Епин Ефим Павлович

Епин Ефим Павлович
Епин Ефим Павлович
Чужан лун	1901 во аршӧр 1 лун
Чужанін	Кудымкар район, Коми-Пермяцкöй автономнöй округ[d];
Кулан лун	1981 во одзар 4 лун (79 лет)
Куланін	Москва, СССР[d];
Войскоэз род	пехота[d]
Донтан пассэз

Епин Ефим Павлович (1901 — 1981) — советскӧй военнӧй, генерал-майор, велӧтісь. Тӧдсажык мӧдік гижсян сьӧрті — Эпин^[1]^[2].

Олантуй

Чужис 1901 во аршӧр 1 лунӧ Илляын, Белоева посад дын.

Великӧй Отечественнӧй война одзын[вильмӧтны | править код]

1920 во одзгожумӧ босьтісӧ РККА-ӧ, ыстісӧ красноармейецӧн 2 запаснӧй полкӧ, кӧда сулаліс Иркутскын, сэсся кӧрттуй дорьян 110 отдельнӧй батальонӧ. 1921 во тулыспомсянь велӧтчис 9 Иркутскӧй пехотнӧй школаын. Сы помалӧм бӧрсянь 1924 во одзарӧ ыстісӧ 36 стрелковӧй полкӧ ( Сибирскӧй военнӧй округ), сэтӧн Епиныс юраліс стрелковӧй взводӧн, полковӧй школа взводӧн да стрелковӧй ротаӧн^[3].

1926 воӧ пырис ВКП(б)-ӧ. 1930 во аршӧрӧ пуктісӧ Владивостокскӧй пехотнӧй школаись взвод курсовӧй командирӧ, 1931 воӧ — 61 стрелковӧй дивизия штабись 4 отделеннё юралісьӧн (Приволжскӧй военнӧй округ)^[3].

1933 во тулысшӧрӧ ыстісӧ велӧтчыны М.В. Фрунзе нима Военнӧй академияӧ, Москваӧ. Сы помалӧм бӧрсянь 1936 во арпӧмын пуктісӧ 5 стрелковӧй дивизия штабись 3 часть начальникӧ (Белорусскӧй военнӧй округ). 1937 во гожумпосянь — 5 стрелковӧй корпус штабись отделеннё начальник отсасись да сэссяжык начальник, 1938 во одзарсянь — Бобруйскӧй армейскӧй группа штабись 1 отдел начальник. 1938 арпомсянь уджаліс РККА Генеральнӧй штабын, тодиль порученнёэз керисьӧн. 1940 тулысшӧрсянь уджаліс Генштаб Оперативнӧй управленнёын тыл отдел начальниклӧн одзись отсасисьӧн, одзарсянь — Тыл да снабженнё управленнёись тыл организация отдел 4 отделеннё начальниклӧн одзись отсасисьӧн^[3].

Великӧй Отечественнӧй война коста[вильмӧтны | править код]

1943 гожумшӧрӧдз уджаліс Генштабас. Сэсся Еинсӧ пуктісӧ юравны 76 стрелковӧй корпус штабӧн, кӧдӧ сы коста формируйтісӧ Люблиноын (Московскӧй область). Гожумшӧр 25 лунсянь одзтӧв 28 лунӧдз юралӧс быдсӧн корпуснас. Сы коста гожумпом 11 лунсянь 19 лунӧдз 76 стрелковӧй корпусыслісь вежісӧ дислокациясӧ, сія пырис Степнӧй фронтӧ да воюйтіс Днепр понда битваын. Аршӧр 1 лунӧ корпуссӧ лэдзисӧ Верховнӧй Главнокоманжующӧй Ставка резервӧ. Одзтӧв 14 лунӧ корпусыс пырис 13 армияӧ, воюйтіс Житомирско-Бердичевскӧй наступательнӧй операцияын, Новгород-Волынский, Ровно да Луцк мездӧмын. 1944 во тулыспомын корпусыс пырис 3 гвардейскӧй армияӧ, да сэсся воюйтіс Львовско-Сандомирскӧй наступательнӧй операцияын. Аршӧрын Епинсӧ пуктісӧ 253 стрелковӧй дивизия командирӧ, дивизияыс воюйтіс Висло-Одерскӧй, Сандомиро-Силезскӧй, Нижнесилезскӧй да Берлинскӧй наступательнӧй операцияэзын.

1945 тӧвпомын Епиныс кыкись вӧлі дойдӧм да контузитӧм.

Епиныслӧн дивизияыс петіс одзлань Нейсе да Шпрее юэз форсируйтӧм коста да Берлин дын, кытӧн босьтісӧ пленӧ 3000 немецкӧй солдат да офицер. Эта понда дивизияыслӧ вӧлі сетӧм 2 степеня Суворов нима Орден, а Епиныслӧ — 2 степеня Кутузов нима Орден. Сэсся дивизияыс воюйтіс Пражскӧй наступательнӧй операцияын^[3].

Война бӧрын[вильмӧтны | править код]

1945 во одзгожумын Епинсӧ пуктісӧ 103 гвардейскӧй стрелковӧй дивизия командирӧ, 1946 во гожумпомын — 13 гвардейскӧй стрелковӧй корпусись штаб командирӧ. 1949 во одзтулыссянь вӧлі ордчча Севернӧй группа главнокомандующӧйкӧт. Тулыспомын ыстісӧ велӧтчыны академическӧй курссэз вылӧ К.Е. Ворошилов ним Высшӧй военнӧй академияӧ. Помаліс курссэсӧ гӧрд донтапасӧн да 1950 во тулыспомӧ пондіс уджавны сія жӧ академияын старшӧй велӧтісьӧн.

1953 во тӧвшӧрӧ генерал-майор Ефим Павлович Епин петіс запасӧ. Куліс 1981 во одзар 4 лунӧ Москваын. Дзебӧм Москваын.

Донтан пассэз

Ленин нима Орден
Гӧрд дӧрапас Орден (куима)
Кутузов нима Орден (кыка)
Медодзза степеня Отечественнӧй война Орден
Гӧрд кӧдзув Орден
Медаллез

Лыддьӧтан

Великая Отечественная: Комкоры. Военный биографический словарь / Под общей редакцией М. Г. Вожакина. — М.; Жуковский: Кучково поле, 2006. — Т. 1. — С. 646—647. — ISBN 5-901679-08-3.
Великая Отечественная: Комдивы. Военный биографический словарь. Командиры стрелковых, горнострелковых дивизий, крымских, полярных, петрозаводских дивизий, дивизий ребольского направления, истребительных дивизий. (Пивоваров – Яцун). — М.: Кучково поле, 2014. — Т. 5. — С. 1082—1083. — 1500 экз. — ISBN 978-5-9950-0457-8.

Ыстӧттэз

↑ Приложение 4. Наши генералы и адмиралы // Пермскии сборник : Материалы 17-х Смышляевских чтений, Пермь, 19 мая 2021 года. Том 6. – Пермь: Государственное краевое бюджетное учреждение культуры «Пермская государственная ордена "Знак Почёта" краевая универсальная библиотека им. А.М. Горького», 2021. – С. 316-329. – EDN AXZDAI.
↑ С. И. Лесникова. «Безмолвные свидетели» истории Великой Отечественной войны в фотодокументальной коллекции Коми-Пермяцкого краеведческого музея им. П. И. Субботина-Пермяка // Сборник докладов конференции «Фотография в музее». Государственный музейно-выставочный центр РОСФОТО. 2020 г.
↑ ¹ ² ³ ⁴ Эпин Ефим Павлович / Память народа 1941-1945

[1] Приложение 4. Наши генералы и адмиралы // Пермскии сборник : Материалы 17-х Смышляевских чтений, Пермь, 19 мая 2021 года. Том 6. – Пермь: Государственное краевое бюджетное учреждение культуры «Пермская государственная ордена "Знак Почёта" краевая универсальная библиотека им. А.М. Горького», 2021. – С. 316-329. – EDN AXZDAI.

[2] С. И. Лесникова. «Безмолвные свидетели» истории Великой Отечественной войны в фотодокументальной коллекции Коми-Пермяцкого краеведческого музея им. П. И. Субботина-Пермяка // Сборник докладов конференции «Фотография в музее». Государственный музейно-выставочный центр РОСФОТО. 2020 г.

[:0-3] ¹ ² ³ ⁴ Эпин Ефим Павлович / Память народа 1941-1945

[1]

[2]

[3]