӧй областьыс петіс сыись да пондіс шусьны Марийскӧй АССР[1][3].

1931—1959  воэзӧ Марийскӧй автономнӧй область аркмӧтӧм лун чулӧтсьывліс одзгожум 21 лунӧ — сія лунӧ 1921 воын пондӧтчис Советтэзлӧн медодзза областнӧй съезд да ревком сетіс юралансӧ облисполкомыслӧ.

1960 восянь донтан луныс чулӧтьсӧ арпом 4 лунӧ, кӧр Владимир Ленин да Михаил Калинин кырымпасалісӧ «Мари отир автономнӧй область аркмӧтӧм йылісь» декрет.

1990 во аршӧр 22 лунсянь канму суверенитет Декларация сьӧрті автономияыс пондіс шусьны Марийскӧй ССР, ӧння кадся нимнас — Марий Эл  Республика — 1992 во одзтӧв 9 лунсянь[3].

Ӧння кадӧ

Марий Эл Республика лун чулӧтсьӧ арпом 4 лунӧ. Донтан луннас чулӧтӧны быдкодь концерттэз, выставкаэз, мари рыттэз, кӧдна коста окшӧны медбур уджаліссезӧс донтанпассэзӧн. Донтан луныс одзын велӧтчаніннэзын чулӧтӧны конкуррсэз да викторинаэз Марий Эл история сьӧрті.

Донтан луныс кеж осьтӧны виль да вильсьӧтӧм объекттэз. Сідз, 2006 воӧ Республика лун кеж вӧлі осьтӧм Марий Эл юраланінлӧн виль керку, 2009 воӧ — Царёвококшайскӧй кремлись архитектурно-историческӧй комплекс, 2011 воӧ — Патриаршӧй отаин вылын «12 апостол» виль часыэз, 2015 воӧ — Челадь музей, 2016 воӧ — Православие история музей.

Пасйӧттэз

  1. ↑ 1 2 3 4 5 Елена Яшметова. День Республики Марий Эл: страницы истории Марийского края, Информационный портал SM.news (3 ноября 2022). Видзӧтан кад: 25 октября 2024.
  2. ↑ 1 2 3 4 Республика Марий Эл. Марийской автономии - 82 года, Регнум (01.11.2002). Дата обращения: 25 октября 2024.
  3. ↑ 1 2 В. Г. Востриков. 100 лет Марий Эл. Три даты в календаре – три вехи в становлении Марийской автономии. Национальная библиотека имени С.Г. Чавайна Республики Марий Эл (4 ноября 2021). Дата обращения: 25 октября 2024.

Лыддьӧтан

  • Востриков, В. Г. Марий Эл: хроника столетия: 1920—2020 / В. Г. Востриков, А. М. Клёнов. — Йошкар-Ола: Издательский дом «Марийское книжное издательство», 2020. — 100 с.
  • Калинина, О. А. Марийские праздники = Марий пайрем-влак: справочник /О. А. Калинина. — Йошкар-Ола, 2006. — 52 с.
  • Марийцы: коллективная монография / О. А. Калинина, М. Н. Мамаева, Т. Л. Молотова и др.; М-во культуры, печати и по делам национальностей Респ. Марий Эл; МарНИИЯЛИ им. В. М. Васильева. — Йошкар-Ола, 2008. — 213 с.
  • От автономии к суверенитету. — Йошкар-Ола: Марийское книжное издательство, 1991. — 64 с.
  • Сануков, К. Н. Марийская автономия: к 90-летию образования Марийской автономной области / К. Н. Сануков. — Изд-е 2-е, доп. — Йошкар-Ола: Марийское книжное издательство, 2010. — 176 с.
  • Свечников, С. Марийская автономия: мифы и факты / Сергей Свечников // Марийский мир = Марий сандалык. — 2020. — № 4 (47). — С. 2-10.
  • Хлебников, А. В. Образование и развитие советской автономии марийского народа (1917—1929) / А. В. Хлебников. — Йошкар-Ола: Марийское книжное издательство, 1970. — 272 с.
  • Энциклопедия Республики Марий Эл / МарНИИЯЛИ им. В. М. Васильева. — Йошкар-Ола, 2009. — 872 с.
  • Янтемир, М. Н. Марийская автономная область: (с приложением административной карты области) / М. Н. Янтемир. — Йошкар-Ола, 2005. — 188 c.

Ыстӧттэз

Босьтӧма "https://koi.ruwiki.ru/w/index.php?title=Марий_Эл_Республикалӧн_лун&oldid=206719"-ись