Кислухин Иван Георгиевич
| Кислухин Иван Георгиевич | |
|---|---|
 | |
| Чужан лун | 1919 во гожумпом 11 лун |
| Чужанін | |
| Кулан лун | 1944 во гожумпом 20 лун (25 лет) |
| Куланін | |
| Войскоэз род | артиллерия[d] |
| Званнё | Лейтенант[d] |
| Сраженнёэз/войнаэз | |
| Донтан пассэз |
  |
Кислухин Иван Георгиевич (1919 — 1944) — РККА лейтенант, Великӧй Отечественнӧй войнаын участник, Советскӧй Союзлӧн Герой.
Олантуй
Чужис 1919 во гожумпом 11 лунӧ Верещагино районісь Комары деревняын[1]. Велӧтчис Елохина одзшколаын, помаліс Вознесенскись сизимкласса школа да Зюкайись механизация техникум. Техникумын велӧтчикӧ пырис ВЛКСМ-ӧ да юраліс техникумсис комсомольскӧй организациянас. Помалӧм бӧрын уджаліс Кӧчын МТС-ын техник-механикӧн[2]. 1938 воӧ муніс велӧтчыны Челябинскӧ, механизация институтӧ.
1939 во аршӧрӧ вӧлі босьӧм Гӧрд Армияӧ. Владивостокын помаліс военно-политическӧй училище. 1942 воӧ помаліс Благовещенскись артиллерийскӧй училище. Велӧтчикас пырис ВКП(б)-ӧ.[1]
1944 во одзтулыссянь Великӧй Отчественнӧй война фронттэз вылын, командуйтіс 3-ӧт Белорусскӧй фронт вывся 5-ӧт армияись 277-ӧт стрелковӧй дивизия 864-ӧт артиллерия полкись батареяӧн.
1944 во гожумпом 22 лунӧ Кислухиныслӧн батареяыс Литваын, Шакяй кар дынся Баранды деревня дынын, паныталіс 35-ӧт танкӧн да пехотаӧн враглісь контратака. Бойыс дырни артиллеристтэс паздісӧ «Пантера» танк да 40 мымда враг солдат да офицер. Бойыс коста Иван Кислухиныс вӧлі ӧддьӧн дойдӧм юрас снаряд паззэзӧн, дойдӧмсяньсяняс сія жӧ лунӧ куліс. Вӧлі дзебӧм Слюки деревня дынся вӧрдорын. Вились вӧлі дзебӧм Кудиркос-Науместис карын.[1]
1945 во одзтулыс 24 лунся СССР Веровнӧй Совет Президиум указӧн вӧлі донъялӧм Советскӧй Союзлӧн Герой званнёӧн да Ленин нима орденӧн.[1]
Донтан пассэз
- Советскӧй Союзлӧн Герой (24.03.1945)
Касьтылӧм
- Иван Кислухин нимӧн шуӧмӧсь улицаэз Комарыын[3], Зюкайын[4], Верещагиноын[5].
- 2022 воӧ Комары школаын осьтісӧ Иван Кислухинлӧ кӧсйӧм «Геройлӧн парта». [6]
- Верещагиноын Победа Скверын гижӧм Иван Кислухинлӧн ним.
- Мемориальнӧй пӧввез ӧшӧтӧмӧсь Верещагинскӧй унапрофиля техникум да Комары шӧрӧт школа керкуэз вылӧ.
- Перемын Офицеррез керку дынся касьтылан пӧв вылӧ гижӧм Иван Кислухинлӧн ним.
- Верещагино районын быд во чулӧтсьӧ Иван Кислухин нима лызь вермасьӧм.
Морт йылісь
- Останин Ю. За Советскую землю//Отчизны верные сыны. — Пермь, 1964. — С. 171—177.
- Кислухин И. Г. // Герои Советского Союза: Краткий биографический справочник: В 2 т. — М., 1987. Т. 1. — С. 658: фот.
- Золотые Звезды Прикамья. — Пермь, 1988. — С. 149–150: фот.
- Конин, Г. К. Подвиги героев бессмертны: очерки. Кудымкар, 2005. — С. 85–90
- Герои Прикамья: биогр. справ. — Пермь, 2006. — С. 87.
Пасйӧттэз
- ↑ 1 2 3 4 [Кислухин Иван Георгиевич] Энциклопедия "Пермский край в Великой Отечественной войне" Пермский государственный архив социально-политической истории
- ↑ Конин, Г. К. Подвиги героев бессмертны : очерки / Г. К. Конин. — Кудымкар : Коми-Пермяцкое книжное издательство, 2005. — 280 с. — [Кислухин Иван Георгиевич] — C. 85-90.
- ↑ Улица Кислухина, деревня Комары, Верещагинский городской округ, Пермский край // Яндекс.Карты
- ↑ Улица Кислухина, посёлок Зюкайка, Верещагинский городской округ, Пермский край // Яндекс.Карты
- ↑ Улица Кислухина, Верещагино, Пермский край // Яндекс.Карты
- ↑ Депутаты Заксобрания осмотрели стройплощадку нового корпуса школы 121 в Верещагинском округе и открыли «Парту Героя» в местной школе. 22 ноября 2022. Пермское краевое отделение партии "Единая Россия"