Калинин Алексей Николаевич
| Калинин Алексей Николаевич | |
|---|---|
| Чужан лун | 1922 во аршӧр 1 лун |
| Чужанін | |
| Кулан лун | 1943 во гожумпом 9 лун (20 лет) |
| Куланін | |
| Войскоэз род | пехота[d] |
| Званнё | Старшӧй сержант[d] |
| Сраженнёэз/войнаэз | |
| Донтан пассэз |
  |
 Медиафайлы на РУВИКИ.Медиа | |
Калинин Алексей Николаевич (1922 — 1943) — Советскӧй Союзлӧн Герой, Великӧй Отечественнӧй войнаын участник. Пӧдналіс асьнас пулемётлісь амбразура.
Олантуй
Чужис 1922 во аршӧр 1 лунӧ Кӧс Ӧшӧмын (ӧння кадӧ абу, матын Пыстӧгсянь, Кочёвскӧй район). 1925 воӧ аймамыс мунісӧ овны Сибирӧ. Одз кольччис аймамыстӧг, быдмис ны ёрттэз дын быдтасӧн. Челядькадсӧ чулӧтіс Алтайскӧй крайись Заринскӧй районісь Батунин Ключ да Новозыряново посаддэзын. Велӧтчис Новозыряново школаын. Уджаліс колхозын вӧввӧдітісьӧн колхозын. 1941 во тӧвпомӧ пырис комсомолӧ.
Война пондӧтчикас, 1941 во одзгожумӧ, муніс РККА-ӧ. Гожумшӧрсянь воюйтіс Воронежскӧй фронт вылын, вӧлі 38 армия 232 стрелковӧй дивизия 764 стрелковӧй полк 2 батальонісь 6 рота взвод юралісьлӧн отсасись. 1943 во гожумпом 9 лунӧ Белгородско-Харьковскӧй операция дырни сы дивизияыс пондіс мунны одзлань Краснопольеӧ (Украинаись Сумскӧй областьын), мед мырддьыны Белгород‒Краснополье‒Сумы кӧрттуй тор. Тулыснас да гожумнас фронтыслӧн линияыс сэтӧн вӧлі стабильнӧй, враггес ештісӧ бура сувтчыны да дорйӧтчыны.
Волковка нима хутор дын Калининыслӧн батальоныс куимись уськӧтчывліс атакаӧ, но ны паныт сулалісӧ пулемётнӧй поззэз. Старшӧй сержант Калининыс атакаэс коста вермис гранатэзӧн падмӧтны кык дзот, гусьӧн локтіс куимӧтыс дынӧ да чапкис граната, но недыр мыйись дзотсис бӧра пондісӧ лыйсьыны. Сэк Калининыс пӧдналіс асьнас дзотыслісь амбразурасӧ.
Вӧлі дзебӧм ӧтласа шойнаын 1 километра ылынаын Волковкасяняс. 1966 воӧ дзебӧм вились ӧтласа шойнаын Краснополье посад шӧрын.
Донтан пассэз
- 1944 — Советскӧй Союзлӧн Герой званнё, «Золотая Звезда» медаль
- 1944 — Ленин нима Орден
Касьтылӧм
- Краснополье посадын эм касьтыланпас , Украиналӧн культурнӧй наследие статуса объект.
- Алексей Калинин нимӧн шуӧм школа Новозыряновоын, школа одзас сулалӧ сы бюст.
- Заринскын шӧрӧт школа №1 одзын сувтӧтӧм Алексей Калинлӧн бюст.
- Ыджыт Коча школаын эм Герой нима музейнӧй пельӧс.
- Кудымкарын Геройез Аллеяын эм Калининлӧн барельефа касьтыланпӧв.
Морт йылісь
- Зубов Ю. П., Конин Г. К., Мешавкин В. А. Герои Советского Союза, полные кавалеры ордена Славы — уроженцы Коми-Пермяцкого автономного округа: Буклет. — Кудымкар, 1985.
- Годы испытаний: Коми-Пермяцкий округ в Великой Отечественной войне 1941—1945 гг.: Историко-документальная хроника/Автор-сост. Ю. П. Зубов.- Пермь: Горт, 2005. — С.105-106.
- Зубов Ю. П. Время тревог и побед (вклад населения Коми-Пермяцкого национального округа в победу над фашистской Германией, 1941—1945 гг.). — Пермь: Горт, 2010. ‒ С. 31-32.: фот. ‒ (Сер. "Именитые граждане Земли Коми-Пермяцкой)
- Зубов Ю. П. Золотые Звезды Пармы: Биобиблиографический справочник. ‒ Пермь: Горт, 2004. — С. 24-25.: фот. —(Сер. "Именитые граждане Земли Коми-Пермяцкой. — Вып.7.)
- Ценой своей жизни: Путеводитель по аллее Героев Советского Союза. — Кудымкар, 1988. ‒ С.4-9.
- Боевая слава Алтая. 3-е изд. — Барнаул: Алтайское кн. изд., 1978.
- Кузнецов И. И., Джога И. М. Золотые Звёзды Алтая. — Барнаул: 1982.
- Конин Г.К. Подвиги героев бессмертны. Очерки. ‒ Кудымкар: Коми-Перм. кн. изд-во, 2005. С. 78‒84.
- Пермский край в Великой Отечественной войне: энциклопедия / коллектив авторов; ред. кол-я: Махов В. П. (главный редактор) и др. ‒ Издание испр. и доп. ‒ Пермь : Изд-во «Пушка», 2020. С.163.