Духова Алла Владимировна
| Духова Алла Владимировна | |
|---|---|
 | |
| Чужан ним: | рочӧн Алла Владимировна Духова |
| Чужан лун: | 1966 во арпом 29 лун |
| Чужанін: | Кӧс, Кӧс район, Коми-Пермяцкӧй национальнӧй округ, РСФСР, СССР |
| Канму |
 СССР Российскӧй Федерация |
| Удж | йӧктісь, хореограф |
| Сайт | todestheater.ru |
Духова Алла Владимировна (1966 во арпом 29 лун, Кӧс посад, Кӧс район, Коми-Пермяцкӧй национальнӧй округ, РСФСР, СССР) — советскӧй да российскӧй хореограф, «Тодес» балет аркмӧтісь да юралісь.
Олантуй
Чужис 1966 во арпом 29 лунӧ Кӧсын роч кыв велӧтісь да физкультура велӧтіссез семьяын[1]. Во бӧрті Духоввезлӧн семьяыс овмӧтчис Ригаӧ, кытӧн олісӧ айыслӧн аймам. Айыс кутчис уджавны Рига мопедкеран заводын, мамыс пукаліс гортас[2].
11 восянь йӧктіс «Ивушка» нима йӧктан ансамбльын (художествоа юралісь да велӧтісь Валентина Лайзане кипод увтын). Велӧтіссезнас сідзжӧ вӧлісӧ Белоруссия канмуся йӧктан ансамблись локтӧм Юрий Шуркин да Ригаись хореография училищеись Эдуард Дубовицкий[2].
Шӧрӧт школа помалӧм бӧрын уджаліс йӧктісьӧн циркын, но травма кузя муніс[2]. Недыр уджаліс пионерскӧй лагерьын йӧктӧм велӧтісьӧн, сэсся вӧлі корӧм уджавны Ригаись культура дворецӧ.
16 восяна ӧктіс ассис медодзза йӧктан коллектив — «Эксперимент», кӧда йӧктіс ӧння кадся хореография, унажыксӧ джаз-модерн. 1987 воӧ «Экспериментыс» ӧтлаасис Ленинградісь «Тодес» нима йӧктан коллективкӧт, кӧдаын йӧктіссезнас вӧлісӧ том зонкаэз, ӧтлаӧтӧм коллективыс пондіс шусьны «Тодес» балет[2]. Духоваыс вӧлі бӧрйӧм коллективлӧн художественнӧй юралісьӧн[3].
1998 воӧ осьтіс Москваын медодзза балет сьӧрті школа-студия. 1998 воӧ кыдз хореограф уджаліс Роман Виктюк театрын «Саломея» спектакль керӧмын[4].
2014 восянь сія уджалӧ кыдз Алла Духовалӧн йӧктан театр TODES, кӧдаын сія уджалӧ сценаристӧн, режиссёрӧн, балетмейстерӧн да продюсерӧн[3].
Семья
- Кык зон — Владимир (чуж. 1995), Константин (чуж. 2002)[1].
- Томжык сойыс — Дина, Todes медодзза составын йӧктісь, Ригаын Todes студиялӧн директор[3].
Пасйӧттэз
- ↑ 1 2 Алла Духова // Биография Домашний Видзӧтан кад: 19.06.2025
- ↑ 1 2 3 4 Мемория. Алла Духова // Полит.ру : интернет-издание. — 2015. — 29 Арпом.
- ↑ 1 2 3 Бугрименко Оксана. Сделать шаг // Forbes : журнал. — 2014. — 3 Одзгожум.
- ↑ Саломея Архивная копия от 24 Тулыспом 2021 на Wayback Machine // Театр Романа Виктюка
Ыстӧттэз
- Деловая мама Алла Духова // АиФ Дочки-Матери : газета. — 2004. — 24 Одзгожум (№ 12).
- Миленко Елена. Хореограф Алла Духова // Новые Известия : газета. — 2014. — 29 Тулысшӧр.
- Пурцеладзе Лолита. Алла Духова: Ради карьеры я пожертвовала личной жизнью // Собеседник : газета. — 2018. — 26 Тӧвпом.
- Первое интернет телевидение Видео интервью с Аллой Духовой рус.. Первое Интернет Телевидение (2011).