Интернетлісь чожа видзӧтан сервиссэз
| Интернетлісь чожа видзӧтан сервиссэз | |
|---|---|
 | |
| Аркмӧтан кад | 2025 |
Интернетлісь чожа видзӧтан сервиссэз (рочӧн Сервисы для проверки скорости интернета) — онлайн-инструменттэз нето мобильнӧй содтӧттэз, кӧдна мурталӧны интернет-йитӧтлісь параметррез — пыртан чожа (Download), сетан чожа (Upload) да сёрмӧм (Ping). Нія отсалӧны видзӧтны йитӧтлісь бурасӧ, провайдер тарифлӧ ӧткодя да адззыны проблемаэз[1].
Медпопулярнӧй интернеткӧт йитӧтлісь чожа видзӧтан сервисӧн лыддисис Speedtest, кӧда 2025 во гожумшӧр 30 лунӧ Роскомнадзор тшӧктӧм сьӧрті блокируйтӧм. Ведомствоас вӧзйисӧ уджавны сы российскӧй аналоггезӧн[2].
Speedtest блокируйтӧм
Одзвывті
- 2024 во аршӧр 17 лунӧ Йӧзкостся йитӧттэз сьӧрті академия вӧзйис кидтыны провайдеррезлӧ используйтны американскӧй сервис SpeedTest интернетлісь чожа видзӧтӧм понда.
- Вӧзйӧмыскӧт ӧтувтчисӧ Госдума да ФСБ.
- Академия сьӧрті, Ookla компания, SpeedTest эмалісь, уджаліс топыт йитӧтӧн США-ись спецслужбаэзкӧт да ӧктіс йитӧттэз йылісь информация, кӧдӧ сёрӧнжык позис бы используйтны кибератакаэз организуйтӧм понда. Компания эз вешты Россияын вот, эз тырт Россияись ведомствоэзлісь да законодательстволісь корӧммез, ны лыдын персональнӧй даннӧйез йылісь[3].
Реализуйтӧм
2025 во гожумшӧр 30 лунӧ Роскомнадзорблокируйтіс Интернетлісь чожа видзӧтӧм понда американскӧй сервис Speedtest. Ведомствоас вӧзйисӧ уджавны сы российскӧй аналоггезӧн[4].
Кыдз уджалӧны чожа видзӧтан сервиссэз
Интернетлісь чожасӧ видзӧтӧм могись позьӧ уджавны кыдз российскӧй, сідз и Speedtest визирсайся аналоггезӧн.
Мурталана парамтеррез:
- Пыртан чожа (Download): мыччалӧ, мый чожа Интернетісь даннӧйез пырӧны тіян устройствоӧ (шуам, фильммез пыртӧм нето сайттэз осьтӧм). Муртассьӧ Мбит/с-ӧн. Кыным ыджытжык мыччӧтыс, сыныс буржык.
- Сетан чожа (Upload): мыччалӧ устройствоэзісь даннӧйез Интернетӧ ыстан чожа (шуам, фотоэз облакоӧ пыртӧм нето видоезвоноккез). Сідзжӧ муртассьӧ Мбит/с-ӧн.
- Пинг (Ping): сервер уджӧтчан кад миллисекундаэзын (мс). Учӧт пинг (<50 мс) лоӧ критичнӧй онлайн-орсаннэз да видеоконференцияэз понда. 100 мс-ся ыджытжык мыччӧттэс мыччалӧны сёрмӧм.
- Содтӧта метрикаэз: мукӧд сервиссэз мурталӧны джиттер (пинг вӧрӧм) да пакеттэз ӧштӧм.
Сервиссэс торйӧтчӧны функционал, тодилялӧм да судзӧт сьӧрті[5].
Российскӧй сервиссэз
ПроСеть
«ПроСеть» нима содтӧт керисӧ ЦМУ ССОП-ись специалисттэз. Позьӧ качайтны Rustore-ись[6].
Функционал:
- Интернетӧ пыран чожа видзӧтӧм;
- мобильнӧй везӧ пыран йылісь даннӧйез сьӧрті йитӧтлісь уджалӧмсӧ донъялӧм;
- интернет-ресурссэзлісь судзсьӧм сьӧрті видзӧтӧм;
- даннӧйэзӧн вуджӧтӧмлӧн сёрмӧм сьӧрті видзӧтӧм да даннӧйез мунан туй сьӧрті видзӧтӧм;
- IP-пакеттэзлісь маршрут видзӧтӧм.
Интернетометр
Чожа мурталан «Интернетметр» «Яндекссянь», кӧда уджалӧ кыдз веб-сервис. Видзны пондӧтчӧм одзын колӧ пӧднавны быдӧс программаэсӧ, кӧдна петӧны везӧ.
Функционал:
- пыран да петан йитӧтлісь чожа, регион, браузерлісь тип техническӧй даннӧйезӧн да экран разрешеннёӧн тӧдмалӧм;
- IPv4 адрес нето IPv6 адрес тӧдмалӧм.
2IP
Роч кыв вылын 2ip-сервислӧн кипод увтын 50 сервер, кӧдна меститчӧны унажыксӧ Росияын, а сідзжӧ эмӧсь кынымкӧ европейскӧй да ӧтік американскӧй. Интерактивнӧй карта вылын позьӧ бӧрйыны колана сервер, кӧдӧ колӧ видзӧтны.
Функционал:
- пыран, петан йитӧтлісь да пинглісь чожасӧ видзӧтӧм;
- IP-адрес тӧдмалӧм;
- уджӧтӧм сервер йылісь даннӧйез.
Линкметр
Российскӧй «Линкметр» сервис лӧсьӧтӧм «Вектор-2019» мурталан комплекс платформа подув вылын. Судзана веб-версияын.
Функционал:
- пыран да петан трафиклісь чожасӧ видзӧтӧм;
- пинг тӧдмалӧм;
- тестируйтана сервер бӧрйӧм.
Мегабитус
Россияись TelecomDaily компаниялісь «Мегабитус» услугасӧ позьӧ адззыны веб-версияын да мобильнӧй содтӧтӧн.
Функционал:
- пыран, петан йитӧтлісь да пинглісь чожасӧ видзӧтӧм;
- сетевӧй вывті уджӧтӧм пакеттэз локтӧм коласын сёрмӧм мыччалӧм;
- даннӧй пакеттэзлӧн ӧштӧм сьӧрті процент тӧдмалӧм.
QMS
«Ростелекомлӧн» сервис QMS уджалӧ веб-версияын.
Функционал:
- чожа, сервер иналӧм да провайдер видзӧтӧм;
- пинг вежсьӧм йылісь юӧр;
- сетевӧй пакеттэзлӧн мунӧм сьӧрті видзӧтӧм.
Визирсайся аналоггез (уджаланаӧсь Россияын)
Speedcheck
Американскӧй Speedcheck служба роч кыв вылын версияӧн сетӧ видзӧтны ӧтуввезлісь чожасӧ кузь маршрут кузя, а не дзир неыджыт тор вылын пользовательсянь провайдер-компаниялӧн серверӧдз. Уджалана браузерын, а сідзжӧ мобильнӧй содтӧтӧн.
Функционал:
- пыран да петан йитӧтлісь чожасӧ, а сідзжӧ пингсӧ мурталӧм;
- пыртӧм коста качайтӧмліст чожасӧ видзӧтӧм.
OpenSpeedTest
OpenSpeedTest-сервисыс базируйтчӧ веб-маркировка кывлӧн медбӧрья версия вылӧ Html5, сійӧн сія уджалӧ быд браузерын да быд платформа вылын.
Функционал:
- чожа, сервер иналӧм да провайдер видзӧтӧм;
- пинг да сы вӧрӧм тӧдмалӧм.
Fast.com
Netflix Fast.com содтӧт керӧм, мед видзӧтны Интернетлісь чожа. Уджалӧ веб-версияын, диагностикаыс керсьӧ кликӧн.
Функционал:
- даннӧйез пыртӧмлісь да ыстӧмлісь чожасӧ мурталӧм;
- сёрмӧм йылісь информация.
Meteor
Meteor программаыс уджалӧ кыдз содтӧт iOS да Android-ӧ.
Функционал:
- пыртан, даннӧйез ыстан да пинг чожа видзӧтӧм;
- юӧр сы йылісь, кыдз интернет чожаыс влияйтӧ конкретнӧй содтӧттэз удж вылӧ (YouTube, WhatsApp).
Сервиссэз ордсьӧтӧм
| Сервис ним | Канму | Платформа (веб/мобильнӧй) | Медшӧр функцияэз |
|---|---|---|---|
| ПроСеть | Россия | Android | IP-пакеттэзлӧн маршрут сьӧрті видзӧтӧм |
| Интернетометр | Россия | Веб-сервис | IPv4 адрес нето IPv6 адрес тодилялӧм |
| 2IP | Россия | Веб-сервис | Уджӧтӧм сервер йылісь даннӧйез |
| Линкметр | Россия | «Вектор-2019». Веб-версия | Тестируйтӧм понда сервер бӧрйӧм |
| Мегабитус | Россия | Мобильнӧй да веб-версия | Даннӧй пакеттэз ӧштӧм сьӧрті проценттэз тӧдмалӧм |
| QMS | Россия | Веб-версия | Сетевӧй пакеттэз мунӧм сьӧрті видзӧтӧм |
| Speedcheck | США | Android да iOS
Мобильнӧй да веб-версия |
Пыртӧм коста чожа видзӧтӧм |
| OpenSpeedTest | Html5
Мобильнӧй да веб-версия |
Пинг да сы вӧрӧм тӧдмалӧм | |
| Fast.com | США | Веб-версия | Сёрмӧм йылісь информация |
| Meteor | Android да iOS | Юӧр сы йылісь, кыдз интернет скорость влияйтӧ конкретнӧй содтӧттэз удж вылӧ |
Кыдз видзӧтны интернетлісь чожа
- Точнӧй результаттэз понда колӧ ӧтлаасьны сеть дынӧ кабельӧн, а не Wi-Fi пыр, медбы эз вӧв мешайтӧм;
- Пӧднав быдӧс программаэз, кӧдна используйтӧны Ӧтуввез (торренттэз, мессенджеррез, VPN);
- Бӧрйы матісьжык сервер;
- Нуӧтны 2-3 мереннё суткися разнӧй кадӧ объектив картинка понда.
Интернетлісь чожа видзӧтан сервиссэз колӧны, медбы подтвердитны ӧтлаасьӧмлісь ӧдсӧ, кӧда висьталӧма провайдеркӧт договорын. Сідзжӧ онлайн инструменттэз казялӧны ыджыт пинг да учӧт бергӧтӧм — стриминглӧн сёрмӧмлӧн медыджыт причинаэз[7].
Пасйӧттэз
- ↑ Как проверить скорость интернета: пошаговая инструкция для компьютера и телефона, Hi-Tech Mail (30 Гожумшӧр 2025). Дата обращения: 26 Одзар 2025.
- ↑ Аналоги SpeedTest: 10 сервисов, где можно измерить скорость интернета | РБК Тренды, РБК Тренды (30 Гожумшӧр 2025). Дата обращения: 6 Аршӧр 2025.
- ↑ Скорость отступа: в РФ хотят запретить использование сервиса SpeedTest, Известия (17 Аршӧр 2024). Дата обращения: 6 Аршӧр 2025.
- ↑ Роскомнадзор заблокировал в РФ сервис по замеру скорости интернета Speedtest, Interfax.ru (30 Гожумшӧр 2025). Дата обращения: 6 Аршӧр 2025.
- ↑ Аналоги SpeedTest: 10 сервисов, где можно измерить скорость интернета | РБК Тренды, РБК Тренды (30 Гожумшӧр 2025). Дата обращения: 26 Одзар 2025.
- ↑ Роскомнадзор заблокировал в РФ сервис по замеру скорости интернета Speedtest, Interfax.ru (30 Гожумшӧр 2025). Дата обращения: 26 Одзар 2025.
- ↑ Как проверить скорость интернета: пошаговая инструкция для компьютера и телефона, Hi-Tech Mail (30 Гожумшӧр 2025). Дата обращения: 6 Аршӧр 2025.