Голев Иван Андреевич
| Голев Иван Андреевич | |
|---|---|
| Чужан лун | 1926 во |
| Чужанін | Улісь Кӧс, Кӧсладор район, Коми-Пермяцкӧй национаьнӧй округ, РСФСР, СССР |
| Кулан лун | абу тӧдса |
| Куланін | абу тӧдса |
| Киндор |
 СССР |
| Званнё | рядовӧй |
| Сраженнёэз/войнаэз | Великӧй Отечественнӧй война |
| Донтан пассэз |
 |
Голев Иван Андреевич (1926 во, Улісь Кӧс, Кӧсладор район, Коми-Пермяцкӧй национальнӧй округ, РСФСР, СССР — абу тӧдса) — Великӧй Отечественнӧй войнаын участник, петкӧтӧм Советскӧй Союзлӧн Герой званнё дынӧдз.
Олантуй
Чужис 1926 во одзтулысӧн Улісь Кӧсын[1]. Помаліс Кӧсісь шӧрӧт школа. Тӧлӧн уджаліс вӧрзаптісьӧн, гожумӧн вӧркылӧтісьӧн[1].
Гӧрд Армияын 1943 восянь[2], мӧдік даннӧйез сьӧрті 1944 воӧ[1]. Вӧлі Суворов нима ордена 107 гвардейскӧй Первомайскӧй дивизияись 352 гвардейскӧй стрелковӧй полкын пулемётчикӧн, рядовӧй[2][1][3].
1945 воӧ вӧлі петкӧтӧм Советскӧй Союзлӧн Герой званнё дынӧдз, но сы туйӧ вӧлі ошкӧм Гӧрд Дӧрапас орденӧн. Кыдз гижӧм награднӧй листас, 1945 во тулысшӧр 22 лунӧ Австрияись Трейзен карын завод дынын, сы ротаыслӧ ковсис кольны позициясӧ, сідз кыдз врагыс вӧлі унажыкӧн. Голевыс кольччис ӧтнас да одзлань видзсис, сы коста уничтожитіс 37 враг солдат да офицер, враглісь 3 пулемёт. Ротаыс бертіс да босьтіс быдсӧн заводсӧ ас кипод увтӧ. Голевыс вӧлі аслас позиция вылын. Ашынас, тулысшӧр 23 лунӧ, Голевыс бой коста падмӧтіс 3 пулемёт поз да уничтожитіс 13 враг солдат да офицер[3].
1945 во гожумпом 18 лунӧ дойдӧм кузя вӧлі ыстӧм госпитальӧ (ЭГ 1592)[2].
Донтан пассэз
- Гӧрд Дӧрапас орден (22.08.1945)[2]
Морт йылісь
- Коньшин А. Е. Он готовился к смерти… в 19 лет // Парма. 2020, 20 февраля.
- Голев Иван Андреевич // В. А. Алексеев. Боевые подвиги пермяков. Том 1. — Оса: ООО «Росстани-на-Каме», 2022. — С. 38. — 156 с. — ISBN 5-88441-032-8
Пасйӧттэз
- ↑ 1 2 3 4 Коньшин А. Е. Он готовился к смерти… в 19 лет // Парма. 2020, 20 февраля.
- ↑ 1 2 3 4 Голев Иван Андреевич, 1926 г.р. Память народа (видзӧтан кад 01.04.2025)
- ↑ 1 2 Голев Иван Андреевич // В. А. Алексеев. Боевые подвиги пермяков. Том 1. — Оса: ООО «Росстани-на-Каме», 2022. — С. 38. — 156 с. — ISBN 5-88441-032-8