Кузнецов Николай Семёнович
| Кузнецов Николай Семёнович | |
|---|---|
|
| |
 ВКП(б) Кустанайскӧй обкомлӧн медодзза секретарь
|
|
| 1937 во тулысшӧр — 1937 во аршӧр | |
|
|
|
| Чужӧм |
1898 во |
| Кулӧм |
1967 во |
| Партия |
РСДРП(б) 1917 вося тулысшӧрсянь |
Кузнецов Николай Семёнович (1898 во, Кӧс, Чердынскӧй уезд[d], Пермскӧй губерния[d], Российскӧй империя[d] — 1967 во, Краснодар ладор, РСФСР[d], СССР[d]) — ВКП(б) уджалісь, Коми-Пермяцкӧй окружкомлӧн медодзза секретарь, Кустанайскӧй обкомлӧн медодзза секретарь. СССР-лӧн Медвылісь Советлӧн 1-а созывся депутат. Пырис СССР НКВД-лӧн особӧй тройкаӧ.
Олантуй
Чужис 1898 воӧ Пермскӧй губерниялӧн Чердынскӧй уездісь Кӧс посадын.
1916—1917 воэзӧ участвуйтіс Медодзза мировӧй войнаын российскӧй армияын. 1917 вося тулысшӧрӧн пырис РСДРП(б)-ӧ. Сэсся, 1917—1919 воэзӧ, партизанскӧй отрядлӧн командир.
- 1919—1929 воэзӧ — партиялӧн районнӧй комитеттэз котыртӧм сьӧрті РКП(б) Пермскӧй губернскӧй комитетлӧн уполномоченнӧй, РКП(б) Кӧчладорся районнӧй комитетлӧн секретарь (Пермскӧй губерния), Чердынскӧй уезднӧй ЧК-лӧн член (Пермскӧй губерния), Асыввывся уджалісьпӧлӧслӧн Коммунистическӧй университетын партийнӧй организатор, советскӧй да партийнӧй строительстволӧн Коми областнӧй школаӧн юралісь, ВКП(б) Коми-Пермяцкӧй окружнӧй комитетлӧн ответственнӧй секретарь[1].
- 1920—1922 воэзӧ — велӧтчис Я. М. Свердлов нима Коммунистическӧй университетын.
- 1928 во — астӧг помаліс Уральскӧй политехническӧй институтлісь вӧртехника факультет, кӧда сёрӧнжык лоис асуджалана Урался вӧрвӧдитан институтӧн.
- 1929—1930 воэзӧ — ВКП(б) ЦК-лӧн ответственнӧй инструктор, ВКП(б) ЦК-лӧн Организационно-инструкторскӧй отделӧн юралісьлӧ отсалісь.
- 1930—1933 воэзӧ — велӧтчис Гӧрд профессуралӧн Историко-партийнӧй институтын.
- 1933—1935 воэзӧ — Тайчинскӧй машинно-тракторнӧй станцияись политическӧй отделлӧн начальник (Северо-Казахстанскӧй область).
- 1935—1936 воэзӧ — ВКП(б) Северо-Казахстанскӧй областнӧй комитетлӧн мувӧдитан овмӧс юкӧтӧн юралісь.
- 1936—1937 вося арпомӧдз — ВКП(б) — Казахстан КП(б) Кустанайскӧй районнӧй комитетлӧн 1-а секретарь.
- 1937 вося тулысшӧрсянь аршӧрӧдз — Казахстан КП(б) Кустанайскӧй областнӧй комитетлӧн 1-а секретарь. Сы кадӧ пырис особӧй тройка составӧ, кӧда вӧлі аркмӧтӧм СССР НКВД-лӧн 1937.07.30 № 00447 приказ сьӧрті[2] да активнӧя участвуйтіс сталинскӧй репрессияэзын[3].
- 1937 во арпомсянь 1938 во тулыспомӧдз — КП(б) Казахстанын Северо-Казахстанскӧй областнӧй комитетлӧн 1-а секретарьлісь удж керись.
1937 во одзтӧв 12 лунӧ вӧлі бӧрйӧм Казахскӧй ССР-сянь СССР Медвылісь Советлӧн 1-а созывся Союз Советӧ.
Арестуйтӧм 1938 во тулыспом 21 лунӧ. Судитӧм 1940 во аршӧр 26 лунӧ 10 во кежӧ ИТЛ-ын. Лэдзӧм 1947 воӧ.
Петӧмыс бӧрын 1958 воӧ пенсия вылӧ петтӧдз уджаліс медшӧр специальностьыс сьӧрті[4]:
- 1947—1948 вз. — лесхоз директор (Бухара);
- 1948—1951 вз. — Троицкӧй совхозкостся вӧрбыдтанінлӧн директор;
- 1951—1953 вз. — совхозкостся вӧрбыдтанінлӧн директор Краснодарскӧй крайын;
- 1953—1958 вз. — Таманскӧй машинно-тракторнӧй станцияись агроном-лесомелиоратор (Краснодарскӧй край).
Куліс 1967 вося одзгожумӧн Краснодарскӧй крайын.
Пасйӧттэз
- ↑ Кузнецов Николай Семёнович. Пермский государственный архив социально-политической истории. Видзӧтӧм 2 Гожумшӧр 2026.
- ↑ Документ:Составы троек в 1937−1938 годах — Кадровый состав НКВД 1935-1939. Видзӧтӧм 2 Гожумшӧр 2026.
- ↑ Приложение 2. Составы троек НКВД—УНКВД 1937–1938 гг., созданных для рассмотрения дел арестованных в ходе массовой операции по приказу НКВД СССР № 00447 от 30 июля 1937 г.. Видзӧтӧм 2 Гожумшӧр 2026.
- ↑ Кузнецов Николай Семёнович. Справочник по истории Коммунистической партии и Советского Союза 1898 - 1991. Видзӧтӧм 2 Гожумшӧр 2026.
Литература
- Ашимбаев Д. Р. Кто есть кто в Казахстане. Биографическая энциклопедия. — Алматы, 2008.