Кудымкарскӧй муниципальнӧй округлӧн герб
| Кудымкарскӧй муниципальнӧй округлӧн герб | |
|---|---|
 | |
| Ассяматоррез | |
| Бурсьӧтӧм | 2010 во аршӧр 4 лун |
| Юркытш | Муниципальнӧй округлӧн юркытш |
| РФ КГР-ын номер | 7017 |
Кудымкарскӧй муниципальнӧй округлӧн герб (рочӧн Герб Кудымкарского муниципального округа) — Российскӧй Федерацияись Пермскӧй крайлӧн Кудымкарскӧй муниципальнӧй округлӧн официальнӧй символ.
Кудымкар районлӧн ӧнняся герб вӧлі вынсьӧтӧм Кудымкар муниципальнӧй районлӧн Земскӧй Собраннёӧн 2010 во аршӧр 4 лунся № 63 «Пермскӧй крайлӧн Кудымкар муниципальнӧй районлӧн герб да дӧрапас йылісь положеннёэз вынсьӧтӧм йылісь» решеннёӧн[1]; вились вынсьӧтӧм Кудымкар МО Думалӧн 2020 во тӧвшӧр 30 лунся № 12 решеннёӧн кыдз Кудымкарскӧй муниципальнӧй округлӧн герб[2]; Кудымкар кар муниципальнӧй округ бердӧ ӧтлаӧтӧм бӧрын герб вӧлі вились вынсьӧтӧм Кудымкарскӧй муниципальнӧй округ Думалӧн 2022 во одзтӧв 28 лунся № 101 решеннёӧн да пыртӧм Российскӧй Федерациялӧн канмуся геральдическӧй регистрӧ 7017 номерӧн[3].
Герб гижалӧм
Векнит виж дорреза эзысь рӧма фон вылын серпасалӧм коми вӧралісь. Сія сулалӧ веськыта да бергӧтӧм юрсӧ веськытланьӧ, да веськыт кинас видзсьӧ сувтса сьӧд рӧма да эзысь рӧма йыла ши бердӧ. Вӧралісьлӧн пашкыр зарниа рӧма юрси да тош. Сы вылын паськомыс гӧрд йӧрнӧс да виззя сьӧд вешьян. Коккезас гӧрд воня да эзысь рӧма нямӧта сьӧд котіэз (традиционнӧй кӧмкӧт). Вевдӧрас лузан — вӧралісьлӧн тодиль паськӧм. Сія йиалӧм серӧтӧм эзысь йиӧн да сы сайӧ сюйыштӧм эзысь рӧма пуртӧс. Вӧралісьыс фигура вевдӧрын, серпасыс вывланьын, серпасалӧм гӧрд перна.
Символика
- коми вӧралісь (герблӧн медшӧр фигура) мыччалӧ территориялісь важ кадсӧ, кытӧн оліс коми-пермяцкӧй отир, кӧдалӧн ӧтік шӧр удж вӧлі вӧралӧм;
- перна — шонділӧн символ, коми отирлӧн национальнӧй сер;
- эзысь рӧм — тыр-бур, сӧстӧмлӧн, эскӧмлӧн, мирлӧн символ;
- зарни рӧм — эмбур, ыждалӧм, вынлӧн да сьӧлӧмалӧмлӧн символ;
_(2004).png)
- гӧрд рӧм символизируйтӧ удж, бур олӧм, мич да гаж;
- сьӧд рӧм символизируйтӧ му чужтӧм, да сідзжӧ сьӧд рӧмыс вежӧрлӧн, артлӧн да окытлӧн символ;
- виж рӧм мыччалӧ территориялісь вӧрва, сы киння, виж рӧмыс лоӧ ловзьӧмлӧн, оланлӧн, гажлӧн да зорамӧмлӧн символӧн.
История
Кудымкарскӧй районлӧн Земскӧй Собраннёлӧн 2004 во одзгожум 24 лунся № 48 «Кудымкарскӧй районлӧн муниципальнӧй юкӧтлӧн герб йылісь» постановленнёӧн вӧлӧ вынсьӧтӧм Кудымкарскӧй районлӧн герб. Гербыслӧн гижалӧм: "Эзысь рӧма от веськытланьын да шульгаланьын виж дора шӧрын серпасалӧм коми вӧралісь паськӧма айморт фигура, кӧда видзсьӧ ши бердӧ, тоша чужӧмыс бергӧтӧма веськытланьӧ. Фигура юр весьтын гӧрд перна. Гербсӧ улісянь кытшӧвтӧ гӧрд лента, кӧдаӧ кык ладорсянь сюйытӧмӧсь зарни рӧма шеппез. Шӧрас лента вылын эзысьӧн гижӧм «Кудымкар район».
_(2010).png)
Кудымкарскӧй районлӧн Земскӧй Собраннёлӧн 2010 во аршӧр 4 лунся № 63 «Пермскӧй крайлӧн Кудымкар муниципальнӧй районлӧн герб да дӧрапас йылісь положеннёэз вынсьӧтӧм йылісь» решеннёӧн вӧлі вынсьтӧм Кудымкарскӧй районлӧн герб. Гербыслӧн гижалӧм: «Векнит виж дорреза эзысь рӧма фон вылын серпасалӧм коми вӧралісь. Сія сулалӧ веськыта да бергӧтӧм юрсӧ веськытланьӧ, да веськыт кинас видзсьӧ сувтса сьӧд рӧма да эзысь рӧма йыла ши бердӧ. Вӧралісьлӧн пашкыр зарниа рӧма юрси да тош. Сы вылын паськомыс гӧрд йӧрнӧс да виззя сьӧд вешьян. Коккезас гӧрд воня да эзысь рӧма нямӧта сьӧд котіэз (традиционнӧй кӧмкӧт). Вевдӧрас лузан — вӧралісьлӧн тодиль паськӧм. Сія йиалӧм серӧтӧм эзысь йиӧн да сы сайӧ сюйыштӧм эзысь рӧма пуртӧс. Вӧралісьыс фигура вевдӧрын, серпасыс вывланьын, серпасалӧм гӧрд перна».
Пасйӧттэз
- ↑ Кудымкарский район. Сайт губернатора и Правительства Пермского края. Видзӧтӧм 25 Тулыспом 2026.
- ↑ 100 лет Кудымкарскому муниципальному округу Пермского края. Пермская государственная краевая универсальная библиотека им. А. М. Горького. Видзӧтӧм 25 Тулыспом 2026.
- ↑ Символика Кудымкарского муниципального округа. Кудымкарский муниципальный округ. Видзӧтӧм 25 Тулыспом 2026.