Кравчук Виктор Петрович

Кравчук Виктор Петрович
РФ ВСФ Балтикавывся флотӧн командующӧй
2012 во одзар 14 лун — 2016 во одзгожум 29 лун
Президент	Владимир Путин
Одззася уджалісь	Виктор Чирков
Одзлань уджалісь	Александр Носатов
Каспийвывся флотилияӧн командующӧй
2005 — 2009 во одзтӧв 26 лун
Президент	Владимир Путин Дмитрий Медведев
Одззася уджалісь	Юрий Старцев
Одзлань уджалісь	Сергей Алекминский
Чужӧм	1961 во тӧвшӧр 18 лун(1961-01-18) (65 лет) Усолье район, Пермскӧй область[d], РСФСР[d], СССР[d]
Партия	Cоветскӧй Союзісь коммунистическӧй партия[d]
Велӧтчӧм	Российскӧй Федерация Вооружённӧй выннэзлӧн Генеральнӧй штаб бердся военнӧй академия[d] Тихоокеанскӧй военнӧй саридзвывся институт[d] Н. Г. Кузнецов нима военнӧй саридзвывся академия[d]
Донтан пассэз
Военнӧй кысйӧт
Кысъялӧм воэз	1978-2016
Киндор	СССР→ Российскӧй Федерация
Войскаэз род	Россиялӧн ВСФ
Званнё
Командуйтіс	Каспийвывся флотилия; Балтикавывся флот
Медиафайлы на РУВИКИ.Медиа

Кравчук Виктор Петрович (1961 во тӧвшӧр 18 лун, Усолье район, Пермскӧй область^[d]) — российскӧй военачальник. Россиялӧн ВСФ Балтикавывся флотӧн командующӧй (2012—2016), вице-адмирал (2007).

Олантуй

Кравчук Виктор Петрович чужис 1961 во тӧвшӧр 18 лунӧ Пермскӧй областьлӧн Усольскӧй районісь ӧння кадӧдз ӧшӧм ним Палашер посёлокын. 1978 восянь 1983 воӧдз велӧтчис С. О. Макаров нима Тихоокеанскӧй вылісь военно-саридзвывся училищеын.

Пондӧтіс кысъявны сторожевӧй корабльлӧн штурманскӧй боевӧй частьлӧн командир должностьын. 1983 восянь 1987 воӧдз вӧлі Лӧнь океан флотын ракетнӧй катерлӧн командирӧн. 1987—1988 воэзӧ велӧтчис ВСФ-лӧн вылісь специальнӧй офицерскӧй классын. 1988 восянь 1999 воӧдз кысъяліс штабӧн начальникӧн да ракетнӧй катеррез бригадаын командирӧн. 1997 воӧ помаліс Советскӧй Союз флотлӧн адмирал Кузнецов нима военно-саридзвывся академия. 1999—2000 воэзӧ кысъяліс вооруженнё да вооруженнё уджӧтӧм службаын начальникӧн — Каспийвывся флотилияӧн командующӧйӧс вежлісьӧн.

2000 восянь 2002 воӧдз велӧтчис Вооруженнӧй Выннэз Генеральнӧй штаблӧн Военнӧй академияын. Академиясӧ помалӧм бӧрын, 2002—2003 воэзӧ, кысъяліс Каспийвывся военнӧй флотилияӧн командующӧйӧс вежлісьӧн, да 2003 восянь 2005 воӧдз — штабӧн начальникӧн. Контр-адмирал (22.02.2004). 2005 воӧ пуктӧм Каспийвывся флотилиялӧн командующӧйӧн.

2009 во одзтӧв 26 лунӧ РФ президентлӧн указӧн вӧлі пуктӧм Балтикавывся флотӧн командующӧйӧс вежлісьӧн. 2012 вося тулыспомсянь вӧлі Балтикавывся флотлӧн командующӧйӧн, 2012 во одзар 14 лунӧ вӧлі пуктӧм Балтикавывся флотӧн командующӧйӧн. Сы командуйтӧм увтын Балтикавывся флот участвуйтіс ӧтласа «Запад-2013» нима стратегическӧй учениеэзын да «Щит Союза-2015» нима оперативнӧй учениеэзын.

Уджись кидтӧм да суддэз

2016 во одзгожум 29 лунӧ РФ дорйӧм министр армия генерал Сергей Шойгу тшӧктӧм сьӧрті вице-адмирал Виктор Кравчукыс вӧлі кидтӧм Балтикавывся флотӧн командующӧй кысъян уджись «боевӧй лӧсьӧтӧмын ыджыт енӧвтчӧм кузя, да сідзжӧ делоэзлісь реальнӧй олӧмсӧ докладдэзын ылӧтлӧм кузя».

РФ президент Владимир Путин указӧн сія вӧлі кидтӧм военнӧй кысйӧтісь «военнослужащӧйсянь контракт условиеэзӧ видзсьытӧм кузя» формулировкаӧн. В. П. Кравчук сетіс иск РФ Медвылісь судӧ, медбы вежны формулировкасӧ лысинвидзӧм кузя уволитӧм вылӧ.

2016 во арпом 23 лунӧ РФ Медвылісь судлӧн Военнӧй коллегия шуис уджись кидтӧмсӧ законнӧйӧн да откажитіс исксис. 2017 вося тӧвпомӧн РФ Медвылісь судлӧн Апелляционнӧй коллегия колис бӧркывсӧ вынаӧн.

Ас олӧм

Гӧтыра, эм зон.

Донтан пассэз

• «Военнӧй заслугаэз понда» орден (2005 во одзгожус 6 лун);
• «СССР-лӧн Вооружённӧй Выннэзлӧ 70 во» юбилейся медаль;
• «Воинскӧй доблесть понда» II тшупӧта медаль;
• «Боевӧй ӧтуджалӧм вынсьӧтӧм понда» медаль;
• «Военнӧй кысйӧмын отличие понда» I да II тшупӧта медаллез;
• «Дорьян министерстволӧ 200 во» медаль;
• «Советскӧй Союзлӧн Флотісь Адмирал Н. Г. Кузнецов» нима медаль;
• «Бур кысъялӧм понда» III тшупӧта медаль;
• Аснима кортик (2016 вося тӧвпом) — канму да РФ Вооруженнӧй Выннэз одзын асторья заслугаэз понда.

Пасйӧттэз