Еланский Андрей Анатольевич
| Еланский Андрей Анатольевич | |
|---|---|
 | |
| Чужан лун | 1968 во одзар 25 лун |
| Чужанін | Усть-Чёрнӧй, Гайна район,Коми-Пермяцкӧй национальнӧй округ, РСФСР, СССР |
| Званнё | мл. сержант |
| Сраженнёэз/войнаэз | Специальнӧй военнӧй операция Украинаын |
| Донтан пассэз |
 |
Еланский Андрей Анатольевич (1968 во одзар 25 лун, Усть-Чёрная, Гайна район, Коми-Пермяцкӧй национальнӧй округ, РСФСР, СССР) — Специальнӧй военнӧй операцияын участник, механик-водитель, Российскӧй Федерациялӧн Герой (2024).
Олантуй
Чужис 1968 во одзар 25 лунӧ Коми-Пермяцкӧй округ Гайнскӧй районісь Усть-Чёрная посёлокын. 1985 воӧ помаліс шӧрӧт школа. Уджаліс слесарьӧн. Помаліс Кудымкар вӧртехникумын машинист курссэз. 1986—1988 воэзӧ кысъяліс армияын, инженернӧй войскаэзын, да вӧлі каменщикӧн военнӧ-строительнӧй часттезын. Демобилизация бӧрын уджаліс Черновскӧй ЛПХ-ын увкералісьӧн[1]. Кузь олан сьӧрна уджаліс вӧрзаптісь тракористӧн вахтаэзӧн ойвылын.[2]
2023 во одзтулысӧ гижсис СВО зонаӧ мунӧм понда контрактӧ, кысъяліс эвакуационнӧй группаын механик-водительӧн.
2024 во тӧвшӧр 15 лунӧ Червона Диброва посад дынісь эвакуируйтіс сьӧкыта дойдӧм военнӧйезӧс. Ачыс вӧлі ӧддьӧн дойдӧм коккезас да синтӧмавтӧдз юрас.
2024 во одзтулыс 11 лунся Российскӧй Федерация Президент Указӧн вӧлі донъялӧм «Российскӧй Федерациялӧн Герой» званнёӧн да «Зарниа кӧдзув» медальӧн, лэбтӧм рядовӧйсянь младшӧй сержантӧдз[3]. Медальыс вӧлі сетӧм Москваын 2024 во одзгожум 11 лунӧ[2][4].
Пермскӧй крайлӧн губернатор Дмитрий Махонин гижис Геройыс йылісь[5]:
«Андрей Анатольевичыслӧн подвиг историяыс былись пырӧ сьӧлӧмӧ — сія кысъяліс МТЛБ механик-водительӧн эвакуационнӧй группаын. Сылӧ вӧлі сетӧм приказ вайӧтны дойдӧм боеццесӧ опастӧм зонаӧ, сы коста сія сюрис лыйсьӧм увтӧ. Вӧлі ӧддьӧн дойдӧм, дзикӧдз синтӧмалӧм, но одзлань эвакуируйтіс. Ачыс муніс госпиталяс заданнёсӧ керӧмыс бӧрсянь».
Ӧння кадӧ уна кад чулӧтӧ госпителлезын, кытӧн веськӧтӧны сы синнэсӧ.
Участвуйтӧ патриотическӧй мероприяттёэзын Гайнскӧй районісь школаэзын[6].
Донтан пассэз
- Российскӧй Федерациялӧн Герой, «Зарниа кӧдзув» медаль (11.03.2024).
Донъялӧм
Пасйӧттэз
- ↑ Еланский Андрей Анатольевич рус.. Сайт «Герои страны».
- ↑ 1 2 Анна Шайбакова. Как Андрей Еланский из Усть-Чёрной Звезду Героя получил. 14.06.2024. Парма-Новости
- ↑ Впервые житель Пермского края стал Героем России за участие в СВО. 17 июня 2024. Новый компаньон
- ↑ Андрей Еланский из Усть-Чёрной получил свою награду Героя России. 12.06.2024. Парма-Новости
- ↑ Михаил Боталов. Житель Пермского края получил звание Героя России за мужество в ходе СВО17.06.2024 АиФ-Прикамье
- ↑ Анна Шайбакова Участника СВО из Усть-Чёрной представили к высшей награде «Герой России». 03.06.2024. Парма-Новости
- ↑ Елена Истомина. Детский футбольный турнир в Перми назвали именем героя России из Гайн Парма-Новости (28.03.2025)