Дьяконов Николай Михайлович
| Дьяконов Николай Михайлович | |
|---|---|
 | |
| Чужан лун | 10 (23) тулысшӧр 1911 во |
| Чужанін | |
| Кулан лун | 1982 во арпом 21 лун (71 год) |
| Куланін | |
| Канму | |
| Велӧтчанін | |
| Удж | гижись, театрын режиссёр, драматург, орсісь, режиссёр |
| Жанр | театральная пьеса[d] |
| Гижан кыв | Коми кыв |
| Донтан пассэз |
    |
Дьяконов Николай Михайлович (10 (23) тулысшӧр 1911 во, Емдін[d] — 1982 во арпом 21 лун, Сыктывкар, Коми АССР[d]) — коми гижись, драматург, театрын орсісь, режиссёр, Коми АССР-лӧн Народнӧй артист, РСФСР-лӧн Заслуженнӧй артист. СССР-лӧн канму премиялӧн лауреат (1950)[1].
Олантуй
Николай Дьяконов чужис 1911 во тулысшӧр 10 лунӧ (важмоз — одзтулыс 28 лунӧ) Вологда губерняись Яренск уездлӧн Емдінын. Небыдса школа помалӧм бӧрын ямшикалӧма, кылӧтӧма вӧр.
1929 воӧ уджаліс Емдін нардом юралісьӧн. 1931 воӧ велӧтчис Сыктывкарын коми театр курссэзын да орсіс театрын.
1932—1936 воэзӧ велӧтчис Ленинградын театральнӧй искусство институт бердся коми студияын. 1937 воӧ искусство делоэз кузя управленнё ыстіс сійӧ Луздор районісь Абъячойӧ организуйтны колхозно-совхознӧй театр; квать тӧлісь сьӧрна Н. М. Дьяконов вӧлі сы художественнӧй веськӧтлісьӧн[2].
1939—1952 воэзӧ уджаліс Коми национальнӧй драмтеатрын актёрӧн да режиссёрӧн. 1939 воӧ велӧтчис Москваын куим тӧлісся режиссёрскӧй курссэзын. Сылӧн литературно-художественнӧй творчествоыс пондӧтчис 1937 воӧ; актёрскӧй удж, сценалісь законнэз тӧдӧм отсалісӧ лӧсьӧтны пьесаэз. Войнаӧдз актёр да драматург С. Ермолинкӧт ӧтлаын гижис не ӧтік пьеса. Драмаын «Джуджыт запань» (1939) мыччалӧм вӧр кылӧтісь удж, пьесаэзын «Кырнышшез» (1938), «Домна Каликова» (1939), «Мужество» (1944) — Комиын гражданскӧй война. Драмаын «Кулӧмдін бунт» (1949) мыччалӧм Кулӧмдінын крестьянскӧй восстаннё 1841 воӧ. 1941—1945 воэзӧ Н. Дьяконов гижис пьеса «Герой», кӧдӧ ошкӧм Советскӧй Союзлісь Герой Н. Оплеснин[2].
1943 воӧ Н. М. Дьяконов организуйтіс республиканскӧй драмтеатр бердся студия, кытӧн велӧтчисӧ актёррез, кӧдна сёрӧнжык лоисӧ паськыта тӧдсаӧсь Комиын — М. А. Красильников, Г. П. Лыткина, Л. Ф. Ильчуков, Э. А. Попов да мӧдіккез[2].
Режиссёрӧн уджалікӧ Н. Дьяконов керис 70 мымда спектакль.
Куліс 1982 во арпом 21 лунӧ, дзебӧм Сыктывкарын.
Удж
Драматургия юкӧтын Николай Дьяконов пондӧтчӧ уджавны 1930-ӧт воэзӧ. Степан Ермолинкӧт ӧтлаын сія гижӧ квать пьеса: «Джуджыт запань» (1938), «Кырнышшез» (1938), «Домна Каликова» (1939) да мӧдіккез.
Драматурглӧн творчествоын аслыссяма тшупӧтӧн лоис лирическӧй комедия «Свадьба приданнӧйӧн» (1948) гижӧм. Роч кыв вылын (уджӧтіс А. Глебов) пьесаыс вӧлі сувтӧтӧма Московскӧй Сатира театр сцена вылын, сыбӧрын чожа мыйись аслас репертуарӧ пыртӧмась и визирсайся театррез.
«Куим багатыр» (1960), «Квартет Николая Курочкина» (1962), «Нива-Нивушка» (1981) да мӧдік темаэзын гижисьыс серпасалӧ коми деревня одзын сулалан моггез.
1939 восянь СССР-ись гижиссез котырын.
Донтан пассэз
- СССР-лӧн канму премия лауреат (1945);
- Коми АССР-ись Народнӧй артист (1945);
- РСФСР-лӧн Заслуженнӧй артист (1951);
- «Почёта пас» кык орден.
Пасйӧттэз
- ↑ Дьяконов Николай Михайлович. Национальная библиотека Республики Коми. Видзӧтӧм 13 Арпом 2025.
- ↑ 1 2 3 Кузнецова Т. Николай Михайлович Дьяконов / Т. Кузнецова // Писатели Коми : биобиблиогр. слов. : в 2 т. — Сыктывкар, 2017. Т. 1 : А Л. С. 266—269.