Иньпӧлӧс мирпасьта лун

Босьтöм Рувикиись
Иньпӧлӧс мирпасьта лун
Иньпӧлӧс мирпасьта лунлӧ кӧсйӧм немецкӧй плакат, 1914 во одзтулыс 8 лун
Иньпӧлӧс мирпасьта лунлӧ кӧсйӧм немецкӧй плакат,
1914 во одзтулыс 8 лун
Аркмӧтӧм 1910 воӧ
Чулӧтӧны быд во
Лун одзтулыс 8 лун
Логотип РУВИКИ.Медиа Медиафайлы на РУВИКИ.Медиа

Иньпӧлӧс мирпасьта лун (рочӧн Международный женский день, 8 Марта, англ. International Women’s Day)[1] — мирын унажык канмуэзся донтан лун. Медодз луныс вӧлі йитӧм иньпӧлӧс ас правоэз паськӧтӧм дор пессьӧмӧн[2].

Инькаэзлӧн ӧткодь правоэз дорйӧм понда мирпасьта лун чулӧтӧм идеяыс аркмис XX сёво пондӧтчикӧ[3]. Инькаэзлісь ӧтувтчӧмсӧ пондӧтіс Клара Цеткин, Германияись социал-демократическӧй партияись иньпӧлӧс чукӧрлӧн юралісь.

Одзтӧв 18 лунӧ ООН-лӧн Генеральнӧй Ассамблея бурсьӧтіс A/RES/3010 резолюция, кӧда сьӧрті 1975 воыс вӧлі шуӧм Иньпӧлӧс мирпасьта воӧн[1]. 1977 воӧ ООН-лӧн Генеральнӧй Ассамблея бурсьӧтіс A/RES/32/142 резолюция, кӧда сьӧрті ООН-ӧ пырись канмуэз коласын вӧлі лӧсьӧтӧм Инькаэзлӧн правоэз да мир понда пессьӧм мирпасьта лун[3][4].

Эта лунӧ мирпасьта отиркостся организацияэз чулӧтӧны протестнӧй акцияэз да митингез, кӧдналӧн могыс дорйыны инькаэзлісь правоэз да мезддэз, пессьыны гортся насиллё паныт, дорйыны нетрадиционнӧй ориентацияа отирлісь правоэз[2]. Этшшӧмыс чулӧтсьӧ Францияын, Индияын, Киргизияын, Японияын, Германияын, Великобританияын, Таиландын, Бельгияын, Италияын да мӧдіклаын[5].

Россияын эта лунӧ чулӧтӧны вежалунся концерттэз, берся акцияэз, кӧднӧ сиӧны инькаэзлӧн тӧдчана рольлӧ[6]. Традиция сьӧрті одзтулыс 8 лунӧ айпӧлӧс козьналӧ иньпӧлӧслӧ дзоридззез, тӧдчӧтӧны морт оланын нылісь ыджыт роль[7].

Аркмӧтӧм

[вильмӧтны | править код]

Иньпӧлӧс мирпасьта лун аркмӧтан одзтасӧн лоисӧ США-ись инькаэзлӧн сьӧкыт уджалӧм кузя протесттэз (Эмтӧм кастрюляэзлӧн марш, 1857 во; Гортвидзиссезлӧн марш, 1901 во)[8]. 1908 во тӧвпом 16 лунӧ Прогрессивнӧй иньпӧлӧс союзлӧн аркмӧтісь Мод Мэлун организуйтіс Нью-Йоркын текстиль керӧтӧмын уджаліссезлісь марш, кӧда корис видзны иньпӧлӧс правоэз да ыждӧтны удждон[3].

1910 во гожумпом 27 лунӧ Копенгагенын чулӧтӧм Мӧдӧдзза йӧзкостся социалистическӧй иньпӧлӧс конференция коста Германияись социал-демократическӧй партияись иньпӧлӧс чукӧрлӧн лидер Клара Цеткин вӧзйис лӧсьӧтны мирын Уджалісь инькаэзлӧн асланыс правоэз понда пессьӧмын солидарность лун[9]. Сы вӧзйӧмыс дор вӧлісӧ 17 канмуись представителлез[4].

Традицияыс чулӧтны донтан лунсӧ одзтулыс 8 лунӧ (важмоза тӧвпом 23 лунӧ) пондіс вынсявны быдлаын сыбӧрын, кӧр 1914 воӧ Германияись, Данияись, Нидерландыись, Швейцарияись, Россияись, США-ись да мӧдік странаэзісь инькаэз чулӧтісӧ эта лунӧ митинггез[10].

1917 во бӧрсянь донтан лунсӧ унажыксӧ чулӧтісӧ социалистическӧй канмуэзын. Сідз, китайскӧй коммунисттэз сійӧ чулӧтлісӧ 1922 восянь, а испанскӧйез — 1936 восянь[11].

Одзтӧв 18 лунӧ ООН-лӧн Генеральнӧй Ассамблея бурсьӧтіс A/RES/3010 резолюция, кӧда сьӧрті 1975 во вӧлі шуӧм Иньпӧлӧс мирпасьта воӧн, 1976—1985 воэзся кадкост — Иньпӧлӧс мирпасьта дасвоӧн[1]. 1977 воӧ ООН-лӧн Генеральнӧй Ассамблея бурсьӧтіс A/RES/32/142 резолюция, кӧда сьӧрті вӧлі лӧсьӧтӧма ООН-ӧ пырись канмуэз коласын Инькаэзлӧн правоэз да мир понда пессьӧм мирпасьта лун[3][4].

1978 во арпом 27 лунӧ Парижын ЮНЕСКО Генеральнӧй конференциялӧн 20-ӧт сессия коста вӧлі бурсьӧтӧм 20 C/13.2 резолюция, кӧда сьӧрті Иньпӧлӧс мирпасьта лун вӧзйӧм чулӧтны одзтулыс 8 лунӧ[4][9].

Аркмӧтӧм Россияын да СССР-ын[вильмӧтны | править код]

Иньпӧлӧс манифестация Петроградын
23 тӧвпом (8 одзтулыс) 1917 воӧ.

Россияын Иньпӧлӧс мирпасьта лун йитӧм петроградскӧй уджалісь инькаэз демонстрацияэзкӧт 1917 во тӧвпом 23 лунӧ (вильмоза одзтулыс 8 лунӧ). Эта лунӧ большевиккез партия ЦК-лӧн корӧм сьӧрті инькаэз петісӧ иньпӧлӧс неӧткодь правоэз, тшыг да война паныт. Вӧлӧмыс муніс Февральскӧй революция одзын, кӧда пуктіс Романоввез династиялӧ пом[12].

1921 воӧ Мӧдӧдзза Коммунистическӧй иньпӧлӧс конференция решеннё сьӧрті вӧлі бурсьӧтӧм чулӧтны Иньпӧлӧс мирпасьта лун одзтулыс 8 лунӧ, медбы касьтывны иньпӧлӧсӧс, кӧдна петавлісӧ 1917 вося петроградскӧй демонстрация вылӧ.[13]

СССР-ын Международнӧй женскӧй лун лоис союзпасьтся донтан лунӧн, кӧда ошкӧ вына сӧветскӧй инькаӧс — коммунисткаӧс, уджалісьӧс да мамӧс. СССР Верховнӧй Совет Президиумлӧн 1965 во тулыспом 8 лунся указӧн эта луныс вӧлі пуктӧм шоччисян лунӧн[9].

СССР-ын Иньпӧлӧс мирпасьта лун лоис всесоюзнӧй праздникӧн, кӧда ошкӧ вына сӧветскӧй инькаӧс — коммунисткаӧс, уджалісьӧс да мамӧс. СССР Верховнӧй Совет Президиумлӧн Указӧн 1965' май 8' лунӧ эта лун вӧлі юӧртӧма неуджалан лунӧн.

СССР разьсьӧм бӧрын одзтулыс 8 луныс Россияын одззамоз кольччӧ канму статуса донтан лунӧн да шоччисян лунӧн 2001 во одзтӧв 30 лунся РФ Трудовӧй кодекс сьӧрті[4]. Донтан луныс лоис быдӧс инькаэзӧс, нывкаэзӧс да нылочкаэзӧс вежалуналан лунӧн семьяын, удж вылын да велӧтчаніннэзын[14].

Чулӧтӧм мирын

[вильмӧтны | править код]

Сія кадсянь, кӧр ООН-лӧн Генеральнӧй Ассамблея 1977 воӧ ООН-ӧ пырись канмуэз коласын[3][4] лӧсьӧтіс Иньпӧлӧс правоэз да мир понда пессьӧм мирпасьта лун, ООН-ын быд во (2000 восянь) чулӧтсьӧны мероприяттёэз, кӧдналӧн эм тодиль тема. Сідз, 2021 воӧ — «Инькаэз юаралісь посттэзын: COVID-19 кадӧ ӧткодь правоа одзланься олӧм шедтӧм»[15]; 2022 воӧ — «Гендернӧй ӧткодьвидзӧм талун экологическӧй видзяна ашын понда»[16]; 2023 воӧ — «DigitALL: гендернӧй ӧткодьвидзӧм понда инновацияэз да технологияэз»[17].

СССР разьсьӧм бӧрын одзтулыс 8 лун порйӧтӧм традицияыс кольччис быдӧс кӧркӧся союзнӧй республикаэзын — Арменияын, Грузияын, Казахстанын, Киргизияын, Молдавияын, Азербайджанын, Узбекистанын, Украинаын, Абхазияын да Белоруссияын да мӧдіккезын, кытӧн эта луныс абу уджалана, Латвия, Литва да Эстония киння[18][19].

Ӧктӧмӧсь одзтулыс 8 лун кеж антифеминизм протесттэз Европаын.

Порйӧтӧны Иньпӧлӧс мирпасьта лун Вьетнамын, Монголияын, Кубаын да мукӧд мӧдік канмуэзын. Одзтулыс 8 лун порйӧтӧны и Китайын — инькаэзлӧн эта донтан лунӧ джендӧтӧм уджалан лун[4][19].

Таджикистан Республикаись президент Эмомали Рахмонлӧн указ сьӧрті 2009 восянь эта донтан луныс кӧсйӧм инькаэзлӧ-маммезлӧ, тӧмпӧлӧс велӧтіссезлӧ да шусьӧ Мам лун[20].

Туркменияын 2007 воӧдз Иньпӧлӧс мирпасьта лунсӧ эзӧ чулӧтӧ — инькаэз донтан луныс вӧлі вуджӧтӧм одзтулыс 21 лунӧ (тулысся ӧткодьлунӧ), ӧтлаӧтӧм Наврузкӧт — национальнӧй тулысся вежалунӧн. Но сы кузя, мый мамӧс кыдз семьялісь юр да вуж донтӧмыс пырся тюркменскӧй отирлӧн традицияэзӧ, 2008 во тӧвшӧрӧ президентыс пыртӧм вежсьӧтӧммез Удж йылісь законнэзлӧн кодексӧ, сійӧн традицияыс пӧрйӧтны этӧ донтан лунсӧ бертіс[21].

Грузияын 1991 восянь Иньпӧлӧс мирпасьта луныс вӧлі вежӧм Мам лунӧн — одзтулыс 3 лунӧ. 2002 во канму парламент вились бергӧтіс этӧ донтан лунсӧ. Сідзкӧ, Грузияын чулӧтсьӧ и Иньпӧлӧс мирпасьта лун, и Мам лун[22].

СССР разьсьӧм бӧрын Латвияын Иньпӧлӧс мирпасьта луныс дугдіс лоны шоччисян лунӧн. 2007 во тулысшӧрӧ Сейм бурсьӧтіс «Вежалуннэз, касьтылан да чулӧтан луннэз йылісь» законӧ вежсьӧм, кӧда сьӧрті Иньпӧлӧс мирпасьта луныс лоис официальнӧя донтан лунӧн.

Германияын Иньпӧлӧс мирпасьта лун эз вӧв канму статуса донтан лунӧн 2019 воӧдз, сэсся лоис шоччисян лунӧн, но дзир Берлинын. Эта лунӧ чулӧтсьӧны мирнӧй демонстрацияэз, кӧднӧн мыччалӧны мирпасьта инькаэз вылын насиллё, инькаэзлісь правоэз дзескӧтӧм паныталӧм[23].

Италияын одзтулыс 8 лун (Уджалісь инькаэзлӧн мирпасьта лун) итальянеццез чулӧтӧны кыдз инькаэзлісь удж да правоэз донтан лун. Сійӧн унажыксӧ эта лунӧ чулӧтӧны протестнӧй акцияэз, митинггез, кӧдна сиӧмӧсь инькаэзлӧн правоэзлӧ[24].

Сідзжӧ Иньпӧлӧс мирпасьта лун лоӧ канму статуса донтан лунӧн эттшӧм канмуэзын: Анголаын, Замбияын, Камбоджаын, Кенияын, КНДР-ын, Мадагаскарын, Монголияын, Угандаын да Эритреяын. Лаосын эта луныс абу уджалан дзир иньпӧлӧс понда[18].

ООН отсӧтӧн мирын чулӧтсьӧны эшӧ мӧдік донтан луннэз, кӧдна йитсьӧны инькаэзкӧт: тӧвпом 6 лун — иньпӧв чужтан органнэз калечитан операцияэз паныт пессян мирпасьта лун, тӧвпом 11 лун — Наукаын инькаэзлӧн да нывкаэзлӧн мирпасьта лун, аршӧр 15 лун — Посадся инькаэзлӧн мирпасьта лун, одзгожум 23 лун — Айкатӧмалӧм инькаэзлӧн мирпасьта лун, аршӧр 11 лун — Нывкапӧлӧслӧн мирпасьта лун, арпом 25 лун — Инькаэз вылын насиллёкӧт пессян мирпасьта лун.[7]

Чулӧтӧм Россияын

[вильмӧтны | править код]

Советскӧй Союз разьсьӧм бӧрын Иньпӧлӧс мирпасьта луныс кольччӧ Россияын канму статуса донтан лунӧн да шоччисян лунӧн[4]. Традиция сьӧрті, эта лунӧ айпӧлӧс козьналӧ иньпӧлӧслӧ дзоридззез да берся козиннэз, тодилялӧ ны ыджыт роль мортпӧлӧс олӧмын[25].

Россияын одзтулыс 8 лунӧ чулӧтсьӧны вежалунся концерртэз, быдберся акцияэз, кӧдна кӧсйӧмӧсь инькаэзлӧ[6]. Шуам, Росссияын быд карын чулӧтьсӧ акция «Тіянлӧ, Донаэз!» (рочӧн «Вам, Любимые!»). Добровольческӧй движеннёэзісь активисттэз вежалуналӧны инькаэсӧ донтан луннас, козьналӧны дзоридззез улицаэзын, вокзаллэзын, аэропорттэзын, медицина учрежденнёэзын, соцзащитаэзын[26].

Одзтулыс 8 лун кеж «Ӧтласа Россия» партияӧ пыриссез пондӧтісӧ Россияпасьтся марафон «Мича инькаэз понда» (рочӧн «Для милых женщин») да акция «Тэнат тулыс» (рочӧн «Твоя весна»)[27].

2022 воӧ одзтулыс 6—8 луннэзӧ Россияын чулаліс Россияпасьтся акция «Культурнӧй шоччисян» (рочӧн «Культурные выходные»), кіда вӧлі кӧсйӧм Иньпӧлӧс мирпасьта лунлӧ. Мукӧд музейез лэдзисӧ сьӧмтӧг экспозицияэзӧ, да 20 циркын (Санкт-Петербургсянь Владивостокӧдз) чулалісӧ сьӧмтӧм представленнёэз унакагаа семьяэз понда «Шуда мам» (рочӧн «Счастливая мама») акция сьӧрті[28].

Быд во Россиялӧн президент одзтулыс 8 лунӧ ошкӧ канму донтан пассэзӧн Россияись гора нима быдберся профессияэза инькаэзӧс, кӧдны пуктісӧ ыджыт пай экономикаись берся отрасллез зорӧтӧмӧ[29].

2022 воӧ Россиялӧн президент Владимир Путин инициатива сьӧрті вӧлі вились пыртӧм оланӧ «Мам-героиня» почтнӧй званнё, кӧда лоис медыджыт канму статуса донтан пассэзісь ӧтікӧн[30].

Иньпӧлӧс мирпасьта лун СССР-ся филателияын

[вильмӧтны | править код]

1949 воӧ СССР-ын вӧлі лэдзӧм маркаэзісь тодиль серия, кӧда кӧсйӧм эта канму статуса донтан лунлӧ:

  • Серия марок
  • The Soviet Union 1949 CPA 1366 stamp (International Women's Day, March 8. Women in industry).jpg
  • The Soviet Union 1949 CPA 1367 stamp (International Women's Day, March 8. Preschool teaching).jpg
  • Stamp of USSR 1368.jpg
  • The Soviet Union 1949 CPA 1369 stamp (International Women's Day, March 8. School teaching).jpg
  • The Soviet Union 1949 CPA 1370 stamp (International Women's Day, March 8. Farm women).jpg
  • The Soviet Union 1949 CPA 1371 stamp (International Women's Day, March 8. Women sports champions).jpg
  • The Soviet Union 1949 CPA 1372 stamp (International Women's Day, March 8. Political leadership).jpg

СССР-ын вӧлісӧ лэдзӧмӧсь Иньпӧлӧс мирпасьта лунлӧ кӧсйӧм маркаэз (1947—1967 вз.):

  • 1947 во, 15 коп.

    1947 во, 15 коп.

  • 1947 во, 30 коп.

    1947 во, 30 коп.

  • 1960 во

    1960 во

  • 1967 во

    1967 во

Пасйӧттэз

[вильмӧтны | править код]
  1. ↑ 1,0 1,1 1,2 Международный женский день. ЮНЕСКО (8 марта 2023).
  2. ↑ 2,0 2,1 Козлова Н. Н. Международный женский день 8 Марта как инструмент формирования советской политической культуры // Женщина в российском обществе : журнал. — 2011. — № 1.
  3. ↑ 3,0 3,1 3,2 3,3 3,4 Международный женский день (8 марта). ООН (8 марта 2021).
  4. ↑ 4,0 4,1 4,2 4,3 4,4 4,5 4,6 4,7 История Международного женского дня. ТАСС (8 марта 2022).
  5. ↑ Копчугова А., Полякова В. Акции на 8 Марта в разных странах. РБК (8 марта 2021).
  6. ↑ 6,0 6,1 Присоединяйтесь к Всероссийской акции «Вам любимые!» Региональный центр патриотического воспитания (7 марта 2022).
  7. ↑ 7,0 7,1 Бобович А. В каких странах 8 Марта – государственный праздник? Аргументы и Факты (7 марта 2020).
  8. ↑ Шпаковский Ю. Г. Главный праздник весны // Вестник Университета имени О. Е. Кутафина : журнал. — 2022. — № 3.
  9. ↑ 9,0 9,1 9,2 Осипян А. 8 марта: как появился день борьбы за женские права. РБК Тренды (7 марта 2023)
  10. ↑ Бондарь В. 8 Марта ежегодно отмечают Международный женский день. Владивостокская централизованная библиотечная система.
  11. ↑ Nelson J. International Women's Day: a centenary to celebrate. History Workshop Online (8 марта 2011).
  12. ↑ Андреева Е. М., Жемальдинова А. Ш. РОССИЯ. ГОД 1917: к 100-летию Великой русской революции: библиографические указатели книг. — {{{1}}} м: ЦУНБ им. Н. А. Некрасова, 2017. — 134 с.
  13. ↑ Сидорчик А. Праздник, которому рады не все. Как 8 Марта отвоевывало право на жизнь. Аргументы и Факты (7 марта 2013).
  14. ↑ Радулова Н. День рождения феминизма // Огонёк. — 2008. — № 10 (5037). — С. 62. Архивировано 11 Тӧвпом 2010 года.
  15. ↑ Заявление Верховного комиссара ООН по правам человека Мишель Бачелет по случаю Международного женского дня. ООН (8 марта 2021).
  16. ↑ Международный женский день 2022 Гендерное равенство ради устойчивого будущего. ООН (8 марта 2022).
  17. ↑ Инновации и технологии для обеспечения гендерного равенства. ООН.
  18. ↑ 18,0 18,1 История Международного женского дня. ТАСС (8 марта 2019).
  19. ↑ 19,0 19,1 Международный женский день. РИА Новости (8 марта 2015).
  20. ↑ Международный женский день - «День матери». Таджикский государственный медицинский университет (9 марта 2021).
  21. ↑ Сердар Бердымухамедов поздравил женщин и девушек Туркменистана с 8 марта. Turkmenportal (7 марта 2023).
  22. ↑ Левшиц Н. 8 марта в Грузии официально выходной день. Nikolai Levshits (8 марта 2022).
  23. ↑ 8 марта в Германии. Auf Deutsch (7 марта 2018).
  24. ↑ Международный день трудящихся женщин. Клуб любителей Италии "Моя Италия" (10 марта 2019).
  25. ↑ История Международного женского дня в России. ТАСС (8 марта 2021).
  26. ↑ Всероссийская акция "Вам, Любимые!". Dobro.ru (6 марта 2020).
  27. ↑ «Единая Россия» проводит акции к Международному женскому дню по всей стране. Единая Россия (6 марта 2023).
  28. ↑ Около 6 тысяч мероприятий пройдут в рамках акции «Культурные выходные». Минкультуры России (6 марта 2023).
  29. ↑ Путин вручил женщинам госнаграды. Интерфакс (8 марта 2023).
  30. ↑ Колесников А. Международный женский друг. Коммерсант (8 марта 2023).

Ыстӧттэз

[вильмӧтны | править код]
Босьтӧма "https://koi.ruwiki.ru/w/index.php?title=Иньпӧлӧс_мирпасьта_лун&oldid=119988"-ись