Дӧс Вежаэз нима вичку (Нытва)
| Вичку | |
| Дӧс Вежаэз нима вичку | |
|---|---|
 | |
| 57°56′56″ с. ш. 55°19′20″ в. д.HGЯO | |
| Канму | |
| Инас | Нытва |
| Аркмӧтӧм кад | 1871 во |
| Статус |
 Россия йӧззэзлӧн культура эмбур объект региональнӧй тӧдчӧта. Рег. № 591510335140005 (ЕГРОКН). Объект № 5930474000 (БД Викигида) |
 |
|
Дӧс Вежаэз нима вичку (рочӧн Храм во имя Всех Святых, сідзжӧ Всехсвятская церковь г. Нытвы) — дзебсян вичку Нытва важ шойнаын, пырӧ Роч православнӧй вичку Пермскӧй митрополиялӧн Кудымкар епархиялӧн Успенскӧй благочиннёӧ. Регион тӧдчӧта культура эмбур объект.
История
1840 воэз пондӧтчикӧ Нытва завод ойвыв дорын, Фарутка шор дынын, вӧлі лӧсьӧтӧм виль шойна. Сы понда вӧлі лэбтӧм изісь часовня. Сьӧмнас отсалісӧ заводыслӧн эмаліссез — Голицын княззез. Удж котыртӧмӧ ыджыт пай пуктіс управляющӧй, отставнӧй титулярнӧй советник Пётр Иванов, кӧда юраліс часовня лэбтӧмнас, да сетіс ассис деньга уджалӧм понда[1].
Часовнясӧ быдсӧн лэбтісӧ 1845 воӧ[2]. Сылӧн ыждаыс вӧлі «5,5 сажень кузянас да 2 сажень 2 аршин паськытанас». «Пермскӧй епархиялӧн Оханскӧй округись вичкуэз состояние йылісь 1854 вося рапортын» сія касьтывсьӧ кыдз «изовӧй часовня ӧтласа шойнаын, кӧда вежаӧтӧм Дӧс вежаэз донтӧмӧн». Сэтшӧмӧн часовняыс вӧлі 1871 воӧдз[1].
1871 воӧ часовняыс вӧлі пӧртӧм вичкуӧ Чердынын чужӧм да Царскӧй селоын олӧм купец Павел Кузнецовлӧн инициатива сьӧрті. Реконструкция йылісь решеннёсӧ сія примитіс, сідз кыдз сы аймамыс — Александр Никитич да Анастасия Васильевна Кузнецоввез, да а сідзжӧ сы увтырись мӧдік отир вӧлісӧ дзебӧмӧсь Нытва шойнаын[2].
1873 во одзгожум 3 лунӧ Дӧс Вежаэз нима вичкусӧ вежаӧтіс Нытва Спасскӧй вичкуись священник Алексей Пьянков[3]. Вичкуыс вӧлі гижӧм Спасскӧй храм дынӧ[4].
Дӧс Вежаэз нима вичкуыс советскӧй кадӧ вӧлі дзир ӧтік вичку Нытваас, сійӧ эз пӧднавлӧ[2].
Пермскӧй областьлӧн губернатор № 713-р 2000 во одзтӧв 5 лунся тшкӧтӧмӧн вичкуыс вӧлі сувтӧтӧм канмуся учёт вылӧ кыдз регион тӧдчӧта история да культура памятник.
2003 во гожумшӧр 9 лунсянь вичкуас кысъялӧ иерей Василий Авдеев[3].
Архитектура сьӧрті ассяма
Дӧс Вежаэз нима вичкуыс — православие сьӧрті традиционнӧй храм, сыӧ пыранін рытвылын, алтарьыс — асыввылын. Керкуыс весьтын лэбтӧм купол. Пыранін весьтас керӧм йӧрйӧм аркаа колокольня. Асыв ладорсяняс керкуыскӧт ордчӧн сулалӧ неыджыт апсида, кӧдалӧн фасад вылас эм Мездісьлӧн енбан. Рытланяс сулалӧ ӧтік сувда кирпичись керӧм трапезнӧй. Храмыс рӧмсьӧтӧм чочкомӧн, лӧзвевья аркаа[1].
Пасйӧттэз
- ↑ 1 2 3 150 лет исполнилось со дня освящения Нытвенской Всехсвятской церкви рус.. Нытвенский историко-краеведческий музей (2023-06-11). Видзӧтӧм 28 Гожумшӧр 2025.
- ↑ 1 2 3 Церковь Всех Святых рус.. Нытвенский городской округ. Видзӧтӧм 28 Гожумшӧр 2025.
- ↑ 1 2 Кладбищенская церковь во имя Всех Святых, г. Нытва | Официальный сайт храма (ru-RU). pogost-nitva.cerkov.ru. Видзӧтӧм 28 Гожумшӧр 2025.
- ↑ Шумилов Е. Н. Православные и единоверческие храмы Пермского края: краткий исторический справочник. — Пермь, 2015. — С. 29. — 62 с.