Кудымов Дмитрий Александрович

Босьтöм Рувикиись
РУВИКИ-ын эмӧсь статьяэз мӧдік морттэз йылісь гижсянӧн Кудымов.
Кудымов Дмитрий Александрович
Кудымов Дмитрий Александрович Советские асы.jpg
Чужан лун 1909 во тӧвпом 21 лун
Чужанін Верх-Юсьва, Соликамскӧй уезд, Пермскӧй губерния, Российскӧй империя
Кулан лун 2003 во арпом 23 лун
Куланін Таллин, Эстония
Киндор  СССР
Войскоэз род саридзвывся авиация
Званнё полковник
Сраженнёэз/войнаэз Японо-китайскӧй война
Великӧй Отечественнӧй война
Донтан пассэз
Гӧрд Дӧрапас орден Гӧрд Дӧрапас орден Гӧрд Дӧрапас орден Гӧрд Дӧрапас орден Гӧрд Дӧрапас орден Отечественнӧй войнася I тшупӧта орден Гӧрд Кӧдзув орден Гӧрд Кӧдзув орден медаль «За боевые заслуги» медаль «За оборону Ленинграда» медаль «За оборону Одессы» медаль «За оборону Севастополя» медаль «За победу над Германией в Великой Отечественной войне 1941—1945 гг.»
Отставкаын 1953

Кудымов Дмитрий Александрович (1909 во тӧвпом 21 лун, Верх-Юсьва, Соликамскӧй уезд, Пермскӧй губерния, Российскӧй империя — 2003 во арпом 23 лун, Таллин, Эстония) — советскӧй лётчик-ас, Японо-китайскӧй да Великӧй Отечественнӧй войнаэзын участник, петкӧтӧм Советскӧй Союзлӧн Герой званнё дынӧдз, гижись.

Олантуй

[вильмӧтны | править код]

Чужӧм да велӧтчӧм[вильмӧтны | править код]

Верх-Юсьваись Вежа Степан Великопермскӧй вичку 1909 вося метрика небӧг сьӧрті, чужӧм 1909 во тӧвпом 8 лунӧ (вильмоза тӧвпом 21 лунӧ) Верх-Юсьваын Александр Евдокимович да Агриппина Дмитриевна Кудымоввез семьяын.[1] Официальнӧй биографияэзас пуктӧм мӧдік чужан кад — 1909 во тӧвпом 11 лун. Помаліс Верх-Юсьваись 5 класса школа. Кык во сьӧрна велӧтчис Юсьваись колхознӧй томпӧлӧс школаын[2]. 1931 воӧ помаліс Кунгурись кооперация школа да вӧлі ыстӧм уджавны Свердловскӧй областьӧ райпотребсоюз инспекторӧн[3].

1931 во аршӧрӧ вӧлі босьтӧм Гӧрд Армияӧ да ыстӧм велӧтчыны Качинскӧй военнӧй лётнӧй школаӧ. Помаліс сійӧ 1934 воӧ[4] да вӧлі ыстӧм кысъявны Тихоокеанскӧй флот ВВС-ісь 9 истребительнӧй торья авиаэскадрильяӧ.

Японо-китайскӧй война[вильмӧтны | править код]

1937—1938 воэзӧ участвуйтіс Японо-китайскӧй войнаын кыдз доброволец Гоминьдан ВВС составын. Керис 175 боевӧй вылет И-16-ӧн. Чулӧтіс 20 мымда бой. Ныын вермис 4 японскӧй самолёт ачыс. 1938 во тӧвпом 18 лунӧ вӧлі уськӧтӧм самболётнас, куліс госпитальын Наньчань карын, сэсся эвакуируйтӧм СССР-ӧ. Японо-китайскӧй война коста ошкӧм Гӧрд Дӧрапас да Гӧрд Кӧдзув орденнэзӧн. 1939—1940 воэзӧ велӧтчис Липецкын Высшӧй лётно-тактическӧй курссэз вылын. Помаліс гӧрд дипломӧн да капитан званнёӧн. Вӧлі ыстӧм Сьӧд саридзвывся флот ВВС-ӧ.

Великӧй Отечественнӧй война[вильмӧтны | править код]

Дорйис Одесса, Николаев, Севастополь. Вӧлі ошкӧм Гӧрд Дӧрапас орденӧн танккез штурмуйтан виль тактика понда. 1943 во тӧвшӧрӧ вӧлі ыстӧм Балтика саридзвывся флот ВВС 21 авиаполкӧ. Арпомсянь лоис полк командир вежлісьӧн. 1943 во гожум кеж керис 425 боевӧй вылет да чулӧтіс 40 бой. Вӧлі кыкись уськӧтӧм да куимись лыйӧм зениткаэзісь.

1944 воӧ вӧлі петкӧтӧм Советскӧй Союзлӧн Герой званнё дынӧдз, петкӧтӧмсӧ колисӧ видзӧттӧг[5].

Великӧй Отечественнӧй коста быдӧссӧ керис 553 боевӧй вылет, уськӧтіс 12 враг самолёт ачыс да 29 самолёт группаӧн.

Война бӧрын[вильмӧтны | править код]

Великӧй Отечественнӧй война бӧрын кольччис армияас, уджаліс дивизия инспекторӧн, старшӧй лётчик-инспекторӧн[2].

Муніс армиясис 1953 воӧ полковник званнёӧн. Оліс Таллинын, Эстонияын. Быдтіс кык ныв да зон[3][6].

Куліс 2003 во арпом 23 лунӧ. Дзебӧм Таллинын[3].

Гижан удж

[вильмӧтны | править код]

Гижис рочӧн документальнӧй проза да мемуаррез. Лэдзис кык авторскӧй небӧг. Сы статьяэс петалісӧ берся авиация история йылісь ӧктӧттэзын.

Небӧггес[вильмӧтны | править код]

  • Кудымов Д. А. Огненная высота. — Пермь: Пермское книжное издательство, 1980. — 174 с.
  • Кудымов Д. А. Крылом к крылу / Д. А. Кудымов. — 2-е изд., перераб. и доп. —Таллин : Ээсти раамат, 1987. — 149 c.

Донтан пассэз

[вильмӧтны | править код]
  • 5 Гӧрд Дӧрапас орден (01.04.1938, 16.09.1941, 25.12.1943, 28.12.1944, 27.12.1951)[7]
  • 2 Гӧрд Кӧдзув орден (14.11.1938, 05.11.1946)[7]
  • Отечественнӧй войнася I тшупӧта орден (10.04.1943)[7]
  • «Боевӧй заслугаэз понда» медаль (03.11.1944)[7]
  • «Севастополь дорйӧм понда» медаль[7]
  • «Ленинград дорйӧм понда» медаль[7]
  • «Одесса дорйӧм понда» медаль[7]
  • «1941-1945 воэзся Великӧй Отечественнӧй войнаын Германия вермӧм понда» медаль[7]

Касьтылӧм

[вильмӧтны | править код]
  • Верх-Юсьваын Дмитрий Кудымов нимӧн шуӧм улица[8], кытӧн сія быдмис.
  • Коми-Пермяцкӧй округись ветеранскӧй организацияэз 2000-ӧт воэзянь пессьӧны Кудымовлӧ Советскӧй Союзлӧн Герой званнё сетӧм понда[6].

Пасйӧттэз

[вильмӧтны | править код]
  1. ↑ Верх-Юсьвинская Стефановская церковь. Метрическая книга о рождении, бракосочетании, смерти за 1909 год. ГКБУ «Коми-Пермяцкий окружной государственный архив». Видзӧтан кад 26.03.2025.
  2. ↑ 1 2 К Дню Победы над Японией и окончания Второй мировой войны (1945). О Кудымове Д. А. ГКБУК «Коми-Пермяцкий краеведческий музей» (видзӧтан кад 27.03.2025)
  3. ↑ 1 2 3 Кудымов Дмитрий Александрович // Годы испытаний : Коми-Пермяцкий округ в Великой Отечественной войне 1941—1945 гг.: историко-документальная хроника / [автор-составитель Ю. П. Зубов]. — Пермь : Научно-исследовательская издательская фирма «Горт», 2005. — С.169. — 312 с.
  4. ↑ Выпуск 1934 г. Качинское высшее военное авиационное ордена Ленина Краснознамённое училище лётчиков имени А. Ф. Мясникова (видзӧтан кад 27.03.2025)
  5. ↑ Яна Яновская. Как военному лётчику из Коми округа звание Героя не дали Парма-Новости 30.07.2023 (видзӧтан кад 27.03.2025)
  6. ↑ 1 2 Героев коми-пермяков может стать больше Парма-новости 06.11.2014 (видзӧтан кад 27.03.2025)
  7. ↑ 1 2 3 4 5 6 7 8 Кудымов Дмитрий Александрович Память народа (видзӧтан кад 27.03.2025)
  8. ↑ Улица Кудымова, село Верх-Юсьва, Кудымкарский муниципальный округ, Пермский край // Яндекс. Карты

Ыстӧттэз

[вильмӧтны | править код]
Босьтӧма "https://koi.ruwiki.ru/w/index.php?title=Кудымов_Дмитрий_Александрович&oldid=129726"-ись