Доноррезӧс национальнӧй донтан лун Россияын
| Доноррезӧс национальнӧй донтан лун Россияын | |
|---|---|
 | |
| Аркмӧтӧм | 2007 во тӧвпом 20 лун |
| Чулӧтӧны |
 Российскӧй Федерация |
| Лун | тулысшӧр 20 лун |
| Чулӧтӧм | быд во |
| Традицияэз | ошкӧм, конференцияэз |
| Йитӧм | медодзза Российскӧй империяын чулӧтӧм гемотрансфузияӧн |
Доноррезӧс национальнӧй донтан лун Россияын (рочӧн Национа́льный де́нь до́нора в Росси́и) — Россияын чулӧтан донтан лун, кӧда чулӧтьсӧ быд во тулысшӧр 20 лунӧ. Удж кодекс сьӧрті, абу шоччисян лун. Пуктӧм сы лунӧ, кӧр Россияын вӧлі чулӧтӧм медодзза гемотрансфузия — 1832 во тулысшӧр 20 лунӧ.
История
1832 во тулысшӧр 20 лунӧ Санкт-Петербургись акушер Андрей Вольф медодззаись чулӧтіс гемотрансфузия (вир вежӧм) чужтісь мамлӧ, кӧда ӧштіс уна вир кага чужтікас[1]. Сія используйтіс аппарат да методика Джеймс Бланделлісь, кӧда одзжык (1818 во одзар 25 лунӧ) керис трансфузиясӧ Лондонын[2]. Одзлань Вольфыс керис эшӧ квать процедура, сэсся сійӧ жӧ унаись керис врач да хирургия профессор Сергей Коломнин.
2007 во тӧвпом 20 лунӧ Доноррезӧс национальнӧй донтан лун вӧлі аркмӧтӧм Госдумаӧн доноррез да вир ӧктан служба проблемаэз заседаннё коста[3]. 2008 восянь РФ Отир лысин видзан министерство да Россиялӧн медико-биологическӧй федеральнӧй агентство реализуйтӧны отирӧн вир сетан сьӧрті ыджыт программа[4]. 2024 во кеж, Вир ӧктан службаӧ пырӧны 487 организация да 100 сюрс мымда медицинаын уджалісь[5].
Чулӧтан традиция
Доноррезӧс национальнӧй донтан лунӧ Россияын чулӧтсьӧны медицина уджаліссезкӧт пресс-конференцияэз, тематическӧй выставкаэз, конференцияэз. Медицинскӧй центррез да станцияэз чулӧтӧны вир сетан сьӧрті содтӧт акцияэз[6]. Эта лунӧ ошкӧны отирӧс, кӧдна сетісӧ вир нето сы компоненттэз[7]. Россияын почётнӧй доноррезӧн лыддьӧны отирӧс, кӧдна дон босьттӧг 40-ись сетісӧ вирнысӧ да сылісь компоненттэсӧ нето 60-ись сетісӧ плазманысӧ. Морос пас киння, почётнӧй доноррезлӧ сетсьӧны содтӧт льготаэз, ны лыдын позьӧс дон босьттӧг ветлыны общественнӧй транспортӧн[8].
Содтӧт информация
- 2005 воӧ вӧлі аркмӧтӧм Доноррезлӧн мирпасьта лун. Сія чулӧтсьӧ одзгожум 14 лунӧ. Сія лунӧ чужис Карл Ландштейнер, физиология да медицинаын Нобель нима премиялӧн лауреат, кӧда туяліс да адззис мортлісь вир группаэз[9].
- ФМБА сьӧрті, 2024 воӧ Россияын вир ӧктӧмыс содіс 6 %-ӧн одззавосянь да лоис 2,6 млн литр, 458 сюрс мымда донор вӧлісӧ пыртӧмӧсь федеральнӧй регистрӧ[6].
- Великӧй Отечественнӧй война коста доноррезлӧн лыдыс вӧлі 5,5 млн морт мымда, армияӧ вӧлі ыстӧм 1,7 млн литрся унажык консервируйтӧм вир, кӧдӧ вӧлі видзӧм 7 млн вирвежӧм понда. Войнаыс коста «СССР-лӧн Почётнӧй донор» мороспасӧн вӧлісӧ ошкӧмӧсь 15 000 морт[10].
Доноррез гора нима отир коласын
- Джеки Чан — пыр сетӧ вирсӧ, 2002 воӧ, «Смокинг» фильмын снимайтчикӧ, лоис Канада вир ӧктан служба донорӧн.
- Криштиану Роналду — 2008 воӧ лоис «Гӧрд крест лыд» компаниялӧн синбанӧн, сюрса вем донор.
- Джессика Альба — сетӧ вирсӧ челядь госпиталь понда.
- Екатерина Стриженова — сетӧ вирсӧ томувсянь[4].
- Татьяна Навка — 2011 воӧ вӧлі LG компаниялӧн посолӧн донорство зорӧтӧм сьӧрті[11].
Пасйӧттэз
- ↑ Национальный день донора в России.
- ↑ Есть повод гордиться (2007-04-17).
- ↑ Национальный День донора крови в России, РИА Новости (11 Тулысшӧр 2025). Дата обращения: 17 Тулысшӧр 2025.
- ↑ 1 2 Навка сдаёт кровь168#id1887947 Звездная кровь, Коммерсантъ (20 Тулысшӧр 2022). Дата обращения: 18 Тулысшӧр 2025.
- ↑ Вероника Скворцова: В России донорство является не только почетной и благородной миссией, но и важнейшей государственной задачей (2024-06-11).
- ↑ 1 2 «Единая Россия» организует по всей стране мероприятия к Национальному дню донора крови (2025-04-16).
- ↑ 14 июня — Всемирный день донора крови: традиции, тема и мероприятия 2024 года, Известия (13 Одзгожум 2024). Дата обращения: 17 Тулысшӧр 2025.
- ↑ Национальный день донора в России (2020-04-20).
- ↑ Всемирный день донора крови, РИА Новости (14 Одзгожум 2024). Дата обращения: 17 Тулысшӧр 2025.
- ↑ Любопытные факты.
- ↑ Татьяна Навка стала послом донорства (2011-04-20).
Ыстӧттэз
|
Эта материал право видзисьӧн лоӧ АНО «Интернет-энциклопедия «РУВИКИ». Материалсӧ позьӧ пуктыны мӧдік сайттэзын АНО «Интернет-энциклопедия «РУВИКИ» корӧмӧн. |