Лойма (коммуна)

Лойма
	Лойма ; Loimaa
	Вужпас;
Му:	Суоми
Статус:	карму
Маакунта:	Варсинайс Суоми
карса юралісь:	Яри Рантала
Аркман кад:	1921' во
Кар:	1969' восянь
Ыжда:	847,97 км²
Веськӧтлан кыв	фин
Отир лыд; • Отирлӧн топыта	16 883 морт (2011); 19,91 морт/км²
	Лойма мусерпасын
Час кытш:	UTC+2
Категория Викичомын	Loimaa
	Веськӧтлан сайт

Лойма — кар да коммуна Суомиын, Варсинайс Суоми регионын. Лойма районлӧн шӧрин. Коммунаыс унажыксӧ му-видз уджалана.

2005' годӧ Лойма карыскӧт ӧтлаӧтӧмась сэкся Лойма посадму, кӧдалісь вужпас вуджис ӧтлаӧтӧм коммуналӧ. Лойма коммунаӧ 2009' во пондӧтчикӧ пыртӧмась одззася коммунаэз Аластаро да Меллиля. Эшӧ 1976' годӧ важ Лойма посадмуӧ ӧтлаӧтӧмась кӧркӧся Метсяма коммуна.

Ним йылісь

Хирвикоскиын Лойма вичку

Лоймаын кӧрттуй вокзал

Файл:Vesikosken mylly Loimaa.jpg

Лоймиёки вадӧрын Весикоски мельнича. Сайынжык - одззася кучиккеран завод

География

Ӧнняся Лойма коммунаын медыджыт оланіннэз нёля: Лойма каршӧр, одззася Лойма посадмулӧн шӧрин Хирвикоски да одззася Аластаро да Меллиля посадмуэзлӧн шӧриннэз.

Кар шӧрын эм магазиннэз да ыджыт керкуэз, но невна муныштан да, пондӧтчӧны ни ас керкуэз. Ыджыт магазиннэз осьтӧмась каршӧр ойвыв дорын, Туркусянь Тамперелань нуӧтан автотуй №9 пӧлӧн.

Мувевдӧрыс коммунаын волькыт, иусиныс унажыксӧ тэчӧм сёйись. Быдлаын куйлӧны ыббез. Мӧдкодьсьӧтӧны пейзаж сёйӧттяс кырӧтӧм ю ӧррез, изпытшкӧса моренаэз да мукӧдлаӧт нюррез (ны коласын медыджытыс Эксюссуо куйлӧ коммунаэз Коски, Сомеро да Ӳпяя коласын). Эм кык мусюр, кӧднаись ӧтыс мунӧ Лойма коммуна рытвыв визир пӧлӧн, а мӧдыс одззася Метсяма коммуна му кузя, кытӧн мувевдӧр быдкодьсялӧ. Таті автотуй №2 мунӧ 15 км ылына мусюрыс пӧлӧн Веняя да Леппиярви коласын.

Лойма каршӧрӧттяс, Хирвикоски да Аластаро пырйӧт котӧртӧ Таммеласянь пондӧтчан да Хуйттиненын Кокемяенъёкиӧ усян Лоймиёки ю. Юыслӧн ва сёйыс шогья пыр гӧрд рӧма. Аластораын Лоймиёкиӧ усьӧ сылӧн медыджыт вож Коёнъёки, кӧда пондӧтчӧ Коиярвисянь (Форсса коммунаын) да котӧртӧ Лойма кар ойвылӧт и Метсянма посад пырйӧт. Лунвывсянь Аластароын Лоймиёкиӧ пырӧ Меллилясянь пондӧтчан Нииниёки, а Хирвикоски дорын Ёэнперя деревнясянь пондӧтчан Петяёки. Тыэз невна, нія куйлӧны токӧ мусюррез пӧлӧн.

Ордча коммунаэз[вильмӧтны | править код]

Лоймакӧт ордчӧн куйлӧны коммунаэз: Хуйттинен, Хумппила, Коски ТЛ, Марттила, Орипя, Пункалайдун, Пёвтюя, Сомеро, Сякюля да Ӳпяя.

Янсалöм

История

Файл:Loimaa.vaakuna.1952.svg

Лойма карлӧн важ вужпас

Отир

Веськöтлöм

Кöзяйство

Культура

Лыддьöтан

Ыстісяннэз

Ыстöттэз