Малышев Михаил Юрьевич
| Малышев Михаил Юрьевич | |
|---|---|
 Михаил Малышев 1998 воӧ | |
| Нимкодь |
«Пермскӧй каннибал», «Пермскӧй мортсёйись» |
| Чужан лун | 1965 во аршӧр 31 лун |
| Чужанін | |
| Гражданство |
 СССР →  Российскӧй Федерация |
| Кулан лун | 2025 во одзтӧв 19 лун (60 лет) |
| Куланін | |
| Причина смерти | цирроз печени[d] |
| Вийӧм | |
| Вийӧммез лыд |
2 (тӧдчӧтӧмӧсь), 8 (чайтанаӧсь) |
| Кад | 1997-1998 |
| Регион | Перем |
| Виян керӧм | Пышналӧм пуртӧн, кералӧм черӧн |
| Мотив | психическӧй шог, каннибализм |
| Арест лун | 1998 |
| Мыж | 25 во пукалӧм |
Малышев Михаил Юрьевич (1965 во аршӧр 31 лун, Перем, Перем ладор, РСФСР[d], СССР[d] — 2025 во одзтӧв 19 лун, Перем, Перем ладор, Российскӧй Федерация) — российскӧй серийнӧй мортвийись, каннибал, кӧда 1997 восянь 1998 воӧдз вийис 2 кык мортӧс Перемын. Следствиеыс чайтіс Малышевсӧ лёккерисьӧн кыккъямыс морт вийӧмын. Кӧть сы преступленнёэс вӧлісӧ сьӧкытӧсь, Малышевыс эз вӧв пуксьӧтӧм олан дырна кежӧ, 2000 воӧ сылӧ вӧлі сетӧм 25 во дырнася пукалан кад. Ассис жертваэсӧ Михаил Малышев вийӧм бӧрсянь торйӧтліс, да шой торресӧ видзис сёйӧм понда, мый кузя СМИ да правоохранительнӧй органнэз нимкодялісӧ сійӧ «Пермскӧй каннибалӧн» да «Пермскӧй мортсёйисьӧн»[1].
Олантуй
Михаил Малышев чужис 1965 во аршӧр 31 лунӧ Перемын. Челядь кадсӧ Малышев чулӧтіс бур семьяын. Ӧтік даннӧйез сьӧрті, Малышевлӧн мамыс уджалӧм школаын велӧтісьӧн, мӧдік сьӧрті — вӧлӧма ТЭЦ-ын ведущӧй инженерӧн. Челядьувья Михаил велӧтчӧм шылад школаын скрипка сьӧрті классын, дугдӧма велӧтчыны кисӧ дойдӧм бӧрын. 1970-ӧт воэз помын аймамыс янсӧтчисӧ, сыбӧрын мамыс петӧм вились айка сайӧ да 1983 воӧ вайӧм ныв.
1980 воӧ Малышевӧс милицияись сотрудниккез кутісӧ подаӧс вартлӧм да издевайтчӧм кузя, сыбӧрын сія вӧлі сувтӧтӧм учёт вылӧ милицияись детскӧй комнатаӧ. 1980-ӧт воэз пондӧтчикӧ сія пондіс занимайтчыны спортӧн да ветлыны бокс сьӧрті секцияӧ. Мед сӧрыс чожажык аркмис, сія пондіс сёйны унажык, но сідз кыдз яйыс вӧлі дефицит, пондіс сёйны пон яй. Медбӧрья классэзын умӧля велӧтчӧм да уна прогуллэз кузя вежис куим школа. 1980 воӧ 8 класс помалӧм бӧрын Малышев пырис велӧтчыны ПТУ-ӧ, кӧдӧ помаліс 1984 воӧ, сыбӧрын сійӧ босьтісӧ Советскӧй Армияӧ.
Армияын служитӧм бӧрын сія бертіс гортас, мамыс дынӧ, сыбӧрын пондіс мыччавны асьсӧ агрессивнӧя отир дынӧ, пондіс тӧдчыны, мый сія оз вермы юрнас, шогалӧ психическӧя. Вӧлі мамыскӧт да сёрайыскӧт конфликтын. 1986 воӧ мамыс унажыра квартирасӧ вежӧм кык квартира вылӧ. Ӧтік жыра квартира, кӧда вӧлі Закамскын, Маршал Рыбалко нима улицаын, Малышевлӧн мамыс козьналіс сылӧ. Сія оліс сыын кузь олан да сыые вийліс отирсӧ. Ӧтік версия сьӧрті, 1986 восянь Михаил Малышев уджаліс «Сорбент» АО-лӧн предприяттёын. Берся воэзӧ уджаліс сварщикӧн да столярӧн. Малышев оліс ӧтнас, эз вӧв гӧтыра, лыддьӧтіс уна да занимайтчис сьӧкыт атлетикаӧн, но сы вылӧ видзӧттӧг округын сія вӧлі антисоциальнӧй мортӧн, кӧда вийліс поннэзӧс[2].
1990-ӧт воэз шӧрын сія муніс удж вылісь, сідз кыдз дыр эзӧ вештісьӧ. Малышев пондіс шедтыны сьӧмсӧ аскур керӧмӧн да вузалӧмӧн, а сідзжӧ вийӧм поннэзлісь кучиккез вузалӧмӧн, кӧднаись бӧртіжык керисӧ шапкаэз. 1995 воӧ сія тӧдсасис 18 вося зонкакӧт — детскӧй домись петӧм Николайкӧт, кӧдалӧн вӧлі авьялан шог. Малышев лэдзис зонкасӧ овны дынас да сыбӧрын издевайтчис сы вылын да насилуйтіс сійӧ. Зонкаыс, мед вештісьны оланін понда, вайӧтліс сы квартираӧ гортытӧм поннэзӧс, кӧднӧ нія вийлісӧ да сёйисӧ. Кӧр Малышевыс кольччис уджтӧг, сія пондіс юны уна алкоголь[1].
1996 воӧ больницаын Малышевыс тӧдсасис Инна Боровик нима санитаркакӧт, кӧдакӧт чожа мыйись пондісӧ модзасьны. Малышевыс тӧдсӧтіс нывкасӧ аслас мамкӧт и тӧдсасис сы юись айкӧт. Тӧдсасьӧм бӧрын кынымкӧ тӧлісь бӧрті Боровик локтіс овны Малышевыс квартираӧ, сыбӧрын сія игналіс нывкасӧ аслас квартираӧ да пондіс сійӧ да Николайсӧ мучитны, пытайтны да мырддьыны, кадісь кадӧ тшӧктывліс нылӧ ӧтамӧдныскӧт занимайтчыны сексӧн. Сія эз лэдз Инна Боровиклӧ петны керкусис астӧг, а кыдз повзьӧтан мера, вартлывліс сійӧ да грӧзитліс вийны. Ӧтпырись Николайӧс повзьӧтӧм могись Малышев нывкаыс син одзын пуртӧн орӧтіс сылісь пельсӧ. Эта кадӧ Малышевлӧн психическӧй состояниеыс ӧддьӧн умӧльсяліс. Сія пондіс страдайтны паранойяӧн, мыйсянь квартираас сувтӧтіс металлическӧй пыран ыбӧс, кӧда вылӧ оборудуйтіс не ӧтік томан да видзӧтчан, медбы вӧджжӧтны этажлісь лестничнӧй клетка сьӧрын. Квартираись ӧшыннэз вылӧ Малышев сувтӧтіс емдонісь керӧм решёткаэз, а квартираас жӧ сувтӧтіс ӧшыннэз вылӧ жалюзиэз[3].
Унажык кадсӧ Малышев чулӧтіс ӧтӧрын, маргиналлэзкӧт, кӧднӧ вайӧтліс аслас квартираӧ, медбы ӧтлаын юны, да вердліс нійӧ пон яйись керӧм пирӧггезӧн да пельняннеэзӧн. Кынымкӧ воӧн сія пӧртіс ассис квартирасӧ притонӧ. Ваяліс квартираас гранитнӧй плитаэзӧн, анькытш бочкаэзӧн, ДСП плитаэзӧн, тренажёррезӧ. Ёгсӧ эз дзимляв, ӧктіс, ны коласын видзис вийӧм подалісь лыэз. Комас ӧшӧтіс начкисян кӧрттэз, видзис пурттэз да пӧввез[4].
Вийӧммез
Михаил Малышевлӧн медодзза жертваӧн лоис ПТУ-ись студентка — 16 вося Наталья Суворова. 1997 во помын Малышев лэдзис Инна Боровиксӧ квартирасис ӧтӧрӧ, медбы сія вайӧтіс кытшӧмкӧ нывкаӧс секс понда. Суворовакӧт тӧдсасьӧм бӧрын Боровик вайӧтіс нывкасӧ Малышев квартираӧ ӧтлаын спиртнӧй юаннэз юӧм понда. Боровик шуӧмӧн, кӧр нывкаыс кодззис, Малышевыс да сы дружоккес, кӧдна коласын пӧ вӧлӧма милицияын уджалісь, уна час сьӧрна насилуйтӧмась нывкасӧ[4].
Мӧдік юӧртӧм сьӧрті, кӧдӧ висьталіс карса прокуратураись старшӧй следователь, подполковник Гульнара Абибулаева, Сувороваӧс вийӧм коста квартираас сэсся некин абу вӧлӧм, а Наталья Суворовасӧ Малышевыс видзис Боровик да Николай отсӧтӧн. Сыбӧрын, кӧр Малышев дугдіс издевайтчыны нывка вылас да насилуйтны сійӧ, Наталья Суворова пондіс корсьыны мунны квартирасис, грӧзитіс милицияӧн, мый бӧрын Малышев вийис сійӧ черӧн юрас неӧтпырись вачкӧмӧн. Жертвалісь шойсӧ Малышевыс торйӧтіс, сы яйись керис фарш, кӧдись сёрӧнжык керис пельняннез да котлетаэз. Суворовалісь шойсӧ торйӧтӧм коста Боровиклӧн лоис нервнӧй срыв, сыбӧрын Михаил Малышев вартліс сійӧ и Николайӧс, пондіс грӧзитчыны нылӧ вийӧмӧн, откажитчасӧ ко отсавны мездыны шойсӧ и повзьӧтӧм могись курччаліс Инна Боровиклӧ нырйывсӧ, кӧдӧ сэк жӧ сёйис сы дырни. Суворовалісь киэсӧ, сылісь коккесӧ да юрсӧ преступник тэчис мешӧкӧ да вӧйӧтіс Камаӧ. Вийӧм нывкалісь коляссэсӧ недыр мыйись адззисӧ. Малышев эз пыр подозревайтӧммез лыдӧ. Наталья Сувороваӧс вийӧмын подозревайтсис мӧдік морт, кӧда следствие давленнё увтын висьтасис нывкасӧ вийӧм йылісь[5].
Мӧдік вийӧмсӧ Малышев керис 1998 во шӧрын. Жертванас лоис Антон нима рабочӧй, кӧдакӧт Малышев вӧлі одзжык тӧдса. Виян лунӧ сія корис зонкалӧ рытъявны квартираас, медбы юны алкоголь. Сёрӧн рытнас Инна Боровик пондіс вашӧтны гӧсьсӧ квартирасис, мый кузя Боровик да Малышев коласын аркмис видчӧм, кӧда коста Михаил вийис том мортсӧ черӧн юр кузяс, сыбӧрын сідзжӧ орӧтіс юрсӧ. Вийӧм мортлісь коляссэсӧ Малышевыс чапкис гаражнӧй массив сайӧ неылын аслас керку дынсянь, нійӧ чожа мый адззисӧ[5].
Арестуйтӧм, туялӧм да суд
Сыбӧрын, кӧр вийӧм мортыс вӧлі тӧдмалӧм, милицияыс юасис вийӧм зонкалісь вонлісь, кӧда висьталіс, мый недыр мыйись аслас ӧшӧм одзын Антон лӧсьӧтчис мыйкӧ дырна овны аслас тӧдсакӧт — 32 вося Михаил Малышевкӧт. Туялӧм коста Малышев аслас понкулісь репутация кузя шедіс подозревайтӧммез лыдӧ. Кынымкӧ недель бӧрті мӧдік вийӧм керӧм бӧрын сы квартираӧ пырисӧ правоохранительнӧй органнэзын уджаліссез. Обыск коста Малышев квартираись адззисӧ пакеттэз, кытӧн вӧлісӧ морт коляссэз, а сідзжӧ 600 килограммся унажык абу тӧдса кытісь заптӧм яй, мый бӧрын сійӧ арестуйтісӧ да сетісӧ обвиненнё.
Михаил Малышевӧс арестуйтӧм бӧрын сыкӧт ӧтлаын оліссез сетісӧ сы вылӧ признательнӧй показаниеэз. Допрос коста Малышев арестуйтӧм бӧрын первӧй суткиэзӧ настаивайтіс, мый сылӧн абу некытшӧм отношение вийӧммез дынӧ, но чожа мыйись мыччӧтэз да эмтора мыччӧтэз кузя Малышев висьтасис кык вийӧм керӧм йылісь, висьталіс, мый керис нійӧ лӧгувьяс.
Кировскӧй РОВД-ись ППС-лӧн сотрудниккез, кӧдна участвуйтісӧ сы арестуйтӧмын да допроссэзын, бӧртіжык висьтасисӧ:[6]:
Мийӧ кисьлімӧ сылӧ водка стакан, да сія горӧтліс, кытшӧм инька яйыс чӧскыт...
Ассис нӧмсӧтсӧ пон яй дынӧ сія тӧдчӧтіс сійӧн, мый пон яйыс уна белока да бурдӧтчан вына, кӧдна вӧлісӧ сылӧ коланаӧсь сӧррез содтӧм понда. Морт сейӧмсӧ сія тӧдчӧтіс сійӧн, мый мӧдіс пешлыны сійӧ. Одзлань допроссэз коста Малышев вежис ассис поведеннёлісь визьсӧ. Сія откажитчис следствиекӧт сотрудничайтӧмись да мыччаліс девиантнӧй поведеннё, грӧзитіс вартлыны Гульнара Абибулаевасӧ, мездасӧ ко сійӧ. Абибулаевлӧн висьталӧм сьӧрті, ӧтік допрос коста сія висьталіс сылӧ:
«Вӧліс ко ӧні киам дорсян, ме бы пазді тіянлісь чуннезнытӧ»
Малышевлісь ёрттэсӧ арестуйтӧм бӧрын сідзжӧ кыскисӧ уголовнӧй кывкутӧмӧ. Инна Боровик вылӧ вӧлі пуктӧм обвиненнё РФ УК 30 статья сьӧрті «Преступленнё кежӧ лӧсьӧтчӧм да преступленнё вылӧ пондӧтчӧм», но сійӧ медбӧрын судитісӧ условнӧя. Следствие коста нывка висьталіс, мый ӧддьӧн поліс Малышевлісь, кӧда баитіс сылӧ[4]:
«Мекӧт пондан ветлӧтны, и сё, то сюран холодильникӧ»
Судебно-психиатрическӧй экспертиза признайтіс Михаил Малышевӧс вежӧраӧн, кӧть сылӧн и вӧлісӧ мыччалӧмӧсь психикаын отклоненнёэз. Следствие коста Малышев согласитчис мунны проверка полиграфӧн. Тестируйтӧмлӧн результаттэс вӧлісӧ признайтӧмӧсь кыдз унавежӧртасаӧсь. Малышев квартираын обыск дырни ёг чукӧр коласісь адззисӧ кынымкӧ комплект паськӧм, кӧдна эзӧ вӧлӧ сылӧн. Следствие висьталӧм сьӧрті, паськӧмыс вӧлі Малышевлӧн мӧдік жертваэзлӧн. Тестируйтӧм коста сія эз вермы правильнӧя ответитны кынымкӧ вопрос вылӧ и вӧлі подозревайтӧм эшӧ квать вийӧм керӧмын, но эз мыччав охота висьтасьны этӧн. Прокуратура корӧм сьӧрті вӧлі керӧма судебно-криминалистическӧй экспертиза 600 килограмм яйлӧ, кӧдӧ адззисӧ Малышев квартираись сійӧ арестуйтӧм бӧрын. Экспертиза дырни быдкодь яй пакеттэзісь босьтӧмась экспертиза кежӧ образеццез, кӧдналӧн результаттэз сьӧрті тӧдмалӧмась, что яйыс вӧлӧма понлӧн. Сёрӧнжык правоохранительнӧй органнэзын уджаліссез висьталісӧ, мый материальнӧй средствоэз абутӧмсянь некыдз оз позь видзӧтны быдӧс 600 килограмм яйлісь видсӧ[5].
Медбӧрын мыччӧтэз, мый Малышев керис мӧдік вийӧммез, эз адззӧ. Сысянь, мыля полиграфӧн тестлӧн результаттэз сія кадӧ эзӧ вермӧ пуктыны мыж мыччӧтӧн виль уголовнӧй делоэз лэбтӧм понда, Михаил Малышевӧс пуксьӧтісӧ кык морт вийӧм понда. Судебнӧй процесс муніс Пермскӧй краевӧй судынпӧдана режимын, мыйсянь процессыслӧн мунӧм эз вӧв тӧдса, а уголовнӧй делоыс йылісь материалсӧ некӧр эзӧ юӧртлӧ общественностьлӧ и эзӧ сетлӧ СМИ-лӧ тӧдмасьны. 2000 воӧ Малышевӧс шуисӧ виновнӧйӧн быдӧс обвиненнёэз сьӧрті, сыбӧрын суд сувтӧтіс сы вылӧ уголовнӧй наказаннё — 25 во дырнася пукалӧм. Сысянь, мый Малышевӧс арестуйтӧмсянь приговор лэдзтӧдз арест увтын видзан кадсӧ лыддисӧ ӧтік лунӧн-джынйӧн лун сьӧрті ӧтласа режимӧн исправительнӧй колонияын мыжсӧ видзӧм сьӧрті, сылісь мездан кадсӧ сувтӧтісӧ 2022 вося аршӧр кежӧ[7].
Пукалӧм да петӧм
Судитӧм бӧрсянь Малышевыс вӧлі этапируйтӧм уголовнӧй наказаннё олӧм понда Чусваись № 10 исправительнӧй колонияӧ. Исправительнӧй колонияын Малышев вӧлі 200 местаа отрядын и уджаліс комын, сёян сетісьӧн, нёль во сьӧрна сія чожа госсямис. Малышевыс участвуйтіс тюрьма территория вылын бокс сьӧрті соревнованнёэзын, но эз шедты тӧдчана результаттэз. Эта вылӧ видзӧттӧг, уголовнӧй наказание чулӧтӧм коста Малышев эз пӧльзуйтчы авторитетӧн мӧдік осуждённӧйезлӧн. Колонияын Малышев оліс ӧтка оланӧн. 2005 воӧ сы дынӧ вовлісӧ журналисттэз, кӧдналӧ сія висьталіс, мый каитчӧ керӧмсис да уна занимайтчӧ физическӧй да духовнӧй асзорӧтӧмӧн[8].
Сідзжӧ Малышев эз вӧв популярнӧй тюремнӧй администрациялӧн, кӧда сійӧ дугдывтӧг дисциплинарнӧя наказывайтліс сэрпа да тшыкӧтӧм сёян видзӧм понда. Тюрьмаын пукалікӧ сія вовлісис кынымкӧ осуждённӧйкӧт да мамыскӧт. 2016 восянь Малышевыс пондіс получайтны пенсия, сійӧн что сылӧн вӧлі право кадысь одзжык петны пенсия вылӧ умӧль условиеэзын уджалӧм понда. Уджалӧмӧн да пенсия босьтӧмӧн Михаил Малышев лыддиссис тюрьмаас медбура материальнӧя могмӧтӧм осуждённӧйез коласісь ӧтікӧн. Сія кадӧ сія пондіс шогавны. Ёнмӧм кузя сылӧ диагностируйтісӧ сьӧлӧм-сӧн висьӧм шоггез, да сія пондіс чотны[9].
23 во сьӧрнася пукалӧм бӧрын Михаил Малышевыс петіс 2022 во аршӧрӧ да бертіс Закамскас аслас квартираӧ.
Малышевлӧн бертӧмыс чужтіс ыджыт общественнӧй резонанс, мыйсянь сія лоис паськыта тӧдса да сы йылісь пондісӧ висьтасьны СМИ-ын. Сія откажитчис журналисттэзкӧт баитӧмись и эз понды петны отир одзӧ. Сійӧ мездӧмсянь районын оліссез коласын аркмис паника, мыйсянь паськаліс юӧр сы йылісь, мый Малышев керкуись оліссез пондӧмась ӧктыны кырымпассэз сы понда, медбы сійӧ вашӧтны, сідз кыдз керку дынын уджалӧны школа да детсад, но 2022 во арпомӧ эта юӧрыс дзугсис. Правоохранительнӧй органнэзлӧн представителлез висьталісӧ, мый Малышевӧс вашӧтӧм понда законнӧй основаннёэз абуӧсь, сідз кыдз квартираыс сылӧн, а сія ассис уголовнӧй наказаннёсӧ тыртӧм быдсӧн и регулярнӧя вӧвлӧ отмечайтчыны полиция отделениеӧ[9][10].
Масс-культураын
- Документальнӧй фильм «Чистосердечное признание. Людоеды», 2005 во.
Пасйӧттэз
- ↑ 1 2 Вероника Свиязева «Страшно поздно возвращаться с работы». В Перми на свободу вышел людоед — он поселился в своем старом доме. 59.ru (2022-11-09). Видзӧтӧм 21 Гожумпом 2025.
- ↑ Виктор Званцев "Уверял, что возьмется за старое". В Пермь вернулся людоед.. РИА Новости (2022-11-07). Видзӧтӧм 21 Гожумпом 2025.
- ↑ Екатерина Кашурникова, Елизавета Новикова «Человек должен попробовать все» Отсидев 23 года, в Пермь вернулся людоед. Почему местные жители ждут новых убийств?. Lenta.ru (2022-11-17). Видзӧтӧм 21 Гожумпом 2025.
- ↑ 1 2 3 Ульяна Скойбеда Что мне сказал пермский маньяк-людоед: Он жрал людей, насиловал и калечил женщин, а теперь на свободе. Комсомольская правда (2022-12-16). Видзӧтӧм 21 Гожумпом 2025.
- ↑ 1 2 3 Вероника Свиязева «Он может выйти по УДО, и это меня мучает». Интервью со следователем, занимавшейся делами маньяка и людоеда. 4 декабря 2022. Чита.ру (2022-12-04).
- ↑ Отсидевший 23 года убийца-людоед вернулся домой и наводит ужас на соседей. НТВ (2022-11-02). Видзӧтӧм 21 Гожумпом 2025.
- ↑ Михаил Фалалеев Детектор лжи разрешили применять до возбуждения уголовного дела. Российская газета (2013-09-16). Видзӧтӧм 21 Гожумпом 2025.
- ↑ Александра Куляпина, Вероника Свиязева Ел скисшую еду и часто плакал. Из колонии вышел пермский людоед — как он проводил свои дни в заключении?. 59.ru (2022-10-31). Видзӧтӧм 21 Гожумпом 2025.
- ↑ 1 2 Лариса Колчанова На свободу вышел пермский каннибал. Комсомольская правда - Пермь (2022-10-28). Видзӧтӧм 21 Гожумпом 2025.
- ↑ Лариса Колчанова Его никто не ждет: пермский людоед не хочет выходить на свободу. В курсе (2022-02-18). Видзӧтӧм 21 Гожумпом 2025.