Казанцев Павел Максимович

Босьтöм Рувикиись
Казанцев Павел Максимович
Казанцев Павел Максимович НЭД ЮР.jpg
Чужан лун: 1916 во тӧвшӧр 23 лун(1916-01-23)
Чужанін:
Кулан лун: 1991 во одзтулыс 1 лун(1991-03-01) (75 лет)
Куланін:
Удж инженер, горт история туялісь, гижись
Донтан пассэз
Отечественнӧй войнася II степеня орден медаль «За боевые заслуги» медаль «За оборону Москвы» медаль «За победу над Германией в Великой Отечественной войне 1941—1945 гг.»

Казанцев Павел Максимович (1916 во тӧвшӧр 23 лун, Пожва, Соликамскӧй уезд, Пермскӧй губерния — 1991 во одзтулыс 1 лун, Пожва, Юсьва район, Коми-Пермяцкӧй автономнӧй округ) — инженер, Великӧй Отечественнӧй войнаын участник, горт история туялісь, гижись.

Олантуй

[вильмӧтны | править код]

Чужис 1916 во тӧвшӧр 23 лунӧ Пожваын. 1924—1931 воэзӧ велӧтчис Пожваись сизимкласса школаын[1].

бӧрын кутчис уджавны Пожва механическӧй заводісь «Молот» артельын. Уджаліс слесарьӧн, нормироващикӧн, механическӧй цех контроль мастерӧн, чертёжник-конструкторӧн.

1935 во арӧн вӧлі ыстӧм велӧтчыны Ленинградӧ, индустриальнӧй техникумӧ. Помаліс сійӧ 1939 воӧ «металл кӧдзыт керӧтӧм технолог» специальность сьӧрті. Техникумас велӧтчикӧ вӧлі Ленинградіс томпӧлӧс понда газетаын юнкорӧн да стегазета редакторӧн[2].

Техникумыс помалӧм бӧрын вӧлі ыстӧм уджавны Курскӧ, «Текстильмаш» заводӧ.

1939 во арпомсянь 1948 во тулысшӧрӧдз кысъяліс Гӧрд Армияын. Кысъялікас помаліс Ленинградісь связь училище кыдз радиотехник. 1941 во одзарӧ-аршӧрӧ сюрліс фашисттэз оккупацияӧ УССР Полтавскӧй да Сумскӧй областтезын.

Демобилизация бӧрын 1948 во одзгожумсянь 1949 во арпомӧдз уджаліс Курскись «Сельмаш» заводын старшӧй технологӧн.

1950 во тӧвпомсянь арпомӧдз уджаліс Китайын.

Бертіс Пожваӧ 1953 воӧ. Кузь олан сьӧрна уджаліс Пожва заводын: во дырна вӧлі судомеханическӧй цех мастерӧн, 1954—1960 воэзӧ директораліс заводнас, сэсся, пенсия вылӧ петтӧдз, уджаліс инженер-технологӧн да старшӧй инженерӧн.

Куліс 1991 во одзтулыс 1 лунӧ. Дзебӧм Пожваын.

Туялан удж

[вильмӧтны | править код]

Туяліс Пожва посадлісь да Пожва заводлісь история, Всеволожскийез увтыр история да ны йитӧттэз А. С. Пушкинкӧт.

1966 воӧ Пермскӧй книжнӧй издательство лэдзис Казанцевлісь «На старом уральском заводе» нима небӧг, кӧда гижӧм завод аркмӧтӧм йылісь. Мӧдӧдз уджсӧ — «Дорогами поисков» — лӧсьӧтіс публикация кеж, но эз ешты лэдзны. 2004 воӧ Коми-Пермяцкӧй книжнӧй издательство лэдзис Казанцевлісь публикуйтӧм да публикуйттӧм материаллэсӧ «Пожвинский завод. Историческая хроника 1754—2004» нима небӧгӧн.

Небӧггес киння гижис уна статья. Нія петавлісӧ газетаэзын да журналлэзын, «Наш край» ӧктӧттэзын. Всеволожскийез да Пушкин йылісь материаллэс петісӧ «Временник Пушкинской комиссии» нима журналын.

Аркмӧтіс Пожва заводлісь музей. Ӧння кадӧ сія уджалӧ Пожва библиотекаын.

Небӧггес[вильмӧтны | править код]

  • Казанцев П. М. На старом уральском заводе [Пожвинский завод]. Записки краеведа. — Пермь : Кн. изд-во, 1966. — 123 с.
  • Казанцев П. М. Пожвинский завод. Историческая хроника. 1754—2004. — Кудымкар: Коми-Перм. кн. изд-во, 2004. — 424 с.

Мукӧд публикацияэс[вильмӧтны | править код]

  • П. Казанцев. Зелёная лампа с Урала? — «Уральский следопыт», 1966, № 3.[3]
  • Казанцев П. М. К изучению «Русского Пелама» А. С. Пушкина // Временник Пушкинской комиссии, 1964 / АН СССР. Отд-ние лит. и яз. Пушкин. комис. — Л.: Наука. Ленингр. отд-ние, 1967. — С. 21—33.[4]
  • П. Казанцев. Участь изобретателя. — «Уральский следопыт», 1967, № 1.[5]
  • П. Казанцев. Строки не стёртые временем. — «Уральский следопыт», 1970, № 9.[6]
  • П. Казанцев. «Жалованный» кафтан. — «Уральский следопыт», 1971, № 4.[7]
  • П. Казанцев. Памятник «собакевичу». — «Уральский следопыт», 1971, № 5.[8]
  • Казанцев П. М. Анна Вирлацкая. По следам прообраза героини незавершенного пушкинского романа [«Русский Пелам»]. — «Урал», 1971, № 9, стр. 129—138.
  • П. Казанцев. Изобрёл Иван Кулибин. — «Уральский следопыт», 1984, № 6.[9]

Донтан пассэз

[вильмӧтны | править код]
  • «За победу над Германией в Великой Отечественной войне 1941—1945 гг.» медаль (1945)
  • «За свободный Шанхай» медаль (Китайскӧй НР, 1950)
  • «За боевые заслуги» медаль (1951)
  • П. Г. Соболевский нима касьтылан медаль (1977)
  • «30 лет Советской Армии и Флоту» медаль
  • «За оборону Москвы» медаль
  • Орден Отечественной войны II степени (1989)

Касьтылӧм

[вильмӧтны | править код]
  • Пожва библиотекаын осьтӧм П. М. Казанцев нима мемориальнӧй музей-пельӧс. Сыын видзӧны Казанцевлісь архив.

Пасйӧттэз

[вильмӧтны | править код]
  1. ↑ [Казанцев Павел Максимович] Гордость Пармы: Биографический справочник. — Кудымкар: Коми-Пермяцкое книжное издательство, 2008. — С. 502—503.
  2. ↑ Е. Клещин. Слово об авторе // Казанцев П. М. Пожвинский завод. Историческая хроника. 1754—2004. — Кудымкар: Коми-Перм. кн. изд-во, 2004.
  3. ↑ П. Казанцев. Зелёная лампа с Урала? — «Уральский следопыт», 1966, № 3. Уральский следопыт
  4. ↑ П. М. Казанцев. К изучению «Русского Пелама» А. С. Пушкина. Фундаментальная электронная библиотека «Русская литература и фольклор»
  5. ↑ П. Казанцев. Участь изобретателя. — «Уральский следопыт», 1967, № 1. Уральский следопыт
  6. ↑ П. Казанцев. Строки не стёртые временем. — «Уральский следопыт», 1970, № 9. Уральский следопыт
  7. ↑ Казанцев П. М. «Жалованный» кафтан. — «Уральский следопыт», 1971, № 4. Уральский следопыт
  8. ↑ Казанцев П. М. Памятник «собакевичу». — «Уральский следопыт», 1971, № 5. Уральский следопыт
  9. ↑ Казанцев П. М. Изобрёл Иван Кулибин. — «Уральский следопыт», 1984, № 6. Уральский следопыт

Ыстӧттэз

[вильмӧтны | править код]
Босьтӧма "https://koi.ruwiki.ru/w/index.php?title=Казанцев_Павел_Максимович&oldid=123170"-ись