Коми-пермяцкӧй кыв лун

Босьтöм Рувикиись
Коми-пермяцкӧй кыв лун
День коми-пермяцкого языка лого.png
Тип Регион статуса донтан лун
Лун тӧвпом 17 лун

Коми-пермяцкӧй кыв лунКоми-Пермяцкӧй округын да Пермскӧй крайын регион статуса донтан лун, кӧда кӧсйӧм коми-пермяцкӧй кывлӧ. Чулӧтсьӧ быд во тӧвпом 17 лунӧ.

Аркмӧтӧм

Коми-пермяцкӧй кыв лун аркмӧтӧм Пермскӧй край губернатор 2010 во тӧвпом 12 лунся №6 указӧн[1], подулас пуктӧм Пермскӧй крайлӧн Уставись №42 статья[2]. Донтан луннас пуктӧм тӧвпом 17 лун[1].

Чулӧтӧм

Коми-пермяцкӧй кывлісь лун порйӧттӧн чулӧтьсьӧны быдкодь мероприяттёэз культура да велӧтчан организацияэзын[3]. Коми-Пермяцкӧй музейын донтан лун одзын мунӧ акция «Ась гимнöн горалö гöгöр коми кыв», кӧда коста чулӧтсьӧны тодиль экскурсияэз[4]. Коми-Пермяцкӧй театр донтан луннас мыччалӧ сезонісь коми кывья премьера[5]. Коми-Пермяцкӧй велӧтіссезлісь удж бурсьӧтан институт чулӧтӧ донтан луныслӧ кӧсйӧм декада, кӧда коста велӧтчиссез понда мунӧны быдкодь коми кыв сьӧрті конкурссэз[6]. Мероприяттёэз сідзжӧ мунӧны Перемись библиотекаэзын, музейезын да мӧдік культура да велӧтан организацияэзын.

2017 восянь традицияӧ пыртӧм акция «‎Коми-пермяцкӧй кыв сьӧрті ӧтласа диктант»‎, кӧдӧ организуйтӧ М. П. Лихачёв нима Коми-Пермяцкӧй национальнӧй библиотека[7].

Коми-пермяцкӧй кыв лунӧн вежалуналӧ отирсӧ Пермскӧй крайись губернатор:

Февраль 17 лунӧ – коми-пермяцкӧй кывлӧн лун!

Вежалунала быдӧннысӧ, кин понда коми-пермяцкӧй кыв лоӧ мам кылӧн, кин баитӧ, гижӧ, сьылӧ сы вылын, кин радейтӧ, вежӧртӧ, велӧтӧ, донтӧ да зорӧтӧ сійӧ.

Кӧсъя, медбы челядь учӧтсянь сюльтыртісӧ чужан кыв вылын, аймам кужисӧ ӧзтыны асланыс пиэзын кыв дынӧ пым радейтӧм, медбы отир донтісӧ ассиныс вужжез да повтӧг баитісӧ-сёрнитісӧ асланыс кыв вылын. А мийӧ керам быдӧс, медбы кыв эз ӧш, а одзлань паськаліс да гораліс!

Дмитрий Махонин, Пермскӧй крайлӧн губернатор [8]

Пасйӧттэз

  1. 1,0 1,1 Указ Губернатора Пермского края от 12 февраля 2010 г. N 6 "О Дне коми-пермяцкого языка" ГАРАНТ
  2. УСТАВ ПЕРМСКОГО КРАЯ admin.permkrai.ru
  3. День коми-пермяцкого языка Культура РФ
  4. День коми-пермяцкого языка в музее ГКБУК «Коми-Пермяцкий краеведческий музей им. П. И. Субботина-Пермяка»
  5. В День коми-пермяцкого языка театр покажет «Кукушку». 15 февраля 2024. ГКБУК «Коми-Пермяцкий национальный ордена «Знак Почёта» драматический театр им. М. Горького»
  6. Декада «С Днём коми-пермяцкого языка!» ГБОУ ДПО «Коми-Пермяцкий институт повышения квалификации работников образования»
  7. Этнокультурная акция "Всеобщий диктант по коми-пермяцкому языку"- 2022 ГКБУК "Коми-Пермяцкая центральная национальная библиотека им. М.П. Лихачёва"
  8. Поздравление губернатора Пермского края с Днем коми-пермяцкого языка. 17 февраля 2024. Сайт губернатора и Правительства Пермского края