Давыдов Эммануил Владимирович
| Давыдов Эммануил Владимирович | ||||||
|---|---|---|---|---|---|---|
 | ||||||
| Псевдоним | «Пономарь» | |||||
| Чужанін | Пермскӧй край, Кизел | |||||
| Киндор |
 106-ӧт гвардейскӧй воздушно-десантнӧй дивизия |
|||||
| Войскоэз род | ВДВ | |||||
| Званнё |
 гвария старшӧй лейтенант |
|||||
| Тышккез/войнаэз | СВО Украинаын (2022 восянь) | |||||
| Донтан пассэз |
|
|||||
Давыдов Эммануил Владимирович — Российскӧй Федерация ВС военнослужащӧй, гвардия старшӧй лейтенант[1]. ВДВ 106-ӧт дивизияись 51-ӧт полк составын участвуйтӧ специальнӧй военнӧй операцияын[2]. Российскӧй Федерациялӧн Герой (2025)[3].
Фронтовӧй нимкодьыс — «Пономарь»[4].
Олантуй
Эммануил Давыдов чужис Кизелын спецназ офицер семьяын[5].
2023 воӧ помаліс Рязанскӧй высшӧй воздушно-десантнӧй команднӧй училище[4]. Вӧлі ыстӧм Брянск областьӧ, сыбӧрын шыасис командованнё дынӧ корӧмӧн вуджӧтны сійӧ Курск областьӧ ВСУ паныталӧм понда[5].
2024 восянь ВДВ 106-ӧт дивизияись 51-ӧт полк составын пессис Украиналӧн вооружённӧй формированнёэзкӧт, кӧдна пырисӧ Курск областьӧ[4]. Кык недель сьӧрна видзсис ӧтнас кольччӧмӧн визир дорын[6].
Боевӧй заданнёэз керӧм коста неӧтпырись вӧлі дойдӧм[6]. СВО зонаын воюйтікӧ повтӧм да героизм понда вӧлі ошкӧм канмуся донтан пассэзӧн[7].
Подвигыс
«Комсомольская правда» газеталӧ интервьюын Эммануил Давыдов висьтасис, мый Курск областьӧ локтӧн сія планируйтіс керны траншеяэзлісь система, медбы эффективнӧя пантавны ВСУ атакаэз[4]. Но противникыс, сы шуӧмӧн, «пырис кык час бӧрті… ковсис импровизируйтны»[6]. Рацияӧт вӧлі юӧртӧм, мый военнослужащӧй да сылӧн напарник ладорӧ локтӧны украинскӧй вооруженнӧй формированнёэзлӧн танккез да боевӧй бронированнӧй машинаэз.
«Пономарь» да сылӧн ӧтполкись «Хакас» панталісӧ техникасӧ гранатометтэзісь лыйсьӧмӧн[4]. Эммануил Давыдов вӧлі дойдӧм пельпонас да юрас, но одзлань дорйис визир тор. Радиоӧт кыліс, кыдз сы йылісь баитӧ противник:
Ӧтікыс юасьӧ: «Мыйкӧ вӧрӧтчӧ миян паныт?» Мӧдыс шуӧ: «Да этія шардӧмыс, бинталӧм юраыс, котрасьӧ ӧнӧдз»[6].
Лӧньмӧм кадӧ «Пономарь» петавліс ВСУ-лӧн паздӧм техника дынӧ, мед адззыны боеприпассэз, радиостанциялӧ аккумуляторрез, сухпаёккез[4]. Вит лун бӧрті локтіс ӧтсӧт. Эта кадӧ российскӧй позицияэсӧ атакуйтісӧ «Леопарддэз» да шведскӧй БМПэз[6]. Боеццез лыйлісӧ нійӧ РПГ-эзісь:
Ӧтік бергӧтчис да пондіс мунны туй кузя, а ме сэтчин эшӧ медодзза лунас мый кери? Миннӧй шлагбаум сувтӧті. «Леопард» тшынасис ни гранатомётісь шедӧм бӧрын, механикыс пондіс нервничайтны и иньдӧтчис менам лӧсьӧтокӧ вылӧ. Сотчис сія, заразаыс, бура[6].
Кык недель дырнася бойез коста Эммануил Давыдов вӧлі дойдӧм куимӧтпыр — ударнӧй дронсянь[5]. Эта бӧрсянь командованнё тшкӧтіс эвакуируйтны старшӧй лейтенантсӧ госпитальӧ[6]. Сувтӧтӧм задачасӧ тыртӧм понда — ВСУ-лісь 12 техника ӧтса, ны лыдын и «Леопард» танк, паздӧм понда — боецыс вӧлі петкӧтӧм канмуся донтан пас дынӧ[7].
Техника, кӧдӧ паздіс Эммануил Давыдов.
Лӧньмӧм кадӧ Эммануил Давыдов петавліс паздӧм техника дынӧ, медбы кошшыны боеприпассэз да сухпаёккез.
Враглісь техникасӧ паздыны отсалісӧ БПЛА операторрез.
Донтан пассэз
Cодтӧт информация
Ӧтік интервьюын Эммануил Давыдов висьтасис ассис фронтовӧй нимкодьыс йылісь:
Ме чужи Пермскӧй крайын, олі Белогорскӧй монастырь дынын, Кунгур районісь Калинино деревнякӧт ордчӧн. Сэтӧн жӧ и вичкуалі. Вӧлі менам сэтшӧм духовнӧй наставник — батюшко Дорофей, кӧда ӧні Бахмут дорын. И айӧсянь, и батюшко Дорофейсянь ме быдӧс этӧ босьті ас пытшкам, сійӧн менам позывнӧйӧ — «Пономарь»[6].
Пасйӧттэз
- ↑ 1 2 Министр обороны РФ вручил медали «Золотая Звезда» отличившимся участникам СВО, Известия (10 Гожумшӧр 2025). Дата обращения: 10 Гожумшӧр 2025.
- ↑ Герой России Давыдов прокомментировал получение высшей награды, РИА Новости (10.07.2025). Дата обращения: 10 Гожумшӧр 2025.
- ↑ Минобороны России (10.07.2025).
- ↑ 1 2 3 4 5 6 Герой нашего времени: как молодой лейтенант две недели отражал атаки ВСУ, Хорошие новости (19.11.2024). Дата обращения: 10 Гожумшӧр 2025.
- ↑ 1 2 3 Дмитрий Махонин (10.07.2025).
- ↑ 1 2 3 4 5 6 7 8 С божьей помощью и заветами отца-спецназовца: русский богатырь две недели сдерживал наступление врага, КП (18 Арпом 2024). Дата обращения: 10 Гожумшӧр 2025.
- ↑ 1 2 3 Гилёва, Ольга. Жителя Пермского края удостоили звания Героя России — В курсе.ру, В курсе.ру (10 Гожумшӧр 2025). Дата обращения: 10 Гожумшӧр 2025.