Камскӧй ГЭС

Босьтöм Рувикиись
Камскӧй ГЭС
КамГЭС.jpg
Канму  Российскӧй Федерация
Инас Орджоникидзе район
Ю Кама
Каскад Волга-Кама вывся ГЭС каскад
Эмалісь РусГидро
Лэбтан кад 1949
Агрегаттэз уджӧ пыртан кад 1954-1956, 1958
Медшӧр характеристикаэз
Во дырнася электроэнергия лэдзӧм, млн кВт/ч 1700
Электростанция вид помӧта, ю ӧра
Арталан пыкӧт, м 16,5
Электровын, МВт 552
Оборудованнё характеристикаэз
Турбина тип бергӧтан лопа
Турбинаэзлӧн лыд да марка 23×ПЛ-20-В-500
Турбина пыр лэдзӧм, м³/с 23×162
Генераторрезлӧн лыд да марка 23×ВГС-700/100-48
Генераторрез вын, МВт 23×24
Медшӧр сооруженнёэз
Помӧт тип муалӧм
Помӧт вылына, м 35
Помӧт кузя, м 1816
Шлюз кык визя квать камераа пыж да вӧр кылӧтан
Юкан 220, 110 кВ
Мӧдік информация
Сайт kamges.rushydro.ru
Карта вылын
Камскӧй ГЭС (Пермский край)
Красная точка
Камскӧй ГЭС
Логотип РУВИКИ.Медиа Медиафайлы на РУВИКИ.Медиа

Камскӧй ГЭС (рочӧн Камскӧй ГЭС) — Перемын Кама ю вывся гидроэлектростанция. Волга-Кама вывся ГЭС каскадісь тор, каскадлӧн Кама ю вывся медкатыт тшупӧт. Кӧр 1956 воӧ лэдзисӧ уджӧ медбӧрья гидроагрегаттэсӧ, Камскӧй ГЭС вӧлі вын сьӧрті СССР-ын мӧдӧдзза гидроэлектростанцияӧн, сы одзаліс ДнепроГЭС (483 МВт 650 МВт паныт). Камскӧй ГЭС пырӧ «РусГидро»  (перм.рус. ПАО-ӧ кыдз сы филиал.

Станциялӧн конструкция

Камскӧй ГЭС — етша пыкӧта ю ӧра гидроэлектростанция (ГЭС-лӧн здание пырӧ напорнӧй фронт составӧ). Гидроузеллӧн сооруженнёэзӧ пырӧны муа пӧмӧттэз, ва кисьтан помӧт, кӧда ӧтлаасьӧ ГЭС керкукӧт, пыж ветлан шлюзззэз дамбаэзӧн да локтан каналлэзӧн, 110 да 220 кВ ОРУ. ГЭС сооруженнёэз кузя нюжӧтӧмӧсь автомашина да кӧрттуйез. Электростанциялӧн сетан выныс — 552 МВт, электроэнергиялӧн проектнӧй шӧркодь вося лэдзӧм — 1700 млн кВт/ч, электроэнергиялӧн былись шӧркодь вося лэдзӧм — 1900 млн кВт/ч[1].

Муа помӧттэз

Станция сооруженнёӧ пырӧны кык муа помӧт — ю ӧра да вадорся. Ю ӧра помӧтыс сулалӧ ГЭС зданнё да пыж ветлан шлюззэз коласын, сылӧн кузяыс 650 м, медыджыт вылынаыс — 35 м, гребень кузя пасьтаыс — 11 м. Ним йылісь плӧтинаыс сулалӧ пыж ветлан шлюззэз да шульга вадор коласын, сылӧн кузяыс 1166 м, медыджыт вылынаыс — 19 м, гребень кузя пасьтаыс — 21 м. Грунтовӧй помӧтлӧн ӧтласа тӧрыта лоӧ 4 500 сюрс м3. Помӧттэсӧ вадӧ посни лыава, нія оборудуйтӧмӧсь вертикальнӧй да горизонтальнӧй дренаж системаӧн. Помӧтыыслӧн вылісь кырылсӧ видзӧны 0,4 м кыза кӧртбетон плитаэз[2].

ГЭС-лӧн ӧтлаӧтӧм зданнё

ГЭС-лӧн зданнёыс ю ӧра типӧвӧй (кывзӧ валісь личкӧмсӧ), ӧтлаӧтӧм ва кисьтан плӧтинакӧт. Керкуыслӧн кузяыс — 386 м (ӧтласа кузяыс — 429 м), паськытаыс — 52,5 м, строитчан вылынаыс — 40 м. Конструкция сьӧрті ГЭС керкусӧ керӧма монолитнӧй кӧртбетонісь (ӧтлаын тэчӧм 719,8 сюрс м3), юксьӧ 4 секция вылӧ. Быд секцияын сулалӧны квать вапеткӧтан да квать гидроагрегат. 12 метра пасьта ва лэдзан осьтаэс сулалӧны гидроагрегаттэз вевдӧрын, вапыркӧттэс оборудуйтӧмӧсь специальнӧй ваӧн пырны позьтӧм вешьяннэзӧн, кӧдна пыр позьӧ сибӧтчыны гидроагрегаттэз дынӧ ремонтнӧй уджжезӧ. Турбиннӧй камераэзӧ пыраніннэс сідзжӧ оборудуйтӧмӧсь аварийно-ремонтнӧй пӧданнэзӧн да ёгвидзан радззезӧн. Быдсӧн Камскӧй ГЭС-ын эмӧсь 24 вачапкан, нылӧн ӧтласа лэдзанвыныс нормаа пыкӧта тшупотӧт лоӧ 17 020 м3/с, форсированнӧй пыкӧта тшупотӧт — 18 860 м3/с. Вылісь бьёф ладорсянь пӧданнэз вевттьӧтӧммезӧн уджалӧм понда эмӧсь куим кран 250 т лэбтанвынӧн. Лэдзӧм валісь визывсӧ кусӧтӧны 100 м кузя бетоннӧй вавартанын. ГЭС зданнёлӧн антифильтрационнӧй системаӧ пырӧны 100 м кузя нёбо, фундаментын цемента ӧнас, дренаж[3][4][1].

ГЭС-лӧн машиннӧй залын сувтӧтӧмӧсь 24 МВт вынӧн 23 вертикальнӧй гидроагрегат. Гидроагрегаттэз оборудуйтӧмӧсь бергӧтчан да лопастнӧй турбинаясӧн ПЛ-20-В-500, кӧдна уджалӧны расчётнӧй напряженнё вылын 16,5 м. Турбинаяссӧ уджӧтӧны гидрогенераторрез ВГС-700/100-48. Гидротурбинаэз керӧны — харьковскӧй «Турбоатом» предприятие да сызранскӧй «Тяжмаш» завод, генераторрез — «Уралэлектроаппарат» завод. 24-ӧт пролётас 1958 годӧ вӧлі монтируйтӧма экспериментальнӧй горизонтальнӧй полупрямоточнӧй гидроагрегат турбинаӧн ПЛ-548-Г-450, 1992 годӧ петӧм эксплуатацияись да демонтируйтӧм[3][4][1][2][5].

Вын сетан схема

Гидроагрегаттэз сетӧны электроэнергия 10,5 кВ напряженнё ӧтік фазаа трансформаторрез вылӧ. Быдсӧн эм 4 трансформатор чукӧр: ОДГ-63333/110 трансформаторрезлӧн кык чукӧр (6 фаза 63,3 МВА вынӧн) да ОРДЦ-63300/220 трансформаторрезлӧн кык чукӧр (6 фаза 63,3 МВА вынӧн), быд чукӧр бердӧ йитӧмӧсь квать гидрогенератор. Станциялӧн эмӧсь куим осьта юкан (ОРУ) 110 да 220 кВ напряженнё шульга вадорся юканнэз куйлӧны ордчӧн ӧтамӧдкӧт буждан помӧт сайын, пыж ветлан шлюззэз дынын, юкан ӧтамӧдкӧт йитӧмыс керсьӧ куим фазаа автотрансформер АТДЦТН-200000/220/110 пыр, кӧдалӧн выныс 200 МВА. Сідзжӧ эм ОРУ 110 кВ веськыт вадорын (кысянь мунӧны кык линия). Камскӧй ГЭС-лісь электроэнергиясӧ сетӧны энергосистемаӧ электропередачаэзлӧн эттшӧм линияэз кузя:[6]

  • ВЛ 220 кВ Камскӧй ГЭС — ПС Владимирская;
  • ВЛ 220 кВ Камскӧй ГЭС — ПС Соболи;
  • ВЛ 220 кВ Камскӧй ГЭС — ПС Калино;
  • ВЛ 220 кВ Камскӧй ГЭС — ПС Апрельская;
  • ВЛ 110 кВ Камскӧй ГЭС — ПС Пермь (2 чеп);
  • ВЛ 110 кВ Камскӧй ГЭС — ПС ЗИЛ (2 чеп);
  • ВЛ 110 кВ Камскӧй ГЭС — ПС Пальники;
  • ВЛ 110 кВ Камскӧй ГЭС — ПС Бобки;
  • ВЛ 110 кВ Камскӧй ГЭС — ПС Шлюзовая;
  • ВЛ 110 кВ Камскӧй ГЭС — ПС Апрельская;
  • ВЛ 110 кВ Камскӧй ГЭС — ПС ТЭЦ-13 (2 чеп).

Пыж ветлан шлюззэз

Гидроузел пыр ю пыжжес да вӧра пуррез лэдзӧм понда (1990 воэзӧдз пурресӧ шлюзируйтісӧ) уджӧтӧны кык визьӧн квать камераа пыж да вӧр кылӧтан шлюззэз, кӧдналӧн эмӧсь локтан каналлэз да сайӧвтан дамбаэз, кӧдна сулалӧны шульга вадорын, ю ӧра да буждан пӧмӧттэз коласын. Шлюззэзлӧн ӧктан системаыс клинкетнӧй, быд камералӧн колана кузяыс 229,6 м, минимальнӧй пасьтаыс 29,7 м, камера тыртӧм да ректӧм понда кадыс — 5 минута. Шлюззэз конструкциялӧн ассяматорӧн лоӧ металла шпунтӧн керӧм камераэзлӧн стенаэз, откатнӧй ыбӧссэз уджӧтӧм, а сідзжӧ специальнӧй электровоззэзӧн уджӧтчӧм шлюз камераэз кузя пуррез вуджӧтӧм понда. Вылісь локтан каналыс 700 м кузя да 80 м пасьта, улісьыс — 550 м кузя да 80 м пасьта. Пыж ветлан шлюззэз пырӧны канмуся эмбурӧ да уджӧтӧны ФБУ «Камскӧй бассейнлӧн пытшкӧсса ва туйезлӧн администрация»[7][8].

Вавидзан

ГЭС-лӧн сооруженнёэз аркмӧтӧны ыджыт Камскӧй вавидзан. Вавидзанлӧн ыждаыс нормаа пыкӧт тшупӧтӧт 915 км2, кузяыс 300 км, медпаськытаыс 18 км, медпыдынаыс 30 м. Вавидзан тыр да колана тӧрытаыс лоӧ 12,205 да 9,235 км3 лӧсялӧмӧн, мый позьӧтӧ кадкоста лӧсьӧтны визывтӧмсӧ (вавидзан тырсьӧ ыджыт ва коста да уджалӧ тодиль кадӧ). Вавидзанлӧн норма сьӧрті пыкӧт тшупӧт пасыс лоӧ 108,5 м саридз тшупотся вылынжык (Балтика вылына система сьӧрті), форсируйтӧм пыкӧт тшупӧтлӧн — 110,2 м, «кулана» тӧрыталӧн тшупӧт — 100 м[4][9].

Экономикаын тӧдчӧт

Камскӧй ГЭС сулалӧ Уральскӧй энергокытшын кык медшӧр (рытвыв да асыввыв) линияэзлӧн дженытжык ӧтлаасян местаын, станциялӧн уджалӧмыслӧн ыджыт тӧдчӧтыс энергосетӧм кузя. Камскӧй ГЭС уджалӧ пик режимӧн, могмӧтӧ Рытвыв Ураллӧн энергосистемаын тырмӧттэз вевттьӧмӧн. Быдсӧн уджалан кадӧ Камскӧй ГЭС лэдзис донтӧм вильмӧтан электроэнергия 120 млрд кВт/ч-ся унажык, станция строитӧмыс вӧлі вывтіалӧм 1971 воӧ[2][10].

Электроэнергия лэдзӧм Камскӧй ГЭС-ын 2006 восянь, млн кВт/ч[10]
2006 2007 2008 2009 2010 2011 2012 2013 2014 2015 2016 2017 2018
1 806 2 212 2 265 3 000 1 645 1 721 1 946 1 985 1 998 2 464 1 927 2 274 2 170

Камскӧй ГЭС-лӧн вавидзан тӧрытаыс лоӧ медгырисьӧн Камскӧй гидроузеллэз коласын и орсӧ медшӧр роль Кама визув ладмӧтӧмын быдӧс каскад кузя. Камскӧй вавидзан лӧсьӧтӧм позьӧтіс могмӧтны ыджыт тоннажнӧй судноэзӧн ветлӧмсӧ 300 км вылӧ Кама катытӧ (шуам, Перем — Березники веськӧлӧт), сідзжӧ вавидзанісь ва лэдзӧм могмӧтӧ видзны пыж ветлан пыдыніннэз Воткинскӧй ГЭС-сянь  (перм.рус. Нижнекамскӧй вавидзанӧдз  (перм.рус. участок вылын, кӧда шогмис Нижнекамскӧй вавидзан проектнӧй отметкаӧдз тыртӧмись сускисьӧмсянь. Сы киння Кама вавидзанін сетӧ ва Перемлӧ да мӧдік оланаинээзӧ, сылӧн эм ыджыт ва паныталӧмын тӧдчӧт, сія видзӧ юыс увтын муэз буждӧммезісь, сійӧ используйтӧны рекреационнӧй могись да чери кыйӧм понда (позяна кыйӧмыс — 299 тоннаӧн воӧ). Гидроузел сооруженнёэз кузя нюжӧтӧмӧсь автомашина да кӧрттуйез[11][12][13].

Лэбтӧм

Камскӧй ГЭС (2010 вося одзгожумӧн)

Волга бассейнӧн гидроэнергетическӧя вӧдитчан комплекснӧй схема лӧсьӧтӧм сьӧрті проектнӧй уджжез нуӧтісӧ 1920 воэзсянь быдкодь организацияэз. 1932 во пондӧтчикӧ медбура лӧсьӧтӧмӧн вӧлі Волгостройлӧн юралісь инженер А. В. Чаплыгинлӧн схема, кӧдаӧн артассис, мӧдіккез сьӧрті, Кама вылын куим гидроэлектростанция строитӧм, ны коласын ӧтік ГЭС Пермскӧй районын. Эта схема получитіс ӧтсӧт, да 1932 во одзтулыс 23 лунӧ СССР Союзлӧн народнӧй комиссаррезлӧн Советлӧн да ВКП(б) ЦК-лӧн решеннёӧн вӧлі санкционируйтӧм Камскӧй (Пермскӧй) гидроэлектростанция проектируйтӧм пондӧтӧм. Станция лэбтӧм понда лӧсьӧтӧны «Средневолгопермстрой» организация, кӧда 1935 воӧ пондіс шусьны «КамГЭСстройӧн». Станциялӧн проект вӧлі лӧсьӧтӧм 1937 во кежӧ, Камскӧй ГЭС-лӧн вынсялӧмыс должен вӧлі лоны 504 МВт (7 гидроагрегат 72 МВтӧн), сооруженнёэз составӧ пырлісӧ ГЭС-лӧн 254 метра кузя керку, 95 метра кузя ва кисьтан помӧт да кык визя ӧтік камераа шлюз. Строитан площадка вылын лӧсьӧтчан удж (оланін да инфраструктура объекттэз лэбтӧм) вӧлі пондӧтӧм1934 воӧ. Но строитӧм коста петіс, мый ГЭС-лӧн сооруженнёэзлӧн подулыслӧн геологическӧй строеннёыс сьӧкыт — сёй от увтын куйлӧны карсттэз, мыйсянь ГЭС-сӧ керны медодзза проект сьӧрті вӧлі риска, кӧть и вӧлі лӧсьӧтӧм мераэз фильтрациякӧт тышкасьӧм понда, ны лыдын аркмӧтӧм кынтан ӧнас. Сійӧн 1937 во гожмумпомӧ станция строитӧмсӧ сувтӧтісӧ, строителлесӧ вуджӧтісӧ Куйбышевскӧй ГЭС площадка вылӧ. Кама вылын перспективнӧйжыкӧн вӧлі лыддьӧм Соликамскӧй ГЭС 648 МВт вынӧн лэбтӧм, кӧда должен вӧлі лоны Кама, Эжва да Печора ӧтлаӧтан ыджыт проектлӧн торӧн куим ю понда ӧтік ӧтласа вавидзан лӧсьӧтӧмӧн. Но Соликамскӧй ГЭС строитӧм кузя уджжез, кӧдна пондӧтчисӧ 1937 годӧ, дугдісӧ керны 1940 во одзарӧ[14][4][15].

1941 воӧ «Гидроэнергопроектлӧн» специалисттэз керисӧ бӧртас, мый Волга да Кама вылын виль строительстволӧн медодзза объектӧн лоӧ Камскӧй ГЭС. Вӧлі примитӧм решение вежлавны станциялісь проектсӧ стволлісь геологическӧй ситуациясӧ тӧдвылӧ кутӧмӧн. Проектируйтіссезлӧн коллектив профессор Б. К. Александров кипод увтын откажитчис гипсованнӧй грунттэзӧ электростанция пыртӧмись, ГЭС-лӧн зданнё гидроагрегат лыд да кузьта содтӧмӧн, а сідзжӧ ва кисьтан помӧтӧн сійӧ ӧтлаӧтӧмӧн. Эта жӧ мог понда вӧлісӧ пыртӧмӧсь квать камераа шлюззэз. Сыбӧрын петіс чинтыны ГЭС-лӧн зданнёлісь пыдынасӧ 23 метрасянь 9 метраӧдз, чинтыны бетоннӧй уджжезлісь тӧрытасӧ 3 пӧв, быдсӧн донтӧмжыка строитны да чинтны станция лэбтан кадсӧ. Камскӧй ГЭС-лісь проектнӧй заданнёсӧ бурсьӧтіс СССР-лӧн Госплан 1943 воӧ да вынсьӧтіс 1945воӧ. Станциялісь техническӧй проект вӧлі вынсьӧтӧм 1948 во одзгожум 2 лунӧ[14][4][16].

Молотовскӧй ГЭС строитӧм (1940—1957 воэзӧ Перемыс усис Молотовӧн) вӧлі вились санкционируйтӧм СССР-ись Народнӧй Комиссаррез Советлӧн 1944 во тӧвшӧр 18 лунся постановленнёӧн, станция лэбтӧм понда лӧсьӧтӧны трест «МолотовГЭСстрой» (одзлань нимыс лоис «КамГЭСстрой»). Но 1949 воӧдз станция строитӧм вӧлі дзескӧтӧм лӧсьӧтчан уджжезӧн и муніс ӧддьӧн дыр финансируйтӧм да ресурссэз тыртӧм кузя. 1948 воӧ строитӧмсӧ пондіс юравны А. А. Саркисов, кӧда одзжык веськӧтліс Узбекистанын Фархадскӧй ГЭС лэбтӧмӧн. 1949 восянь Камскӧй ГЭС строитӧм вӧлі тӧдчӧмӧн активизируйтӧм, вӧлісӧ пондӧтӧмӧсь уджжез веськыта станция площадка вылын — котлованлісь виззя потшшез лэбтӧм. 1950 во гожумпомӧ котлованыс вӧлі косьтӧм, сыын пондӧтчисӧ му уджжез. 1950—1954 воэзӧ станция строитӧмӧн веськӧтлӧ И. И. Наймушин, кӧда сёрӧнжык веськӧтліс Братскӧй да Усть-Илимскӧй ГЭС-эз лэбтӧмӧн. Станция строитӧм вылын медодзза бетоныс вӧлі тэчӧма 1951' во одзгожум 18 лунӧ. Станциясӧ лэбтісӧ ӧддьӧн перыта — 1953 во аршӧр 6 лунӧ ни вӧлі пондӧтӧма Кама вевттьӧмсӧ, кӧда кыссис 12 лун. 1954 во тулысшӧрӧ вӧлі пондӧтӧма тыртны Камскӧй вавидзан, сія жӧ воӧ тулыспом 1 лунӧ судоходнӧй шлюз пыр муніс медодзза судно. Камскӧй ГЭС-лӧн медодзза гидроагрегат (станция № 1) вӧлі лэдзӧма уджӧ 1954 во одзар 18 лунӧ. 1954 во пондӧтчикӧ вӧлісӧ сетӧмӧсь уджӧ эшӧ вит гидроагрегат (станционнӧй номеррез 2-6). 1955 во одзарӧ вӧлі ойдӧтӧм мӧдік сьӧрлӧн котлован, сыбӧрын во помӧдз лэдзисӧ вит гидроагрегат (станционнӧй номеррез 19-23). 1956 воӧ вӧлі пыртӧм уджӧ кольччӧм 12 вертикальнӧй гидроагрегат (станционнӧй номеррез 7-18), Камскӧй ГЭС вынсяліс 483 МВт вылӧ и сылісь строитӧмыс помассис. 1958 во одзгожум 20 лунӧ вӧлі пыртӧм уджӧ СССР-ын медодзза экспериментальнӧй горизонтальнӧй гидроагрегат (станционнӧй № 24), Камскӧй ГЭС-лӧн вынсялӧмыс содіс 504 МВт-ӧдз. 1964 во одзтӧв 31 лунӧ станциясӧ примитіс канмуся комиссия промышленнӧй эксплуатацияӧ[14][4][16][17].

Камскӧй ГЭС строитӧм коста вӧлі керӧма 15,55 млн м3 му удж да 0,255 млн м3 изъя грунт перйӧм млн. м3, тэчӧм 0,248 млн м3 иза вевттэз, дренажжез да фильтррез, 1,143 млн м3 бетон да кӧртбетон, монтируйтӧм 67,1сюрс тонна металлоконструкцияэз да механизммез. Строитӧмлӧн фактическӧй доныс лоис 181,7 млн руб 1955 вося доннэз сьӧрті .

Эксплуатируйтӧм

Уджӧ пыртӧм бӧрын Камскӧй ГЭС пырис оборудованнё да сооруженнёэз уджӧтӧм этапӧ. Станция вылын сувтӧтӧм гидрогенераторрезлӧн качествоыс вӧлі умӧль, мыйсянь ковсис вежны роторрезлісь да статоррезлісь каттьӧссэсӧ. 1955 вося ыджыт ва дырни вабойыс крепитчӧм бӧрын пыдӧсыс буждіс 7-11 метра пыдына, улісь бьёфын аркмис ді, мыйсянь буждан зонаӧ ковсис кисьтны 3760 кубометр бетон. Вапеткӧтан канал пыдӧсыс да веськыт дорыс тыдалісӧ 1960 воэз шӧрӧдз, мый понда колісӧ содтӧт уджжез, медбы крепитны отливнӧй зонасӧ, мый решитіс проблемасӧ. Уджӧтӧмлӧн сизимӧт годӧ вӧлі пасйӧма проектнӧй предположениесӧ вевдӧрсянь фильтрациялӧн содӧм сооруженнёэз подуввезын, мый понда коліс керны содтӧт антифильтрационнӧй мероприятиеэз цементнӧй занавеска лӧсьӧтӧмӧн полимернӧй растворрезӧн, мыйсянь позис пӧдтыны фильтрациясӧ. Станция лэдзӧм бӧрсянь медодзза воэзӧ ыджыт сьӧкытлуннэз вайӧтліс пу коляссэз (кодна петӧмась ва видзанін тыртӧм бӧрын, а сідзжӧ ӧштӧмась вӧр сывтӧм коста), кӧдна унаӧн тувдӧмась ГЭС-лӧн здание бердӧ, мыйсянь сорӧн видзан решёткаэз дзугсьӧмась да гидроагрегатдэзын давленнёыс ӧштӧмась, эта явленнёкӧт пессьӧм могись вӧлі керӧма сорӧн видзан решёткаэзлісь реконструкция. 1961 воӧ проектнӧй сорасьӧм да керӧмлӧн умӧль качество кузя вӧлісӧ разьӧмӧсь турбиннӧй водоводдэзлӧн аварийно-ремонтнӧй затворрезлісь гидроподъёмниккез, затворресӧ пондісӧ уджавны козловӧй краннэзӧн, сідзжӧ вӧлі пыртӧм гидроагрегаттэзлӧн виль разгорайтчӧм паныт защита. Медбы видзны кавитация дынсянь рабочӧй колесоэзлісь да гидротурбиналӧн лопаткаэзлісь камераэсӧ, 1960-ӧт воэзӧ нія вӧлісӧ вевдӧмӧсь емдонӧн[16].

1990-ӧт воэз шӧр кежӧ станциялӧн оборудованнёыс важмис, мыйсянь сійӧ пондісӧ вежны да модернизируйтны. Гидросиловӧй оборудованнё модернизациялӧн концепцияыс сьӧрті ковсис вежны гидротурбинаэз (ПЛ-510-ВБ-500-сянь ПЛ-20-В-500- вылӧ) да модернизируйтны гидрогенераторрез (вежны статор кӧдздӧтаннэз, каттьӧссэз, генераторрезлісь падмӧтаннэз). Вильмӧтӧм гидроагрегаттэзлӧн выныс содіс 21 МВтсянь 24 МВт-ӧдз, мыйсянь кузя содіс станциялӧн выныс. Гидросиловӧй оборудованнёсӧ пондӧтісӧ вильмӧтны 1997 воӧ (2 гидроагрегат) да одзлань мунӧмась сэтшӧм ӧдӧн: 1998 воӧ вильмӧтісӧ 1 гидроагрегат, 1999 воӧ- 1, 2000 воӧ — 1, 2003 воӧ — 2, 2004 воӧ — 1, 2005 воӧ — 1, 2006 воӧ — 2, 2007 воӧ — 1, 2008 воӧ — 2, 2009 воӧ — 1, 2011 воӧ — 2, 2012 воӧ — 2, 2013 воӧ — 2, 2014 воӧ- 1 да 2015 воӧ- 1, сы вылын уджыс помассис. Оборудованнё вежӧм бӧрын станциялӧн выныс вӧлі сьӧрьсӧн-бӧрсьӧн содтӧм 552 МВт-ӧдз. Сідзжӧ видзӧтісӧ, позьӧ я вежлавны экспериментальнӧй горизонтальнӧй гидроагрегатсӧ, кӧда пыртсьывліс уджӧ ыджыт ва кадӧ, а 1992 воӧ торья узеллэз унаӧн тшыкӧтӧмсянь вӧлісӧ сувтӧтӧмӧсь, генераторыс разьӧм, турбинаыс кольӧм местаас; ӧткоста вӧлі петкӧтӧм уджись гидроагрегат вевдӧрся ва кисьтан. 2017 воӧ вӧлі примитӧм решеннё гидроагрегат вежны ковтӧм йылісь, сы понда лӧсьӧтӧм жырсӧ планируйтісӧ бетонируйтны. Электротехническӧй оборудованнёын 1992—2010 воэзӧ вежисӧ 220 кВ силовӧй трансформаторрез да юкан устройствоэзлӧн связьлісь автотрансформатор. 2023 воӧ вӧлі вежӧм 110 кВ кык трансформаторнӧй группаись ӧтік. 2020 воӧ вежисӧ гидромеханическӧй оборудованнё — пӧданнэз, ва кисьтан вевттьӧссэз, ёгвидзан радззэз[18][16][19][20][21].

1994 во арпом 4 лунӧ Камскӧй ГЭС-лӧн шлюзвезлӧн рытвыв йитӧт вылын аркмис авария. Шлюзуйтӧм коста оссисӧ улісь ыбӧссэз, да шлюз кузя мунісь буксир-толкач «Дунайский-31» кык грузитӧм баржа кывтіс да паздіс кывтыт камераэзіс ыбӧссэсӧ (сизимись витӧ). Вийсисӧ кык морт, сы коста нія чериалісӧ Кама вылын гидрогӧрӧд зонаын. Паздӧм шлюз пыр ва мунӧмыс вӧлі сувтӧтӧм аварийнӧй ыбӧссэз оперативнӧя пӧдналӧмӧн. Шлюззэзсӧ вильмӧтӧм вӧлі помалӧм 2012 воӧ[22][23].

Пасйӧттэз

  1. ↑ 1 2 3 Камскӧй ГЭС. Пресс-кит. РусГидро. Видзӧтӧм 15 Тулысшӧр 2019.
  2. ↑ 1 2 3 Камскӧй ГЭС. Общие сведения. РусГидро. Видзӧтӧм 15 Тулысшӧр 2019.
  3. ↑ 1 2 Гидроэлектростанции России, 1998, с. 209—223.
  4. ↑ 1 2 3 4 5 6 Возобновляемая энергия. Гидроэлектростанции России, 2018, с. 48—49.
  5. ↑ Вечный двигатель, 2007, с. 343.
  6. ↑ Система автоматизированная информационно-измерительная коммерческого учета электроэнергии (АИИС КУЭ) филиала ПАО «РусГидро» — Камскӧй ГЭС. Федеральное агентство по техническому регулированию и метрологии. Видзӧтӧм 15 Тулысшӧр 2018.
  7. ↑ Гидроэлектростанции России, 1998, с. 209—213.
  8. ↑ Пермский РГСС. ФБУ «Администрация Камского бассейна внутренних водных путей». Видзӧтӧм 15 Тулысшӧр 2018.
  9. ↑ Камское водохранилище. Росводресурсы. Видзӧтӧм 16 Тулысшӧр 2019.
  10. ↑ 1 2 Динамика выработки электроэнергии по годам с момента пуска гидроагрегатов по настоящее время. РусГидро. Видзӧтӧм 16 Тулысшӧр 2019.
  11. ↑ Асарин А. М., Хазиахметов Р. М. Волжско-Камский каскад гидроузлов (к 50-летию пуска первого гидроагрегата Куйбышевской ГЭС) // Гидротехническое строительство. — 2005. — № 9. — С. 23—28.
  12. ↑ Создавая «Камское море»: как строительство ГЭС изменило Прикамье в середине XX века. Properm.ru. Видзӧтӧм 16 Тулысшӧр 2019.
  13. ↑ Материалы, обосновывающие общие допустимые уловы водных биологических ресурсов на 2019 год в основных водных объектах рыбохозяйственного значения Пермского края и Удмуртского сектора Воткинского водохранилища. ГОСНИОРХ. Видзӧтӧм 25 Одзтулыс 2019.
  14. ↑ 1 2 3 История ГЭС. РусГидро. Видзӧтӧм 15 Тулысшӧр 2019.
  15. ↑ История, 2014, с. 75.
  16. ↑ 1 2 3 4 Вечный двигатель, 2007, с. 197—225.
  17. ↑ История, 2014, с. 99.
  18. ↑ В результате модернизации мощность Камской ГЭС выросла на 14 %. РусГидро. Видзӧтӧм 15 Тулысшӧр 2019.
  19. ↑ Программа комплексной модернизации Камской ГЭС. РусГидро. Видзӧтӧм 15 Тулысшӧр 2019.
  20. ↑ На Камской ГЭС включены в сеть новые трансформаторы 110 кВ. РусГидро. Видзӧтӧм 24 Тулысшӧр 2023.
  21. ↑ На Камской ГЭС завершили замену гидромеханического оборудования. РусГидро. Видзӧтӧм 24 Тулысшӧр 2023.
  22. ↑ Западная нитка Пермского шлюза заработает через 18 лет после аварии. Коммерсантъ. Видзӧтӧм 15 Тулысшӧр 2019.
  23. ↑ Камский бассейн: На Камском направлении. Морские вести России. Видзӧтӧм 15 Тулысшӧр 2019.

Литература

  • Дворецкая М.И., Жданова А.П., Лушников О.Г., Слива И.В. Возобновляемая энергия. Гидроэлектростанции России. — СПб.: Издательство Санкт-Петербургского политехнического университета Петра Великого, 2018. — 224 с. — ISBN 978-5-7422-6139-1.
  • Гидроэлектростанции России. — М.: Типография Института Гидропроект, 1998. — 467 с.
  • Слива И. В. История гидроэнергетики России. — Тверь: Тверская Типография, 2014. — 302 с. — ISBN 978-5-906006-05-9.
  • Заключённые на стройках коммунизма. ГУЛАГ и объекты энергетики в СССР. Собрание документов и фотографий. — М.: Российская политическая энциклопедия (РОССПЭН), 2008. — 448 с. — ISBN 978-5-8243-0918-8.
  • Мельник С.Г. Вечный двигатель. Волжско-Камский каскад: вчера, сегодня, завтра. — М.: Фонд «Юбилейная летопись», 2007. — 352 с.

Ыстӧттэз

Босьтӧма "https://koi.ruwiki.ru/w/index.php?title=Камскӧй_ГЭС&oldid=206714"-ись