Кунгур мугырк
| Кунгур мугырк | |
|---|---|
 | |
| Характеристикаэз | |
| Пыдына | 27 м |
| Кузя | 8153 м |
| Тӧрыта | 206 000 м³ |
| Адззан во | 18 сёво |
| Тип | карст |
| Тӧрӧт породаэз | гипс |
| Пыраннэз лыд | 2 |
| Вовлӧм | |
| Осьта локтіссез понда | 2000 м |
| Сайт | kungurcave.ru |
| Инас | |
| 57°26′25″ с. ш. 57°00′26″ в. д.HGЯO | |
| Субъект РФ | Пермский край |
 Медиафайлы на РУВИКИ.Медиа | |
Кунгур мугырк (рочӧн Кунгурская пещера) — Уралын мед паськыта тӧдса сингажӧтаннэзісь ӧтік. Ӧтлаын Йыа керӧскӧт аркмӧтӧны регион статуса историяа-вӧрваа комплекс[1] (СССР коста — союзнӧй статуса дозирайтанін). Мугыркыс иналӧ Пермскӧй крайын, Кунгур кар дорын, Филипповка посадын, Сылва ю веськыт вапӧлын, Перемсянь 100 км ылынаын.
Россия Европа ладорын медыджыт карст мугырккезісь ӧтік, кузяыс сьӧрті сизимӧт гипсовӧй мугырк мирын. 2021 во кеж мугыркыслӧн кузяыс 8153 м мымда, 2 км ныись лӧсьӧтӧмӧсь туристтэз понда. Температура воздуха в центре пещеры от +5 °C до −2 °C, относительная влажность в центре пещеры — 100 %. Кунгур мугыркас 58 грот, 70 ты, 146 с. ш. «орган гум» (медвылынаыс — Эфирнӧй гротын, 22 м) — вылын, му вевдӧрӧдз петана шахтаэз. Мугыркыс 10-12 сюрс во важ.
История
Медодзза казьмӧттэз
Кунгур мугыркыс тӧдса отирлӧ важ кадсянь. 1703 воӧ Пётр I указ сьӧрті Тобольскись Кунгурӧ вӧлісӧ ыстӧмӧсь сы кадӧ паськыта тӧдса географ да картограф Семён Ремезов зоннас, мед керны Кунгур уездлісь карта. Нія керисӧ картасӧ да мыччалісӧ сы вылын Ыджыт мупутшкся ты дынӧ туй. Ремезовыс 1703 воӧ сідзжӧ керис мугыркыслісь план. С. Ремезов адззис сыын потшшез, кӧдна видзисӧ нашёл в ней столбы, подпиравшие своды, кресттэз, установленные на камнях, икону. Пыраныс одзын вӧлӧмась гипс калитан понда горрез.
Сёрӧнжык Йиа мугыркас кыкись, 1720 да 1736 воэзӧ, вовліс В. Н. Татищев. Аслас уджын (рочӧн «Сказание о звере мамонте», 1973 во) сія гижис, мый ыджыт слоныс туйӧ, кӧда пӧ гарйӧма мугырксӧ, татӧн олісь отир видзӧмась абу ни олана мамонтӧс. Сія жӧ уджын сія медодззаись гижис Кунгур мугырк аркмӧм йылісь да аслас теория вӧджжӧтӧм могись чулӧтӧм эксперименттэз йылісь. Татищевыс 1736 воӧ керис план, ӧння кад кеж сія ӧштӧм[2]. 1770 воӧ Ыджыт тыыс дынӧ туйыс йылісь Иван Лепёхин. Сэсся мугыркыс йылісь гижисӧ тӧдса туяліссез И. Гмелин, М. Я. Киттары[3].
1859 воӧ серпасаліссез Я. М. Иконников да Головин ветлӧмась мугыркас да керӧмась сылісь серпассэз. Советскӧй кадӧ мугыркыс йылісь гижлісӧ профессор Г. А. Максимович да мӧдік туяліссез[4]. 1934-35 воэзӧ пещералісь точнӧй плансӧ лӧсьӧтіс Н. М. Переслегинлӧн экспедиция. Нія жӧ воэзӧ «Гидростройпроектлӧн» экспедицияӧн вӧлі тӧдмалӧм мупытшкся лабиринтлісь ылісьжык ладорсӧ. 1948 воӧ мугыркыс дынын вӧлі лӧсьӧтӧм научнӧй стационар, кытӧн уджалісӧ Кунгур мугырк паськыта тӧдса туяліссез В. Лукин да Е. Дорофеев. 1952 восянь пещерасӧ тӧдмалӧны СССР Наука Академияись стационарын уджаліссез.
Революция одзын
Кунгур мугырклӧн историяыс топыта йитсьӧм Кунгур кар аркмӧмӧн да зоралӧмӧн. Карыс вӧлі аркмӧтӧм 1648 воӧ Кунгур шор Ирень ю ваӧм дынын, а 1663 воӧ башкирскӧй восстаннё бӧрын Ирень ю ваӧм дынӧ. Преданнёэз сьӧрті, медодзза роч оліссес дзебсисьлісӧ мугыркас татара да башкиррез уськӧтчӧм коста. XIX сёвоӧ видзӧтны мугырксӧ вовлісӧ отир Кунгурись, Перемись да ылісь каррезісь. Туйдӧтісӧ нійӧ Баннӧй посад (ӧння кадӧ Филипповка посад) оліссез. Мугырксӧ популяризируйтіс Кунгурын чужӧм А. Т. Хлебников, кӧда сэтчӧдз уна вӧвліс визир сайын, муніс Япония пыр Америкаӧ. 1914 воӧ сія босьтіс кыртымӧ крестьянскӧй общиналісь мугыркыс дынся му тор, пондіс овны пыраныс дынын, паськӧтіс отирӧт рекламнӧй альбоммез, афишаэз да нуӧтіс экскурсияэз.
Советскӧй кадӧ
1933 во кеж мугыркыс дынся экскурсионнӧй базаын вӧлі ни узьланін. Сетлӧмась сьӧм мупытшкся ветлӧтаніннэз лӧсьӧтӧм понда. 1937 воӧ, XVII Мирпасьта геологическӧй конгресс одзын, вӧлі писькӧтӧм Брильянтовӧй гротӧ 40 м кузя туннель. Сьӧрна содіс экскурсанттэзлӧн лыд. Мугыркас вовлісӧ М. И. Калинин, маршаллэз В. К. Блюхер, Г. К. Жуков, паськыта тӧдса А. Е. Ферсман, Д. В. Наливкин.
1948 восянь Кунгурс мугыркыс пырис карстово-спелеологическӧй станция кипод увтӧ, станцияыс вӧлі аркмӧтӧм М. В. Ломоносов нима Московскӧй государственнӧй университетӧн да сёрӧнжык вуджис СССР АН Урал филиалӧ. 1969 восянь экскурсияэз чулӧтӧм босьтіс ас кипод увтӧ Пермскӧй областнӧй туризм да экскурсия сьӧрті совет. Сыбӧрся воэзӧ мугыркыс дынӧ вӧлі лэбтӧм асфальт туй, писькӧтӧм Вышка гротсянь109 м кузя туннель петанін. Сы кадӧ Кунгур мугырк тӧдмалӧмӧн юраліс СССР-ись Наука Академиялӧн Уральскӧй научнӧй центрлӧн стационар. Мупытшкся метеорологическӧй да гидрометрическӧй посттэз вылын дыркадся вӧджжӧт отсаліс аркмӧтны мугыркын шоныталӧм, тӧвся да гожумся ру циркуляция дырни ва руалӧм да конденсациялісь ыдждасӧ, адззыны Сылва ю да мупытшкся тыэз тшупӧттэзлісь йитӧт. Вӧлі лӧсьӧтӧма мугырклӧн виль инструментальнӧй план, сылӧн кузяыс лоис 5,6 км.
Геофизическӧй исследованнёэз зорӧтӧм сьӧрна мугыркыс лоис полигонӧн виль приборрез да методдэз испытайтӧм понда. Медбы казявны мупытшкся ветлӧттэз му вевдӧрсянь, Теплоэлектропроект институтлӧн, Московскӧй да Пермскӧй университетдэзлӧн ылісь передачаэз отделеннёись геофизиккез применяйтісӧ электроразведка, площаднӧй электропрофилируйтӧм, вертикальнӧй да гӧгӧрті электрозондируйтӧм, естественнӧй электрическӧй поле меряйтӧм. СССР АН Уральскӧй научнӧй центрись геофизика институт нуӧтіс гравиметрическӧй да магнитнӧй разведка. Мугыркись тӧдтӧм гырккез адззӧм понда уджалісӧ радиоволнаэзӧн пешлӧм, микросейсморазведкаӧн, космическӧй излученнёэз регистрируйтӧм. 1966 воӧ СССР АН Уральскӧй научнӧй центрлӧн геофизика институт лӧсьӧтіс мупытшкся «Кунгур» наклонномернӧй станция, медбы унакылана горизонтальнӧй маятниккез отсӧтӧн тӧдмавны му вевт да породаэз торья блоккезлісь ветлӧм. Дас во сьӧрна фотобумага вылын дугдывтӧг гижсисӧ му вевтлӧн пӧліньтчӧм да сыркьялӧм. Туяліссезлӧ отсӧт вылӧ локтіс автоматика. Гроттэзын вӧлісӧ сувтӧтӧмӧсь му пытшкся ваэзлісь тшупӧт, температура, ваыта, атмосфера личкӧт асгижсян регистраторрез, дистанционнӧй счётчиккез отсӧтӧн лыддьӧны, мымда пырас ваыс.
Гижалӧм
Сылва ю дынся лунвывся кырулын иналӧ мугыркӧ пырас — бетонируйтӧм туннель. Туннельсянь асывланьын кырасын мугыркӧ пыранін весьтын мыччисьӧны кунгурскӧй ярусісь (иренскӧй) горизонтлӧн гипс да ангидрит, кӧдна отьясьӧны известняккез да доломит чукӧррезкӧт. Этна породаэс, кӧднаись унажыксӧ аркмӧм Йыа керӧсысс, 60 м кызаӧсь. Гипссэз вевттьӧмӧсь известняк да доломит торреза небыт пуксьӧсӧн. Вылынжык мычисьӧны важ террасалӧн лыаа-сёя отложеннёэз. Мугырк петанін дынӧ матісь ладорын во сьӧрна видзсьӧны джодж своддэз вывся йы вевдӧр да йы кристалллэз.
Мугырк вевтын тӧдса 130-ся унажык цилиндрическӧй каналлэз — 3-9 м паськыта да 20 м вылына «орган гуммез». Гум пыссэз увтын позьӧ адззыны конуса формаа сёй-изъя пуксьӧссэз.
2011 воӧ Кунгур мугырк вӧлі пыртӧм «Мирын 10 медмича пещера, кӧдна осьтӧмӧсь экскурсияэз понда» нимлёдзӧ, кӧдӧ лӧсьӧтӧма Forbes. Вӧлі баитӧм сы йылісь, медбы пыртны сійӧ ЮНЕСКО-лӧн Всемирнӧй наследие нимлёдзӧ. Кунгур мугырк лоӧ Россияын регион статуса культурнӧй наследие объектӧн. Быд во мугыркас вовлӧны 100—150 сюрс морт[5].
2019 воӧ «Ловья история» нима экскурсия — маршрут Кунгур йыа мугыркын босьтіс 1 места VI Всероссийскӧй туристскӧй премия «Вося маршрут» "Медбур культурно-познавательнӧй маршрут (экскурсия) " номинацияын[6].
Геология
В Пермском Предуралье известно более ста пещер в сульфатных породах, однако размеры карстовых полостей и коэффициент внутренней закарстованности в их границах не идут ни в какое сравнение с Кунгурской пещерой. Отсюда можно сделать вывод, что последняя формировалась в особо благоприятных условиях.
Перем Уралын тӧдсаӧсь сёся унажык сульфатнӧй породаэзын мугырккез, но карстовӧй гырккеслӧн ыждаэс да пытшкся карстуйтӧм коэффициентыс сьӧрті сы коддес абу. Этасянь позьӧ керны вывод, мый сія аркмис ӧддьӧн бур кадӧ.
Кунгурлісь геологическӧй карта видзӧтікӧ позьӧ адззыны, мый мугыркыс иналӧ кунгурскӧй ярус увтся «филипповскӧй» горизонт, кӧда аркмӧма известняккезісь да доломиттэзісь, да вывся (иренскӧй) горизонт, кӧда аркмӧм унажыксӧ гипсісь да ангидриттэзісь, контакт вылын. Кунгурскӧй мугыркӧ пыранінын горизонттэс коласын визирыс мунӧ Сылва ю тшупӧтсянь квать метр мымда пыдынаын.
Кунгурскӧйын да Урал дынся мӧдік районнэзын вӧджжӧт сьӧрті тӧдса, мый сульфатнӧй породаэзлӧн планын да поперечнӧй профиллез карстуйтӧм ӧддьӧн содӧ карбоната оттэз визир вылын. Карстуйтӧм вынсялӧмыс петӧ сыись, мый карбонат оттэзісь кокнита сылан сульфатнӧй породаэзӧ пырӧны етша минерализуйтана гидрокарбонатнӧй-кальциевӧй ваэз.
Карстуйтӧмыс содӧ сідзжӧ зонаын, кытӧн кадісь кадӧ вежласьӧны мупытшкся ваэз. Кунгур йыа мугыркын эна ветлӧммезлӧн амплитудаыс тулысся ытва коста локтӧ куим-нёль метрӧдз. Етша минерализуйтӧм ю ваэз, кӧдна пырӧны вадорся массиввезӧ, сылӧтӧны, а сыбӧрын петкӧтӧны юэзӧ 2 г/л-ӧдз сернокислота кальций. Сідзкӧ, мугыркся галереяэз ӧння кадӧ паськалӧны унажыксӧ ытва кадӧ. Кунгурскӧй ярусыс карбонатнӧй да сульфатнӧй оттэзын юкӧтанін ю тшупӧткӧт вежся карст сьӧмлӧс отсалӧ миянлӧ тӧдны Кунгурскӧй мугырк аркмӧтан история.
Горизонтальнӧй площадкаэз своддэзын, кӧдна фиксируйтӧны валісь вылын тшупӧт, пантасьӧны 119—120 метра абсолютнӧй пасйӧтӧдз. Сія жӧ вылынаын сулалӧны Центральнӧй, Коралловӧй да мугырк мӧдік гроттэзлӧн вевттэз, кӧдна абу вӧрзьӧтӧмӧсь буждӧмӧн. Сідзкӧ, мупытшкся галереяэз пондӧмась аркмыны сы кадӧ, кӧр Сылва юыс ыджыт ва коста лэбтісьӧма 0,5-1 метра вылӧдз медодзза ва вевдӧрись терраса вевдӧрсяняс. Ыджыт ва коста юэзлӧн, а сідзжӧ мупытшкся ваэзлӧн и ӧні матынжыкӧсь эта тшупӧт дынӧдз, мый йылісь висьталӧны коррез да турун идззез, кӧднӧ ваыс кольӧма мугырк стенаэз коласын да нишаэзын. Археологическӧй даннӧйез сьӧрті, медодзза обдорся террасаыс аркмӧм миян эраӧдз 8-7-ӧт сюрсвоэзӧ, Кунгурскӧй мугырклӧн миянлӧ тӧдса галереяэзлӧн годдэз тожӧ абу унажык 10 тысячася. годдэз. Важжык этажжез, кӧдна лӧсялӧны 2-4-ӧт террасаэзлӧ, абу тӧдсаӧсь. Тыдалӧ, нылӧн абу вӧлӧма тӧдчана развитиеыс и нія вӧлӧмась дзебӧмӧсь вевт ӧшӧмсянь. Эта террасаэз аркмӧтан каддэзӧ Иренскӧй да Филипповскӧй горизонттэз коласын йитчӧмыс ю тшупӧт вылын сулаліс кынымкӧ сё метр асыввылын. Сійӧн мупытшкся галереяэз, кӧдна ыжданыс сьӧрті ӧткодьӧсь Кунгурскӧй мугыркись тӧдса галереяэзкӧт, сулалісӧ эстӧн жӧ и вӧлісӧ сёрӧнжык паздӧмӧсь ӧтлаын нійӧ видзан гипссэзкӧт .
Йыа керӧс пытшкын, тыдалӧ, вӧлӧма эшӧ ӧтік мупытшк гырккеза важ ярус, кӧда куйлӧ лажмытжыка ӧння Сылва ю тшупӧтся.
Плиоцен кадӧ, кӧр Урал дынся территорияын вӧлісӧ тӧдчана амплитудаа эпейерогеннӧй ветлӧммез, Кунгур районын Сылвалӧн ватуйыс пыдынассис ӧння тшупӧтся улӧжык. Сія кадӧ, кӧр аркмис эта вывті пыдына волькӧтіныс, пырӧны Кунгурскӧй мугыркся медся важ галереяэз. Иренскӧй да филипповскӧй горизонттэз контакт вылын эта галереяэз вӧлісӧ ыджыт ыждаэза. Нія вӧлісӧ тыртӧмӧсь гипс торрезӧн, а сідзжӧ доломит торрезӧн, кӧдна куйлісӧ 20-25 м вылынжыка Сылва тшупӧтся, мый мыччалӧ буждан своддэзлӧн тӧдчана вылына йылісь. Но лыа-галька материаллез плиоценс террасаэз отложеннёэзісь абу адззӧмӧсь. Сідзкӧ, пырйӧта каналлэз мугырк вевт вылын эзӧ вӧлӧ.
Местаыс одзлань лэдзчисьӧм сьӧрті Сылва ю ковтыс тырӧм лыа-сёя да галькаа пуксьӧссэзӧн. Гипс да ангидрит пласттэз галереяэз своддэзын, а сідзжӧ ны коласся целиккезын испытайтісӧ кӧрӧма да чапкӧса деформацияэз. Гырись пазъя пуксьӧссэз важся гырккез гипссэз топалӧмсянь да пластическӧй ветлӧмсянь пӧртчисӧ измӧм породаэзӧ — карстовӧй брекчияэзӧ. Сэтшӧм брекчияэсӧ позьӧ адззывны Скульптурнӧй да мӧдік гротаэз своддэзісь. Важся галереяыс мунӧ Руина гротсянь Коралловӧй гротӧдз. Йыа керӧслӧн кырулаыс, кӧда увтын уджалӧны карстовӧй ваэз, жагӧник вешшӧ эрозионнӧй врезланьӧ. Ӧткоста осьтӧны кык ладорсянь тектоническӧй потассэз, кӧдна шогья и аркмис карстӧвӧй гырккезлӧн радзза система.
Вылын буждана своддэзӧн ыджыт гырккез аркмӧтӧмлӧ да дыр видзсьӧмлӧ отсалӧ Йыа керӧслӧн да сы гипсӧвӧй цокольлӧн вылын вылынаыс.
Аслас формируйтчӧм сьӧрті мугыркыс пырӧ ты типӧ, а не ю типӧ — мӧднёж шуны, мугыркыс эз аркмы концентрированнӧй мупытшкся ва визывтӧм сьӧрті.
Йыа керӧс
Йыа керӧс вевдӧрыс сідзжӧ лоӧ вӧрва памятникӧн да экскурсионнӧй объектӧн. Эта мутор рельефын бура тӧдчӧ мупытшкся ваэзлӧн кокнита сылан гипс да ангидрит вылӧ умӧльтаныс.
Йыа керӧс вевдӧрас эмӧсь конус да тасьті формаэза карстовӧй гуэз. Планын нылӧн ыждаыс овлӧ 100 м-ӧдз, пыдынаыс — 15 м-ӧдз. Карстӧвӧй гуэс пӧлӧн пантасьӧны гипс петаніннэз, а пыдӧсас — поноррэз, кӧдна пыр лым да зэр ваэз пырӧны сульфатнӧй породаэз кызӧтӧ. Гуэз мымдакӧ ваалӧмась да пӧртчӧмась карстовӧй тыэзӧ да нюррезӧ. Йыа керӧс вылын 10 000 м2 ыжда участокын лыддьӧны 3000 мымда гу. Быд во адззӧны виль буждӧттэз, кӧдна унажыксӧ аркмӧны важ карстӧвӧй гуэз пыдӧсын да ыслӧтын.
Йыа керӧслӧн рельефыс объясняйтӧ му веркӧслісь да быдмассэзлісь ӧддьӧн унапӧлӧс рӧмсӧ. Гӧраэз лунвыв пӧкат вылын паськалӧмась виддэз, кӧдна приспособитчӧмась сы дынӧ, медбы почваын вӧлі уна гипс. Татӧн жӧ шедісӧ степнӧй да горнӧй степнӧй реликтнӧй быдмассэз. Тӧв вылын качайтчӧны, пӧкат кузя вольсасьӧмӧн, ковыльлӧн серебристӧй суниссэз. Гожум мӧд джыннас цветитӧны «адам юрлӧн» (мордовниклӧн) голубӧй шаррез, пантасьӧны пустыннӧй зӧр, степнӧй шалфей, куш котовник, кузь качим, сибирскӧй василёк, кӧдзыт да шёлковӧй полынь, датскӧй астрагал да степнӧй уна мӧдік быдмассэз. Йи гӧра аслас кыдз вӧррезӧн ыббез коласын пырӧ островнӧй кунгурскӧй лесостепь границаэзӧ.
Климат
Уна органнӧй трубаэз да потассэз, кӧдна писькӧтӧны пещера вевтсӧ 60-80 м кызтаӧн, отсалӧны ыджыт сезоннӧй воздух кыскӧмлӧ. Тӧвнас сія веськӧтӧм Йи гӧра пытшкӧ пыранінсянь, гожумнас — вешшӧм бӧрлань. Тӧвнас первӧй гроттэзлӧн, Бриллиантовӧйлӧн да Полярнӧйлӧн, стенаэс кӧдзалӧны −10°-ӧдз, ыджыт мороззэз дырни воздухлӧн температураыс чинӧ −30°-ӧдз. Пещера пытшкас лоӧ шонытжык. Йиа тӧв, кӧда пӧльтӧ пыран туннельын, пӧртчӧ ласковӧй ыркӧтан тӧвӧ. Гроттэзлӧн каменнӧй стенаэз бердӧ павкӧтчӧмсянь +5° температураӧдз шоналӧм бӧрын воздухыс потассэзӧт да органнӧй трубаэзӧт кайӧ поверхность вылӧ. Мукӧд воронкаэзын лым коласын аркмӧны проталинаяс. Тӧвбыт пещераын чукӧртчӧ кӧдзыт, сія сетӧ шонытсӧ атмосфераӧ кайись воздушнӧй потоккезӧн. Арталӧма, что тӧвся кадӧ шонытсӧ быдсӧн петкӧтӧны суткинас 2,14 млн ккалӧдз.
Гожумся кадӧ воздухлӧн увлань кыскӧмкӧт ӧксьӧ шоныт, унажыксӧ пещера вевдӧрись канаваэзын да потласьӧммезын. Гожумнас шонытлӧн ӧтласа воӧмыс суткинас 1,5 млн ккал. Гожум кежӧ туннель ыбӧссэз пӧдналӧмӧн искусственнӧя чинтӧны воздух кыскӧмсӧ да видзӧны кӧдзытсӧ.
Мугырк гротаэзын рулӧн относительнӧй влажностьыс 90-100 %. Подземнӧй галереяэз крестасяніннэзын да ыджыт гротаэзӧ пыраніннэзын, кытӧн сорласьӧны воздухлӧн потоккез, кӧднаын температураыс абу ӧткодь, мунӧ интенсивнӧй влага конденсация. Коралловӧй гротын гожумӧн и тӧлӧн метеорологическӧй постлӧн своддэз да будка дзирытӧсь пуксьӧм влагасянь. Свод выступаэз вывсянь кадісь кадӧ чеччӧвтӧны гырись ва воттез. Но самӧй интенсивнӧй конденсацияыс овлӧ не пещераын, а потассэзын да вевт вылын пустотаэзын. Покрытӧй суглиноккез пыр фильтруйтчӧм влагакӧт сорласьӧмӧн конденсационнӧй ваэз бӧр пырӧны пещераӧ. Вотьыс своддэзісь оз дугды и кӧдзыттэз коста.
Бриллиантовӧй, Полярнӧй, Вышка гротаэзын бокись ходдэзісь главнӧй галереяӧ пырӧ васӧд пещернӧй воздух, кӧда, кӧдзавтӧм бӧрын, кольӧ своддэз вылӧ нёбоэз. Йи кристалллэз быдмӧны тӧвбыт, сложнӧйӧсь, и, температура сьӧрті, босьтӧны форма лепестккезӧн, лотккезӧн, квать секторнӧй вороноккезӧн, прямоугольнӧй ячейкаэзӧн, еммезӧн.
Тӧвнас пещераын джодж да потолок дынын воздухыслӧн температураыс ӧддьӧн неӧткодь. Крестовӧй гротаын торьялӧмыс лоӧ 4°, Руина гротаын — 2,4°. Ва воттез, свод вылісь чеччӧвтӧмӧн, усьӧны, джоджас кынмӧмӧн, кыдз йи сюррез — сталагмиттэз. Кӧр жӧ и своддэз увтын температураыс лэдзчисьӧ 0°-ся улӧжык, пондӧны быдмыны сосулькаэз — сталактиттэз. Ӧддьӧн ӧддьӧн быдмӧны сталактиттэз да сталагмиттэз тулыснас, Йи гӧра вылын лым сылӧтан кадӧ.
Уна вося йиэз вевттьӧны Бриллиантовӧй, Полярнӧй, Данте, Крестовӧй гроттэзлісь джоджсӧ 2 м вылына отӧн. Уна вося йиэзлӧн паськалӧм площадьыс 500 м2 гӧгӧр, а нылӧн объём 350 м3. Аркмывлісӧ нія, унажыксӧ, интенсивнӧй шондӧтчан каддэзӧ, кӧр вылісянь потласьӧммезӧт пыравліс ва, и медбӧрья годдэзӧ тырмӧны усьӧм йи кристалллэз тшӧт весьтӧ. Ӧтік участоккез вылын уна годся йиэз пакталӧны кӧдзыт воздух потокӧн, мӧдіккез вылын, мӧднёж, йи вевдӧрыс содӧ, учӧтмӧтӧ мупытшся галереяэзлісь поперегсӧ, вежӧ воздушнӧй потоккезлісь направленнёэз. Шыльыт йи стенаын, кӧдӧ кералісӧ дас годдэзӧн одзжык Бриллиантовӧй да Полярнӧй гротаэз коласын, экскурсанттэз ӧні адззӧны пыдын нишаэз — йи испареннёлӧн результат. Нія нишаэз пыдӧсын пуксис гипсӧвӧй «пызь» — минеральнӧй коляс, кӧда кӧркӧ сыліс просакайтчан ваын.
Гроттэз
Кунгур мугыркын тӧдса ветланіннэз да гроттэз нюжалӧмась ой-рытвывланьсянь, а сідзжӧ ой-асыввывланьсянь потӧммез кузя да аркмӧтӧны радзза система. Быд вожыс петӧ паськыт гротӧ, кӧдна йитсьӧны дзескыт коридоррезӧн. Туялӧлӧм ветланіннэзлӧн ӧтласа кузяыс лоӧ 5,6 км. Великанлӧн, Географлӧн да мӧдіккезлӧн гроттэзын туялӧм ветланіннэс 40 м пасьтаӧсь, сы дырни своддэзлӧн вылынаыс овлӧ 10 м-ӧдз. Ӧтласа гыркья тӧрытаыс 100 сюрс гӧгӧр. м3. Эшӧ сэтшӧм жӧ ыжда босьтӧны пӧрӧм глыбаэз, сёй, мупытшся водоёммез да йи.
Мугыркас 58 грот. Туристтэзлӧ мунны позьӧ Ыджыт кытшӧт нето Учӧт кытшӧт. Унажык гроттэзас температураыс ноль гӧгӧр, экосистемаыс ӧддьӧн стерильнӧй. Во сьӧрнася температураыс вежласьӧ −20°C-сянь +4°C-ӧдз. Метеорнӧй гротын биӧтӧмыс мыччалӧ, кыдз лэбзьӧ метеор. Медыджытыс — Географрезлӧн грот — 50 сюрс. м3, туристическӧй маршрут вылын — Великан грот — 45 сюрс м3.
Тыэз
Мугыркас 70 ты, медыджыт тыыслӧн (Ыджыт мупытшкся ты) тӧрытаыс 1300 м3, ыждаыс 1460 м2, пыдынаыс — 5 м-ӧдз. Тыэзас пантасьӧны Хлебниковлӧн крангоникссэз (Crangonyx chlebnikovi) да поснитик чеччассез[7].
Ты пыдӧсся отложеннёэз увтын бурӧвӧй скважинаэс осьтӧны филипповскӧй горизонтлісь доломиттэз. Ваын умӧля сылан доломит пласттэз дзескӧтӧны пороккезлісь быдмӧмсӧ. Этӧн и объясняйтчӧ берся тыэзлӧн ӧткодь кодь пыдынаыс.
Мукӧд кадӧ тыэзлӧн тшупӧтыс 0,1-0,4 м-ӧн Сылвася вылынжык. Но мугыркся тӧдса галереяэзын мупытшкся ваэзлӧн ыслӧтыс видзӧтӧ не юланьӧ, кыдз коліс бы видзчисьны, а Йыа керӧс пытшкӧ, Географфез грот вылӧ. Ты дынӧ эта гротын котӧртӧ мугыркыс кузя шор. Новду, Географфэз гротлӧн эм йитӧт тӧдтӧм галереяэзкӧт, кӧдна сибӧтчӧны ю дынӧ увланьынжык.
Мугыркся тыэзісь валӧн температураыс вежсьӧ ру температуракӧт ӧтлаын. 1980 воӧ Ыджыт тыын сія вежласис тӧвнас +5°-сянь гожумнас +5,2°-ӧдз, Кузь гротын — +3,7-сянь +4°-ӧдз. Великан гротісь тыэз вылын тӧвнас мыччисьӧ йы, а Вышка грот тыэз 1973 воӧ тӧвнас кынмӧмась пыдӧсӧдз, и дзир 1979 вося коста сылӧмась.
Во сьӧрна мупытшкся тыэзлӧн ваыс минерализуйтӧм матын гипсӧн тырви тыртӧм дынӧдз — 2,1-2,2 г/л. Руалӧм коста, а сідзжӧ мӧдік пытшкӧса ваэз пырӧмсянь, ӧддьӧн сук ваись усьӧны кальцит да гипс кристаллэз. Тыэз вевдӧрын аркмӧны ӧтлаасьӧм кристалллэзісь ляккез, а мукӧд тыэзын быдмӧ ӧтласа корзьӧм, кӧда вачкисьӧ гудыр йы вылӧ.
Ва пырӧммез
Сылва ю ыджыт ва коста мугырк тыэзын ваыс лэбӧ 0,8-1,6 м-ӧдз. Мугыркын ытваыслӧн пик кольччӧ 5-11 лункӧв кежӧ ю сьӧрті. Шӧрӧт вылына ытва дырни тыэс кольччӧны сӧдзӧсь. 1979 воӧ Кунгурын Сылваыс лэбис матӧ 8 м вылӧ, мугыркыс дынын 120,74 м пасйӧтӧдз. Ваыс разис кынымкӧ дамба, и городлісь ӧтік тор вӧлі вӧтьӧм. Мугырк пыранінсӧ петіс аскадӧ тыртны сёйӧн. Но ваыс адззис кытшӧвтан туй сэтчинӧ, кытӧн юыс топыта сибӧтчӧ гипсӧвӧй крутаэз дынӧ. Глыбовӧй заваллэзӧт фильтруйтчӧмӧн ю ваэз пырӧмась Вышка гротӧ и вӧтьӧмась джоджлісь лажмытінсӧ. Вайӧм шонытсянь син одзын сылісӧ, киссисӧ своддэз вылісь йи кристаллэз. Гудыр ваыс визывтіс Великан, Кузь гроттэзӧ и одзлань пещера пытшкӧ. Тыэз ӧтлаасисӧ, лоисӧ вильӧсь сэтчин, кытӧн эзӧ вӧлӧ. Гроттэз вӧлӧмась джынвыйӧ ойдӧмӧсь. Мупытшся ваэзлӧн уровеньыс лэбтісис 4 метра вылӧ. Ва увтын вӧлі экскурсионнӧй маршрут Крестовӧй гротсянь Ыджыт тыӧдз да бӧр туй. Сёй завал пыр ваыс пырӧма сідзжӧ пыран туннельӧ и кольӧма джоджас йы. Мупытшкся ваэс лэдзчисисӧ тӧлісь кежӧ. Мугыркыс вӧлі пӧдана экскурсанттэз понда. Ва мунӧм бӧрсянь джоджас кольччис лайковӧй осадоккезлӧн слӧй, кӧдна эз косьмывлӧ уль руын, кыссисӧ кынымкӧ осадоккез, тыртісӧ туйсӧ.
Ю ваэзлӧн 0,25 г/л минерализуйтчӧмӧн пырӧмкӧт ӧтлаын мунӧ сульфатнӧй породаэзлӧн ыджыт раствор да петкӧтчӧм. Ваыслӧн выныс ӧддьӧн ыджыт туй пондӧтчанінас, кытӧн мунӧ глыбовӧй осадоккез пыр фильтруйтӧм. 1979 вося ытва бӧрсянь юэзлӧн васӧ босьтаніныс лоис ыджыт оползёӧн, кӧда аркмис вились аркмӧм кушин весьтын.
Одзжык, ыджыт ваэз коста, мугыркас юэзісь пыралісӧ уна гырись чериэз. Нылісь скелеттэсӧ неӧтпырись адззывлісӧ сёйӧтӧм джодж пыдӧссэзісь.
Виль галереяэз осьтан проект
Тӧдса, что Сӧветскӧй Союзын уна пещераэзлӧн кузяыс комплекснӧй спелеологическӧй исследованиеэз понда унапӧв содіс. Кунгурскӧй пещералӧн галереяэзлӧн жӧ общӧй кузяыс 1947 восянь 1979 воӧдз содіс только 4,8 км-сянь 5,6 км-ӧдз. Уна уввес сылӧн кончайтчӧны гырись глыбаэзісь керӧм заваллэз одзын, кӧднаӧт оз позь мунны взрывтэзтӧг. Взрывчаткаэзӧн вӧдитчӧмыс жӧ не только йитчӧма ыджыт расходдэзкӧт, но часто оз позь гипсӧвӧй своддэзлӧн недостаточнӧй крепость понда.
Пещера план вылын, кӧдӧ лӧсьӧтіс С. Ремезов, важ пыранінсянь асывланьын мыччалӧма галерея, кӧда кончитчӧ гротӧн «естественнӧй каменнӧй тшупӧттэзӧн». Важся гижӧттэзын галереяыс йылісь торйӧтӧма квать гротӧдз. Эмӧсь сідзжӧ кытшӧмкӧ индӧттэз сы вылӧ, что Кунгурскӧй пещералӧн тӧдса галереяэз мунӧны ойланьӧ — гидрогеологическӧй водоразделланьӧ да рытланьӧ — Сылва веськыт берег пӧлӧн. Например, глыбовӧй осадоккез пытшкын, кӧдна пӧдналӧны галереяэзлісь продолженнё, чувствуйтсьӧ воздухлӧн движеннё, кӧда вештӧ сисьлісь бисӧ мӧдӧрӧ. Пещералісь да Ледовитӧй керӧслісь детальнӧй планнэз ӧтлаӧтӧм бӧрын абу сьӧкыт казявны, что провальнӧй вороноккезлӧн цеппез нюжалӧны ойланьӧ да рытланьӧ разведайтӧм галереяэз сьӧрті. Электроразведка отсӧтӧн сія жӧ направленнёэзын вӧлісӧ видзӧтӧмӧсь тӧдтӧм пустотаэз. Медыджыт интерес мупытшся разведка понда петкӧтӧ кыдз раслӧн участок Кунгурскӧй городищесянь рытвывланьын. Гырись провальнӧй вороноккез чукӧртчӧм гипс петӧммезӧн висьталӧ сы йылісь, что пыдын эмӧсь ыджыт тыртӧммез.
Мӧдік перспективнӧй участокыс мупытшся туйез кошшӧм понда куйлӧ Йи гӧра ойвыв-рытвыв ладорын, Байдарашка урочищеын. Му вевдӧрыс татӧн тырӧма уна карстӧвӧй впадинаясӧн быдкодь формааӧсь да ыждааӧсь.
Кунгурскӧй пещера пытшкын виль галереяэз осьтӧм, а сідзжӧ Йи гӧра межаэзын виль пещераэз осьтӧм содтас заповедниклісь мупытшся юкӧнсӧ и ӧтік кадӧ сетас позянлун паськӧтны чорыта видзан зона.
Медбы видзны дона экскурсионнӧй объекттэз да карстовӧй ландшафт, колӧ видзны быдӧс пещера вевдӧрись участоксӧ, Йыа керӧс лунвыв дорсӧ, кытӧн быдмӧны пожум да кыдз рас, да Байдарашка урочище. Локтан кадӧ Йыа керӧс вылын видзан участоккес долженӧсь пырны заповедник составӧ, кытчӧ пырӧны Спасскӧй да Подкаменнӧй керӧссэз.[8]
2021 воӧ Россия наука Урал отделениеись Горнӧй институтлӧн Кунгурскӧй лабораторияись учёнӧй-спелеологгез помалісӧ виль, тодиляжык топосъёмка, пыртісӧ мӧдік учӧтжык пырантуйез, да тӧдісӧ, мый мугырклӧн кузяыс 8153 м.
Факттэз
- Медодзза экскурсияэсӧ 1914—1951 воэзӧ чулӧтліс А. Т. Хлебников, кӧда сідзжӧ туяліс мугырксӧ.
- Ӧтік легенда сьӧрті, 1578—1579 воэзі мугырскыс дынын тӧвйис Сибирьӧ мунтӧдз Ермаклӧн отряд.
- 1914 во гожумшӧр 13 лунӧ мугыркас вовліс немецкӧй принцесса Виктория фон Баттенберг Луиза нывнас. Сія вӧлі Николай II иньлӧн, Александра Фёдоровналӧн очасой.
- 2003 воӧ петіс «Большой Урал и Екатеринбург» нима документальнӧй фильм, кӧдаын вӧлі Кунгур мугырк йылісь сюжет.
- 1974 во одзтӧв 31 лунӧ студенттэз-спелеологгезісь группа панталіс Виль восӧ мугыркас, сідз кыдз петаніныс вӧлі тыртӧм киссьӧм породаӧн.[9]
Галерея
Бриллиантовӧй грот (сія жӧ Полярнӧй) — сыын ру температураыс пыр нулься учӧтжык, да йыыс оз сыв
Данте грот — вевтся аркмӧм блоккез
Саридз пыдӧс нима грот
Скульптурнӧй грот
Кузь гротісь Мупытшкся ты
Вышка гротісь Шыр фигура
Пасйӧттэз
- ↑ Историко-природный комплекс «Ледяная гора и Кунгурская ледяная пещера».
- ↑ Нина Архипова. В. Н.ТАТИЩЕВ — ПЕРВОПРОХОДЕЦ УРАЛЬСКОЙ ГЕОГРАФИИ. Литературно-краеведческий альманах «Уральская старина». Выпуск № 5, 2003 г.
- ↑ Киттары, Модест Яковлевич // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ Столетие первого карстоведа.
- ↑ Алёна Григорьева Кунгурская ледяная пещера: как добраться и на что смотреть (10 мая 2024).
- ↑ Всероссийская премия туристических маршрутов. Russian Travel Tour Awards. Объявлены победители Всероссийской туристской премии «Маршрут года» 2019.
- ↑ Обитатели Ледяной пещеры. Ледяная пещера. http://www.icecave.ru/cavelife/invertebrates/10.html Архивная копия от 16 Гожумшӧр 2019 на Wayback Machine
- ↑ Дорофеев Е. П., Лукин В. С. Кунгурская ледяная пещера / Памятники природы Пермской области Архивная копия от 27 Одзгожум 2015 на Wayback Machine. Составитель Л. Баньковский. — Пермь: Кн. изд-во, 1983. — С.41-52.
- ↑ Новый год в ледяной пещере.
Литература
- Дорофеев Е. П., Лукин В. С. Кунгурская ледяная пещера / Памятники природы Пермской области. Составитель Л. Баньковский. — Пермь: Кн. изд-во, 1983. — С.41-52.
- Дублянский В. Н., Кадебская О. И. По Кунгурской ледяной пещере. — Пермь, 2004. — 136 с. — ISBN 5-88187-230-4.