Елькин Михаил Андреевич
| Елькин Михаил Андреевич | |
|---|---|
 | |
| Чужан лун | 1958 во арпом 21 лун (67 лет) |
| Чужанін | |
| Канму | |
| Велӧтчанін | |
| Удж | кывбур гижись, вуджӧтісь |
Елькин Михаил Андреевич (1958 во арпом 21 лун, Сёська (Сыктывдін район), Коми Республика) — коми гижись, вуджӧтісь.
Олантуй
Михаил Елькин чужис 1958 во арпом 21 лунӧ Коми АССР-лӧн Сыктывдін районісь Сёська сиктын.
Сёськаись кыкьямыс класса школа помалӧм бӧрын кык дырна велӧтчис Выльгортісь агротехникумын (1973—1975). Сыбӧрын кысъяліс Советскӧй армияын (1977—1978). Гортас бертӧм бӧрын уджаліс стройка вылын (1978—1981), вӧлі судоводительӧн (1981—1985)[1]. 1987 воӧ помаліс рытся школа[2].
1992 воӧ помаліс Москваын А. М. Горький нима Литературнӧй институт.
1986 восянь уджаліс «Войвыв кодзув» журналын, 1996—2014 воэзӧ вӧлі сы юралісь редакторӧн.
Гижан удж
Медодзз кывбурсӧ йӧзӧтӧм 1974 воӧ «Войвыв кодзув» журналын. Быдӧссӧ сылӧн лэдзӧмӧсь 7 кывбур чукӧр комиӧн да рочӧн: «Ӧзын» (1986), «Восьса сьӧлӧмӧн» (1989), «Лысва» (1994), «Бурас эскӧмӧн» (2000), «Арся дзоридзьяс» (2004), «Кодзула эжа» (2013), «Зарава» (2018).
1991 восянь пырӧ Россия гижиссез союзӧ.
Небӧггес
- Елькин М. А. Öзын : кывбуръяс / редактор А. В. Некрасов ; серпасалiс В. В. Токарев. — Сыктывкар: Коми книжнöй издательство, 1986. — 43 с.
- Елькин М. А. Восьса сьöлöмöн : кывбуръяс (Ордым). — Сыктывкар: Коми книжнöй издательство, 1989. — 31 с.
- Елькин М. А. Лысва : кывбуръяс. — Сыктывкар: Коми книжное издательство, 1994. — 62 с.
- Елькин М. А. Бурас эскöмöн : кывбуръяс, вуджöдöмъяс. — Сыктывкар: Коми небöг лэдзанiн, 2000. — 122 с.
- Елькин М. А. Арся дзоридзьяс : кывбуръяс. — Сыктывкар: Коми небöг лэдзанiн, 2004. — 158 с.
- Елькин М. А. Кодзула эжа : кывбуръяс. — Сыктывкар: Коми республикаса гижысь котыр, 2013. — 142 с. — ISBN 978-5-7934-0545-4.
- Елькин М. А. Зарава: кывбуръяс. — Сыктывкар: Коми Республикаса гижысь котыр, 2018. — 318 с. — ISBN 978-5-6041870-6-7.
Донтан пассэз да премияэз
- Коми Республикалӧн культураын Заслуженнӧй уджалісь;
- Коми Республика канмуся премиялӧн кыкись лауреат (литература юкӧнын И. А. Куратов нима премия К. Жаковлісь «Биармия» поэма комиӧтӧм понда (1996);
- Коми Республика правительстволӧн премия лауреат (2007);
- «Зарава» небӧгыс лоис медбур 2018 воӧ лэдзӧм коми небӧгӧн (2018)[3].
Пасйӧттэз
- ↑ Елькин Михаил Андреевич. Культурная карта Коми Республики. Видзӧтӧм 8 Аршӧр 2025.
- ↑ Елькин Михаил Андреевич. Национальная электронная библиотека Республики Коми. Видзӧтӧм 8 Аршӧр 2025.
- ↑ В Коми названы лучшие книги 2018 года рус.. Комиинформ (2019-05-14). Видзӧтӧм 8 Аршӧр 2025.